Maliko 9
9
1Yesʉ akalongoleka kʉatambʉɨla, “Kʉmʉɨla ɨtai, akolɨ antʉ nɨɨmɨkile apaitɨ nɨshanga a kʉsha lʉkʉlʉ kʉpikɨɨla aʉone ʉtemi wang’wi Itunda ʉpembilye kʉngulu.”
Yesʉ ʉkigeela mʉʉkʉlʉ wakwe
Matayo 17:1-13; Lʉka 9:28-36
2Naɨakɨla mahikʉ mʉtandatʉ, Yesʉ akaahola Petelo nʉ Yohana nʉ Yakobo akanankɨla nɨenso mʉlʉgʉlʉ. Yesʉ akaɨlɨka ikelʉ lakwe ntongela ao, 3Matugalo akwe akatula mɨlɨgɨnta, nʉkʉtula melʉ pee, kʉtilɨ anga mʉntʉ mʉʉnkumbigʉlʉ nʉhumile kʉhombola atule melʉ itɨ. 4Papo paapo amanyisigwa ao nɨataatʉ akaaona amanga ang’wi Itunda Elia nʉ Musa, akitambʉlya nʉ Yesʉi. 5Petelo akamʉɨla ʉ Yesʉi, “Mʉmanyisi, inonee ʉsese ɨze kʉmolɨ papa. Bahu kʉzenge itala itaatʉ, kɨng’wɨ kako, nɨkɨʉya kang’wa Musa nɨkɨʉya kang’wa Elia.” 6Petelo akaʉlya nɨkakʉligitya, kʉnsoko nʉwanso nɨaʉya aɨogopa.
7Sʉnga lɨkagiɨlya ilunde lɨkakʉnɨkɨla, ʉlʉlɨ lang’wi Itunda lɨkigigwa kʉpuma milunde nɨlanso, “Ʉyʉ ng’waane nɨnʉmʉloilwe mʉtegeelyi.” 8Papo paapo amanyisigwa nɨanso akagoza kʉnʉ nɨ kʉnʉ, shanga akaona anga mʉntʉ wɨhi, ingɨ ʉ Yesʉi du palʉng’wɨ nɨenso.
9Ʉʉgwa, naɨ akʉhulumʉka kʉpuma mʉlʉgʉlʉ, Yesʉ akaalagɨɨlya “Leki kʉmʉɨli mʉntʉ wɨhi makani nazamʉmaɨne, kʉpikɨɨla ʉnene Ng’waa Mʉntʉ nʉzɨɨza iʉka.”
10Itɨ gwa akagomba ilagɨɨlyo nɨlanso, ingɨ akikolya enso kʉ enso wiʉki ɨndogoelyo ntuni. 11Akamʉkolya ʉ Yesʉi, “Amanyisi amalagɨɨlyo ka ɨlʉnga, mʉnyakɨdagʉ wang’wi Itunda Elia ʉkʉmʉtongeela ʉ Kilisito kʉza?”#9:11 Yesʉ aɨ ʉmimpyanilye ʉ Yohana Mʉbadisi nʉ Elia. Yohana Mʉbadisi aɨwitʉmile ʉmʉlɨmo nɨ Ayahudi aɨ alindɨɨe kɨna ʉ Elia ng’wenso ʉziitʉma. Mʉlɨmo nʉwanso aɨ kʉmʉnoneelya Yesʉ nzɨla
12Yesʉ nʉng’wenso akaasʉkɨɨlya, “Tai, mʉnyakɨdagʉ wang’wi Itunda Elia ʉpembilye hanza kʉnoneelya ɨhi. Nɨɨtɨ ga, kʉnɨkɨ gwa yandɨkilwe Mʉʉandɨkwa Nʉʉza kɨna ʉnene Ng’waa Mʉntʉ kagigwa nʉ kʉdalahwa. 13Kʉmʉtambʉɨla, mʉmanga wang’wi Itunda ʉ Elia wazile, antʉ akamʉtendeela ɨhi naɨaloilwe, anga naɨ ʉandɨkɨwe mʉʉandɨkwa.”
Mʉhʉmba nʉkete ʉhɨng’wɨ ʉkʉkomigwa nʉ Yesʉi
Matayo 17:4-21; Lʉka 9:37-43
14Yesʉ nɨamanyisigwa awo nɨataatʉ naɨapika kʉ amanyisigwa aʉya, pang’wanso akaona milʉndo ʉkʉlʉ nʉwa antʉ. Nɨamanyisi amalagɨɨlyo nɨang’wɨ aɨ akitambʉlya nɨantʉ nɨanso. 15Itungo ʉdu milʉndo nʉwanso nʉwa antʉ naɨamʉine ʉ Yesʉi, ɨhi akakʉɨlwa, akamʉmankɨɨla amʉlamʉshe. 16Yesʉ akaakolya, “Mʉkikʉngʉma ntʉni nɨenso?”
17Mʉntʉ ʉng’wɨ mʉ milʉndo nʉwanso akamʉsʉkɨɨlya ʉ Yesʉi, “Mʉmanyisi, namʉletaa ʉng’waane kʉng’wako, nʉwatendɨlwe kɨmʉmi nʉhɨng’wɨ. 18Matungo ɨdʉ hɨng’wɨ nʉwanso wɨmʉkatʉlya pihɨ akatulaa puma ipomboolu kʉmʉlomo, nʉkʉkelya mino nʉ mʉɨli wɨhi wɨkakamaala. Amanyisigwa ako aza nɨatambʉɨe amʉhegelye aleng’wa.”
19Yesʉ akaaɨla, “Ʉnyenye wileli nɨmɨagila ʉhʉɨɨli! Mʉkʉtula nʉnene mahikʉ ɨhi? Kigigimɨlya kʉpikɨɨla nalɨ? Mʉleti kʉng’wane ʉng’wana nʉwanso.” 20Akamʉtwala ʉng’wana nʉwanso kʉng’wa Yesʉ. Papo paapo hɨng’wɨ nʉwanso naɨʉmʉine ʉdu ʉ Yesʉi,
Mʉhʉmba akatulwa nɨ nkolo, akagwa pihɨ, akagalʉka nʉkʉpuma ipombolu kʉmʉlomo. 21Yesʉ akamʉkolya ihe nʉwa mʉhʉmba nʉwanso, “Ng’waako wandilye nalɨ kʉtula itɨ?” Nʉng’wenso ihe nʉwa mʉhʉmba akasʉkɨɨlya, “Ʉʉ ɨza wɨlɨ puma nʉwatugɨwe. 22Nkʉa yɨdu hɨng’wɨ ʉyʉ wɨmʉgʉmɨla mʉmoto ang’wɨ mʉmazɨ, kʉnsoko wamʉlimansɨlye lʉkʉlʉ. Kʉaisɨɨlye anga ɨze ʉhumile kʉaɨɨlye!” 23Yesʉ akamʉɨla, “Kʉnɨkɨ ʉlʉngile ang’wɨ ihumɨkile! Ɨhi ahumɨkile kʉmʉntʉ nʉkete ʉhʉɨɨli.”
24Papo paapo ihe nʉwa mʉhʉmba akalɨla kʉ ʉkɨa, “Nihʉɨɨe! Ingɨ ʉhʉɨɨli wane ʉnino, nzaɨlye nihume kʉhʉɨɨla.”
25Yesʉ naɨwaona milʉndo nʉwa antʉ ʉkongeeleka pa ntongela akwe, akamʉkenela ʉhɨng’wɨ nʉwanso, “Ʉwe hɨng’wɨ nʉwagulu nɨ kɨmumɨ nʉkʉmʉtenda ʉmʉhʉmba ʉyʉ kʉtula kɨmumɨ hangɨ gulu, kʉʉsinja puma mʉmʉhʉmba ʉyʉ ʉleke kʉsʉka hangɨ!”
26Papo paapo ʉhɨng’wɨ nʉwanso akakʉta, akamʉkatʉlya pihɨ mʉhʉmba nʉwanso, akahega. Mʉhʉmba akatula anga ʉmʉimba, antʉ ang’wɨ akalʉnga, “Wakʉza!” 27Yesʉ akamʉamba ʉmʉkono mʉhʉmba, akamʉʉsha, nʉng’wenso akimɨka. 28Ingɨ, ʉ Yesʉi naɨwingɨla mʉnyʉmba, amanyisigwa akwe akamʉkolya, “Nɨkɨ ʉsese aza kaleng’wa kʉmʉpumya ʉhɨng’wɨ ʉyʉ?” 29Yesʉ akaaɨla, “Ʉhɨng’wɨ anga ʉyʉ, shanga ʉhumile kʉhega ingɨ kʉnzɨla akʉlompa hanza ʉewe.”
Yesʉ ʉkʉligitɨlya hangɨ ɨnsha nʉ wiʉki wakwe
Matayo 17:22-23; Lʉka 9:43-45
30Yesʉ nɨamanyisigwa akwe akahega pang’wanso akalongoleka nʉmʉhɨnzo akakɨɨla kʉ Galilaya. Yesʉ shanga aɨ ʉloilwe antʉ alɨnge ʉko kʉkolɨ, 31kʉnsoko aɨ ʉkʉamanyisa amanyisigwa akwe. Akaatambʉɨla, “Ʉnene Ng’waa Mʉntʉ kʉsuɨpwa nɨ antʉ nʉkʉmbʉlaga, lʉhikʉ nʉla kataatʉ kiʉka.”
32Ingɨ amanyisigwa akwe shanga aɨ alɨngɨle ikani nɨlanso. Akogopa kʉmʉkolya.
Nyenyu nʉ mʉkʉlʉ?
Matayo 18:1-5; Lʉka 9:46-48
33Yesʉ nɨ amanyisigwa akwe naɨapika kʉ Kapalanaʉmu. Naɨ ʉmolɨ mʉnyʉmba, akaakolya, “Mʉnzɨla aza mʉkikʉngʉma ntʉni?” 34Nɨenso shanga akasʉkɨlya, kʉnsoko mʉnzɨla aɨ akikʉngʉma kɨna mʉng’witʉ nyenyu nʉkʉtula mʉkʉlʉ. 35Yesʉ akalama pihɨ, akaitanga amanyisigwa ao ikʉmi na abɨɨlɨ, akaaɨla, “Mʉntʉ wɨhi anga walowe kʉtula mʉkʉlʉ kʉsinja atule mʉniino hangɨ mitʉmi waʉya ɨhi.” 36Sʉnga Yesʉ akamʉhola ng’wana mʉniɨno, akamimɨsha pakatɨ ao, akamʉungatɨla, sʉnga akaaɨla hangɨ, 37“Ʉyʉ nʉkʉmʉsɨngɨɨlya ng’wana anga ʉyʉ kikʉlyo la lina lane, ʉnsɨngɨɨye nene, hangɨ nʉkʉnsɨngɨɨlya ʉnene, shanga ʉnsɨngɨɨye anga ʉnene du, ingɨ ʉmʉsɨngɨɨye Itunda naɨ ʉndagɨɨye.”
Nɨshanga wɨnsuta nʉsese nʉwanso wɨpalʉng’wɨ nʉsese
Lʉka 9:49-50
38Yohana akamʉɨla Yesʉ, “Mʉmanyisi, kamʉona mʉntʉ ʉkʉheja hɨng’wɨ kʉlina lako, ʉsese kamʉgilya kʉnsoko shanga mɨitʉ.”
39Ingɨ ʉ Yesʉi akaaɨla, “Leki kʉmʉgilyi ʉmʉntu ɨkɨ nʉkitʉma. Kʉtilɨ mʉntʉ nʉkitʉma ʉmʉlɨmo kʉlina lane, papo paapo waakentambʉla niibɨ. 40Mʉntʉ wɨhi nʉkitʉma aya nɨkʉitʉma wɨpalʉng’wɨ nʉsese. 41Kʉmʉɨla kʉlʉ kʉʉlʉ, mʉntʉ wɨhi nʉkʉmʉpeza ɨmazɨ akʉng’wa, kʉnsoko ʉnyenye mɨantʉ ang’wa Kilisito, kʉmʉɨla ʉkʉlija kɨpegwa kakwe.
Makani nɨsasha mʉntʉ kitʉma mɨlandʉ
Matayo 18:6-9; Lʉka 17:1-2
42Mʉntʉ wɨhi nʉkʉʉmʉsasha ʉng’wɨ mʉana awa itʉme mɨlandʉ, bahu mʉntʉ nʉwanso watungɨɨlwe lwala nʉlʉkʉlʉ mʉnkingo wagʉmɨlwe mʉlʉzɨ nʉ lʉkʉlʉ. 43Mʉkono wako anga ʉkʉsashe, ʉheje! Bahu kingɨla mʉʉpanga ɨze ʉkete mʉkono ʉng’wɨ, kʉkɨla kʉtula nɨ mɨkono ɨbɨɨlɨ wingɨle kʉʉlʉngʉ mʉ moto nɨshanga wɨlimaa. 44Mʉng’wanso ngunyɨ yakwe shanga yɨshaa nʉ moto shanga wɨlima. 45Nʉ mʉgʉlʉ wako anga ʉkʉsashe, ʉheje! Bahu kingɨla mʉʉpanga ɨze ʉkete mʉgʉlʉ ʉng’wɨ, kʉkɨla kʉtula nɨ mɨgʉlʉ ɨbɨɨlɨ wingɨle kʉʉlʉngʉ mʉ moto nɨshanga wɨlimaa. 46Mʉng’wanso ngunyɨ yakwe shanga yɨshaa nʉ moto shanga wɨlima. 47Nɨ liho lako anga lɨkʉsashe, lɨheje! Bahu kingɨla mʉʉtemi wang’wi Itunda ɨze wihongo, kʉkɨla kʉtula nɨmiho ɨhi abɨɨlɨ nʉkʉgʉmɨlwa kʉʉlʉngʉ mʉ moto nɨshanga wɨlimaa. 48Mʉng’wanso ngunyɨ yakwe shanga yɨshaa nʉ moto shanga wɨlima.
49Itunda ʉkʉmʉkɨɨlya mʉntʉ wɨhi mʉlwago nʉlɨhanga kʉzigɨligwa nʉ moto, anga antʉ nɨɨpaka mʉnyʉ mʉnyama nɨakɨlɨ kʉmɨlimansɨɨlya.
50Mʉnyʉ ʉza, ingɨ anga ʉʉlye ʉʉza wakwe nyenyu nʉkʉʉnonia hangɨ?
Nʉnyenye mʉtule anga mʉnyʉ nʉɨkoela, ɨze migombye ʉnyenye.”
Currently Selected:
Maliko 9: IBV
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Maliko 9
9
1Yesʉ akalongoleka kʉatambʉɨla, “Kʉmʉɨla ɨtai, akolɨ antʉ nɨɨmɨkile apaitɨ nɨshanga a kʉsha lʉkʉlʉ kʉpikɨɨla aʉone ʉtemi wang’wi Itunda ʉpembilye kʉngulu.”
Yesʉ ʉkigeela mʉʉkʉlʉ wakwe
Matayo 17:1-13; Lʉka 9:28-36
2Naɨakɨla mahikʉ mʉtandatʉ, Yesʉ akaahola Petelo nʉ Yohana nʉ Yakobo akanankɨla nɨenso mʉlʉgʉlʉ. Yesʉ akaɨlɨka ikelʉ lakwe ntongela ao, 3Matugalo akwe akatula mɨlɨgɨnta, nʉkʉtula melʉ pee, kʉtilɨ anga mʉntʉ mʉʉnkumbigʉlʉ nʉhumile kʉhombola atule melʉ itɨ. 4Papo paapo amanyisigwa ao nɨataatʉ akaaona amanga ang’wi Itunda Elia nʉ Musa, akitambʉlya nʉ Yesʉi. 5Petelo akamʉɨla ʉ Yesʉi, “Mʉmanyisi, inonee ʉsese ɨze kʉmolɨ papa. Bahu kʉzenge itala itaatʉ, kɨng’wɨ kako, nɨkɨʉya kang’wa Musa nɨkɨʉya kang’wa Elia.” 6Petelo akaʉlya nɨkakʉligitya, kʉnsoko nʉwanso nɨaʉya aɨogopa.
7Sʉnga lɨkagiɨlya ilunde lɨkakʉnɨkɨla, ʉlʉlɨ lang’wi Itunda lɨkigigwa kʉpuma milunde nɨlanso, “Ʉyʉ ng’waane nɨnʉmʉloilwe mʉtegeelyi.” 8Papo paapo amanyisigwa nɨanso akagoza kʉnʉ nɨ kʉnʉ, shanga akaona anga mʉntʉ wɨhi, ingɨ ʉ Yesʉi du palʉng’wɨ nɨenso.
9Ʉʉgwa, naɨ akʉhulumʉka kʉpuma mʉlʉgʉlʉ, Yesʉ akaalagɨɨlya “Leki kʉmʉɨli mʉntʉ wɨhi makani nazamʉmaɨne, kʉpikɨɨla ʉnene Ng’waa Mʉntʉ nʉzɨɨza iʉka.”
10Itɨ gwa akagomba ilagɨɨlyo nɨlanso, ingɨ akikolya enso kʉ enso wiʉki ɨndogoelyo ntuni. 11Akamʉkolya ʉ Yesʉi, “Amanyisi amalagɨɨlyo ka ɨlʉnga, mʉnyakɨdagʉ wang’wi Itunda Elia ʉkʉmʉtongeela ʉ Kilisito kʉza?”#9:11 Yesʉ aɨ ʉmimpyanilye ʉ Yohana Mʉbadisi nʉ Elia. Yohana Mʉbadisi aɨwitʉmile ʉmʉlɨmo nɨ Ayahudi aɨ alindɨɨe kɨna ʉ Elia ng’wenso ʉziitʉma. Mʉlɨmo nʉwanso aɨ kʉmʉnoneelya Yesʉ nzɨla
12Yesʉ nʉng’wenso akaasʉkɨɨlya, “Tai, mʉnyakɨdagʉ wang’wi Itunda Elia ʉpembilye hanza kʉnoneelya ɨhi. Nɨɨtɨ ga, kʉnɨkɨ gwa yandɨkilwe Mʉʉandɨkwa Nʉʉza kɨna ʉnene Ng’waa Mʉntʉ kagigwa nʉ kʉdalahwa. 13Kʉmʉtambʉɨla, mʉmanga wang’wi Itunda ʉ Elia wazile, antʉ akamʉtendeela ɨhi naɨaloilwe, anga naɨ ʉandɨkɨwe mʉʉandɨkwa.”
Mʉhʉmba nʉkete ʉhɨng’wɨ ʉkʉkomigwa nʉ Yesʉi
Matayo 17:4-21; Lʉka 9:37-43
14Yesʉ nɨamanyisigwa awo nɨataatʉ naɨapika kʉ amanyisigwa aʉya, pang’wanso akaona milʉndo ʉkʉlʉ nʉwa antʉ. Nɨamanyisi amalagɨɨlyo nɨang’wɨ aɨ akitambʉlya nɨantʉ nɨanso. 15Itungo ʉdu milʉndo nʉwanso nʉwa antʉ naɨamʉine ʉ Yesʉi, ɨhi akakʉɨlwa, akamʉmankɨɨla amʉlamʉshe. 16Yesʉ akaakolya, “Mʉkikʉngʉma ntʉni nɨenso?”
17Mʉntʉ ʉng’wɨ mʉ milʉndo nʉwanso akamʉsʉkɨɨlya ʉ Yesʉi, “Mʉmanyisi, namʉletaa ʉng’waane kʉng’wako, nʉwatendɨlwe kɨmʉmi nʉhɨng’wɨ. 18Matungo ɨdʉ hɨng’wɨ nʉwanso wɨmʉkatʉlya pihɨ akatulaa puma ipomboolu kʉmʉlomo, nʉkʉkelya mino nʉ mʉɨli wɨhi wɨkakamaala. Amanyisigwa ako aza nɨatambʉɨe amʉhegelye aleng’wa.”
19Yesʉ akaaɨla, “Ʉnyenye wileli nɨmɨagila ʉhʉɨɨli! Mʉkʉtula nʉnene mahikʉ ɨhi? Kigigimɨlya kʉpikɨɨla nalɨ? Mʉleti kʉng’wane ʉng’wana nʉwanso.” 20Akamʉtwala ʉng’wana nʉwanso kʉng’wa Yesʉ. Papo paapo hɨng’wɨ nʉwanso naɨʉmʉine ʉdu ʉ Yesʉi,
Mʉhʉmba akatulwa nɨ nkolo, akagwa pihɨ, akagalʉka nʉkʉpuma ipombolu kʉmʉlomo. 21Yesʉ akamʉkolya ihe nʉwa mʉhʉmba nʉwanso, “Ng’waako wandilye nalɨ kʉtula itɨ?” Nʉng’wenso ihe nʉwa mʉhʉmba akasʉkɨɨlya, “Ʉʉ ɨza wɨlɨ puma nʉwatugɨwe. 22Nkʉa yɨdu hɨng’wɨ ʉyʉ wɨmʉgʉmɨla mʉmoto ang’wɨ mʉmazɨ, kʉnsoko wamʉlimansɨlye lʉkʉlʉ. Kʉaisɨɨlye anga ɨze ʉhumile kʉaɨɨlye!” 23Yesʉ akamʉɨla, “Kʉnɨkɨ ʉlʉngile ang’wɨ ihumɨkile! Ɨhi ahumɨkile kʉmʉntʉ nʉkete ʉhʉɨɨli.”
24Papo paapo ihe nʉwa mʉhʉmba akalɨla kʉ ʉkɨa, “Nihʉɨɨe! Ingɨ ʉhʉɨɨli wane ʉnino, nzaɨlye nihume kʉhʉɨɨla.”
25Yesʉ naɨwaona milʉndo nʉwa antʉ ʉkongeeleka pa ntongela akwe, akamʉkenela ʉhɨng’wɨ nʉwanso, “Ʉwe hɨng’wɨ nʉwagulu nɨ kɨmumɨ nʉkʉmʉtenda ʉmʉhʉmba ʉyʉ kʉtula kɨmumɨ hangɨ gulu, kʉʉsinja puma mʉmʉhʉmba ʉyʉ ʉleke kʉsʉka hangɨ!”
26Papo paapo ʉhɨng’wɨ nʉwanso akakʉta, akamʉkatʉlya pihɨ mʉhʉmba nʉwanso, akahega. Mʉhʉmba akatula anga ʉmʉimba, antʉ ang’wɨ akalʉnga, “Wakʉza!” 27Yesʉ akamʉamba ʉmʉkono mʉhʉmba, akamʉʉsha, nʉng’wenso akimɨka. 28Ingɨ, ʉ Yesʉi naɨwingɨla mʉnyʉmba, amanyisigwa akwe akamʉkolya, “Nɨkɨ ʉsese aza kaleng’wa kʉmʉpumya ʉhɨng’wɨ ʉyʉ?” 29Yesʉ akaaɨla, “Ʉhɨng’wɨ anga ʉyʉ, shanga ʉhumile kʉhega ingɨ kʉnzɨla akʉlompa hanza ʉewe.”
Yesʉ ʉkʉligitɨlya hangɨ ɨnsha nʉ wiʉki wakwe
Matayo 17:22-23; Lʉka 9:43-45
30Yesʉ nɨamanyisigwa akwe akahega pang’wanso akalongoleka nʉmʉhɨnzo akakɨɨla kʉ Galilaya. Yesʉ shanga aɨ ʉloilwe antʉ alɨnge ʉko kʉkolɨ, 31kʉnsoko aɨ ʉkʉamanyisa amanyisigwa akwe. Akaatambʉɨla, “Ʉnene Ng’waa Mʉntʉ kʉsuɨpwa nɨ antʉ nʉkʉmbʉlaga, lʉhikʉ nʉla kataatʉ kiʉka.”
32Ingɨ amanyisigwa akwe shanga aɨ alɨngɨle ikani nɨlanso. Akogopa kʉmʉkolya.
Nyenyu nʉ mʉkʉlʉ?
Matayo 18:1-5; Lʉka 9:46-48
33Yesʉ nɨ amanyisigwa akwe naɨapika kʉ Kapalanaʉmu. Naɨ ʉmolɨ mʉnyʉmba, akaakolya, “Mʉnzɨla aza mʉkikʉngʉma ntʉni?” 34Nɨenso shanga akasʉkɨlya, kʉnsoko mʉnzɨla aɨ akikʉngʉma kɨna mʉng’witʉ nyenyu nʉkʉtula mʉkʉlʉ. 35Yesʉ akalama pihɨ, akaitanga amanyisigwa ao ikʉmi na abɨɨlɨ, akaaɨla, “Mʉntʉ wɨhi anga walowe kʉtula mʉkʉlʉ kʉsinja atule mʉniino hangɨ mitʉmi waʉya ɨhi.” 36Sʉnga Yesʉ akamʉhola ng’wana mʉniɨno, akamimɨsha pakatɨ ao, akamʉungatɨla, sʉnga akaaɨla hangɨ, 37“Ʉyʉ nʉkʉmʉsɨngɨɨlya ng’wana anga ʉyʉ kikʉlyo la lina lane, ʉnsɨngɨɨye nene, hangɨ nʉkʉnsɨngɨɨlya ʉnene, shanga ʉnsɨngɨɨye anga ʉnene du, ingɨ ʉmʉsɨngɨɨye Itunda naɨ ʉndagɨɨye.”
Nɨshanga wɨnsuta nʉsese nʉwanso wɨpalʉng’wɨ nʉsese
Lʉka 9:49-50
38Yohana akamʉɨla Yesʉ, “Mʉmanyisi, kamʉona mʉntʉ ʉkʉheja hɨng’wɨ kʉlina lako, ʉsese kamʉgilya kʉnsoko shanga mɨitʉ.”
39Ingɨ ʉ Yesʉi akaaɨla, “Leki kʉmʉgilyi ʉmʉntu ɨkɨ nʉkitʉma. Kʉtilɨ mʉntʉ nʉkitʉma ʉmʉlɨmo kʉlina lane, papo paapo waakentambʉla niibɨ. 40Mʉntʉ wɨhi nʉkitʉma aya nɨkʉitʉma wɨpalʉng’wɨ nʉsese. 41Kʉmʉɨla kʉlʉ kʉʉlʉ, mʉntʉ wɨhi nʉkʉmʉpeza ɨmazɨ akʉng’wa, kʉnsoko ʉnyenye mɨantʉ ang’wa Kilisito, kʉmʉɨla ʉkʉlija kɨpegwa kakwe.
Makani nɨsasha mʉntʉ kitʉma mɨlandʉ
Matayo 18:6-9; Lʉka 17:1-2
42Mʉntʉ wɨhi nʉkʉʉmʉsasha ʉng’wɨ mʉana awa itʉme mɨlandʉ, bahu mʉntʉ nʉwanso watungɨɨlwe lwala nʉlʉkʉlʉ mʉnkingo wagʉmɨlwe mʉlʉzɨ nʉ lʉkʉlʉ. 43Mʉkono wako anga ʉkʉsashe, ʉheje! Bahu kingɨla mʉʉpanga ɨze ʉkete mʉkono ʉng’wɨ, kʉkɨla kʉtula nɨ mɨkono ɨbɨɨlɨ wingɨle kʉʉlʉngʉ mʉ moto nɨshanga wɨlimaa. 44Mʉng’wanso ngunyɨ yakwe shanga yɨshaa nʉ moto shanga wɨlima. 45Nʉ mʉgʉlʉ wako anga ʉkʉsashe, ʉheje! Bahu kingɨla mʉʉpanga ɨze ʉkete mʉgʉlʉ ʉng’wɨ, kʉkɨla kʉtula nɨ mɨgʉlʉ ɨbɨɨlɨ wingɨle kʉʉlʉngʉ mʉ moto nɨshanga wɨlimaa. 46Mʉng’wanso ngunyɨ yakwe shanga yɨshaa nʉ moto shanga wɨlima. 47Nɨ liho lako anga lɨkʉsashe, lɨheje! Bahu kingɨla mʉʉtemi wang’wi Itunda ɨze wihongo, kʉkɨla kʉtula nɨmiho ɨhi abɨɨlɨ nʉkʉgʉmɨlwa kʉʉlʉngʉ mʉ moto nɨshanga wɨlimaa. 48Mʉng’wanso ngunyɨ yakwe shanga yɨshaa nʉ moto shanga wɨlima.
49Itunda ʉkʉmʉkɨɨlya mʉntʉ wɨhi mʉlwago nʉlɨhanga kʉzigɨligwa nʉ moto, anga antʉ nɨɨpaka mʉnyʉ mʉnyama nɨakɨlɨ kʉmɨlimansɨɨlya.
50Mʉnyʉ ʉza, ingɨ anga ʉʉlye ʉʉza wakwe nyenyu nʉkʉʉnonia hangɨ?
Nʉnyenye mʉtule anga mʉnyʉ nʉɨkoela, ɨze migombye ʉnyenye.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved