Markus 8
8
Yesu a vəlaŋta məsəkəŋ kə zəm əŋ hedi iyi gabal nfaɗ
(Matta 15:32-39)
1Əŋ waŋ ta mba, hedi iyi mbeh səku i kəkwas za baha, məsəkəŋ a ndəra tata ley zəm halla ba, Yesu a ɗafaŋta ma əŋ gula ŋga iyi, ɓa, a zlapaŋta, a zla: 2«Nje həhər a kəɗalaka a hedi iyi wa, məŋgəvday i mbə abə sa waŋ maakaɗ, mənjawa məsəkəŋ kə zəm a ndəra tata halla ba. 3Əŋgah sa zlapaŋta i nda əŋ wuta abə mətis seh, i kənda i lim fagay ley nda a kataf seh halla, məŋgəvday hedi dakayta tə əŋ faŋw tata iyi i ndaha guduk.» 4Gula ŋga iyi i ziŋgeŋ zlap, i zla: «Hedi a nda i limehe məsəkəŋ kə zəm əŋ təp damu ley gwaɗ hedi iyi wa seh a tikey?» 5Yesu a ɗəpta, a zla: «Peŋ a ndəra təheni seh veney?» I ziŋgeŋ zlap, i zla: «Dʉsəlʉɗ.» 6Ɓa, a zlapaŋta əŋ hedi iyi ley nja a teyek. Abə dawaŋ ta, a ɓət peŋ dʉsəlʉɗ sey, a ɗalaŋ sʉse əŋ Bizlaf, a ŋgata, a vəlaŋta əŋ gula ŋga iyi amba ley wuɗakaŋta əŋ hedi iyi. Ɓa, i wuɗakaŋta. 7I mbə abə kəlif iyi baha kʉsit kʉsit nawa. Yesu a ɗalaŋ sʉse əŋ Bizlaf məŋgəvday a ɗek, ɓa, a zlapaŋta əŋ gula ŋga iyi ley wuɗakaŋta əŋ hedi iyi mənaŋ mba baha. 8Tata fuk i zəm ha i gwaɗ, gula ŋga iyi i cakal mayak ta gadakar dʉsəlʉɗ. 9Hedi tə a namba iyi fuk a ɗal gabal nfaɗ za, ɓa, Yesu a ziŋta əŋ wuta. 10Mbehmbeh mba, a tap əŋ kambuwal abə gula ŋga iyi, i nda əŋ hayak tə Dalmanuta.
Farisa iyi i ɗəp mazla mandaha tə wuzlaf
(Matta 16:1-4)
11Farisa iyi i gwaraha, i mar ley ɗal yawa abə Yesu. I mba i təl ley bimʉ. Məŋgəvday a ɗek, i ɗəpu amba mə gizeŋta mazla mandaha tə wuzlaf. 12Yesu a nəp abə fagay, a zlapaŋta, a zla: «Hedi mənjawa iyi i ɗəp mazla mandaha tə wuzlaf seh məŋgəvday a mey? Sa kəzlapaheni məndiwiŋ, i lim mazla kwa ntaɗ halla.» 13Abə dawaŋ ta, a yakta, a tap əŋ kambuwal baha, a taŋ kəɗi bəra zəzay məzəwindi.
