Sirak 6
6
1Taem yu kamap fren wetem pipol, yu mas no enemi wetem olketa. Sapos yu duim olsem bae pipol i meksem long yu olsem olketa man hu i save laea tumas. 2No letem wei blong yu fo lidim yu fo go rong, disfala samting ya save spoelem nogud laef blong yu. 3An bae yu olsem wanfala tri wea hemi dae finis, an hemi no garem eni lif o frut long hem. 4Ya, olketa nogud tingting blong yu save spoelem yu, an olketa enemi blong yu bae i tokspoelem yu an mekfan long yu.
Tru fren
5Sapos wei blong yu an toktok blong yu hemi naes, bae plande pipol nao save fren gud wetem yu. 6Yu save kaban wetem plande pipol, bat yu mas tekem advaes nomoa long wanfala long olketa. 7Taem yu kaban wetem pipol, no kuiktaem tumas fo trastem olketa. Yu mas savegud long olketa fastaem. 8Samfala pipol i frengud nomoa wetem yu long gud taem, bat olketa no save helpem yu taem trabol hemi kasem yu. 9Samfala fren blong yu bae i raoa wetem yu an lusim yu, an bihaen olketa storim yu long olketa narafala pipol fo meksem long yu. 10Samfala bae i kaban gud wetem yu an kaikai wetem yu. 11Ya, olketa save stap wetem yu fo helpem yu long olketa waka blong yu, bat olketa no save helpem yu taem trabol hemi kasem yu. 12Sapos yu mitim olketa trabol ya, bae olketa taneraon an agensim yu, an yu nating save lukim olketa long eniples.
13Stap farawe long olketa enemi blong yu, an lukaot long olketa fren blong yu. 14Gudfala fren hemi olsem wanfala sefples. Sapos yu faendem wanfala, Hemi olsem wanfala samting wea praes blong hem hemi dia tumas 15No enisamting hemi moabeta winim diswan, an no eni praes save fitim. 16Gudfala fren hemi olsem wanfala meresin fo kipim yu laef gudfala. Olketa hu i tinghae long Lod nomoa save faendem gudfala fren olsem. 17Eniwan hemi tinghae long Lod save fren gudfala, bikos bae hemi save lavem olketa fren blong hem olsem hemi lavem hem seleva.
Tising long waes
18Pikinini blong mi, yu mas save long gud blong Waes taem yu yang yet, an bae yu gohed fo save long hem taem yu olo. 19Yu#Jemes 5:7-8. mas waka had fo faendem Waes olsem wanfala man hemi waka had fo digim an plantem gaden blong hem, an hemi weitem gudfala frut long taem fo havest. Yu mas waka had fastaem fo faendem Waes, bat no longtaem bihaen, bae yu hapi long wanem yu hadwaka fo hem. 20Pipol hu i no herem gud advaes i faendem had fo save long wei blong Waes an fo falom wanem hemi talem. 21Olketa no save karim wei blong Waes ya, bikos hemi hevi tumas, so no longtaem nomoa olketa jes toroweaot. 22Evriwan olketa save long stretfala wei, bat no plande pipol nao i wande duim olketa stretfala samting olsem.
23Pikinini blong mi, herem mi,
an tekem gud advaes blong mi.
24Taengem rop blong Waes
raonem lek blong yu
an sen blong Waes raonem nek blong yu.
25Karim Waes long
solda blong yu
an no wari long hevi blong hem.
26Falom Waes an kipim
olketa wei blong hem
an putum insaet long haat blong yu.
27Faendem hem
an hem bae som hem seleva long yu.
Holetaet long hem
an no lusim hem.
28Nao bae yu faendem piis
wea hemi save givim long yu,
an bae hemi mekem yu hapi.
29Wei blong slev wea hemi stap long yu
bae hemi mekem yu kamap olsem king.
30Hevi blong hem
hemi olsem gol sen
wea yu werem long solda,
an bae hemi gadem yu gudfala.
31Bae yu werem Waes
olsem wanfala nambawan kraon blong king.
32Pikinini blong mi,
yu save lanem olketa samting ya
sapos yu laekem.
An bae yu save tumas
sapos yu tingting strong fo garem.
33Sapos yu wande lisin,
bae yu save lanem an kamap waes.
34Go long olketa olo,
faendem wanfala hu hemi waes
an stap wetem hem.
35Yu redi fo lisin gudfala
long evri toktok abaotem God,
an yu mas no misim
enisamting abaotem waes.
36Sapos yu faendem wanfala
hu hemi garem save,
go long hem evri moning,
an go olowe fo lukim hem
long haos blong hem.
37Tingting#Jemes 1:8; Sams 1:2. strong abaotem
olketa lo blong Lod
an falom olketa gudfala wei blong hem.
Bae hemi givim yu
Waes an Save wea yu lukaotem.
