Maluko 10
10
Yesu kofunza mbuli ya nyasa
Matayo 19:1-12; Luka 16:18
1Amala Yesu kahalawa uko Kapelinaumu kaloka lwanda lwa Yolodani, kaita ubanzi wa Yudea. Bumbila kulu da wanhu dimwizila kaidi na kawafunda kama vigali mazoela gake.
2Mafalisayo wamwenga wamuwinza Yesu ili wamgeze kwa kumuuza, “Ivo, habule mbuli munhu yahamwasa mwehe wake?”
3Yesu kawedika, “Ivo, Musa kawalagiza choni?” 4Nawo wamwidika, “Musa kaching'ha hiali kua mulume kodaha kumwandikila balua ya nyasa mwehe wake.”
5Yesu kawalongela, Musa kawandikila ndagizi iyo kwavija hamgoga mahala. 6Mbali tangia haumwanduso wa kulumbigwa isi, “Mulungu kawalumba mulume na muke. 7Nao wokua lukuli lumwe, mulume komleka tata yake na mami yake na Mulungu kowalumba wao waidi.” 8Nao waidi wokua lukuli lumwe na sio waidi kaidi. 9Ivo, chiyalumbile Mulungu, munhu seke yachigole.”
10Yesu viyengile mng'anda kaidi, waluko wake wamuuza kwa mbuli iyo ya nyasa. 11Kawedika, “Mulume yoyose yomwasa mwehe wake na kusola mwehe imwenga, komtendela ugoni mwehe wake. 12Ivija nayo muke yomwasa mulume wake koita kusoligwa na mulume imwenga, kotemtendela ugoni mulume wake.”
Yesu kowapulila ganogile wana wadodo
Matayo 19:13-15; Luka 19:13-15-17
13Wanhu wakala womgalila Yesu wana wadodo ili yawekile makono mditwi na kuwapulila Mulungu yaweng'he ganogile mbali waluko wake wawakomokela. 14Yesu viyaonile gago gatendeka kagevuzika, kawalongela waluko wake, “Walekeni wana wadodo weze kumwangu, kaidi seke muwakimile, manake Ufaume wa Mulungu ni wa wanhu kama wana wano. 15Nomlongeleni kweli, munhu yoyose kama yahalema kubokela Ufaume wa Mulungu kama mwana mdodo, hengila umo mbee.” 16Kawasola wana mmakono gake, kawahagatila, kawekila magono gake mditwi, na kawapulila Mulungu yaweng'he ganogile.
Munhu mzenzi
Matayo 19:16-30; Luka 18:18-30
17Yesu viyakalile yosegela, munhu imwe kamkimbilila, katumbala mavindi hamwake, kamuuza, “Mfundaji ulibule gehile, nhende choni mhate ugima ulibule uhelelo?”
18Yesu kamuuza, “Mbona kung'hema nilibule gehile? Habule yelibule gehile ila Mulungu yaiyeka. 19Yesu kamlongela, kozimanya ndagizi za Mulungu, ‘Seke ukome, seke utende ugoni, seke wibe, seke ulonge uvwizi, seke uvwize, wategeleze tata yako na mami yako.’ ”
20Kamwidika, “Mfundaji, ndagizi zino zose nizimanya tangia udodo wangu.”
21Yesu kamlola na kamwonela wende, kamlongela, “Kuhungukiligwa na chinhu chimwe, genda ukagule vinhu vako vose na sente uweng'he vikumbi muyega, nagweye kokua na uzenzi wako kuulanga kwa Mulungu, amala wize uniwinze.” 22Munhu ija viyahulike ivo, kalumila ng'hani mmoyo kasegela yeli na giogio kwavija kakala na vinhu vingi.
23Yesu kalola kuno na kuno, kawalongela waluko wake, “Yokua vidala ng'hani wanhu kwingila mu Ufaume wa Mulungu!”
24Waluko wake wakanganyika ng'hani kwa mbuli iyo. Mbali Yesu kabwelela kaidi, kawalongela, “Wanangu, loleni viili ndala kwa ija yotumainila vinhu vake kwingila mu Ufaume wa Mulungu. 25Vibuha ng'hani kwa mnyama Ngamia kubita mdizonzo da shindano badili ya munhu mzenzi kwingila mu Ufaume wa Mulungu.”
26Waluko wake wakanganyika ng'hani. Waiuza wenyego, “Ivo yelihi yodaha kuhonyingwa?”
27Yesu kawalola, kawalongela, “Kwa wanhu dino hadidahika, mbali kwa Mulungu sio ivo. Gose kwa Mulungu godahika.”
28Petulo kasonga kumulongela, “Chileka chila chinhu chikuwinza gweye!”
29Yesu kalonga, “Nowalongela kweli, habule munhu yoyose alekile ng'anda yake, ndugu wakilume, hebu wachike, tata na mami yake, wana hebu migunda kwa mbuli yangu na kwa Usenga Unogile, 30honda yalihigwe bwelele muiisi ino. Kobokela ng'anda na ndugu wachilume na ndugu wa chike, tata na mami yake na wana na migunda na madununzo. Amala kobokela ugima ulibule uhelelo muiisi ikwiza. 31Mbali wengi walongole wokua hachikomelezo, na wachikomelezo wokua haulongozi.
Yesu kalongelela ifa yake na kuzilibuka mala ya kadatu
Matayo 20:17-19; Luka 18:31-34
32Yesu na waluko wake viwakalile nzila woita Kae ya Yelusalemu, Yesu kakala yawalongolele. Waluko wake wakala wokanganya, na waja wanhu wakalile wowawinza wamema gudemo. Yesu kawasola kaidi hamgwazo waja wakuko wake kumi na waidi na kuwalongela gonda gampate. 33Kalonga, “Tegelezeni choita Yelusalemu, na uko nie Mwana wa munhu nogogigwa na kugaligwa kwa walongozi wa walava nhambiko na wofunza ndagizi za Musa. Wao wonilamula ifa na kunigela mmakono ga wanhu hawali Wayahudi. 34Nao wonizeha na kunitemela mate, wonilibula mbalati na kunikoma. Na zua da kadatu nozilibuka.”
Yakobo na Yohana wopula Yesu ukulu
Matayo 20:20-28
35Amala Yakobo na Yohana, wanage Zebedayo, weza haulongozi hayakalile Yesu na kumulongela, “Mfundaji, chonda uchitendele chonda chikupule.”
36Nayo kawauza, “Ivo, molonda niwatendele choni?”
37Wamwidika, “Wahakala muukulu wako, chonda chikale hamwe imwe yakale ubanzi wako wa kulume na imwenga ubanzi wako wa kumoso.”
38Mbali Yesu kawalongela, “Hamdimanyile dimpula. Ivo, modaha kung'wila chikombe cha madununzo chonda ning'wela nie, hebu kubatizigwa ubatizo wa madununzo wonda nibatizigwe nie?”
39Wamwidika, “Chodaha.” Amala Yesu kawalongela, “Chikombe niking'wela na mweye moking'wela na ubatizo umbatizigwa na mweye mobatizigwa, 40mbali kukala ubanzi wangu wakulume hebu wakumoso sio mbuli yangu nie kuweng'ha. Mulungu koweng'ha nyafasi izo waja yawasagule.”
41Waja waluko wamwenga kumi wasigale viwahulike mbuli iyo wawagevukila Yakobo na Yohana. 42Yesu kawakema hamwe waluko wake na kawalongela, “Mvimanya kua walongozi wa wanhu waja hawali Wayahudi wolongoza wanhu kwa ludabwa, na ivija mvimanya kua weli na ukulu wotumila ludabwa lwao ili wanhu wawategeleze. 43Mbali sio kumwenu. Badili yake yoyose yondakua mkulu kumwenu kolondeka yawe msang'hani wenu 44na yoyose yondakua mlongozi, kolondeka yawasang'hanile mweye wose. 45Hata nie Mwana wa munhu sizile kusang'haniligwa, ila kusang'hana na kulava ugima wangu kuwa loholo da wanhu wengi.”
Yesu komhonya Batimayo chipofu
Matayo 20:29-34; Luka 18:35-43
46Amala Yesu na waluko wake wavika muikae ya Yeliko. Na viwakalile wolawa umo hamwe na bumbila kulu da wanhu, chipofu imwe zina jake Batimayo, mwanage Timayo, kakala yakalile hamgwazo nzila yopula wanhu wamwing'he vinhu. 47Viyahulike kua Yesu kulawa kae ya Nazaleti kobita baho, kasonga kwinula dizi jake kakema, “Go Yesu, Mwana wa Daudi, unionele bazi!”
48Wanhu wengi wamkomhokela, wamlongela yanyamale hupi, mbali yeye kakongeza kuguta kuno kolonga, “Go Mwana wa Daudi, nionele bazi!”
49Yesu kema na kalonga, “Mkemeni yeze.” Ivo wamkema ija chipofu kuno womlongela, “Gangamala! Ima, Yesu kokukema.”
50Nayo kenuka na kajasa golole jake kazumha, kamuwinza Yesu.
51Yesu kamuuza, “Konda nikutendele choni?”
“Chipofu ija kamwidika, “Mfundaji, nokupula nie nolonda kulola.”
52Yesu kamlongela, “Haya genda, kutumanila kwako kukuhonya.”
Bahaja kasonga kulola, kamuwinza Yesu nzila.
