Yokaana 6
6
OYesu akugabula enkumi eitaanu
(Mat 14:13-21; Mak 6:33-44; Luk 9:12-17)
1Niwaayakairewo ekiseera, oYesu nʼasomoka enyanja ya Galiraaya (eyetebwa Tibbeeriya), 2ekibiina kyʼabantu banyamwingi ni bamusengeerya kubba baaboine obubonero obwewuunyisya bweyakoore nakutamba abalwaire. 3Awo oYesu nʼayaba oku lusozi nʼaikala amwei nʼabeegesebwa baamwe. 4OBugenyi bwʼaBayudaaya obwa Kwakalibwaku bwali buli ampi okwika.
5OYesu niyaimwire amaiso nʼabona ekibiina kyʼabantu ekikooto nikikwiza gyali, nʼakoba oFiripo ati, “Twagula ayi emigaati abantu bani gyebaalya?” 6Kini yakibazire nakubagezesya, kubba yaali namaite kusai kyeyaali akwaba okukola.
7OFiripo nikwo okumwiramu ati, “Empeera eya myezi omunaanai#6:7 Empeera eya myezi omunaanai EBbaibbuli ezindi zirina dinaari ebikumi bibiri. tesobola kugula migaati egikumala buli muntu okubbaaku kaakunenaku!”
8Omwei oku beegesebwa ayetebwa Andereya omuganda wa Simooni Peetero, nʼakoba ati, 9“Ani waliwo omusigazi alina emigaati gya bbaale nʼobucwi bubiri, ebitasobola kuliisya bantu bani abanyamwingi bati.”
10OYesu nʼabalagira ati, “Abantu mubaikalisye.” Omu kifo ekyo waaliwo obusubi bwingi, abasaiza ni baikala, baali nkʼenkumi itaanu. 11OYesu nʼakwata emigaati ni yeebalya oKanca, ale abeegesebwa baamwe ni bagabira abantu boona boona abaali baikaire buli omwei nʼafuna nka niyayendyanga. Niyamaare nʼakola ekintu nikyo kimwei oku bucwi
12Nibaamaare okwikuta, nʼakoba abeegesebwa baamwe ati, “Mukumbaanie ebitundu byona byona ebisigairewo. Mutalekawo gonze ekimwei okusisiikala.” 13Awo ni bakumbaania ebitundu ebyasigaire oku migaati gya bbale etaanu nibamaare okulya, ni baizulya ebigega ikumu na bibiri.
14Abantu nibaaboine akabonero akeewuunyisya oYesu keyakoore nikwo okukoba bati, “Oni niye Mulangi aizire omu nsi!” 15OYesu niyeetejerye nti abantu baali baizire okumufoola mukama lwa mpaka, nʼabalekawo nʼayaba omu nsozi nʼabba eyo yenkai.
OYesu akutambuura oku maizi
(Mat 14:22-33; Mak 6:45-52)
16Ekyaigologolo, abeegesebwa ba Yesu ni basirimuka ni baaba oku nyanja. 17Ni bakwata obwato ni basomoka okwaba e Kaperenawumu. Obwire bwali buswekere ngʼoYesu acaali kubeegaitaku. 18Omu bwire obwo ompungo yaali mwingi ngʼakucambaitula amaizi.
19Abeegesebwa baali baakagimbaku ekilomita inai oba itaanu, ni babona oYesu nakwiza gyebali nakutambuura oku maizi, ni batiina muno. 20OYesu nʼabakoba ati, “Ninjembe; mutatiina.” 21Ni basemeerwa okumwingirya omu bwato, era amangu ago obwato ni bucooba oku kyambu gyebaali bakwaba.
Abantu bakutoolya oYesu
22Enceege, ekibiina kyʼabantu ekyali nikisigaire oku rubaju lwa nyanja ludi edi ni baizukira nti obwato bumwei bwonkai obwaliwo era nga nʼoYesu tiyabwabiiremu nʼabeegesebwa baamwe, baitu nga baali baabire bonkai. 23Awo obwato obwazwire e Tibbeeriya ni bucooba ogwʼawo abantu webaaliiriire emigaati oMukama namaare okwebalya. 24Ekibiina nikyetejerye oYesu nʼabeegesebwa baamwe tibaliwo, ni batemba obwato ni baaba e Kaperenawumu okumutoolya.