Currently Selected:
Sirak 6: SIDC
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 6
6
1Taem yu kamap fren wetem pipol, yu mas no enemi wetem olketa. Sapos yu duim olsem bae pipol i meksem long yu olsem olketa man hu i save laea tumas. 2No letem wei blong yu fo lidim yu fo go rong, disfala samting ya save spoelem nogud laef blong yu. 3An bae yu olsem wanfala tri wea hemi dae finis, an hemi no garem eni lif o frut long hem. 4Ya, olketa nogud tingting blong yu save spoelem yu, an olketa enemi blong yu bae i tokspoelem yu an mekfan long yu.
Tru fren
5Sapos wei blong yu an toktok blong yu hemi naes, bae plande pipol nao save fren gud wetem yu. 6Yu save kaban wetem plande pipol, bat yu mas tekem advaes nomoa long wanfala long olketa. 7Taem yu kaban wetem pipol, no kuiktaem tumas fo trastem olketa. Yu mas savegud long olketa fastaem. 8Samfala pipol i frengud nomoa wetem yu long gud taem, bat olketa no save helpem yu taem trabol hemi kasem yu. 9Samfala fren blong yu bae i raoa wetem yu an lusim yu, an bihaen olketa storim yu long olketa narafala pipol fo meksem long yu. 10Samfala bae i kaban gud wetem yu an kaikai wetem yu. 11Ya, olketa save stap wetem yu fo helpem yu long olketa waka blong yu, bat olketa no save helpem yu taem trabol hemi kasem yu. 12Sapos yu mitim olketa trabol ya, bae olketa taneraon an agensim yu, an yu nating save lukim olketa long eniples.
13Stap farawe long olketa enemi blong yu, an lukaot long olketa fren blong yu. 14Gudfala fren hemi olsem wanfala sefples. Sapos yu faendem wanfala, Hemi olsem wanfala samting wea praes blong hem hemi dia tumas 15No enisamting hemi moabeta winim diswan, an no eni praes save fitim. 16Gudfala fren hemi olsem wanfala meresin fo kipim yu laef gudfala. Olketa hu i tinghae long Lod nomoa save faendem gudfala fren olsem. 17Eniwan hemi tinghae long Lod save fren gudfala, bikos bae hemi save lavem olketa fren blong hem olsem hemi lavem hem seleva.
Tising long waes
18Pikinini blong mi, yu mas save long gud blong Waes taem yu yang yet, an bae yu gohed fo save long hem taem yu olo. 19Yu#Jemes 5:7-8. mas waka had fo faendem Waes olsem wanfala man hemi waka had fo digim an plantem gaden blong hem, an hemi weitem gudfala frut long taem fo havest. Yu mas waka had fastaem fo faendem Waes, bat no longtaem bihaen, bae yu hapi long wanem yu hadwaka fo hem. 20Pipol hu i no herem gud advaes i faendem had fo save long wei blong Waes an fo falom wanem hemi talem. 21Olketa no save karim wei blong Waes ya, bikos hemi hevi tumas, so no longtaem nomoa olketa jes toroweaot. 22Evriwan olketa save long stretfala wei, bat no plande pipol nao i wande duim olketa stretfala samting olsem.
23Pikinini blong mi, herem mi,
an tekem gud advaes blong mi.
24Taengem rop blong Waes
raonem lek blong yu
an sen blong Waes raonem nek blong yu.
25Karim Waes long
solda blong yu
an no wari long hevi blong hem.
26Falom Waes an kipim
olketa wei blong hem
an putum insaet long haat blong yu.
27Faendem hem
an hem bae som hem seleva long yu.
Holetaet long hem
an no lusim hem.
28Nao bae yu faendem piis
wea hemi save givim long yu,
an bae hemi mekem yu hapi.
29Wei blong slev wea hemi stap long yu
bae hemi mekem yu kamap olsem king.
30Hevi blong hem
hemi olsem gol sen
wea yu werem long solda,
an bae hemi gadem yu gudfala.
31Bae yu werem Waes
olsem wanfala nambawan kraon blong king.
32Pikinini blong mi,
yu save lanem olketa samting ya
sapos yu laekem.
An bae yu save tumas
sapos yu tingting strong fo garem.
33Sapos yu wande lisin,
bae yu save lanem an kamap waes.
34Go long olketa olo,
faendem wanfala hu hemi waes
an stap wetem hem.
35Yu redi fo lisin gudfala
long evri toktok abaotem God,
an yu mas no misim
enisamting abaotem waes.
36Sapos yu faendem wanfala
hu hemi garem save,
go long hem evri moning,
an go olowe fo lukim hem
long haos blong hem.
37Tingting#Jemes 1:8; Sams 1:2. strong abaotem
olketa lo blong Lod
an falom olketa gudfala wei blong hem.
Bae hemi givim yu
Waes an Save wea yu lukaotem.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.