Currently Selected:
Maluko 10: KBV
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Maluko 10
10
Yesu kofunza mbuli ya nyasa
Matayo 19:1-12; Luka 16:18
1Amala Yesu kahalawa uko Kapelinaumu kaloka lwanda lwa Yolodani, kaita ubanzi wa Yudea. Bumbila kulu da wanhu dimwizila kaidi na kawafunda kama vigali mazoela gake.
2Mafalisayo wamwenga wamuwinza Yesu ili wamgeze kwa kumuuza, “Ivo, habule mbuli munhu yahamwasa mwehe wake?”
3Yesu kawedika, “Ivo, Musa kawalagiza choni?” 4Nawo wamwidika, “Musa kaching'ha hiali kua mulume kodaha kumwandikila balua ya nyasa mwehe wake.”
5Yesu kawalongela, Musa kawandikila ndagizi iyo kwavija hamgoga mahala. 6Mbali tangia haumwanduso wa kulumbigwa isi, “Mulungu kawalumba mulume na muke. 7Nao wokua lukuli lumwe, mulume komleka tata yake na mami yake na Mulungu kowalumba wao waidi.” 8Nao waidi wokua lukuli lumwe na sio waidi kaidi. 9Ivo, chiyalumbile Mulungu, munhu seke yachigole.”
10Yesu viyengile mng'anda kaidi, waluko wake wamuuza kwa mbuli iyo ya nyasa. 11Kawedika, “Mulume yoyose yomwasa mwehe wake na kusola mwehe imwenga, komtendela ugoni mwehe wake. 12Ivija nayo muke yomwasa mulume wake koita kusoligwa na mulume imwenga, kotemtendela ugoni mulume wake.”
Yesu kowapulila ganogile wana wadodo
Matayo 19:13-15; Luka 19:13-15-17
13Wanhu wakala womgalila Yesu wana wadodo ili yawekile makono mditwi na kuwapulila Mulungu yaweng'he ganogile mbali waluko wake wawakomokela. 14Yesu viyaonile gago gatendeka kagevuzika, kawalongela waluko wake, “Walekeni wana wadodo weze kumwangu, kaidi seke muwakimile, manake Ufaume wa Mulungu ni wa wanhu kama wana wano. 15Nomlongeleni kweli, munhu yoyose kama yahalema kubokela Ufaume wa Mulungu kama mwana mdodo, hengila umo mbee.” 16Kawasola wana mmakono gake, kawahagatila, kawekila magono gake mditwi, na kawapulila Mulungu yaweng'he ganogile.
Munhu mzenzi
Matayo 19:16-30; Luka 18:18-30
17Yesu viyakalile yosegela, munhu imwe kamkimbilila, katumbala mavindi hamwake, kamuuza, “Mfundaji ulibule gehile, nhende choni mhate ugima ulibule uhelelo?”
18Yesu kamuuza, “Mbona kung'hema nilibule gehile? Habule yelibule gehile ila Mulungu yaiyeka. 19Yesu kamlongela, kozimanya ndagizi za Mulungu, ‘Seke ukome, seke utende ugoni, seke wibe, seke ulonge uvwizi, seke uvwize, wategeleze tata yako na mami yako.’ ”
20Kamwidika, “Mfundaji, ndagizi zino zose nizimanya tangia udodo wangu.”
21Yesu kamlola na kamwonela wende, kamlongela, “Kuhungukiligwa na chinhu chimwe, genda ukagule vinhu vako vose na sente uweng'he vikumbi muyega, nagweye kokua na uzenzi wako kuulanga kwa Mulungu, amala wize uniwinze.” 22Munhu ija viyahulike ivo, kalumila ng'hani mmoyo kasegela yeli na giogio kwavija kakala na vinhu vingi.
23Yesu kalola kuno na kuno, kawalongela waluko wake, “Yokua vidala ng'hani wanhu kwingila mu Ufaume wa Mulungu!”
24Waluko wake wakanganyika ng'hani kwa mbuli iyo. Mbali Yesu kabwelela kaidi, kawalongela, “Wanangu, loleni viili ndala kwa ija yotumainila vinhu vake kwingila mu Ufaume wa Mulungu. 25Vibuha ng'hani kwa mnyama Ngamia kubita mdizonzo da shindano badili ya munhu mzenzi kwingila mu Ufaume wa Mulungu.”
26Waluko wake wakanganyika ng'hani. Waiuza wenyego, “Ivo yelihi yodaha kuhonyingwa?”
27Yesu kawalola, kawalongela, “Kwa wanhu dino hadidahika, mbali kwa Mulungu sio ivo. Gose kwa Mulungu godahika.”
28Petulo kasonga kumulongela, “Chileka chila chinhu chikuwinza gweye!”