OYesu niye mugaati ogwa bwomi
25Nibaamusangire oku rubaju lwa nyanja ludi edi e Kaperenawumu, ni bamubuulya bati, “Mwegesya, waikire di eni?”
26OYesu nʼairamu ati, “Kambakobere amananu: mukuntoolya ti lwa kubba mwaboine obubonero obwewuunyisya bwenakoore baitu kubba mwaliire emigaati ni mwikuta. 27Timukoleeranga mere esiisikala, baitu mukoleerenge etasiisikala ereeta obwomi obutawaawo, oMwana wa Muntu gyalibaweerya. Kubba oKanca oIte waiswe yamutaireku akabonero akamukakatya.”
28Awo ni bamubuulya bati, “Kiki kyetusemeire okukola okwikiirya oKanca kyayendya?”
29OYesu nʼabairamu ati, “Omulumo gwa Kanca nigwo guni: okwikiririza omwoyo gweyatumire.”
30Ni baira ni bamubuulya bati, “Kabonero ki kewakola leke tukabone obwo nimwo tukwikirize? Wakola ki? 31Abazeiza baiswe baliire emaanu omwirungu, nka nikyawandiikiibwe nti, ‘Yabawaire omugaati okuliga omwiguru leke balye.’#Kuz 16:4; Nek 9:15; Zab 78:24,25”
32OYesu nʼakoba ati, “Kambakobere amananu, oMusa tiniye yabawaire omugaati okuzwa omwiguru, baitu oIte wange niye abaweerya omugaati ogwʼamananu okuzwa omwiguru. 33Kubba omugaati gwa Kanca niye oyo eyasirimukire okuzwa omwiguru era niye aweerya abantu ba nsi obwomi.”
34Bo nikwo okumukoba bati, “Mukama waiswe, okuliga ati tuweeryenge omugaati ogwo.” 35OYesu nʼabakoba ati, “Ninje mugaati oguweerya obwomi. Omuntu aiza egyendi enzala teriiramu kumuluma; nʼabo abanyikiriza tibalirumwa malo. 36Baitu nka nimbakobere, mukumbona ati baitu timukwikiriza. 37Buli muntu oIte wange gwampeerya aliiza egyendi, era buli aliiza egyendi tindimupeka. 38Kubba tinazwire mwiguru okwiza okukola nje byenkwendya baitu okukola oyo eyantumire byakwendya. 39Era kuni nikwo kwendya kwoyo eyantumire ndeke kubulwaku gonze omuntu omwei okwabo beyampaire baitu mbayimboole oku kiro ekya mpero. 40Kubba oIte wange kyayendya nikyo kini nti, buli abona era nʼaikiriza oMwana atunge obwomi obutawaawo. Era ndimuyimboora obwomi oku kiro ekya mpero.”
41Abeebemberi bʼaBayudaaya nibaawuliire kini ni batandika okwetongorola bonkai kubba yakobere nti, “Nti ninje mugaati ogwazwire omwiguru.” 42Bo nikwo okukoba bati, “Oni tiniye oYesu omutaani wa Yusufu? OIte waamwe nʼoma waamwe tubamaite. Ale asobola atyai okukoba nambu yazwire mwiguru?”
43OYesu nʼabakoba ati, “Mulekere awo okwetongorola nywekai na nywenkai. 44Ndoowo muntu gonze omwei asobola okwiza egyendi okwiyaku oIte wange eyantumire nga niye amwetere, era oni alimuyimboola oku kiro ekya mpero. 45Abalangi baawandiikire bati, ‘Boona boona oKanca alibeegesya.’#Isa 54:13 Buli muntu awura era nʼayegera okwIte wange aiza egyendi. 46Ndoowo muntu eyaali naboine okwIte wange okwiyaku ayazwire ewa Kanca; niye yenkai eyaali nʼamuboineku. 47Kambakobere amananu, omuntu aikiriza alina obwomi obutawaawo. 48Ninje mugaati oguleeta obwomi. 49Abazeiza baanywe baaliire emaanu omwirungu, baitute ni bafa. 50Baitu guni nigwo mugaati ogwazwire omwiguru, omuntu gwalya nʼatafa. 51Ninje mugaati oguweerya obwomi ogwazwire omwiguru. Buli muntu agulyaku alibba mwomi ebiro nʼebiro. Omugaati guni nigwo mubiri gwange gwendiweeryayo oku lwa bwomi obwa nsi.”
