KENDEU 38
38
Judah nah Tamar
1Cidau ting Judah pe siname ze püt ti eh mie pezi Hirah, Adullam nam gade kegwangme gede ngngwa lungh bam di. 2Cika de pa Canaanme relei pe pei zi Shua ze redau lu. Pa pecu luu lu, 3nah pa pecu mipeina gede nna beu, nah pa pezi Er msiak lu. 4Pa tetlak dai lü mipeina keda gede nna beu dai nah pa pezi Onan msiak lu. 5Pecai de pa mipeina ge nna dai lu nah pa pezi Shelah msiak lu. Hena nabe ze nna kelu dau Judah Achzib ga bam.
6Pe na cingtu be Er ziemne, Judah Tamar ze pwa pe nau tei beu. 7Er pezai sia, nah cide Rampaube suisiet tei di, cine Rampaube pecu teitset ti. 8Ge Judah Er sinabe Onan dade, “Mie n swacingbe nau ze ngngwa zeu lo. Peda ge pe napei sinabe kecu nzwa n ta nsam be tei gailo, ciciu eh n swacingbe pe leuh lungh lu kerane” debeu. 9Dede Onan hename pe gu kelak ci di, cine pa pe swacingbe nau ze ngngwa henauhepei zai ketei dau pa hangdeu gage henatsi leuh tei tera gidi dila, ciciu eh pe swacingbe leuh peu lungh melu kerane. 10Pe ta de Rampaube suisiet tei di, ge Rampaube pecu ze teitset ti. 11Pecai Judah pe mou Tamar dade “N pei ki ga caili gwang eh a na Shelah nkieng cu kemaktane laksi eh bam lulo” debeu. Pa Shelah ze de pe swacingbe kena ze nzwa teitset ti kera hing kedine sam aide rang di. Cine Tamar kilung caili gwang di.
12Pecai tie mene Judah nau tsaidi. Pa pecu heei hap kecu ting cang dige, pa nah pe zangbe Adullam mepei Hirah penai Timnah ga miedi, cika de pe meurün dung mai bit bam. 13Mina kang gene Tamar dage pe pao Timnah ga mie pe meurün mai bit lai zeu lie rang beu. 14Cine pa pe hemipui paini pa bah kebam de kedi di delü pe zu pai gele gum lu, delü Timnah ga kemie kimui ga Enaim nam ga kelüt lampui ga ntum bam. Pa ci kebam nzwa, Judah na henatube Shelah cu au rehang dida, dede pecu peu pecu ngngwa lungh mene bam la.
15Judah pecu ngau luge pa pecu le helihpui ge lie mning di, kedanemene pa pe zu gum kedine. 16Pa lampui kuung ga peda gwang eh cu, “Ei, nang pemi dai kenzwa kieege lai?” dedi. (Pa pecu le pe mou lie kecu ci luma.)
Pa cu, “Nang acu daipai peu laino?” dedi.
17Pa keli eh, “I ncu a kauhau gade hemeuna ge lang gai beuzie” debeu.
Pa cu, “Ei nang hemeuna de lang gailu kemak dwa cide ding gade acu mage peu cai” dedi.
18Pa keteu eh, “I cu pe nding gade ncu daipai peu laino?” dedi.
Pa keli eh, “N kaugiak nah cipau kaangria de si eh nah n tuitieh nang teu kela de” delu. Pa cidung de pecu peu. Delü penai nauhepei zai tei di, ge pa tetlak di. 19Tamar kilung gwang lu, pe pai ra di delü hemipui paini teu lu.
20Judah pe zangbe Hirah ze hemeu de teu lü mipui de dade pa pecu peu kedi nia dung de ngau dai lu kerane lang gai, dede Hirah pecu peei lu tadi. 21Pa Enaim ga midung gede keteu eh, “Helihpui aika lampui kuung ga kebam pui de daiga lano?” dedi.
Penui keli eh, “Aika madaude helihpui gede bam lama” dedi.
22Pa Judah da caili gwang eh cu, “I pecu ngau lu meda. Heni cika mina dung cika madaude helihpui bam la melie rang zeu lie” dedi.
