Matayo 21
21
Yesʉ ʉkingɨla mʉ Yelʉsalemʉ kʉ ngiligili
Maliko 11:1-11; Lʉka 19:28-40; Yohana 12:12-19
1Lʉhikʉ lʉng'wɨ, Yesʉ nɨamanyisigwa akwe naɨahʉmbeela kʉ Yelusalemu ɨkapika kɨsalɨ ka Betipage mʉlʉgʉlʉ nʉla mɨzeɨtʉni, wɨkaalagɨɨlya amanyisigwa akwe abɨɨlɨ, 2wɨkaaɨla, “Longoli mʉkɨsalɨ nɨkɨkolɨ kʉntongeela anyu mʉkʉhanga ndogwe ɨtungilwe palʉng'wɨ nʉng'wana. Itungʉɨli mʉndetele. 3Anga mʉntʉ wamʉkolye nɨkɨ mʉkʉitungʉɨla, mʉɨli itɨ, ‘Isekʉlʉ ʉitakile,’ nʉyo ʉkʉmʉgombya mʉilete.
4Ikani ɨlɨ aɨlɨtendekile kʉnsoko ikani naɨʉtambʉe nʉ mʉmanga lɨtimɨle,
5“Atambʉɨli antʉ akʉ Yelusalemu yɨyo Sayuni.
Gozi, mʉtemi wanyu ʉpembilye!
Mʉpolo ʉnankɨe mʉmʉgongo nʉwa ndogwe,
ng'waa ndogwe.”
6Kʉitɨ, amanyisigwa nɨanso ɨkalongola ɨkitʉma anga naɨ aɨɨwe nʉ Yesʉ. 7Ɨkamɨleta ndogwe nʉanso nʉ ng'wa ndogwe, ɨkaɨla matugalo ao mʉ mʉgongo nʉwa ng'waa ndogwe nʉ Yesʉ wɨkanankɨla wɨkikaɨla matugalo nanso. 8Iumbɨ nila antʉ ɨkaɨla matugalo ao mipanda, nɨang'wɨ ɨkabuna pitambɨ pya mɨtɨ ɨkaɨla mipanda. 9Iumbɨ nɨla antʉ naɨlitongee nawa naɨasɨkɨɨye ɨhi ɨkitʉnta ɨzelʉnga,
“Wakʉligwe, Ng'wana wang'wa Daudi!
Ʉkʉigwe ʉyo nʉzile kʉlina lang'wɨ Isekʉlʉ!
Ikʉlyo kʉng'wi Itunda nʉwa kigʉlʉ!”
10Yesʉ naɨ ʉkingɨla kʉ Yelusalemu, antʉ ɨhi ɨkakʉilwa. Ɨkatula kolya, “Ʉyʉ itɨ nyenyu”
11Angʉ ang'wɨ miumbɨ nɨlanso ɨkalʉnga, “Ʉyʉ ingɨ mʉmanga Yesʉ, ʉpumile kɨsalɨ ka Nazaleti kɨsalɨ nɨ kɨniino nɨka Galilaya.”
Yesʉ ʉlongoe mʉ Nyʉmba ang'wi Itunda
Maliko 11:15-19; Lʉka 19:45-48; Yohana 2:13-22
12Ʉʉgwa, ʉ Yesʉ wɨkapika mitando nɨla Nyʉmba ang'wi Itunda, wɨkaazʉnsa antʉ naɨ akʉsʉlʉja maintʉ nawa naɨ akʉgʉla apume mitando nɨla Nyʉmba ang'wi Itunda, wɨkaipɨʉla meza niya akaisa mpia, nɨ matuntu asʉlʉja nkʉnda. 13Wɨkaaɨla, “Yandɨkilwe Mʉʉandɨkwa wang'wi Itunda. Nyʉmba ane ɨkitangwa nyʉmba ipolyo. Ʉnyenye mamɨgela ikʉlʉngʉ nɨlaii.”
14Papo akɨtele ɨkamʉhanga Pa Nyʉmba ang'wi Itunda nʉyo wɨkaakomya. 15Ʉʉgwa, Apolyi nɨ akʉlʉ nɨ amanyisi amalagɨɨlyo ang'wa Musa, naɨaona makani aʉkʉɨlwa Yesʉ naɨʉkitʉma, ni ang'enya naɨakɨmba ɨkazelʉnga, “Ikʉlyo kʉ Ng'wana wang'wa Daudi,” ɨkahung'wa ikuo 16Kʉlʉlo ɨkamʉɨla ʉ Yesʉ, “Itɨ, ʉewe Yesʉ shanga wɨgʉlyene nɨakʉlʉnga ɨang'enya?”
Yesʉ wɨkaasʉkɨɨlya, “Ee, nigʉlye! Itɨɨ, mʉkɨlɨne kʉsoma mʉyandɨkile itɨ? ‘Kʉmɨlomo ang'enya nɨaniino nawa nɨadabʉ akʉʉkʉlya ʉewe.”’
17Ʉʉgwa, Yesʉ wɨkaaleka, wɨkapuma mʉ kɨsalɨ nɨkanso, wɨkalongola kʉ Betahania, wɨkalala kʉko.
Yesʉ ʉkʉʉzuma mʉkʉyʉ
Maliko 11:12-14-20-24
18Yesʉ wɨkiandɨɨla kɨdaʉdaʉ kʉpuma ku Betania wɨkatʉlya mʉ kɨsalɨ ka Yelusalemu, mʉnzɨla wɨkahʉng'wa nzala. 19Wɨkaʉona mʉkʉyʉ ʉng'wɨ mʉmpelo anzɨla, wɨkaʉhʉmbeela, wɨkahanga ʉdemile ɨmatʉtʉ du. Papo wɨkaʉzuma, wazelʉnga, “Ʉleka kʉpaa nkali kwe!” Papo paapo mʉkʉyʉ nʉanso wɨkʉma.
20Amanyisigwa akwe naɨaona itɨ ɨkakʉilwa, ɨkamʉɨla, “Yatula ʉlɨ ʉmʉkʉyʉ ʉwʉ kʉpumpugɨɨlya wʉma?”
21Yesʉ wɨkaaɨla, “Kʉmʉila ɨtai, angaitule mʉkete ʉhʉɨɨli nʉʉgila nkankani, shanga mʉkitʉma anga yaya du, ingɨ mʉhʉmile kʉʉtambʉɨla ʉlʉgʉlʉ ʉlʉ, “Hɨmbʉka pang'wanso wigʉmɨle mʉlʉzi nʉlʉkʉlʉ, yɨkʉtulaʉʉ.’ 22Hangi anga mʉtule nʉʉhʉɨɨli, kɨhi nɨmʉkʉlompa kʉng'wi Itunda, mʉkʉpantɨka.”
Yesʉ ʉkʉkoligwa mpola niya ʉhumi wakwe
Maliko 11:27-33; Lʉka 20:1-8
23Yesʉ wɨkingɨla hangɨ panyʉmba ang'wi Itunda, wɨkatula manyisa. Naɨʉkʉmanyisa, apolyi nɨakʉlʉ nɨ anyampala aantʉ ɨkamʉhanga nʉkʉmʉkolya, “Ʉkitʉma imakani aya kʉʉhumi wang'wa nyenyu? Nyenyʉ nʉkʉgombilye wɨtʉme itɨ?”
24Yesʉ wɨkaakolya, “Nʉnene kʉmʉkolya ikolyo lɨng'wɨ, anga mansʉkɨɨlya, nʉnene kʉmʉɨla kitʉma kʉʉhumi wang'wa nyenyu?” 25Itɨɨ, ʉhumi wang'wa Yohana Mʉbadisi nʉwakʉbadisa antʉ, aɨʉpumile kʉng'wi Itunda ne ang'wɨ kʉantʉ?”
Ɨkaakikolya kɨmpelo, “Angakʉlʉnge, kʉng'wi Itunda,’ ʉkʉʉkolya, ‘Apa nɨkɨ nɨshanga mɨkahʉɨɨla ʉ Yohana Mʉbadisi?’ 26Hangɨ anga kʉlʉnge, ‘Aɨʉpumile kʉantʉ, kogopile iumbɨ laantʉ nɨahumile kʉtenda, kʉnsoko antʉ aɨalɨngile kɨna Yohana Mʉbadisi aɨmʉmanga wang'wi Itunda.” 27Ʉʉgwa, ɨkamʉsʉkɨɨlya, “Shanga kʉlingile!” Yesʉ nʉyo wɨkaasʉkɨɨlya,
“Nʉnene ga shanga kʉmʉila kitʉma kʉʉhumi wang'wa nyenyu.