52Obwo abeebemberi bʼaBayudaaya ni batandika okukubba empaka ezʼamaani bonkai na bonkai nibakukoba bati, “Omuntu oni asobola atyai okutuweerya omubiri gwamwe okugulya?”
53OYesu nʼabakoba ati, “Kambakobere amananu, omuntu nʼatalya mubiri gwa Mwana wa Muntu nʼokunywa omusaayi gwamwe, talibba na bwomi. 54Abo abalya omubiri gwange era ni banywa omusaayi gwange balitunga obwomi obutawaawo, era baliyimbooka oku kiro ekya mpero. 55Kini nimwo kiri kityo kubba omubiri gwange nigyo mere egyenyenere, era nʼomusaayi gwange nikyo kyakunywa ekyenyenere. 56Buli muntu alya era nʼanywa omusaayi gwange asigala mu nje, njeena nimba omu ye 57NkʼoIte wange omwomi niyantumire era nka nje nindi mwomi oku bwamwe, olwʼekyo buli muntu olya omubiri gwange alibba mwomi oku lwange. 58Guni nigwo mugaati ogwazwire omwiguru. Abazeiza baanywe baaliire emaanu ni bafa, baitu omuntu alya oku mugaati guni alibba mwomi ebiro nʼebiro.”
59Ebigambo bini yabibazire niyaali akwegeserya omwikumbaaniro e Kaperenawumu.
Ebigambo ebya bwomi obutawaawo
60Abeegesebwa baingi nibaawuliire ebigambo bini ni bakoba bati, “Kuni okwegesya kugumu. Ndoowo muntu asobola kukwikiriza.”
61OYesu yeetejerye nti abeegesebwa baamwe bakwetongorola olwa bigambo byabazire, nikwo okubakoba ati, “Kini kyona kikubagongerya?” 62Ale kiribba kityai nimulibona oMwana wa Muntu nakutemba omwiguru gyeyaali omu kwekeera! 63OMwoyo Akweera niye aweerya obwomi; baitu omubiri ndoowo kyegugasa. Ebigambo byembazire naanywe nibyo bwomi era nigwo Mwoyo. 64Baitu abamwei oku nywe timukwikiriza. Kubba okuzwera kimwei omu kwekeera yaali namaite kusai naani ayaali tamwikiriize era ayaali owa kumuliirana. 65Era gini nigyo nsonga lwaki nʼabakore nti, “Ndoowo muntu asobola okwiza egyendi okwiyaku nga oIte wange niye amusoboleserye.”
66Okuzwa awo abeegesebwa baamwe baingi ni bamuzwaku era ni balekera awo okumusengeerya 67Awo oYesu nʼababuulya ati, “Obwo nywena mukwendya okwaba, oba bbe?”
68OSimooni Peetero nʼamwiramu ati, “Mukama waiswe, Iswe obwo twayaba wa naani? Kubba niiwe alina ebigambo bya bwomi obutawaawo 69Ati buni tukwikiriza era tumaite niiwe oMweru owa Kanca.”
70OYesu nʼabairamu ati, “Tininje nabakomere nywe eikumi nʼababiri? Baitu omwei oku nywe Setaani!” 71OYesu yaali nakubaza ku Yuda, omwana wa Simooni Isikariyooti. Kubba gonze ye yaali omwei oku beegesebwa eikumi nʼababiri niye yaali okumuliirana.
