LUKE 23
23
Pilate Aage Te Jisu
1Tetiya jama kori thaka manuh khan sob uthise aru Pilate aage te Tar anise. 2Aru tarkhan pora Tar ke galti dise, aru koise, “Eitu manuh pora amikhan laga zati ulta loi jua, aru Caesar ke khajana nadibi eneka kua amikhan pora janise. Aru Tar nijor pora Tar Khrista, raja ase eneka koi ase.” 3Aru Pilate pora Tar ke hudise, “Tumi Jews laga Raja ase neki?” Aru Tar he jawab di kene koise, “Tumi he eitu ase eneka koi ase.” 4Tetiya Pilate pora prodhan puruhit khan aru manuh logot te hudise, “Eitu manuh logot te moi eku galti pua nai.” 5Kintu tarkhan pora jobor josti kori kene koise, “Tar pora Judea sob jaga te jai kene Galilee pora loi kene eitu tak te manuh khan sikhai kene gondogol di ase.”
Herod Aage Te Jisu
6Ketiya Pilate pora eitu hunise, tar pora eitu Galilee manuh ase ne ki eneka hudise. 7Aru ketiya tar pora, Herod laga jaga te thaka manuh ase eneka janise, Herod logot te loi jabole dise, kon heitu homoi te Jerusalem te thakise. 8Ketiya Herod pora Jisu ke dekhise, besi khushi paise, kilemane besi din pora Jisu ke dekhibole monn thakise, aru tar he Jisu pora kiba ekta sign dekhibole akha thakise. 9Eitu karne tar pora Jisu ke kotha besi hudise, kintu Tar pora eku jawab diya nai. 10Prodhan puruhit khan aru pondit khan Tar usor te khara kori kene, ekdom beya pora galti dise. 11Tetiya Herod aru tar laga sepahi khan pora Tar ke hinsa kori kene hangsai dise. Tetiya, kumol kapoor Tar ke pindhai dise, aru Pilate usor te ghurai kene pathai dise. 12Aru eitu eke din pora Herod aru Pilate bondhu bonai loise, kilemane eitu aage te tu hole tar duijon dushman thakise.
13Tetiya Pilate pora prodhan puruhit khan aru sason kora khan sob matise, 14aru tarkhan ke koise, “eitu manuh pora zati khan ulta loi jai ase eneka Tar upor te galti di kene tumikhan pora moi usor te anise, aru tumikhan aage te porikhya kora pasot te sabi, Tar birudh te tumikhan pora ki galti dise, moi eitu manuh upor te eku pua nai. 15Eitu nisna he, Herod Raja pora bhi pua nai, kilemane tar pora ghurai kene pathai dise. Sabi, morai dibole laga eku kam Tar pora kora nai. 16Eitu karne moi Tar ke dondo dibo aru shari dibo.”#23:16 based text te v 17 tu likha nai
Jisu Kros te Morai Dibole Pilate Pora Diya
18Kintu tarkhan sob pora besi chillai kene koise, “Eitu manuh khotom kori dibi, aru amikhan karne Barabbas shari dibi”— 19Barabbas tu sohor te raj dushman homoi te manuh ke morai diya karne bandhi ghor te rakhi thakise. 20Pilate pora arubhi ekbar, Jisu ke shari dibole monn hoi kene tarkhan logot te kotha korise, 21kintu tarkhan pora jur pora chillai kene koise, “Tar ke kros te morai dibi, Tar ke kros te morai dibi!” 22Aru tinbar tar pora tarkhan ke koise, “Kile morai dibo, Tar pora ki beya kam korise? Moi Tar ke morai dibole eku galti pua nai. Eitu karne moi Tar ke dondo dibo aru shari dibo.” 23Kintu tarkhan pora jobor josti te besi hala kori kene Tar tu kros te morai dibi eneka koise. Aru tarkhan laga awaz pora jitise. 24Eitu karne tarkhan pora ki mangise eitu koribole Pilate pora faisla korise. 25Aru tarkhan pora manga nisna, Tar pora raj dushman ulai diya Barabbas kon pora manuh morai diya karne bandhighor te rakhi thakise, tar ke shari dise, kintu Jisu tu tarkhan laga itcha nisna koribole di dise.