Mpyani ahʉmba abɨɨlɨ
28“Ʉnyenye mʉine ʉlɨ? Mʉntʉ ʉng'wɨ aɨʉkete ahʉmba abɨɨlɨ. Wɨkamʉɨla nʉa ng'wandyo, ‘Ng'waane, lelɨyɨ longola witʉme kʉ mʉgʉnda nʉa mɨzabibʉ.’ 29Mʉhʉmba nʉanso wɨkasʉkɨɨlya ‘shanga ninzʉ!’ Panyambele wɨkisɨja, sʉnga wɨkalongola. 30Ʉtata nʉanso wɨkamuɨla ʉng'waakwe nʉakabɨɨlɨ leliyi longola witʉma kʉmʉgʉnda nʉa mɨzabibʉ, nʉyo wɨkamʉsʉkɨɨlya ʉ tata akwe, Ninzʉ Tata ane! Ingɨ shanga wɨkenda kʉ mʉlimo nʉanso. 31Itɨ gwa, mʉahʉmba awa nɨabɨɨlɨ nʉʉlɨ naɨ wɨtʉmile aya nʉ tata wao aɨʉtakile?” “Ikamʉsʉkɨɨlya, ingɨ yʉyʉ nʉa ng'wandyo.
“Ʉʉgwa Yesʉ wɨkaaɨla, “Taɨ kʉmʉtambʉila,
Ahangʉlya mpia niya kodi nɨagoolya akʉmʉtongeela kingɨla kʉ ʉtemi wang'wi Itunda. 32Yohana Mʉbadisi aɨʉzile mʉlagɨɨla kishiɨ ɨze mʉmʉloeeye Itunda, ʉnyenye shanga mɨkamʉhʉɨɨla, ingɨ ahangʉlya kodi nɨagoolyi ɨkamʉhʉɨɨla. Ʉnyenye palʉng'wɨ nʉkʉona nanso ɨhi shanga mɨkila itʉnʉ nʉmʉhʉiila.”
Mpyani aalɨmi nɨabɨ
Maliko 12:1-12; Lʉka 20:9-19
33Yesʉ wɨkalʉnga, “Tegeelyi nɨ mpani nzʉya,” “Mʉntʉ ʉng'wɨ aɨʉtemee zabibʉ mʉmʉgʉnda wakwe, wɨkazenga kɨtala ka kʉliɨla, wɨkahɨmba ikombo lakʉgundɨkɨla dibai, wɨkimɨsha nɨkɨlɨngasɨɨlyo. Sʉnga wɨkaagodisa kʉ antʉ nʉwanso wɨkatunga mʉhinzo kʉ mahɨɨ akʉlɨ. 34Matʉngo akʉogola, wɨkaalagɨɨlya itʉmi akwe kʉalimi, amʉhoelye iganda lakwe. 35Alimi nɨanso ɨkaagumɨla awo naɨalagɨɨigwe; ʉng'wɨ ikamʉkʉa, ʉmʉya ɨkamʉbʉlaga nʉmʉyao ɨkamʉkʉa magwe. 36Mʉkola mʉgʉnda nʉanso wɨkaalagɨɨlya hangi itʉmi aʉya, ɨkaze ɨdʉ kʉkɨla nɨa ng'wandyo, alimi nɨanso ɨkaatenda anga naɨatendile awo nɨang'wandyo. 37Panyambele wɨkamʉlagɨɨlya ʉng'waakwe waze ʉsɨgɨɨe kɨna, lelo akʉmʉkela ʉng'waane.’ 38Ingɨ ɨalimi nɨanso naɨ amʉona ʉng'waakwe ikitambʉlya, ‘Ʉyʉ yʉyʉ mʉsali, ali kʉmʉbʉlage kʉsale sese isalo lakwe!’ 39Ʉʉgwa, ɨkamʉgumɨla, ɨkamʉkʉa nʉkʉmʉbʉlaga nʉkʉmʉgʉma kʉnzi amʉgʉnda nʉanso.
