KENDEU 12
12
Tinggwang Abram ze Qukelu
1 #
Bat. 7:2-3; Ibr. 11:8. Rampaube Abram dage rang eh, “N deudi de, n kibaume ze, nah n pei ki de gidi, delü I ncu hangdeu ge liah kera ga mie lu. 2I n leuh kekiee ge ncu peu zie, nah penui heleuh kedi ge tei luzie. I ncu samlam beuzie delü n zi tei mdi beuzie, ciciu eh nang samlam ge tei lu kerane. 3#Gal. 3:8.I ncu samlam kebeume ze samlam beuzie,
Dede ncu reset kebeume ze I reset beuzie.
Nah nda ze I heleuh dung pelane de samlam beuzie.”#12:3. Nah ... heleuh dung; mede I ncu samlam kebeu nzwa samlam beu lo heleuh dung leune kie zie.
4Abram mmi 75 dige, pa Haran gade tetti, Rampaube pecu tei lulo kebeu nzwa; nah Lot pecu ngngwa tetti. 5Abram pe nau Sarai, pe sinabe na Lot ze ngngwa lu, nah penui Haran gade ngau kelu mahei pelane nah kilame pelane ze ngngwa lu, delü Canaan deu lege tet gaidi. Penui Canaan ga gwang luge, 6Abram Moreh ga tsingbang kemcibe, Shechem heni kemcibe ga gwang cang lu kemakta hangdeu be mbeuh kah gwang. (Cidau Canaanme hangdeu cika lungh bamreu.) 7#Bat. 7:5; Gal. 3:16. Rampaube Abram ze pecu peu ngau gai eh cu, “Kideu aide pwa I n leuhme ze peu lai eh kebam deda” debeu. Ge Abram cika ze Rampaube pecu ngau kegaibe de recabam ge tei beu. 8Pecai pa Bethel namdi tingbangle lamlwatuh lambie tingpile ge tet gailü tingtünle Bethel penai tingbangle Ai kak ga pe ramzeuki tei lu. Cika dede pa recabam ge tei lu delü Rampaube ze reca. 9Pecai pa heni ge gade keda gage tet gai eh Canaan deu tingpile miedi.
Abram Egypt ga Kemie
10Dede Canaan ga herakum kumdi nah cide sia ham kedine Abram tingpile kemdei Egypt lebie miedi, cika kakke lungh kerane. 11Pa Egypt deurai ga lüt ti lai kezeu dau, pa pe nau Sarai dage rang eh, “Nang hezukeyi puige 12Egyptme ncu ngau de, penui nang a nau lie kecu cet luzie, nah ciciu eh penui acu teitset tizie delü peu ncu be ring luzie. 13#Ken. 20:2; 26:7.Nang a tipui lie kecu penui dade rang lu; ciciu de n ziemne penui acu peu ring luzie nah ada ze penui zai yi luzie” debeu. 14Herai kahlü Egypt ga lüt luge, Egyptme pe nau hezuyi kecu ngau lu. 15Kedihme kangge pecu ngau eh hegwangpei dade pa hezu dai kenzwa ge yibi kecu ranglia; cine pecu hegwangki ga ngngwa gwang di. 16Pe ziemne hegwangpei Abram dade pezai yi eh meurün nah hemeu hau dung, ketum dung, gada dung, kilame nah ut dung pwa pecu peu.
17Dede hegwangpei Sarai ze ngngwa teu kedine, Rampaube mateei kehing dung langpwa peda ge nah pe hegwangki ga mina dung dage kai. 18Ge hegwangpei Abram ze qu lü peda ze keteu eh, “Nang ada ge daipai tei gaidi deno? Nang daitei pa n nau lie kecu acu ranglia meno? 19Nang daitei pa n tipui lie rang no, delü acu peu a nau zie lie ngngwa lano? Ainie aika n nau; pecu ngngwa lü tet mpet dilu!” 20Hegwangpei pe mina dung ze aja dung kai beu, cine penui Abram ze penui deu gade gwa di, pe nau nah pe gunia dung de si eh.
Currently Selected:
KENDEU 12: ZemeNB
Highlight
Share
ਕਾਪੀ।
Want to have your highlights saved across all your devices? Sign up or sign in
© 2018, The Bible Society of India
All rights reserved.