23Judah cu, “Pecu peu mania dung luu lu. Anai mina dung ze anai ze teu henui tei neu ma. I pecu pe zie peu kera tei da, dede nang pecu ngau dau lu meda” dedi.
24Kei cum cai midung ge Judah dade, “N mou Tamar helihpui ge nzwa bam di dege, pa cu au tetlak bam dida” debeu.
Judah pe sam kai eh cu “Pecu hegole ngngwa pet rutset tilu” debeu.
25Pecu nzang mie kela dau, pa pe pao dage sam kai eh cu, “Mina aidung de pe gu kecube dene acu tei tetlak dida. Cidung de pie pielo delü cidung de cau gu bi pie lulo kaugiak aide nah pe kaangria de nah hetui aide” dedi.
26Judah cidung de ci lü cu, “Pa petaube ga bam da. I peda ge a ta nsam be tei gailu meda I pecu peu a na Shelah ze luu lu kerabe” dedi. Nah Judah madaude pecu ngngwa cehin tei sita di.
27Pa mna kera ting cang dige, pa nedui nna kera ci lu.
28Pa nna kebam dau hang ge pe ba keto mpet; kelamluibe pui cide teu lu, delü helangria kegie ge pwa cide kaanglü cu, “Aide de nna mpet rai luda” dedi. 29Dede pa pe ba keu caili nlüt dai di, ge pe sinabe ze nna rai lu. Ge kelamluibe pui cu, “Ainzwa nang n lampui gicak mpet luda!” dedi. Cine pezi Perez#38:29 Perez: Aipau zi de Ibri gade pekieh “pang kepet.” msiak lu. 30Nah pe sinabe ze pe ba ga helangria kegie le kaangpung eh nna lu, nah pezi Zerah#38:30. Zerah: Aipau zi de Ibri gade tingcang giereba kecu de rang kecu nzwa ge. msiak lu.
Currently Selected:
KENDEU 38: ZemeNB
Highlight
Share
ਕਾਪੀ।
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 38
38
Judah nah Tamar
1Cidau ting Judah pe siname ze püt ti eh mie pezi Hirah, Adullam nam gade kegwangme gede ngngwa lungh bam di. 2Cika de pa Canaanme relei pe pei zi Shua ze redau lu. Pa pecu luu lu, 3nah pa pecu mipeina gede nna beu, nah pa pezi Er msiak lu. 4Pa tetlak dai lü mipeina keda gede nna beu dai nah pa pezi Onan msiak lu. 5Pecai de pa mipeina ge nna dai lu nah pa pezi Shelah msiak lu. Hena nabe ze nna kelu dau Judah Achzib ga bam.
6Pe na cingtu be Er ziemne, Judah Tamar ze pwa pe nau tei beu. 7Er pezai sia, nah cide Rampaube suisiet tei di, cine Rampaube pecu teitset ti. 8Ge Judah Er sinabe Onan dade, “Mie n swacingbe nau ze ngngwa zeu lo. Peda ge pe napei sinabe kecu nzwa n ta nsam be tei gailo, ciciu eh n swacingbe pe leuh lungh lu kerane” debeu. 9Dede Onan hename pe gu kelak ci di, cine pa pe swacingbe nau ze ngngwa henauhepei zai ketei dau pa hangdeu gage henatsi leuh tei tera gidi dila, ciciu eh pe swacingbe leuh peu lungh melu kerane. 10Pe ta de Rampaube suisiet tei di, ge Rampaube pecu ze teitset ti. 11Pecai Judah pe mou Tamar dade “N pei ki ga caili gwang eh a na Shelah nkieng cu kemaktane laksi eh bam lulo” debeu. Pa Shelah ze de pe swacingbe kena ze nzwa teitset ti kera hing kedine sam aide rang di. Cine Tamar kilung caili gwang di.