40Yesʉ wikaakolya, “Itʉngo nɨlanso nʉkʉtʉlya ʉmʉkola mʉgʉnda nʉanso, ʉkʉatenda ʉli ɨalɨmi nɨanso?”
41Nɨanso ɨkamʉsʉkɨɨlya, ʉkʉalimansɨɨlya ibɨ hangɨ atenda mɨlandʉ, nʉmʉgʉnda nʉanso ʉkʉapangisa alɨmi angɨɨza, nɨahumile kʉmʉpa ɨkɨganda kakwe.”
42Yesʉ wɨkaakolya, “Itɨɨ?
Shanga mʉsomilene mʉʉandɨkwa wang'wi Itunda?
Igwe naɨlɨhitilwe nɨazengi latʉile igwe nɨlɨsanigwe mʉkɨtako ka nyʉmba.
Ikani ɨlɨ lɨpembeeye kʉn’wi Itunda,
nɨkani ɨlɨ laʉkʉɨlwa kʉng'wɨtʉ!’
43“Kʉlʉlo kʉmʉila, ʉtemi wang'wi Itunda ʉkʉhegigwa kʉng'wanyʉ akʉpegwa antʉ nɨshanga ayahudi nɨahʉmile kʉtenda namʉloeeye Itunda.” 44Mʉntʉ wɨhi nʉkʉgwɨla migwe nɨlanso ʉkʉbunɨka mapɨlɨga mapɨlɨga, nʉ mʉntʉ wɨhi nʉkʉgwɨlwa nigwe nɨlanso ʉkʉtʉlangwa”
45Apolyi nɨakʉlʉ a Ayahudi nɨa Palisayo naɨija mpyani nanso ɨkalɨnga kɨna Yesʉ ʉkʉatambʉla enso. 46Kʉlʉlo ɨkatula duma nzɨla akʉmʉamba, ingɨ kʉnʉ ɨeaogopile antʉ kʉnsoko antʉ aɨalɨngile kɨna ʉ Yesʉ mʉmanga wang'wi Itunda.
Currently Selected:
Matayo 21: IBV
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Matayo 21
21
Yesʉ ʉkingɨla mʉ Yelʉsalemʉ kʉ ngiligili
Maliko 11:1-11; Lʉka 19:28-40; Yohana 12:12-19
1Lʉhikʉ lʉng'wɨ, Yesʉ nɨamanyisigwa akwe naɨahʉmbeela kʉ Yelusalemu ɨkapika kɨsalɨ ka Betipage mʉlʉgʉlʉ nʉla mɨzeɨtʉni, wɨkaalagɨɨlya amanyisigwa akwe abɨɨlɨ, 2wɨkaaɨla, “Longoli mʉkɨsalɨ nɨkɨkolɨ kʉntongeela anyu mʉkʉhanga ndogwe ɨtungilwe palʉng'wɨ nʉng'wana. Itungʉɨli mʉndetele. 3Anga mʉntʉ wamʉkolye nɨkɨ mʉkʉitungʉɨla, mʉɨli itɨ, ‘Isekʉlʉ ʉitakile,’ nʉyo ʉkʉmʉgombya mʉilete.
4Ikani ɨlɨ aɨlɨtendekile kʉnsoko ikani naɨʉtambʉe nʉ mʉmanga lɨtimɨle,
5“Atambʉɨli antʉ akʉ Yelusalemu yɨyo Sayuni.
Gozi, mʉtemi wanyu ʉpembilye!
Mʉpolo ʉnankɨe mʉmʉgongo nʉwa ndogwe,
ng'waa ndogwe.”
6Kʉitɨ, amanyisigwa nɨanso ɨkalongola ɨkitʉma anga naɨ aɨɨwe nʉ Yesʉ. 7Ɨkamɨleta ndogwe nʉanso nʉ ng'wa ndogwe, ɨkaɨla matugalo ao mʉ mʉgongo nʉwa ng'waa ndogwe nʉ Yesʉ wɨkanankɨla wɨkikaɨla matugalo nanso. 8Iumbɨ nila antʉ ɨkaɨla matugalo ao mipanda, nɨang'wɨ ɨkabuna pitambɨ pya mɨtɨ ɨkaɨla mipanda. 9Iumbɨ nɨla antʉ naɨlitongee nawa naɨasɨkɨɨye ɨhi ɨkitʉnta ɨzelʉnga,
“Wakʉligwe, Ng'wana wang'wa Daudi!