Currently Selected:
Yokaana 6: RUULI-NYALA
Highlight
Share
ਕਾਪੀ।
Want to have your highlights saved across all your devices? Sign up or sign in
Yokaana 6
6
OYesu akugabula enkumi eitaanu
(Mat 14:13-21; Mak 6:33-44; Luk 9:12-17)
1Niwaayakairewo ekiseera, oYesu nʼasomoka enyanja ya Galiraaya (eyetebwa Tibbeeriya), 2ekibiina kyʼabantu banyamwingi ni bamusengeerya kubba baaboine obubonero obwewuunyisya bweyakoore nakutamba abalwaire. 3Awo oYesu nʼayaba oku lusozi nʼaikala amwei nʼabeegesebwa baamwe. 4OBugenyi bwʼaBayudaaya obwa Kwakalibwaku bwali buli ampi okwika.
5OYesu niyaimwire amaiso nʼabona ekibiina kyʼabantu ekikooto nikikwiza gyali, nʼakoba oFiripo ati, “Twagula ayi emigaati abantu bani gyebaalya?” 6Kini yakibazire nakubagezesya, kubba yaali namaite kusai kyeyaali akwaba okukola.
7OFiripo nikwo okumwiramu ati, “Empeera eya myezi omunaanai#6:7 Empeera eya myezi omunaanai EBbaibbuli ezindi zirina dinaari ebikumi bibiri. tesobola kugula migaati egikumala buli muntu okubbaaku kaakunenaku!”
8Omwei oku beegesebwa ayetebwa Andereya omuganda wa Simooni Peetero, nʼakoba ati, 9“Ani waliwo omusigazi alina emigaati gya bbaale nʼobucwi bubiri, ebitasobola kuliisya bantu bani abanyamwingi bati.”
10OYesu nʼabalagira ati, “Abantu mubaikalisye.” Omu kifo ekyo waaliwo obusubi bwingi, abasaiza ni baikala, baali nkʼenkumi itaanu. 11OYesu nʼakwata emigaati ni yeebalya oKanca, ale abeegesebwa baamwe ni bagabira abantu boona boona abaali baikaire buli omwei nʼafuna nka niyayendyanga. Niyamaare nʼakola ekintu nikyo kimwei oku bucwi
12Nibaamaare okwikuta, nʼakoba abeegesebwa baamwe ati, “Mukumbaanie ebitundu byona byona ebisigairewo. Mutalekawo gonze ekimwei okusisiikala.” 13Awo ni bakumbaania ebitundu ebyasigaire oku migaati gya bbale etaanu nibamaare okulya, ni baizulya ebigega ikumu na bibiri.
14Abantu nibaaboine akabonero akeewuunyisya oYesu keyakoore nikwo okukoba bati, “Oni niye Mulangi aizire omu nsi!” 15OYesu niyeetejerye nti abantu baali baizire okumufoola mukama lwa mpaka, nʼabalekawo nʼayaba omu nsozi nʼabba eyo yenkai.
OYesu akutambuura oku maizi
(Mat 14:22-33; Mak 6:45-52)
16Ekyaigologolo, abeegesebwa ba Yesu ni basirimuka ni baaba oku nyanja. 17Ni bakwata obwato ni basomoka okwaba e Kaperenawumu. Obwire bwali buswekere ngʼoYesu acaali kubeegaitaku. 18Omu bwire obwo ompungo yaali mwingi ngʼakucambaitula amaizi.
19Abeegesebwa baali baakagimbaku ekilomita inai oba itaanu, ni babona oYesu nakwiza gyebali nakutambuura oku maizi, ni batiina muno. 20OYesu nʼabakoba ati, “Ninjembe; mutatiina.” 21Ni basemeerwa okumwingirya omu bwato, era amangu ago obwato ni bucooba oku kyambu gyebaali bakwaba.
