KENDEU MRAISAM
MRAISAM
Pezi Kendeu de kecu pekieh “Bangdua.” Laisiukwak aide ma pelane tei kelu ha, mina pelane bangbeu, kideu ga kemau nah keherei cuh kedi, nah Tinggwang mina ze ngngwa lungh kegwang ha ranglia bam. Kendeu aide zidi kena tei lubui:
1) Pesau 1-11 Kideube tei kelu ha nah mina leuh lungh cu kerai dau ha. Aika Adam penai Eve, Cain penai Abel, Noah nah duinaii, nah Babylon ga Tsuqoa ha la.
2) Pesau 12-50 Israelme kecingme ha. Raitube Abraham, pe kenlum nah Tinggwang sam kemzai ziemne kenlangme ge ha. Pecai pe na Isaac nah Jakob (Israel lie de qu kelabe) came ha, nah Jakob name dung kereikena bau Israel leuh 12 ndeu kegaime dung ha. Pe na hang ge, Joseph, nah Jakob nah pe na kedame dung ze peu penui kelak dung de ngngwa eh Egypt ga gwang lungh kedi ha rau mtingki gai.
Laisiukwak aide mina ha rang kegai gade, cide keraibe nah kiehlangbe, pecai Tinggwang bata tei kegai ha rang gai. Tinggwang ne ma pelane dam gailie kecu de teu pe bangdua tei lu, nah Tinggwang penui mapie kela penui dage keulia lazie lie sampet kebeu dele penlih tei eh cang di. Laisiukwak pelane gade Tinggwang ha rau kieepwa la, pa kemau tei kelame tutiak kecu nah saja peu kela ha, pe mina dung ze sau beu nah ngha beu kela, delü peu penui ha di cuh kelu ha dung. Laisiukwak kehegua aide heleuh ge kenlum ha nah cipau kenlum de peu ring bam lu kerane raupwa la.
Pelung ga kela dung
Ma pelane nah mina leuh de damkegai 1:1—2:25
Kemau nah keherei bangdua 3:1-24
Adam gade Noah 4:1—5:32
Noah nah duinaii 6:1—10:32
Babylon tsuqoa 11:1-9
Shem gade Abram 11:10-32
Heleuhbe pei dung Abraham, Isaac, Jakob 12:1—35:29
Esau leuhme 36:1-43
Joseph nah pe siname 37:1—45:28
Egypt ga Israelme 46:1—50:26
Currently Selected:
KENDEU MRAISAM: ZemeNB
Highlight
Share
ਕਾਪੀ।
Want to have your highlights saved across all your devices? Sign up or sign in
© 2018, The Bible Society of India
All rights reserved.