Markus 12
12
Ma marərək a talaŋ hedi mə ɗəs madawar iyi
(Matta 21:33-46; Luka 20:9-19)
1Ɓa, Yesu a mar ley zlapaŋta abə ma marərək, a zla: «Hedi aka a ŋgəɓ mpay kə zəm əŋ jerne, a capu, a ra lay kə ɗic mel tə mpay iyi ta, a ləm biŋ jiŋ piŋgiliŋ əŋ hedi mə jəɗ jerne ta. Abə dawaŋ ta, a ɓət hedi iyi ley ɗal kəzəɗ əŋ jerne ta, ɓa, a nda ŋga əŋ pik. 2Əŋ hala kə mbal wuziyi tə mpay iyi ta kəhwasaha za, a ləɓ gula ŋga ntaɗ əŋ kelek hedi mə ɗəs iyi sey, ley nda i kuwaŋ ɓiz ŋga. 3Ama hedi mə ɗəs iyi ta i məlu, i tawu, i sawrahaw ndəra misiŋ. 4Hedi tə jerne, a ləɓ hedi mə ɗalaŋ kəzəɗ par. Mbiŋ bahayim, i tawu əŋ talaŋ, i ru. 5Hedi tə jerne, a ləɓ hedi mə ɗalaŋ kəzəɗ par baha, ama i ju, abə dawaŋ ta, a ləɓ hedi iyi mbeh səku baha, i taw hedi dakayta iyi, i ja hedi dakayta iyi bahayim. 6Mayakaŋ əŋ hedi tə jerne ley ləɓ seh, sey mbu ŋgaŋ mamba. Əŋ cukwaɗ ta seh, a ləɓu əŋ kelek hedi mə jəɗ jerne iyi sey, a wulək, a zla: “I waŋgaŋ talaŋ za əŋ mbu na.” 7Ama hedi mə ɗəs iyi ta i zlap əŋ faŋw tata, i zla: “Ehe, hedi mə nda i zəm ge, a kəndaha, mazukwa i ju, amba lay mə nja əŋ nakwa.” 8Ɓa, i məl mbu ta, i ju, i nahaw guduk abə jerne.» 9Ɓa, Yesu a ɗəpta, a zla: «Hi wulək seh hedi tə jerne ta a nda i ɗal seh viŋgey? A ndaha za, a nda i jata, ɓa, a nda i vəlaŋta jerne ta əŋ ndəra hedi iyi par. 10Məndiwiŋ, heni kəjeŋge ma mawuzlel tə əŋ Ɗerewel tə Bizlaf wa halla vaw? Mə zlap:
“Nvəŋ hedi iyi i mə ləm ge i mə nahaw,
kəmbaɗ za əŋ nvəŋ tə təŋkumare#12:10 Matta 21:42..
11Ar Bay Bayta mə ɗalu,
ar məsəkəŋ mə har hedi a nje takwa.”»
12Bay tə Yahuda iyi i kəpələk ley məl Yesu, məŋgəvday i kəsəŋ za a zlap abə ma marərək wa seh a talaŋ tata. Ama i kələndəŋ za a hedi iyi, məŋgəvday a ɗek, i yaku, i nda tata.