Abantu bakutoolya oYesu
22Enceege, ekibiina kyʼabantu ekyali nikisigaire oku rubaju lwa nyanja ludi edi ni baizukira nti obwato bumwei bwonkai obwaliwo era nga nʼoYesu tiyabwabiiremu nʼabeegesebwa baamwe, baitu nga baali baabire bonkai. 23Awo obwato obwazwire e Tibbeeriya ni bucooba ogwʼawo abantu webaaliiriire emigaati oMukama namaare okwebalya. 24Ekibiina nikyetejerye oYesu nʼabeegesebwa baamwe tibaliwo, ni batemba obwato ni baaba e Kaperenawumu okumutoolya.
OYesu niye mugaati ogwa bwomi
25Nibaamusangire oku rubaju lwa nyanja ludi edi e Kaperenawumu, ni bamubuulya bati, “Mwegesya, waikire di eni?”
26OYesu nʼairamu ati, “Kambakobere amananu: mukuntoolya ti lwa kubba mwaboine obubonero obwewuunyisya bwenakoore baitu kubba mwaliire emigaati ni mwikuta. 27Timukoleeranga mere esiisikala, baitu mukoleerenge etasiisikala ereeta obwomi obutawaawo, oMwana wa Muntu gyalibaweerya. Kubba oKanca oIte waiswe yamutaireku akabonero akamukakatya.”
28Awo ni bamubuulya bati, “Kiki kyetusemeire okukola okwikiirya oKanca kyayendya?”
29OYesu nʼabairamu ati, “Omulumo gwa Kanca nigwo guni: okwikiririza omwoyo gweyatumire.”
30Ni baira ni bamubuulya bati, “Kabonero ki kewakola leke tukabone obwo nimwo tukwikirize? Wakola ki? 31Abazeiza baiswe baliire emaanu omwirungu, nka nikyawandiikiibwe nti, ‘Yabawaire omugaati okuliga omwiguru leke balye.’#Kuz 16:4; Nek 9:15; Zab 78:24,25”
32OYesu nʼakoba ati, “Kambakobere amananu, oMusa tiniye yabawaire omugaati okuzwa omwiguru, baitu oIte wange niye abaweerya omugaati ogwʼamananu okuzwa omwiguru. 33Kubba omugaati gwa Kanca niye oyo eyasirimukire okuzwa omwiguru era niye aweerya abantu ba nsi obwomi.”
34Bo nikwo okumukoba bati, “Mukama waiswe, okuliga ati tuweeryenge omugaati ogwo.” 35OYesu nʼabakoba ati, “Ninje mugaati oguweerya obwomi. Omuntu aiza egyendi enzala teriiramu kumuluma; nʼabo abanyikiriza tibalirumwa malo. 36Baitu nka nimbakobere, mukumbona ati baitu timukwikiriza. 37Buli muntu oIte wange gwampeerya aliiza egyendi, era buli aliiza egyendi tindimupeka. 38Kubba tinazwire mwiguru okwiza okukola nje byenkwendya baitu okukola oyo eyantumire byakwendya. 39Era kuni nikwo kwendya kwoyo eyantumire ndeke kubulwaku gonze omuntu omwei okwabo beyampaire baitu mbayimboole oku kiro ekya mpero. 40Kubba oIte wange kyayendya nikyo kini nti, buli abona era nʼaikiriza oMwana atunge obwomi obutawaawo. Era ndimuyimboora obwomi oku kiro ekya mpero.”
41Abeebemberi bʼaBayudaaya nibaawuliire kini ni batandika okwetongorola bonkai kubba yakobere nti, “Nti ninje mugaati ogwazwire omwiguru.” 42Bo nikwo okukoba bati, “Oni tiniye oYesu omutaani wa Yusufu? OIte waamwe nʼoma waamwe tubamaite. Ale asobola atyai okukoba nambu yazwire mwiguru?”