Kros Te Morai Diya
26Aru tarkhan pora Jisu loi jua homoi te, nagor phale pora ahha Cyrene manuh Simon ke dhorise, aru Jisu laga kros bukhi kene piche te jabole dise. 27Tetiya genti napara manuh khan Tar laga piche te jaise aru tiruta khan bhi Jisu karne mon dukh hoi kandi kene jai thakise. 28Kintu taikhan phale ghurai kene Jisu he koise, “Jerusalem laga sowali khan, moi karne nakandibi, kintu tumi nijor karne aru tumi laga bacha khan karne he kandibi. 29Kilemane sabi, din ahhi ase, ketiya taikhan pora kobo, ‘Bacha nabukha khan ashish aru pet te bacha nabukha aru kesua ke dudh ketiya bhi napila khan ashish!’ 30Tetiya taikhan pora pahar khan ke kobole shuru koribo, ‘Amikhan upor te giribi,’ aru porbot khan ke kobo, ‘Amikhan ke lukabi.’ 31Kilemane jodi taikhan pora jinda thaka khuri te eneka kore, tetiya sukha khuri tu hole ki hoi jabo?”
32Tar logot kros te morai dibole, dusera duijon, kon he dacoit kam korise, tarkhan bhi loi jaise. 33Aru tarkhan ketiya Matha Hardi eneka kua jaga tu pongchi ahhise, tate tarkhan pora Jisu kros te morai dise, aru dusera dacoit duijon bhi, ekjon Tar laga daina phale aru ekjon Tar laga banya phale morai dise. 34Aru Jisu he koise, “Pitri, tarkhan ke khyama koribi, kilemane tarkhan pora ki kori ase, eitu tarkhan pora najane.” Aru Tar laga kapoor bhag koribole tarkhan pora shithi-khel khelise. 35Aru usor te manuh khan khara kori kene, sai thakise, kintu solaongta khan pora Tar ke beya pora hinsa kori kene hangsai dise, aru koise, “Tar pora dusera ke bachaise; aru jodi Tar Isor pora basi lua Khrista ase, tetiya Tar nijor bhi bachabole dibi!” 36Teneka sepahi khan pora bhi Tar usor te ahhi kene tenga paani pibole dise, aru hinsa kori hangsai dise, 37aru koise, “Jodi apuni Jews laga Raja ase, nijor pora bachai lobi!” 38Tar upor te, “Eitu Jews Laga Raja Ase,” eneka ekta likhi kene lagai thakise.
39Aru dacoit, kon Tar logot te kros te moraise, tarkhan majot te ekjon pora Jisu ke hinsa kori kene koise, “Tumi Khrista tu nahoi ne ki? Tumi nijor bachai lobi aru amikhan ke bhi bachabi!” 40Kintu dusera ekjon pora tar ke gali di kene koise, “Tumi Isor ke bhoi nakore ne ki, sabi, amikhan sob bhi eke ninda pai kene morai di ase nahoi? 41Aru ami duijon tu hole, amikhan laga kam hisap te thik ghurai kene pai ase; kintu eitu manuh tu hole eku galti kam kora nai.” 42Aru tar pora Jisu ke koise, “Jisu, Apuni laga rajyo ahha homoi te, moi ke bhi yaad koribi.” 43Aru Jisu he tar ke koise, “Hosa moi tumi ke koi ase, aji he tumi paradise te Moi logot thakibo.”