Ʉkʉigwe ʉyo nʉzile kʉlina lang'wɨ Isekʉlʉ!
Ikʉlyo kʉng'wi Itunda nʉwa kigʉlʉ!”
10Yesʉ naɨ ʉkingɨla kʉ Yelusalemu, antʉ ɨhi ɨkakʉilwa. Ɨkatula kolya, “Ʉyʉ itɨ nyenyu”
11Angʉ ang'wɨ miumbɨ nɨlanso ɨkalʉnga, “Ʉyʉ ingɨ mʉmanga Yesʉ, ʉpumile kɨsalɨ ka Nazaleti kɨsalɨ nɨ kɨniino nɨka Galilaya.”
Yesʉ ʉlongoe mʉ Nyʉmba ang'wi Itunda
Maliko 11:15-19; Lʉka 19:45-48; Yohana 2:13-22
12Ʉʉgwa, ʉ Yesʉ wɨkapika mitando nɨla Nyʉmba ang'wi Itunda, wɨkaazʉnsa antʉ naɨ akʉsʉlʉja maintʉ nawa naɨ akʉgʉla apume mitando nɨla Nyʉmba ang'wi Itunda, wɨkaipɨʉla meza niya akaisa mpia, nɨ matuntu asʉlʉja nkʉnda. 13Wɨkaaɨla, “Yandɨkilwe Mʉʉandɨkwa wang'wi Itunda. Nyʉmba ane ɨkitangwa nyʉmba ipolyo. Ʉnyenye mamɨgela ikʉlʉngʉ nɨlaii.”
14Papo akɨtele ɨkamʉhanga Pa Nyʉmba ang'wi Itunda nʉyo wɨkaakomya. 15Ʉʉgwa, Apolyi nɨ akʉlʉ nɨ amanyisi amalagɨɨlyo ang'wa Musa, naɨaona makani aʉkʉɨlwa Yesʉ naɨʉkitʉma, ni ang'enya naɨakɨmba ɨkazelʉnga, “Ikʉlyo kʉ Ng'wana wang'wa Daudi,” ɨkahung'wa ikuo 16Kʉlʉlo ɨkamʉɨla ʉ Yesʉ, “Itɨ, ʉewe Yesʉ shanga wɨgʉlyene nɨakʉlʉnga ɨang'enya?”
Yesʉ wɨkaasʉkɨɨlya, “Ee, nigʉlye! Itɨɨ, mʉkɨlɨne kʉsoma mʉyandɨkile itɨ? ‘Kʉmɨlomo ang'enya nɨaniino nawa nɨadabʉ akʉʉkʉlya ʉewe.”’
17Ʉʉgwa, Yesʉ wɨkaaleka, wɨkapuma mʉ kɨsalɨ nɨkanso, wɨkalongola kʉ Betahania, wɨkalala kʉko.
Yesʉ ʉkʉʉzuma mʉkʉyʉ
Maliko 11:12-14-20-24
18Yesʉ wɨkiandɨɨla kɨdaʉdaʉ kʉpuma ku Betania wɨkatʉlya mʉ kɨsalɨ ka Yelusalemu, mʉnzɨla wɨkahʉng'wa nzala. 19Wɨkaʉona mʉkʉyʉ ʉng'wɨ mʉmpelo anzɨla, wɨkaʉhʉmbeela, wɨkahanga ʉdemile ɨmatʉtʉ du. Papo wɨkaʉzuma, wazelʉnga, “Ʉleka kʉpaa nkali kwe!” Papo paapo mʉkʉyʉ nʉanso wɨkʉma.
20Amanyisigwa akwe naɨaona itɨ ɨkakʉilwa, ɨkamʉɨla, “Yatula ʉlɨ ʉmʉkʉyʉ ʉwʉ kʉpumpugɨɨlya wʉma?”