43OYesu nʼabakoba ati, “Mulekere awo okwetongorola nywekai na nywenkai. 44Ndoowo muntu gonze omwei asobola okwiza egyendi okwiyaku oIte wange eyantumire nga niye amwetere, era oni alimuyimboola oku kiro ekya mpero. 45Abalangi baawandiikire bati, ‘Boona boona oKanca alibeegesya.’#Isa 54:13 Buli muntu awura era nʼayegera okwIte wange aiza egyendi. 46Ndoowo muntu eyaali naboine okwIte wange okwiyaku ayazwire ewa Kanca; niye yenkai eyaali nʼamuboineku. 47Kambakobere amananu, omuntu aikiriza alina obwomi obutawaawo. 48Ninje mugaati oguleeta obwomi. 49Abazeiza baanywe baaliire emaanu omwirungu, baitute ni bafa. 50Baitu guni nigwo mugaati ogwazwire omwiguru, omuntu gwalya nʼatafa. 51Ninje mugaati oguweerya obwomi ogwazwire omwiguru. Buli muntu agulyaku alibba mwomi ebiro nʼebiro. Omugaati guni nigwo mubiri gwange gwendiweeryayo oku lwa bwomi obwa nsi.”
52Obwo abeebemberi bʼaBayudaaya ni batandika okukubba empaka ezʼamaani bonkai na bonkai nibakukoba bati, “Omuntu oni asobola atyai okutuweerya omubiri gwamwe okugulya?”
53OYesu nʼabakoba ati, “Kambakobere amananu, omuntu nʼatalya mubiri gwa Mwana wa Muntu nʼokunywa omusaayi gwamwe, talibba na bwomi. 54Abo abalya omubiri gwange era ni banywa omusaayi gwange balitunga obwomi obutawaawo, era baliyimbooka oku kiro ekya mpero. 55Kini nimwo kiri kityo kubba omubiri gwange nigyo mere egyenyenere, era nʼomusaayi gwange nikyo kyakunywa ekyenyenere. 56Buli muntu alya era nʼanywa omusaayi gwange asigala mu nje, njeena nimba omu ye 57NkʼoIte wange omwomi niyantumire era nka nje nindi mwomi oku bwamwe, olwʼekyo buli muntu olya omubiri gwange alibba mwomi oku lwange. 58Guni nigwo mugaati ogwazwire omwiguru. Abazeiza baanywe baaliire emaanu ni bafa, baitu omuntu alya oku mugaati guni alibba mwomi ebiro nʼebiro.”
59Ebigambo bini yabibazire niyaali akwegeserya omwikumbaaniro e Kaperenawumu.
Ebigambo ebya bwomi obutawaawo
60Abeegesebwa baingi nibaawuliire ebigambo bini ni bakoba bati, “Kuni okwegesya kugumu. Ndoowo muntu asobola kukwikiriza.”
61OYesu yeetejerye nti abeegesebwa baamwe bakwetongorola olwa bigambo byabazire, nikwo okubakoba ati, “Kini kyona kikubagongerya?” 62Ale kiribba kityai nimulibona oMwana wa Muntu nakutemba omwiguru gyeyaali omu kwekeera! 63OMwoyo Akweera niye aweerya obwomi; baitu omubiri ndoowo kyegugasa. Ebigambo byembazire naanywe nibyo bwomi era nigwo Mwoyo. 64Baitu abamwei oku nywe timukwikiriza. Kubba okuzwera kimwei omu kwekeera yaali namaite kusai naani ayaali tamwikiriize era ayaali owa kumuliirana. 65Era gini nigyo nsonga lwaki nʼabakore nti, “Ndoowo muntu asobola okwiza egyendi okwiyaku nga oIte wange niye amusoboleserye.”
66Okuzwa awo abeegesebwa baamwe baingi ni bamuzwaku era ni balekera awo okumusengeerya 67Awo oYesu nʼababuulya ati, “Obwo nywena mukwendya okwaba, oba bbe?”
68OSimooni Peetero nʼamwiramu ati, “Mukama waiswe, Iswe obwo twayaba wa naani? Kubba niiwe alina ebigambo bya bwomi obutawaawo 69Ati buni tukwikiriza era tumaite niiwe oMweru owa Kanca.”
70OYesu nʼabairamu ati, “Tininje nabakomere nywe eikumi nʼababiri? Baitu omwei oku nywe Setaani!” 71OYesu yaali nakubaza ku Yuda, omwana wa Simooni Isikariyooti. Kubba gonze ye yaali omwei oku beegesebwa eikumi nʼababiri niye yaali okumuliirana.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in