Jisu Mora
44Etiya eitu soi ghonta homoi#23:44 12 noon nisna thakise, aru eitu jaga sob te andhera hoi kene noh ghonta homoi#23:44 3 Pm tak thakise, 45tetiya surjyo laga puhor haraise. Aru girja ghor laga porda kapoor tu duita hoi kene majot te phati jaise. 46Tetiya Jisu he dangor awaz di kene koise, “Pitri, Moi laga Atma Apuni laga haat te di ase!” Aru eitu kua pasot te Tar hekh sans loi kene mori jaise. 47Ketiya senapoti pora ki ki hoise, eitu khan dekhise, tar Isor ke stuti kori kene koise,“Hosa bhi eitu manuh logot te eku galti thaka nai!” 48Aru eitu sabole kiman manuh jama kori thakise, ketiya taikhan pora ki ki hoise eitu dekhise, taikhan mon besi dukh hoi kene, ghurai jaise. 49Aru Jisu logot chinaki hoi thaka khan aru tiruta khan, kon Galilee pora Tar piche te ahhise, taikhan pora dur te khara kori kene, ki ki hoise eitu khan sai thakise.
Jisu Moidam Dise
50Eitu homoi te Joseph koi kene manuh ekjon thakise, tar Jews laga nagor Arimathea pora thakise. Tar bhi sobha laga manuh, bhall aru dharmik ekjon thakise, 51kon pora sobha laga kotha aru kam te khushi napai kene thakise; aru tar pora Isor laga rajyo bisari thakise. 52Tar jai kene Pilate pora Jisu laga gau mangi loise. 53Tetiya tar pora Jisu laga gau tu namai loise, aru kumol linen kapoor pora bandhise, aru pathor te kati kene bona, notun koborsthan kot te manuh ketiya bhi rakha nai, tate rakhi dise. 54Eitu jugar kora din thakise, aru bisram din tu shuru hobole homoi hoise. 55Galilee pora Tar piche te ahha tiruta khan pora Tar rakha kobor aru moidam keneka dise eitu sob dekhise. 56Tetiya taikhan ghurai jai kene dawai aru tel jugar korise.
Hukum te kua nisna bisram din te taikhan aram korise.
Currently Selected:
LUKE 23: NagaMe
Highlight
Share
ਕਾਪੀ।
Want to have your highlights saved across all your devices? Sign up or sign in
© 2014, The Bible Society of India
All rights reserved.
LUKE 23
23
Pilate Aage Te Jisu
1Tetiya jama kori thaka manuh khan sob uthise aru Pilate aage te Tar anise. 2Aru tarkhan pora Tar ke galti dise, aru koise, “Eitu manuh pora amikhan laga zati ulta loi jua, aru Caesar ke khajana nadibi eneka kua amikhan pora janise. Aru Tar nijor pora Tar Khrista, raja ase eneka koi ase.” 3Aru Pilate pora Tar ke hudise, “Tumi Jews laga Raja ase neki?” Aru Tar he jawab di kene koise, “Tumi he eitu ase eneka koi ase.” 4Tetiya Pilate pora prodhan puruhit khan aru manuh logot te hudise, “Eitu manuh logot te moi eku galti pua nai.” 5Kintu tarkhan pora jobor josti kori kene koise, “Tar pora Judea sob jaga te jai kene Galilee pora loi kene eitu tak te manuh khan sikhai kene gondogol di ase.”
Herod Aage Te Jisu
6Ketiya Pilate pora eitu hunise, tar pora eitu Galilee manuh ase ne ki eneka hudise. 7Aru ketiya tar pora, Herod laga jaga te thaka manuh ase eneka janise, Herod logot te loi jabole dise, kon heitu homoi te Jerusalem te thakise. 8Ketiya Herod pora Jisu ke dekhise, besi khushi paise, kilemane besi din pora Jisu ke dekhibole monn thakise, aru tar he Jisu pora kiba ekta sign dekhibole akha thakise. 9Eitu karne tar pora Jisu ke kotha besi hudise, kintu Tar pora eku jawab diya nai. 10Prodhan puruhit khan aru pondit khan Tar usor te khara kori kene, ekdom beya pora galti dise. 11Tetiya Herod aru tar laga sepahi khan pora Tar ke hinsa kori kene hangsai dise. Tetiya, kumol kapoor Tar ke pindhai dise, aru Pilate usor te ghurai kene pathai dise. 12Aru eitu eke din pora Herod aru Pilate bondhu bonai loise, kilemane eitu aage te tu hole tar duijon dushman thakise.
13Tetiya Pilate pora prodhan puruhit khan aru sason kora khan sob matise, 14aru tarkhan ke koise, “eitu manuh pora zati khan ulta loi jai ase eneka Tar upor te galti di kene tumikhan pora moi usor te anise, aru tumikhan aage te porikhya kora pasot te sabi, Tar birudh te tumikhan pora ki galti dise, moi eitu manuh upor te eku pua nai. 15Eitu nisna he, Herod Raja pora bhi pua nai, kilemane tar pora ghurai kene pathai dise. Sabi, morai dibole laga eku kam Tar pora kora nai. 16Eitu karne moi Tar ke dondo dibo aru shari dibo.”#23:16 based text te v 17 tu likha nai
Jisu Kros te Morai Dibole Pilate Pora Diya
18Kintu tarkhan sob pora besi chillai kene koise, “Eitu manuh khotom kori dibi, aru amikhan karne Barabbas shari dibi”— 19Barabbas tu sohor te raj dushman homoi te manuh ke morai diya karne bandhi ghor te rakhi thakise. 20Pilate pora arubhi ekbar, Jisu ke shari dibole monn hoi kene tarkhan logot te kotha korise, 21kintu tarkhan pora jur pora chillai kene koise, “Tar ke kros te morai dibi, Tar ke kros te morai dibi!” 22Aru tinbar tar pora tarkhan ke koise, “Kile morai dibo, Tar pora ki beya kam korise? Moi Tar ke morai dibole eku galti pua nai. Eitu karne moi Tar ke dondo dibo aru shari dibo.” 23Kintu tarkhan pora jobor josti te besi hala kori kene Tar tu kros te morai dibi eneka koise. Aru tarkhan laga awaz pora jitise. 24Eitu karne tarkhan pora ki mangise eitu koribole Pilate pora faisla korise. 25Aru tarkhan pora manga nisna, Tar pora raj dushman ulai diya Barabbas kon pora manuh morai diya karne bandhighor te rakhi thakise, tar ke shari dise, kintu Jisu tu tarkhan laga itcha nisna koribole di dise.
Kros Te Morai Diya
26Aru tarkhan pora Jisu loi jua homoi te, nagor phale pora ahha Cyrene manuh Simon ke dhorise, aru Jisu laga kros bukhi kene piche te jabole dise. 27Tetiya genti napara manuh khan Tar laga piche te jaise aru tiruta khan bhi Jisu karne mon dukh hoi kandi kene jai thakise. 28Kintu taikhan phale ghurai kene Jisu he koise, “Jerusalem laga sowali khan, moi karne nakandibi, kintu tumi nijor karne aru tumi laga bacha khan karne he kandibi. 29Kilemane sabi, din ahhi ase, ketiya taikhan pora kobo, ‘Bacha nabukha khan ashish aru pet te bacha nabukha aru kesua ke dudh ketiya bhi napila khan ashish!’ 30Tetiya taikhan pora pahar khan ke kobole shuru koribo, ‘Amikhan upor te giribi,’ aru porbot khan ke kobo, ‘Amikhan ke lukabi.’ 31Kilemane jodi taikhan pora jinda thaka khuri te eneka kore, tetiya sukha khuri tu hole ki hoi jabo?”