Is tə Farisa iyi abə tə Hirudus
(Matta 16:5-12)
14Gula iyi i kəɗal talaŋ weseŋ za ley ɓətaha peŋ. Tata abə peŋ a ndəra tata halla, sey peŋ ntaɗ a ndəra tata əŋ kambuwal. 15Yesu a ŋgəzta, a zla: «Hi sla wucum, hi jəɗ talaŋ təheni, məŋgəvday is tə Farisa iyi abə tə Hirudus.» 16I ɗal yawa əŋ faŋw tata, i zla: «Məŋgəvday nakwa iyi kəndaha abə peŋ halla.» 17Yesu a kəsəŋ a məsəkəŋ tata i mə zlap, a ɗəpta, a zla: «Hi zlap əŋ faŋw təheni peŋ təheni halla seh, məŋgəvday a mey? Heni kəsəŋ səku vaw? Ha mənjawa heni kəzlim ma ta halla baha dap vaw? Nəf təheni tawytawy vaw? 18Heni abə nje, heni kəlim lay səku vaw? Heni abə zləm, heni kəzlim zləm səku vaw? Hi səŋ kenek 19əŋ sa mə wuɗakaŋta peŋ juɓum əŋ hedi iyi gabal juɓum wa seh, heni kəcakalaha mayak ta seh gadakar veney?» I ziŋgeŋ zlap, i zla: «Gadakar wam a meɗek bək.» 20Yesu a zlapaŋta baha, a zla: «Əŋ sa mə wuɗakaŋta peŋ dʉsəlʉɗ əŋ hedi iyi gabal nfaɗ seh, heni kəcakalaha peŋ mapəpəs iyi ta seh gadakar veney?» I ziŋgeŋ zlap, i zla: «Gadakar dʉsəlʉɗ.» 21Abə dawaŋ ta izey, Yesu a ziŋgeŋta zlap, a zla: «Ha mənjawa, heni kəzlim ma ta halla dap vaw?»
Yesu a rəzaŋ nje tə hedi wuluf əŋ Baytisayda
22Yesu abə gula ŋga iyi i gwar əŋ Baytisayda, a namba, hedi iyi i dahaŋ hedi wuluf əŋ Yesu, i rəku ley ges ndəra a hedi wuluf ta. 23Yesu a məlaŋ ndəra tə hedi wuluf ta, a ŋgaslu guduk abə wuta. A ɗalaŋ mesleɓ a nje tə hedi ta, a ɗiyaŋ ndəra a mbiŋ, a ɗəpu, a zla: «Hwa kəlim məsəkəŋ iyi vaw?» 24Hedi wuluf a rəz nje, a zlap, a zla: «Sa kəlim hedi iyi, sa gərta mənaŋ mpay iyi, ama i kənda.» 25Baha, Yesu a ɗiyaŋ ndəra a nje ŋga, nje ŋga ta a rəz ŋga, a gər məsəkəŋ iyi fuk a meɗek a meɗek izey. 26Yesu a zlapaŋ əŋ hedi ta, a zla: «Nda təkwa əŋ ge. Ama hwa mba i təɗ əŋ wuta səku.»
Piyer a zlap, Yesu seh, ar Almasihu
(Matta 16:13-20; Luka 9:18-21)
27Abə dawaŋ ta, Yesu abə gula ŋga iyi i nda tata əŋ wuta sə mbehmbeh iyi tə Kaysariya Filippi. A kataf, a ɗəpta, a zla: «Hedi iyi i kəzlap sa seh, sa viyey?» 28I ziŋgeŋ zlap, i zla: «Hedi dakayta iyi i kəzlap hwa seh, Yahwana mə ɗal batem. Hedi dakayta iyi bahayim i kəzlap hwa seh, Eliya. Baha, hedi dakayta iyi i kəgərah mənaŋ hedi ntaɗ tə əŋ faŋw tə hedi mə giz ma abə miya tə Bizlaf iyi zlezle.» 29Ɓa, a ɗəpta, a zla: «Heni bahayim, hi zlap sa seh, sa viyey?» Piyer a ziŋgeŋ zlap, a zla: «Hwa seh, hwa Almasihu.» 30Abə dawaŋ ta, Yesu a ŋgəzta abə fagay, a zla: «Hi mba i giz ma ta əŋ kwa viyey səku.»
Yesu a giz ma tə məc ŋga abə garaha ŋga
(Matta 16:21-23; Luka 9:22)
31Abə dawaŋ ta, Yesu a mar ley sərək gula ŋga iyi, a zla: «Sey Mbu tə Hedi a zləŋ takwaŋ za mbeh səku ndagwa, hedi mə ɗal yawa iyi, hedi səndawl iyi tə a talaŋ hedi iyi mə ɗal kukus əŋ Bizlaf liŋ metir tə ma majaw iyi i jaza za, abə dawaŋ tə waŋ maakaɗ, a garaha ŋga za əŋ faŋw tə hedi maməc iyi.» 32A gizeŋta ma ta ma nje ma nje. Piyer a ŋgaslu abə bəra, a gwazlaku. 33Ama Yesu a buw nje, a gər gula ŋga iyi. Ɓa, a gwazlak Piyer, a zla: «Nda a namba, taŋ kəɗi dawaŋ na, Sayɗanu! Məŋgəvday wulək təkwa wa, ar tə Bizlaf səku, ama ar tə hedi dəgənak iyi.»
Ley ziber Yesu seh viŋgey?
(Matta 16:24-28; Luka 9:23-27)
34Abə dawaŋ ta, Yesu a ɗafaŋta ma əŋ hedi makwas iyi abə gula ŋga iyi, a zlapaŋta, a zla: «Əŋgah hedi kəmba i zibereke seh, sey mə yak məsəkəŋ mbiŋ mə mba, mə mba i wulək a talaŋ ŋga səku, mə ɓət mpay mazlaŋgal ŋga, mə ziberekʉ. 35Məŋgəvday hedi mə mba ley reh mədəŋcur ŋga, a kuɗəpza za. Ama hedi mə kuɗəp mədəŋcur ŋga məŋgəvday sa, aka səku məŋgəvday Labara Səntaŋ Lawayaŋ, a rehza za. 36Əŋgah hedi a lim məsəkəŋ tə əŋ məŋhayak iyi wa fuk, ama kəkuɗəp mədəŋcur ŋga za, zay ta mey? 37Hedi mə gula i vəl məsəkəŋ ley səkəm mədəŋcur ŋga seh aka vaw? 38Əŋgah hedi kəɗal hawa abə sa, aka səku abə ma na a ma tə hedi mənjawa sə delele səku iyi wa, mə kuw ma tə Bizlaf iyi səku wa, Mbu tə Hedi bahayim a ɗalaŋ hawa za əŋ hedi ta əŋ mbiŋ mə nda i ziŋgehe abə səndawl tə Baba ŋga liŋ abə mələɓ sə kweɗek iyi.»
Currently Selected:
Markus 8: xmd
Highlight
Share
ਕਾਪੀ।
Want to have your highlights saved across all your devices? Sign up or sign in
Markus 8
8
Yesu a vəlaŋta məsəkəŋ kə zəm əŋ hedi iyi gabal nfaɗ
(Matta 15:32-39)
1Əŋ waŋ ta mba, hedi iyi mbeh səku i kəkwas za baha, məsəkəŋ a ndəra tata ley zəm halla ba, Yesu a ɗafaŋta ma əŋ gula ŋga iyi, ɓa, a zlapaŋta, a zla: 2«Nje həhər a kəɗalaka a hedi iyi wa, məŋgəvday i mbə abə sa waŋ maakaɗ, mənjawa məsəkəŋ kə zəm a ndəra tata halla ba. 3Əŋgah sa zlapaŋta i nda əŋ wuta abə mətis seh, i kənda i lim fagay ley nda a kataf seh halla, məŋgəvday hedi dakayta tə əŋ faŋw tata iyi i ndaha guduk.» 4Gula ŋga iyi i ziŋgeŋ zlap, i zla: «Hedi a nda i limehe məsəkəŋ kə zəm əŋ təp damu ley gwaɗ hedi iyi wa seh a tikey?» 5Yesu a ɗəpta, a zla: «Peŋ a ndəra təheni seh veney?» I ziŋgeŋ zlap, i zla: «Dʉsəlʉɗ.» 6Ɓa, a zlapaŋta əŋ hedi iyi ley nja a teyek. Abə dawaŋ ta, a ɓət peŋ dʉsəlʉɗ sey, a ɗalaŋ sʉse əŋ Bizlaf, a ŋgata, a vəlaŋta əŋ gula ŋga iyi amba ley wuɗakaŋta əŋ hedi iyi. Ɓa, i wuɗakaŋta. 7I mbə abə kəlif iyi baha kʉsit kʉsit nawa. Yesu a ɗalaŋ sʉse əŋ Bizlaf məŋgəvday a ɗek, ɓa, a zlapaŋta əŋ gula ŋga iyi ley wuɗakaŋta əŋ hedi iyi mənaŋ mba baha. 8Tata fuk i zəm ha i gwaɗ, gula ŋga iyi i cakal mayak ta gadakar dʉsəlʉɗ. 9Hedi tə a namba iyi fuk a ɗal gabal nfaɗ za, ɓa, Yesu a ziŋta əŋ wuta. 10Mbehmbeh mba, a tap əŋ kambuwal abə gula ŋga iyi, i nda əŋ hayak tə Dalmanuta.
Farisa iyi i ɗəp mazla mandaha tə wuzlaf
(Matta 16:1-4)
11Farisa iyi i gwaraha, i mar ley ɗal yawa abə Yesu. I mba i təl ley bimʉ. Məŋgəvday a ɗek, i ɗəpu amba mə gizeŋta mazla mandaha tə wuzlaf. 12Yesu a nəp abə fagay, a zlapaŋta, a zla: «Hedi mənjawa iyi i ɗəp mazla mandaha tə wuzlaf seh məŋgəvday a mey? Sa kəzlapaheni məndiwiŋ, i lim mazla kwa ntaɗ halla.» 13Abə dawaŋ ta, a yakta, a tap əŋ kambuwal baha, a taŋ kəɗi bəra zəzay məzəwindi.
Is tə Farisa iyi abə tə Hirudus
(Matta 16:5-12)
14Gula iyi i kəɗal talaŋ weseŋ za ley ɓətaha peŋ. Tata abə peŋ a ndəra tata halla, sey peŋ ntaɗ a ndəra tata əŋ kambuwal. 15Yesu a ŋgəzta, a zla: «Hi sla wucum, hi jəɗ talaŋ təheni, məŋgəvday is tə Farisa iyi abə tə Hirudus.» 16I ɗal yawa əŋ faŋw tata, i zla: «Məŋgəvday nakwa iyi kəndaha abə peŋ halla.» 17Yesu a kəsəŋ a məsəkəŋ tata i mə zlap, a ɗəpta, a zla: «Hi zlap əŋ faŋw təheni peŋ təheni halla seh, məŋgəvday a mey? Heni kəsəŋ səku vaw? Ha mənjawa heni kəzlim ma ta halla baha dap vaw? Nəf təheni tawytawy vaw? 18Heni abə nje, heni kəlim lay səku vaw? Heni abə zləm, heni kəzlim zləm səku vaw? Hi səŋ kenek 19əŋ sa mə wuɗakaŋta peŋ juɓum əŋ hedi iyi gabal juɓum wa seh, heni kəcakalaha mayak ta seh gadakar veney?» I ziŋgeŋ zlap, i zla: «Gadakar wam a meɗek bək.» 20Yesu a zlapaŋta baha, a zla: «Əŋ sa mə wuɗakaŋta peŋ dʉsəlʉɗ əŋ hedi iyi gabal nfaɗ seh, heni kəcakalaha peŋ mapəpəs iyi ta seh gadakar veney?» I ziŋgeŋ zlap, i zla: «Gadakar dʉsəlʉɗ.» 21Abə dawaŋ ta izey, Yesu a ziŋgeŋta zlap, a zla: «Ha mənjawa, heni kəzlim ma ta halla dap vaw?»
Yesu a rəzaŋ nje tə hedi wuluf əŋ Baytisayda
22Yesu abə gula ŋga iyi i gwar əŋ Baytisayda, a namba, hedi iyi i dahaŋ hedi wuluf əŋ Yesu, i rəku ley ges ndəra a hedi wuluf ta. 23Yesu a məlaŋ ndəra tə hedi wuluf ta, a ŋgaslu guduk abə wuta. A ɗalaŋ mesleɓ a nje tə hedi ta, a ɗiyaŋ ndəra a mbiŋ, a ɗəpu, a zla: «Hwa kəlim məsəkəŋ iyi vaw?» 24Hedi wuluf a rəz nje, a zlap, a zla: «Sa kəlim hedi iyi, sa gərta mənaŋ mpay iyi, ama i kənda.» 25Baha, Yesu a ɗiyaŋ ndəra a nje ŋga, nje ŋga ta a rəz ŋga, a gər məsəkəŋ iyi fuk a meɗek a meɗek izey. 26Yesu a zlapaŋ əŋ hedi ta, a zla: «Nda təkwa əŋ ge. Ama hwa mba i təɗ əŋ wuta səku.»