29Yesu kalonga, “Nowalongela kweli, habule munhu yoyose alekile ng'anda yake, ndugu wakilume, hebu wachike, tata na mami yake, wana hebu migunda kwa mbuli yangu na kwa Usenga Unogile, 30honda yalihigwe bwelele muiisi ino. Kobokela ng'anda na ndugu wachilume na ndugu wa chike, tata na mami yake na wana na migunda na madununzo. Amala kobokela ugima ulibule uhelelo muiisi ikwiza. 31Mbali wengi walongole wokua hachikomelezo, na wachikomelezo wokua haulongozi.
Yesu kalongelela ifa yake na kuzilibuka mala ya kadatu
Matayo 20:17-19; Luka 18:31-34
32Yesu na waluko wake viwakalile nzila woita Kae ya Yelusalemu, Yesu kakala yawalongolele. Waluko wake wakala wokanganya, na waja wanhu wakalile wowawinza wamema gudemo. Yesu kawasola kaidi hamgwazo waja wakuko wake kumi na waidi na kuwalongela gonda gampate. 33Kalonga, “Tegelezeni choita Yelusalemu, na uko nie Mwana wa munhu nogogigwa na kugaligwa kwa walongozi wa walava nhambiko na wofunza ndagizi za Musa. Wao wonilamula ifa na kunigela mmakono ga wanhu hawali Wayahudi. 34Nao wonizeha na kunitemela mate, wonilibula mbalati na kunikoma. Na zua da kadatu nozilibuka.”
Yakobo na Yohana wopula Yesu ukulu
Matayo 20:20-28
35Amala Yakobo na Yohana, wanage Zebedayo, weza haulongozi hayakalile Yesu na kumulongela, “Mfundaji, chonda uchitendele chonda chikupule.”
36Nayo kawauza, “Ivo, molonda niwatendele choni?”
37Wamwidika, “Wahakala muukulu wako, chonda chikale hamwe imwe yakale ubanzi wako wa kulume na imwenga ubanzi wako wa kumoso.”
38Mbali Yesu kawalongela, “Hamdimanyile dimpula. Ivo, modaha kung'wila chikombe cha madununzo chonda ning'wela nie, hebu kubatizigwa ubatizo wa madununzo wonda nibatizigwe nie?”
39Wamwidika, “Chodaha.” Amala Yesu kawalongela, “Chikombe niking'wela na mweye moking'wela na ubatizo umbatizigwa na mweye mobatizigwa, 40mbali kukala ubanzi wangu wakulume hebu wakumoso sio mbuli yangu nie kuweng'ha. Mulungu koweng'ha nyafasi izo waja yawasagule.”
41Waja waluko wamwenga kumi wasigale viwahulike mbuli iyo wawagevukila Yakobo na Yohana. 42Yesu kawakema hamwe waluko wake na kawalongela, “Mvimanya kua walongozi wa wanhu waja hawali Wayahudi wolongoza wanhu kwa ludabwa, na ivija mvimanya kua weli na ukulu wotumila ludabwa lwao ili wanhu wawategeleze. 43Mbali sio kumwenu. Badili yake yoyose yondakua mkulu kumwenu kolondeka yawe msang'hani wenu 44na yoyose yondakua mlongozi, kolondeka yawasang'hanile mweye wose. 45Hata nie Mwana wa munhu sizile kusang'haniligwa, ila kusang'hana na kulava ugima wangu kuwa loholo da wanhu wengi.”
Yesu komhonya Batimayo chipofu
Matayo 20:29-34; Luka 18:35-43
46Amala Yesu na waluko wake wavika muikae ya Yeliko. Na viwakalile wolawa umo hamwe na bumbila kulu da wanhu, chipofu imwe zina jake Batimayo, mwanage Timayo, kakala yakalile hamgwazo nzila yopula wanhu wamwing'he vinhu. 47Viyahulike kua Yesu kulawa kae ya Nazaleti kobita baho, kasonga kwinula dizi jake kakema, “Go Yesu, Mwana wa Daudi, unionele bazi!”
48Wanhu wengi wamkomhokela, wamlongela yanyamale hupi, mbali yeye kakongeza kuguta kuno kolonga, “Go Mwana wa Daudi, nionele bazi!”
49Yesu kema na kalonga, “Mkemeni yeze.” Ivo wamkema ija chipofu kuno womlongela, “Gangamala! Ima, Yesu kokukema.”
50Nayo kenuka na kajasa golole jake kazumha, kamuwinza Yesu.
51Yesu kamuuza, “Konda nikutendele choni?”
“Chipofu ija kamwidika, “Mfundaji, nokupula nie nolonda kulola.”
52Yesu kamlongela, “Haya genda, kutumanila kwako kukuhonya.”
Bahaja kasonga kulola, kamuwinza Yesu nzila.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.