Budu məŋgəvday bay Kaysara
(Matta 22:15-22; Luka 20:20-26)
13Hedi səndawl tə Yahuda iyi i ləɓ Farisa iyi abə hedi tə bay Hirudus dakayta iyi əŋ kelek Yesu, məŋgəvday ley məlu əŋ zlap tə abə jembəlew. 14I ndaha, i zlapaŋgu, i zla: «Metir, nini kəsəŋ hwa seh hwa hedi sə delele, hwa kələndəŋ abə hedi iyi səku, hwa kəwuɗak hedi iyi səku, ama hwa kəsərək hedi iyi əŋ kataf tə Bizlaf abə kataf ta. Gizenini, kataf kəvəl za ley min budu əŋ bay Kaysara vaw, aka səku halla vaw? Nini vəlaŋgu vaw, aka səku nini vəlaŋgu səku vaw?» 15Ama Yesu a kəsəŋ wulək tata kə zlap ganaɗ sə bək bək iyi, ɓa, a zlapaŋta, a zla: «Hi ɗalaka ɗəp tə abə jembəlew wa seh məŋgəvday a mey? Hi dahaka dala ta ntaɗ amba sa gəru!» 16I dahaŋ dala ta. Yesu a ɗəpta, a zla: «Tə a ɗek wa seh, fawtaw abə miya vitey?» I ziŋgeŋ zlap, i zla: «Ar tə Kaysara, bay tə Rawma.» 17Abə dawaŋ ta izey, Yesu a zlapaŋta, a zla: «Məsəkəŋ məŋgəvday Kaysara, hi vəlaŋgu, məsəkəŋ məŋgəvday Bizlaf, hi vəlaŋgu.» Hedi iyi ta i kəhar za mbeh səku, məŋgəvday a ziŋ zlap ŋga.
Ɗəp a talaŋ garaha tə hedi maməc iyi
(Matta 22:23-33; Luka 20:27-40)
18Saduki iyi i kərəɗaha əŋ kelek Yesu. Ar tata i mə zlap garaha tə hedi əŋ faŋw tə hedi maməc iyi seh halla#12:18 Kəzəɗ tə Mələɓ iyi 23:8.. I ɗəpu mənaŋ wa, i zla: 19«Metir, Musa kəwuzlelenakwa kukus wa za, a zla: “Əŋgah hedi a məc, a yak wala, kwa mbu halla seh, sey zliŋgeŋ a ɓət wala məce ta, amba ley limeŋ mbu əŋ zliŋgeŋ maməc ta.” 20Hedi abə zliŋgeŋ tata iyi dʉsəlʉɗ aka. Titʉz a ɓət wala, a məc ŋga kwa mbu halla. 21Məbək ta a ɓət wala məce ta, ɓak! a məc kəmbuw abə wala ta halla, mənaŋ mba bahayim, a ɗal abə zliŋgeŋ tata məmaakaɗ. 22Ha tata dʉsəlʉɗ tata fuk i mə ɓət wala wa, i kəməc tata za, i kəlim mbu halla, abə dawaŋ tata, wala ta a məc bahayim. 23Əŋ pis tə garaha tə hedi əŋ faŋw tə hedi maməc iyi seh, əŋ faŋw tata wa wala ta a nda i nja seh, əŋ wala vitey? Məŋgəvday tata dʉsəlʉɗ tata iyi fuk i kəɓətza za əŋ wala.» 24Yesu a ziŋgeŋta zlap, a zla: «Heni seh, heni kəkuɗəp talaŋ təheni, heni kəsəŋ məŋgəvday a mey səku vaw? Məŋgəvday heni kəsəŋ ma mawuzlel tə əŋ Ɗerewel tə Bizlaf səku, heni kəsəŋ fagay tə Bizlaf səku. 25Məŋgəvday əŋ pis tə garaha tə hedi əŋ faŋw tə hedi maməc iyi seh, muwul iyi i kənda i ɓət wala iyi halla ba, wala iyi bahayim i kənda i ɓət muwul iyi halla ba, ama i nda i nja mənaŋ mələɓ tə Bizlaf iyi tə wuzlaf. 26A talaŋ hedi maməc iyi i mə garaha tə əŋ faŋw tə hedi maməc iyi seh, heni kəjeŋge əŋ ɗerewel tə Musa əŋ Bizlaf mə zlapaŋgu tə a talaŋ kahaw mə bas tə əŋ ŋgusawf seh halla vaw? A namba, Bizlaf a zlapaŋgu, a zla: “Sa seh, sa Bizlaf tə Ibrahima, Bizlaf tə Isiyaku liŋ Bizlaf tə Yakubu.” 27Bizlaf seh, ar Bizlaf tə hedi tə abə nje iyi, ar Bizlaf tə hedi maməc iyi səku. Məŋgəvday a ɗek, heni kəkuɗəp təheni fuk.»
Ma matak titʉz tə əŋ ma matak iyi ta wa fuk seh vitikey?
(Matta 22:34-40; Luka 10:25-28)
28Hedi ntaɗ əŋ faŋw tə metir tə ma majaw iyi, a zlim yawa tata, a gər seh Yesu kəziŋgeŋta zlap za ləlaw diya. Ɓa, a ɗəpu, a zla: «Əŋ ma matak iyi ta wa fuk seh, titʉz seh vitikey?» 29Yesu a ziŋgeŋ zlap, a zla: «Ehe, ma matak pay day a dakayta iyi fuk seh: “Hi teh zləm, heni Israyila iyi, Bay Bayta takwa Bizlaf mbiŋ taataɗ ŋga Bay Bayta. 30Mba Bay Bayta Bizlaf təkwa abə nəf təkwa fuk, abə mədəŋcur təkwa fuk, abə wulək təkwa fuk liŋ abə fagay təkwa fuk.” 31Ehe, məbək tə ma majaw ta: “Mba məslige təkwa mənaŋ hwa mə mba talaŋ təkwa.” Ma matak mə day wawa iyi wa seh halla.» 32Hedi mə sərək kukus tə ma majaw sey, a zlapaŋgu, a zla: «Metir, ma hwa mə zlap wa seh, məndiwiŋ: Bay Bayta Bizlaf seh, mbiŋ taataɗ ŋga dap ar Bizlaf, bizlaf par mənaŋ mbiŋ seh halla. 33Ley mba Bizlaf abə nəf ŋga fuk, abə wulək ŋga fuk, abə fagay ŋga fuk, ley mba məslige ŋga mənaŋ mbiŋ mə mba talaŋ ŋga seh, wawa, pay day a talaŋ ley vəl məsəkəŋ iyi abə ley fat məsəkəŋ iyi əŋ Bizlaf.» 34Əŋ Yesu mə gər hedi ta kəziŋgeŋ zlap za ləlaw diya abə burŋguzl səntaŋ wa seh, ɓa, a zlapaŋgu, a zla: «Hwa guduk abə Bay tə Bizlaf seh halla.» Abə dawaŋ ta mba, kwa viyey a gula i ɗəpu səku ba.
Almasihu abə Dawuda
(Matta 22:41-46; Luka 20:41-44)
35Əŋ Yesu a kəsərək hedi iyi əŋ biŋ tə Bizlaf seh, a ɗalaŋta ɗəp wa, a zla: «Metir tə ma majaw iyi i kəzlap Almasihu seh, ar mambuwaha tə əŋ ntaŋw tə Dawuda seh viŋgey? 36Mimiɗ sə Kweɗek kəvəlaŋ fagay za əŋ Dawuda ley zlap mbiŋ abə talaŋ ŋga, a zla:
“Bay Bayta Bizlaf kəzlapaŋ za əŋ Bay Bayta na:
Nja əŋ ndəra zəma na,
ha əŋ sa mə ɗiy məsəgər təkwa iyi əŋ gədaŋ ŋgas təkwa#12:36 Jabura 110:1..”
37«Dawuda abə talaŋ ŋga a ɗafaŋ ma “Bay Bayta” kaa, Almasihu a mbaɗ əŋ mbu ŋgaŋ seh viŋgey?» Hedi makwas sə mbeh səku iyi i kəteh zləm a sərək tə Yesu abə səsəm.
Yesu a ŋgəz hedi iyi a metir tə ma majaw iyi
(Matta 23:1-36; Luka 20:45-47)
38Əŋ sərək ŋga, a kəzlapaŋta əŋ hedi iyi, a zla: «Hi jaŋ talaŋ təheni abə metir tə ma majaw iyi i mə mba i pik tə abə rukut səndawl səndawl iyi, i mba hedi iyi i mə ɗalaŋta mbele abə waŋ talaŋ əŋ lay kə kwas hedi iyi. 39I kəmay lay kə nja səntaŋ əŋ biŋ iyi kə ɗal mbuh əŋ Bizlaf, i kəpələk lay tə hedi səndawl iyi, əŋgah i kəɗafaŋta ma za ley zəm wuda tə gugway. 40I kəlaŋta məsəkəŋ tə wala məce iyi, i kəɗal mbuh nja mbeh səku amba hedi iyi i mə gərta. I lim mbəzl ma sə ndʉlʉk za pay day a tə hedi dakayta iyi.»
Vəl məsəkəŋ tə wala məce məstakwaŋ
(Luka 21:1-4)
41Yesu mə nji əŋ biŋ tə Bizlaf nje dəre abə gwajakwaɗ tə dala, a kəgər hedi iyi i kəkʉy dala əŋ ɗəməŋ seh viŋgey. Hedi tə abə məsəkəŋ sə mbeh səku iyi i kəvəl dala mbeh səku. 42Wala məce məstakwaŋ bahayim a ndaha, a vəl dala tə malaway bək, dala ta kʉsit nawa. 43Yesu a ɗafaŋta ma əŋ gula ŋga iyi, a zlapaŋta, a zla: «Sa kəzlapaheni məndiwiŋ, wala məce məstakwaŋ wa, kəvəl məsəkəŋ əŋ gwajakwaɗ tə dala pay day a hedi məzəwindi iyi fuk. 44Sa zlapaheni mənaŋ wa seh, məŋgəvday tata fuk i kəvəl məsəkəŋ kʉsit nawa əŋ məsəkəŋ tata sə mbeh səku iyi wa, ama wala wa, kwa mbiŋ məstakwaŋ seh, kəvəl məsəkəŋ tə gədaŋ ndəra ŋga fuk, mbiŋ mə nda i səkəm məsəkəŋ kə zəm tə abə mbiŋ.»
Currently Selected:
Markus 12: xmd
Highlight
Share
ਕਾਪੀ।
Want to have your highlights saved across all your devices? Sign up or sign in
Markus 12
12
Ma marərək a talaŋ hedi mə ɗəs madawar iyi
(Matta 21:33-46; Luka 20:9-19)
1Ɓa, Yesu a mar ley zlapaŋta abə ma marərək, a zla: «Hedi aka a ŋgəɓ mpay kə zəm əŋ jerne, a capu, a ra lay kə ɗic mel tə mpay iyi ta, a ləm biŋ jiŋ piŋgiliŋ əŋ hedi mə jəɗ jerne ta. Abə dawaŋ ta, a ɓət hedi iyi ley ɗal kəzəɗ əŋ jerne ta, ɓa, a nda ŋga əŋ pik. 2Əŋ hala kə mbal wuziyi tə mpay iyi ta kəhwasaha za, a ləɓ gula ŋga ntaɗ əŋ kelek hedi mə ɗəs iyi sey, ley nda i kuwaŋ ɓiz ŋga. 3Ama hedi mə ɗəs iyi ta i məlu, i tawu, i sawrahaw ndəra misiŋ. 4Hedi tə jerne, a ləɓ hedi mə ɗalaŋ kəzəɗ par. Mbiŋ bahayim, i tawu əŋ talaŋ, i ru. 5Hedi tə jerne, a ləɓ hedi mə ɗalaŋ kəzəɗ par baha, ama i ju, abə dawaŋ ta, a ləɓ hedi iyi mbeh səku baha, i taw hedi dakayta iyi, i ja hedi dakayta iyi bahayim. 6Mayakaŋ əŋ hedi tə jerne ley ləɓ seh, sey mbu ŋgaŋ mamba. Əŋ cukwaɗ ta seh, a ləɓu əŋ kelek hedi mə jəɗ jerne iyi sey, a wulək, a zla: “I waŋgaŋ talaŋ za əŋ mbu na.” 7Ama hedi mə ɗəs iyi ta i zlap əŋ faŋw tata, i zla: “Ehe, hedi mə nda i zəm ge, a kəndaha, mazukwa i ju, amba lay mə nja əŋ nakwa.” 8Ɓa, i məl mbu ta, i ju, i nahaw guduk abə jerne.» 9Ɓa, Yesu a ɗəpta, a zla: «Hi wulək seh hedi tə jerne ta a nda i ɗal seh viŋgey? A ndaha za, a nda i jata, ɓa, a nda i vəlaŋta jerne ta əŋ ndəra hedi iyi par. 10Məndiwiŋ, heni kəjeŋge ma mawuzlel tə əŋ Ɗerewel tə Bizlaf wa halla vaw? Mə zlap:
“Nvəŋ hedi iyi i mə ləm ge i mə nahaw,
kəmbaɗ za əŋ nvəŋ tə təŋkumare#12:10 Matta 21:42..
11Ar Bay Bayta mə ɗalu,
ar məsəkəŋ mə har hedi a nje takwa.”»
12Bay tə Yahuda iyi i kəpələk ley məl Yesu, məŋgəvday i kəsəŋ za a zlap abə ma marərək wa seh a talaŋ tata. Ama i kələndəŋ za a hedi iyi, məŋgəvday a ɗek, i yaku, i nda tata.
Budu məŋgəvday bay Kaysara
(Matta 22:15-22; Luka 20:20-26)
13Hedi səndawl tə Yahuda iyi i ləɓ Farisa iyi abə hedi tə bay Hirudus dakayta iyi əŋ kelek Yesu, məŋgəvday ley məlu əŋ zlap tə abə jembəlew. 14I ndaha, i zlapaŋgu, i zla: «Metir, nini kəsəŋ hwa seh hwa hedi sə delele, hwa kələndəŋ abə hedi iyi səku, hwa kəwuɗak hedi iyi səku, ama hwa kəsərək hedi iyi əŋ kataf tə Bizlaf abə kataf ta. Gizenini, kataf kəvəl za ley min budu əŋ bay Kaysara vaw, aka səku halla vaw? Nini vəlaŋgu vaw, aka səku nini vəlaŋgu səku vaw?» 15Ama Yesu a kəsəŋ wulək tata kə zlap ganaɗ sə bək bək iyi, ɓa, a zlapaŋta, a zla: «Hi ɗalaka ɗəp tə abə jembəlew wa seh məŋgəvday a mey? Hi dahaka dala ta ntaɗ amba sa gəru!» 16I dahaŋ dala ta. Yesu a ɗəpta, a zla: «Tə a ɗek wa seh, fawtaw abə miya vitey?» I ziŋgeŋ zlap, i zla: «Ar tə Kaysara, bay tə Rawma.» 17Abə dawaŋ ta izey, Yesu a zlapaŋta, a zla: «Məsəkəŋ məŋgəvday Kaysara, hi vəlaŋgu, məsəkəŋ məŋgəvday Bizlaf, hi vəlaŋgu.» Hedi iyi ta i kəhar za mbeh səku, məŋgəvday a ziŋ zlap ŋga.
Ɗəp a talaŋ garaha tə hedi maməc iyi
(Matta 22:23-33; Luka 20:27-40)
18Saduki iyi i kərəɗaha əŋ kelek Yesu. Ar tata i mə zlap garaha tə hedi əŋ faŋw tə hedi maməc iyi seh halla#12:18 Kəzəɗ tə Mələɓ iyi 23:8.. I ɗəpu mənaŋ wa, i zla: 19«Metir, Musa kəwuzlelenakwa kukus wa za, a zla: “Əŋgah hedi a məc, a yak wala, kwa mbu halla seh, sey zliŋgeŋ a ɓət wala məce ta, amba ley limeŋ mbu əŋ zliŋgeŋ maməc ta.” 20Hedi abə zliŋgeŋ tata iyi dʉsəlʉɗ aka. Titʉz a ɓət wala, a məc ŋga kwa mbu halla. 21Məbək ta a ɓət wala məce ta, ɓak! a məc kəmbuw abə wala ta halla, mənaŋ mba bahayim, a ɗal abə zliŋgeŋ tata məmaakaɗ. 22Ha tata dʉsəlʉɗ tata fuk i mə ɓət wala wa, i kəməc tata za, i kəlim mbu halla, abə dawaŋ tata, wala ta a məc bahayim. 23Əŋ pis tə garaha tə hedi əŋ faŋw tə hedi maməc iyi seh, əŋ faŋw tata wa wala ta a nda i nja seh, əŋ wala vitey? Məŋgəvday tata dʉsəlʉɗ tata iyi fuk i kəɓətza za əŋ wala.» 24Yesu a ziŋgeŋta zlap, a zla: «Heni seh, heni kəkuɗəp talaŋ təheni, heni kəsəŋ məŋgəvday a mey səku vaw? Məŋgəvday heni kəsəŋ ma mawuzlel tə əŋ Ɗerewel tə Bizlaf səku, heni kəsəŋ fagay tə Bizlaf səku. 25Məŋgəvday əŋ pis tə garaha tə hedi əŋ faŋw tə hedi maməc iyi seh, muwul iyi i kənda i ɓət wala iyi halla ba, wala iyi bahayim i kənda i ɓət muwul iyi halla ba, ama i nda i nja mənaŋ mələɓ tə Bizlaf iyi tə wuzlaf. 26A talaŋ hedi maməc iyi i mə garaha tə əŋ faŋw tə hedi maməc iyi seh, heni kəjeŋge əŋ ɗerewel tə Musa əŋ Bizlaf mə zlapaŋgu tə a talaŋ kahaw mə bas tə əŋ ŋgusawf seh halla vaw? A namba, Bizlaf a zlapaŋgu, a zla: “Sa seh, sa Bizlaf tə Ibrahima, Bizlaf tə Isiyaku liŋ Bizlaf tə Yakubu.” 27Bizlaf seh, ar Bizlaf tə hedi tə abə nje iyi, ar Bizlaf tə hedi maməc iyi səku. Məŋgəvday a ɗek, heni kəkuɗəp təheni fuk.»
Ma matak titʉz tə əŋ ma matak iyi ta wa fuk seh vitikey?
(Matta 22:34-40; Luka 10:25-28)
28Hedi ntaɗ əŋ faŋw tə metir tə ma majaw iyi, a zlim yawa tata, a gər seh Yesu kəziŋgeŋta zlap za ləlaw diya. Ɓa, a ɗəpu, a zla: «Əŋ ma matak iyi ta wa fuk seh, titʉz seh vitikey?» 29Yesu a ziŋgeŋ zlap, a zla: «Ehe, ma matak pay day a dakayta iyi fuk seh: “Hi teh zləm, heni Israyila iyi, Bay Bayta takwa Bizlaf mbiŋ taataɗ ŋga Bay Bayta. 30Mba Bay Bayta Bizlaf təkwa abə nəf təkwa fuk, abə mədəŋcur təkwa fuk, abə wulək təkwa fuk liŋ abə fagay təkwa fuk.” 31Ehe, məbək tə ma majaw ta: “Mba məslige təkwa mənaŋ hwa mə mba talaŋ təkwa.” Ma matak mə day wawa iyi wa seh halla.» 32Hedi mə sərək kukus tə ma majaw sey, a zlapaŋgu, a zla: «Metir, ma hwa mə zlap wa seh, məndiwiŋ: Bay Bayta Bizlaf seh, mbiŋ taataɗ ŋga dap ar Bizlaf, bizlaf par mənaŋ mbiŋ seh halla. 33Ley mba Bizlaf abə nəf ŋga fuk, abə wulək ŋga fuk, abə fagay ŋga fuk, ley mba məslige ŋga mənaŋ mbiŋ mə mba talaŋ ŋga seh, wawa, pay day a talaŋ ley vəl məsəkəŋ iyi abə ley fat məsəkəŋ iyi əŋ Bizlaf.» 34Əŋ Yesu mə gər hedi ta kəziŋgeŋ zlap za ləlaw diya abə burŋguzl səntaŋ wa seh, ɓa, a zlapaŋgu, a zla: «Hwa guduk abə Bay tə Bizlaf seh halla.» Abə dawaŋ ta mba, kwa viyey a gula i ɗəpu səku ba.
Almasihu abə Dawuda
(Matta 22:41-46; Luka 20:41-44)
35Əŋ Yesu a kəsərək hedi iyi əŋ biŋ tə Bizlaf seh, a ɗalaŋta ɗəp wa, a zla: «Metir tə ma majaw iyi i kəzlap Almasihu seh, ar mambuwaha tə əŋ ntaŋw tə Dawuda seh viŋgey? 36Mimiɗ sə Kweɗek kəvəlaŋ fagay za əŋ Dawuda ley zlap mbiŋ abə talaŋ ŋga, a zla:
“Bay Bayta Bizlaf kəzlapaŋ za əŋ Bay Bayta na:
Nja əŋ ndəra zəma na,
ha əŋ sa mə ɗiy məsəgər təkwa iyi əŋ gədaŋ ŋgas təkwa#12:36 Jabura 110:1..”
37«Dawuda abə talaŋ ŋga a ɗafaŋ ma “Bay Bayta” kaa, Almasihu a mbaɗ əŋ mbu ŋgaŋ seh viŋgey?» Hedi makwas sə mbeh səku iyi i kəteh zləm a sərək tə Yesu abə səsəm.
Yesu a ŋgəz hedi iyi a metir tə ma majaw iyi
(Matta 23:1-36; Luka 20:45-47)
38Əŋ sərək ŋga, a kəzlapaŋta əŋ hedi iyi, a zla: «Hi jaŋ talaŋ təheni abə metir tə ma majaw iyi i mə mba i pik tə abə rukut səndawl səndawl iyi, i mba hedi iyi i mə ɗalaŋta mbele abə waŋ talaŋ əŋ lay kə kwas hedi iyi. 39I kəmay lay kə nja səntaŋ əŋ biŋ iyi kə ɗal mbuh əŋ Bizlaf, i kəpələk lay tə hedi səndawl iyi, əŋgah i kəɗafaŋta ma za ley zəm wuda tə gugway. 40I kəlaŋta məsəkəŋ tə wala məce iyi, i kəɗal mbuh nja mbeh səku amba hedi iyi i mə gərta. I lim mbəzl ma sə ndʉlʉk za pay day a tə hedi dakayta iyi.»
Vəl məsəkəŋ tə wala məce məstakwaŋ
(Luka 21:1-4)
41Yesu mə nji əŋ biŋ tə Bizlaf nje dəre abə gwajakwaɗ tə dala, a kəgər hedi iyi i kəkʉy dala əŋ ɗəməŋ seh viŋgey. Hedi tə abə məsəkəŋ sə mbeh səku iyi i kəvəl dala mbeh səku. 42Wala məce məstakwaŋ bahayim a ndaha, a vəl dala tə malaway bək, dala ta kʉsit nawa. 43Yesu a ɗafaŋta ma əŋ gula ŋga iyi, a zlapaŋta, a zla: «Sa kəzlapaheni məndiwiŋ, wala məce məstakwaŋ wa, kəvəl məsəkəŋ əŋ gwajakwaɗ tə dala pay day a hedi məzəwindi iyi fuk. 44Sa zlapaheni mənaŋ wa seh, məŋgəvday tata fuk i kəvəl məsəkəŋ kʉsit nawa əŋ məsəkəŋ tata sə mbeh səku iyi wa, ama wala wa, kwa mbiŋ məstakwaŋ seh, kəvəl məsəkəŋ tə gədaŋ ndəra ŋga fuk, mbiŋ mə nda i səkəm məsəkəŋ kə zəm tə abə mbiŋ.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in