Piyer a zlap, Yesu seh, ar Almasihu
(Matta 16:13-20; Luka 9:18-21)
27Abə dawaŋ ta, Yesu abə gula ŋga iyi i nda tata əŋ wuta sə mbehmbeh iyi tə Kaysariya Filippi. A kataf, a ɗəpta, a zla: «Hedi iyi i kəzlap sa seh, sa viyey?» 28I ziŋgeŋ zlap, i zla: «Hedi dakayta iyi i kəzlap hwa seh, Yahwana mə ɗal batem. Hedi dakayta iyi bahayim i kəzlap hwa seh, Eliya. Baha, hedi dakayta iyi i kəgərah mənaŋ hedi ntaɗ tə əŋ faŋw tə hedi mə giz ma abə miya tə Bizlaf iyi zlezle.» 29Ɓa, a ɗəpta, a zla: «Heni bahayim, hi zlap sa seh, sa viyey?» Piyer a ziŋgeŋ zlap, a zla: «Hwa seh, hwa Almasihu.» 30Abə dawaŋ ta, Yesu a ŋgəzta abə fagay, a zla: «Hi mba i giz ma ta əŋ kwa viyey səku.»
Yesu a giz ma tə məc ŋga abə garaha ŋga
(Matta 16:21-23; Luka 9:22)
31Abə dawaŋ ta, Yesu a mar ley sərək gula ŋga iyi, a zla: «Sey Mbu tə Hedi a zləŋ takwaŋ za mbeh səku ndagwa, hedi mə ɗal yawa iyi, hedi səndawl iyi tə a talaŋ hedi iyi mə ɗal kukus əŋ Bizlaf liŋ metir tə ma majaw iyi i jaza za, abə dawaŋ tə waŋ maakaɗ, a garaha ŋga za əŋ faŋw tə hedi maməc iyi.» 32A gizeŋta ma ta ma nje ma nje. Piyer a ŋgaslu abə bəra, a gwazlaku. 33Ama Yesu a buw nje, a gər gula ŋga iyi. Ɓa, a gwazlak Piyer, a zla: «Nda a namba, taŋ kəɗi dawaŋ na, Sayɗanu! Məŋgəvday wulək təkwa wa, ar tə Bizlaf səku, ama ar tə hedi dəgənak iyi.»
Ley ziber Yesu seh viŋgey?
(Matta 16:24-28; Luka 9:23-27)
34Abə dawaŋ ta, Yesu a ɗafaŋta ma əŋ hedi makwas iyi abə gula ŋga iyi, a zlapaŋta, a zla: «Əŋgah hedi kəmba i zibereke seh, sey mə yak məsəkəŋ mbiŋ mə mba, mə mba i wulək a talaŋ ŋga səku, mə ɓət mpay mazlaŋgal ŋga, mə ziberekʉ. 35Məŋgəvday hedi mə mba ley reh mədəŋcur ŋga, a kuɗəpza za. Ama hedi mə kuɗəp mədəŋcur ŋga məŋgəvday sa, aka səku məŋgəvday Labara Səntaŋ Lawayaŋ, a rehza za. 36Əŋgah hedi a lim məsəkəŋ tə əŋ məŋhayak iyi wa fuk, ama kəkuɗəp mədəŋcur ŋga za, zay ta mey? 37Hedi mə gula i vəl məsəkəŋ ley səkəm mədəŋcur ŋga seh aka vaw? 38Əŋgah hedi kəɗal hawa abə sa, aka səku abə ma na a ma tə hedi mənjawa sə delele səku iyi wa, mə kuw ma tə Bizlaf iyi səku wa, Mbu tə Hedi bahayim a ɗalaŋ hawa za əŋ hedi ta əŋ mbiŋ mə nda i ziŋgehe abə səndawl tə Baba ŋga liŋ abə mələɓ sə kweɗek iyi.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in