21Yesʉ wɨkaaɨla, “Kʉmʉila ɨtai, angaitule mʉkete ʉhʉɨɨli nʉʉgila nkankani, shanga mʉkitʉma anga yaya du, ingɨ mʉhʉmile kʉʉtambʉɨla ʉlʉgʉlʉ ʉlʉ, “Hɨmbʉka pang'wanso wigʉmɨle mʉlʉzi nʉlʉkʉlʉ, yɨkʉtulaʉʉ.’ 22Hangi anga mʉtule nʉʉhʉɨɨli, kɨhi nɨmʉkʉlompa kʉng'wi Itunda, mʉkʉpantɨka.”
Yesʉ ʉkʉkoligwa mpola niya ʉhumi wakwe
Maliko 11:27-33; Lʉka 20:1-8
23Yesʉ wɨkingɨla hangɨ panyʉmba ang'wi Itunda, wɨkatula manyisa. Naɨʉkʉmanyisa, apolyi nɨakʉlʉ nɨ anyampala aantʉ ɨkamʉhanga nʉkʉmʉkolya, “Ʉkitʉma imakani aya kʉʉhumi wang'wa nyenyu? Nyenyʉ nʉkʉgombilye wɨtʉme itɨ?”
24Yesʉ wɨkaakolya, “Nʉnene kʉmʉkolya ikolyo lɨng'wɨ, anga mansʉkɨɨlya, nʉnene kʉmʉɨla kitʉma kʉʉhumi wang'wa nyenyu?” 25Itɨɨ, ʉhumi wang'wa Yohana Mʉbadisi nʉwakʉbadisa antʉ, aɨʉpumile kʉng'wi Itunda ne ang'wɨ kʉantʉ?”
Ɨkaakikolya kɨmpelo, “Angakʉlʉnge, kʉng'wi Itunda,’ ʉkʉʉkolya, ‘Apa nɨkɨ nɨshanga mɨkahʉɨɨla ʉ Yohana Mʉbadisi?’ 26Hangɨ anga kʉlʉnge, ‘Aɨʉpumile kʉantʉ, kogopile iumbɨ laantʉ nɨahumile kʉtenda, kʉnsoko antʉ aɨalɨngile kɨna Yohana Mʉbadisi aɨmʉmanga wang'wi Itunda.” 27Ʉʉgwa, ɨkamʉsʉkɨɨlya, “Shanga kʉlingile!” Yesʉ nʉyo wɨkaasʉkɨɨlya,
“Nʉnene ga shanga kʉmʉila kitʉma kʉʉhumi wang'wa nyenyu.
Mpyani ahʉmba abɨɨlɨ
28“Ʉnyenye mʉine ʉlɨ? Mʉntʉ ʉng'wɨ aɨʉkete ahʉmba abɨɨlɨ. Wɨkamʉɨla nʉa ng'wandyo, ‘Ng'waane, lelɨyɨ longola witʉme kʉ mʉgʉnda nʉa mɨzabibʉ.’ 29Mʉhʉmba nʉanso wɨkasʉkɨɨlya ‘shanga ninzʉ!’ Panyambele wɨkisɨja, sʉnga wɨkalongola. 30Ʉtata nʉanso wɨkamuɨla ʉng'waakwe nʉakabɨɨlɨ leliyi longola witʉma kʉmʉgʉnda nʉa mɨzabibʉ, nʉyo wɨkamʉsʉkɨɨlya ʉ tata akwe, Ninzʉ Tata ane! Ingɨ shanga wɨkenda kʉ mʉlimo nʉanso. 31Itɨ gwa, mʉahʉmba awa nɨabɨɨlɨ nʉʉlɨ naɨ wɨtʉmile aya nʉ tata wao aɨʉtakile?” “Ikamʉsʉkɨɨlya, ingɨ yʉyʉ nʉa ng'wandyo.
“Ʉʉgwa Yesʉ wɨkaaɨla, “Taɨ kʉmʉtambʉila,
Ahangʉlya mpia niya kodi nɨagoolya akʉmʉtongeela kingɨla kʉ ʉtemi wang'wi Itunda. 32Yohana Mʉbadisi aɨʉzile mʉlagɨɨla kishiɨ ɨze mʉmʉloeeye Itunda, ʉnyenye shanga mɨkamʉhʉɨɨla, ingɨ ahangʉlya kodi nɨagoolyi ɨkamʉhʉɨɨla. Ʉnyenye palʉng'wɨ nʉkʉona nanso ɨhi shanga mɨkila itʉnʉ nʉmʉhʉiila.”
Mpyani aalɨmi nɨabɨ
Maliko 12:1-12; Lʉka 20:9-19
33Yesʉ wɨkalʉnga, “Tegeelyi nɨ mpani nzʉya,” “Mʉntʉ ʉng'wɨ aɨʉtemee zabibʉ mʉmʉgʉnda wakwe, wɨkazenga kɨtala ka kʉliɨla, wɨkahɨmba ikombo lakʉgundɨkɨla dibai, wɨkimɨsha nɨkɨlɨngasɨɨlyo. Sʉnga wɨkaagodisa kʉ antʉ nʉwanso wɨkatunga mʉhinzo kʉ mahɨɨ akʉlɨ. 34Matʉngo akʉogola, wɨkaalagɨɨlya itʉmi akwe kʉalimi, amʉhoelye iganda lakwe. 35Alimi nɨanso ɨkaagumɨla awo naɨalagɨɨigwe; ʉng'wɨ ikamʉkʉa, ʉmʉya ɨkamʉbʉlaga nʉmʉyao ɨkamʉkʉa magwe. 36Mʉkola mʉgʉnda nʉanso wɨkaalagɨɨlya hangi itʉmi aʉya, ɨkaze ɨdʉ kʉkɨla nɨa ng'wandyo, alimi nɨanso ɨkaatenda anga naɨatendile awo nɨang'wandyo. 37Panyambele wɨkamʉlagɨɨlya ʉng'waakwe waze ʉsɨgɨɨe kɨna, lelo akʉmʉkela ʉng'waane.’ 38Ingɨ ɨalimi nɨanso naɨ amʉona ʉng'waakwe ikitambʉlya, ‘Ʉyʉ yʉyʉ mʉsali, ali kʉmʉbʉlage kʉsale sese isalo lakwe!’ 39Ʉʉgwa, ɨkamʉgumɨla, ɨkamʉkʉa nʉkʉmʉbʉlaga nʉkʉmʉgʉma kʉnzi amʉgʉnda nʉanso.
40Yesʉ wikaakolya, “Itʉngo nɨlanso nʉkʉtʉlya ʉmʉkola mʉgʉnda nʉanso, ʉkʉatenda ʉli ɨalɨmi nɨanso?”
41Nɨanso ɨkamʉsʉkɨɨlya, ʉkʉalimansɨɨlya ibɨ hangɨ atenda mɨlandʉ, nʉmʉgʉnda nʉanso ʉkʉapangisa alɨmi angɨɨza, nɨahumile kʉmʉpa ɨkɨganda kakwe.”
42Yesʉ wɨkaakolya, “Itɨɨ?
Shanga mʉsomilene mʉʉandɨkwa wang'wi Itunda?
Igwe naɨlɨhitilwe nɨazengi latʉile igwe nɨlɨsanigwe mʉkɨtako ka nyʉmba.
Ikani ɨlɨ lɨpembeeye kʉn’wi Itunda,
nɨkani ɨlɨ laʉkʉɨlwa kʉng'wɨtʉ!’
43“Kʉlʉlo kʉmʉila, ʉtemi wang'wi Itunda ʉkʉhegigwa kʉng'wanyʉ akʉpegwa antʉ nɨshanga ayahudi nɨahʉmile kʉtenda namʉloeeye Itunda.” 44Mʉntʉ wɨhi nʉkʉgwɨla migwe nɨlanso ʉkʉbunɨka mapɨlɨga mapɨlɨga, nʉ mʉntʉ wɨhi nʉkʉgwɨlwa nigwe nɨlanso ʉkʉtʉlangwa”
45Apolyi nɨakʉlʉ a Ayahudi nɨa Palisayo naɨija mpyani nanso ɨkalɨnga kɨna Yesʉ ʉkʉatambʉla enso. 46Kʉlʉlo ɨkatula duma nzɨla akʉmʉamba, ingɨ kʉnʉ ɨeaogopile antʉ kʉnsoko antʉ aɨalɨngile kɨna ʉ Yesʉ mʉmanga wang'wi Itunda.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved