Sirak 8
8
Stretfala tingting blong yu
1No raoa wetem eni bikman, nogud hemi kamap olsem bos long yu. 2No raoa wetem risman, nogud hemi baem pipol fo tokspoelem yu. Gol hemi spoelem finis plande pipol, an hemi save spoelem tu tingting blong olketa king. 3No raoa wetem man hu hemi save toktok tumas, bae yu mekem hem barava kros tumas. 4No laf long eniwan hu hemi krangge, nogud hemi stanap an suea long olketa olo grani blong yu. 5No tokspoelem eniwan hu hemi stat fo tanawe from sin. Yu mas save dat yumi evriwan nao i sin long ae blong God. 6No lukdaon long olketa olo, bikos yumi gogo fo olo tu. 7No hapi taem wanfala hemi dae, yu mas save dat bae yumi evriwan i dae tu.
8Lisin gudfala long wanem olketa waesman i talem. Falom waes toktok blong olketa, an bae yu lanem olketa gudfala samting an yu savegud fo duim waka fo olketa bikman. 9Lisin gudfala long wanem olketa olo i talem, bikos olketa tekem advaes long olketa olo grani blong olketa. Yu save lane long olketa, an evri gud advaes blong olketa bae tisim yu hao fo ansarem pipol taem olketa askem yu long enisamting.
10No helpem man blong sin fo gohed sin moa, yu seleva maet sin tu. Hemi olsem taem yu putum plande moa faeawud insaet long faea, hemi save bonem yu tu. 11No letem krangge man fo tok agensim yu, nogud hemi yusim olketa toktok blong yu seleva fo spoelem yu. 12No letem eniwan hu hemi strong winim yu fo kaonem enisamting long yu. Sapos olsem, no tingim bae hemi sensimbaek kaon blong hem. 13No talem eniwan hu yu kaon long hem wea bae yu sensimbaek enitaem nomoa, nomata yu no garem naf seleni long yu seleva. Sapos yu duim olsem, yu mas redi fo sensimbaek seleni ya. 14No tekem eni jaj long kot. Bae hemi winim yu, bikos hem nao waka blong hem. 15No go wetem eniwan hu hemi save mekem trabol, bae yu trabol tu olsem hem. Bae hemi duim enikaen samting wea hemi laekem, an bae yu dae wetem hem tu.
16No raoa wetem eniwan hu save kros kuiktaem, o go wetem hem eni ples wea yutufala save stap seleva. Kaen man olsem save kilim yu dae nomoa taem no eniwan fo helpem yu hemi stap. 17No askem krangge man fo advaes, bikos bae hemi no haedem enisamting wea yu talem long hem. 18No duim enisamting wea yu wande haedem taem man blong narafala ples hemi stap. Yu no save wanem nao bae hemi hapen bihaen sapos yu duim olsem. 19No talemaot olketa haed tingting blong yu long eniwan. Sapos yu duim olsem, yu maet lusim hapi laef blong yu.
Currently Selected:
Sirak 8: SIDC
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 8
8
Stretfala tingting blong yu
1No raoa wetem eni bikman, nogud hemi kamap olsem bos long yu. 2No raoa wetem risman, nogud hemi baem pipol fo tokspoelem yu. Gol hemi spoelem finis plande pipol, an hemi save spoelem tu tingting blong olketa king. 3No raoa wetem man hu hemi save toktok tumas, bae yu mekem hem barava kros tumas. 4No laf long eniwan hu hemi krangge, nogud hemi stanap an suea long olketa olo grani blong yu. 5No tokspoelem eniwan hu hemi stat fo tanawe from sin. Yu mas save dat yumi evriwan nao i sin long ae blong God. 6No lukdaon long olketa olo, bikos yumi gogo fo olo tu. 7No hapi taem wanfala hemi dae, yu mas save dat bae yumi evriwan i dae tu.
8Lisin gudfala long wanem olketa waesman i talem. Falom waes toktok blong olketa, an bae yu lanem olketa gudfala samting an yu savegud fo duim waka fo olketa bikman. 9Lisin gudfala long wanem olketa olo i talem, bikos olketa tekem advaes long olketa olo grani blong olketa. Yu save lane long olketa, an evri gud advaes blong olketa bae tisim yu hao fo ansarem pipol taem olketa askem yu long enisamting.
10No helpem man blong sin fo gohed sin moa, yu seleva maet sin tu. Hemi olsem taem yu putum plande moa faeawud insaet long faea, hemi save bonem yu tu. 11No letem krangge man fo tok agensim yu, nogud hemi yusim olketa toktok blong yu seleva fo spoelem yu. 12No letem eniwan hu hemi strong winim yu fo kaonem enisamting long yu. Sapos olsem, no tingim bae hemi sensimbaek kaon blong hem. 13No talem eniwan hu yu kaon long hem wea bae yu sensimbaek enitaem nomoa, nomata yu no garem naf seleni long yu seleva. Sapos yu duim olsem, yu mas redi fo sensimbaek seleni ya. 14No tekem eni jaj long kot. Bae hemi winim yu, bikos hem nao waka blong hem. 15No go wetem eniwan hu hemi save mekem trabol, bae yu trabol tu olsem hem. Bae hemi duim enikaen samting wea hemi laekem, an bae yu dae wetem hem tu.
16No raoa wetem eniwan hu save kros kuiktaem, o go wetem hem eni ples wea yutufala save stap seleva. Kaen man olsem save kilim yu dae nomoa taem no eniwan fo helpem yu hemi stap. 17No askem krangge man fo advaes, bikos bae hemi no haedem enisamting wea yu talem long hem. 18No duim enisamting wea yu wande haedem taem man blong narafala ples hemi stap. Yu no save wanem nao bae hemi hapen bihaen sapos yu duim olsem. 19No talemaot olketa haed tingting blong yu long eniwan. Sapos yu duim olsem, yu maet lusim hapi laef blong yu.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.