12Pecai tie mene Judah nau tsaidi. Pa pecu heei hap kecu ting cang dige, pa nah pe zangbe Adullam mepei Hirah penai Timnah ga miedi, cika de pe meurün dung mai bit bam. 13Mina kang gene Tamar dage pe pao Timnah ga mie pe meurün mai bit lai zeu lie rang beu. 14Cine pa pe hemipui paini pa bah kebam de kedi di delü pe zu pai gele gum lu, delü Timnah ga kemie kimui ga Enaim nam ga kelüt lampui ga ntum bam. Pa ci kebam nzwa, Judah na henatube Shelah cu au rehang dida, dede pecu peu pecu ngngwa lungh mene bam la.
15Judah pecu ngau luge pa pecu le helihpui ge lie mning di, kedanemene pa pe zu gum kedine. 16Pa lampui kuung ga peda gwang eh cu, “Ei, nang pemi dai kenzwa kieege lai?” dedi. (Pa pecu le pe mou lie kecu ci luma.)
Pa cu, “Nang acu daipai peu laino?” dedi.
17Pa keli eh, “I ncu a kauhau gade hemeuna ge lang gai beuzie” debeu.
Pa cu, “Ei nang hemeuna de lang gailu kemak dwa cide ding gade acu mage peu cai” dedi.
18Pa keteu eh, “I cu pe nding gade ncu daipai peu laino?” dedi.
Pa keli eh, “N kaugiak nah cipau kaangria de si eh nah n tuitieh nang teu kela de” delu. Pa cidung de pecu peu. Delü penai nauhepei zai tei di, ge pa tetlak di. 19Tamar kilung gwang lu, pe pai ra di delü hemipui paini teu lu.
20Judah pe zangbe Hirah ze hemeu de teu lü mipui de dade pa pecu peu kedi nia dung de ngau dai lu kerane lang gai, dede Hirah pecu peei lu tadi. 21Pa Enaim ga midung gede keteu eh, “Helihpui aika lampui kuung ga kebam pui de daiga lano?” dedi.
Penui keli eh, “Aika madaude helihpui gede bam lama” dedi.
22Pa Judah da caili gwang eh cu, “I pecu ngau lu meda. Heni cika mina dung cika madaude helihpui bam la melie rang zeu lie” dedi.
23Judah cu, “Pecu peu mania dung luu lu. Anai mina dung ze anai ze teu henui tei neu ma. I pecu pe zie peu kera tei da, dede nang pecu ngau dau lu meda” dedi.
24Kei cum cai midung ge Judah dade, “N mou Tamar helihpui ge nzwa bam di dege, pa cu au tetlak bam dida” debeu.
Judah pe sam kai eh cu “Pecu hegole ngngwa pet rutset tilu” debeu.
25Pecu nzang mie kela dau, pa pe pao dage sam kai eh cu, “Mina aidung de pe gu kecube dene acu tei tetlak dida. Cidung de pie pielo delü cidung de cau gu bi pie lulo kaugiak aide nah pe kaangria de nah hetui aide” dedi.
26Judah cidung de ci lü cu, “Pa petaube ga bam da. I peda ge a ta nsam be tei gailu meda I pecu peu a na Shelah ze luu lu kerabe” dedi. Nah Judah madaude pecu ngngwa cehin tei sita di.
27Pa mna kera ting cang dige, pa nedui nna kera ci lu.
28Pa nna kebam dau hang ge pe ba keto mpet; kelamluibe pui cide teu lu, delü helangria kegie ge pwa cide kaanglü cu, “Aide de nna mpet rai luda” dedi. 29Dede pa pe ba keu caili nlüt dai di, ge pe sinabe ze nna rai lu. Ge kelamluibe pui cu, “Ainzwa nang n lampui gicak mpet luda!” dedi. Cine pezi Perez#38:29 Perez: Aipau zi de Ibri gade pekieh “pang kepet.” msiak lu. 30Nah pe sinabe ze pe ba ga helangria kegie le kaangpung eh nna lu, nah pezi Zerah#38:30. Zerah: Aipau zi de Ibri gade tingcang giereba kecu de rang kecu nzwa ge. msiak lu.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2018, The Bible Society of India
All rights reserved.