32Tar logot kros te morai dibole, dusera duijon, kon he dacoit kam korise, tarkhan bhi loi jaise. 33Aru tarkhan ketiya Matha Hardi eneka kua jaga tu pongchi ahhise, tate tarkhan pora Jisu kros te morai dise, aru dusera dacoit duijon bhi, ekjon Tar laga daina phale aru ekjon Tar laga banya phale morai dise. 34Aru Jisu he koise, “Pitri, tarkhan ke khyama koribi, kilemane tarkhan pora ki kori ase, eitu tarkhan pora najane.” Aru Tar laga kapoor bhag koribole tarkhan pora shithi-khel khelise. 35Aru usor te manuh khan khara kori kene, sai thakise, kintu solaongta khan pora Tar ke beya pora hinsa kori kene hangsai dise, aru koise, “Tar pora dusera ke bachaise; aru jodi Tar Isor pora basi lua Khrista ase, tetiya Tar nijor bhi bachabole dibi!” 36Teneka sepahi khan pora bhi Tar usor te ahhi kene tenga paani pibole dise, aru hinsa kori hangsai dise, 37aru koise, “Jodi apuni Jews laga Raja ase, nijor pora bachai lobi!” 38Tar upor te, “Eitu Jews Laga Raja Ase,” eneka ekta likhi kene lagai thakise.
39Aru dacoit, kon Tar logot te kros te moraise, tarkhan majot te ekjon pora Jisu ke hinsa kori kene koise, “Tumi Khrista tu nahoi ne ki? Tumi nijor bachai lobi aru amikhan ke bhi bachabi!” 40Kintu dusera ekjon pora tar ke gali di kene koise, “Tumi Isor ke bhoi nakore ne ki, sabi, amikhan sob bhi eke ninda pai kene morai di ase nahoi? 41Aru ami duijon tu hole, amikhan laga kam hisap te thik ghurai kene pai ase; kintu eitu manuh tu hole eku galti kam kora nai.” 42Aru tar pora Jisu ke koise, “Jisu, Apuni laga rajyo ahha homoi te, moi ke bhi yaad koribi.” 43Aru Jisu he tar ke koise, “Hosa moi tumi ke koi ase, aji he tumi paradise te Moi logot thakibo.”
Jisu Mora
44Etiya eitu soi ghonta homoi#23:44 12 noon nisna thakise, aru eitu jaga sob te andhera hoi kene noh ghonta homoi#23:44 3 Pm tak thakise, 45tetiya surjyo laga puhor haraise. Aru girja ghor laga porda kapoor tu duita hoi kene majot te phati jaise. 46Tetiya Jisu he dangor awaz di kene koise, “Pitri, Moi laga Atma Apuni laga haat te di ase!” Aru eitu kua pasot te Tar hekh sans loi kene mori jaise. 47Ketiya senapoti pora ki ki hoise, eitu khan dekhise, tar Isor ke stuti kori kene koise,“Hosa bhi eitu manuh logot te eku galti thaka nai!” 48Aru eitu sabole kiman manuh jama kori thakise, ketiya taikhan pora ki ki hoise eitu dekhise, taikhan mon besi dukh hoi kene, ghurai jaise. 49Aru Jisu logot chinaki hoi thaka khan aru tiruta khan, kon Galilee pora Tar piche te ahhise, taikhan pora dur te khara kori kene, ki ki hoise eitu khan sai thakise.
Jisu Moidam Dise
50Eitu homoi te Joseph koi kene manuh ekjon thakise, tar Jews laga nagor Arimathea pora thakise. Tar bhi sobha laga manuh, bhall aru dharmik ekjon thakise, 51kon pora sobha laga kotha aru kam te khushi napai kene thakise; aru tar pora Isor laga rajyo bisari thakise. 52Tar jai kene Pilate pora Jisu laga gau mangi loise. 53Tetiya tar pora Jisu laga gau tu namai loise, aru kumol linen kapoor pora bandhise, aru pathor te kati kene bona, notun koborsthan kot te manuh ketiya bhi rakha nai, tate rakhi dise. 54Eitu jugar kora din thakise, aru bisram din tu shuru hobole homoi hoise. 55Galilee pora Tar piche te ahha tiruta khan pora Tar rakha kobor aru moidam keneka dise eitu sob dekhise. 56Tetiya taikhan ghurai jai kene dawai aru tel jugar korise.
Hukum te kua nisna bisram din te taikhan aram korise.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2014, The Bible Society of India
All rights reserved.