Markus 10
10
Sərək tə Yesu a talaŋ ma kə gam wala
(Matta 19:1-12; Luka 16:18)
1Yesu a gar a lay ta mba, a nda əŋ hayak tə Yahudiya, kəɗi əŋ kəv məzəwindi tə lakwat Urdun. Baha, hedi iyi i kwasaha mbeh səku əŋ kelek ŋga. Ɓa, a kəsərəkta mənaŋ vah hwayhway.
2Farisa məzəwindi iyi i kərəɗaha əŋ kelek ŋga, amba ley təlu. I ɗəpu, i zla: «Ma majaw kəvəl kataf za əŋ muwul ley gam wala ŋga vaw?» 3Yesu a ziŋgeŋta zlap abə ɗəp wa, a zla: «Musa a vəlaheni seh ma matak vitikey?» 4I ziŋgeŋ zlap, i zla: «Musa a zlap seh, əŋgah muwul a kəmba i gam wula ŋga, sey a wuzleleŋ ɗerewel kə gam wala ŋga ta za ndagwa, abə dawaŋ ta, a gamu.» 5Yesu a zlapaŋta, a zla: «Musa kəwuzleleheni ma matak wa za, məŋgəvday talaŋ təheni tawytawy. 6Ama əŋ mar tə məŋhayak, “Bizlaf a ləmaha muwul abə wala. 7Məŋgəvday a ɗek, hedi a yakaha baba ŋga abə mama ŋga za ley jam abə wala ŋga, 8tata bək tata iyi i mbaɗ za wucum ntaɗ.” Mənaŋ wa, tata hedi iyi bək səku ba, ama wucum ntaɗ. 9Məŋgəvday a ɗek, hedi mə mba i wuɗak məsəkəŋ Bizlaf mə jam səku.» 10Əŋ tata i mə təɗ əŋ ge seh, gula ŋga iyi i ɗəpu baha a talaŋ ma ta. 11Yesu a gizeŋta, a zla: «Kwa viyey mə gam wala ŋga, abə dawaŋ ta, kədəmaha wala par za, mbamba seh, kəɓət wucum sifteleh za a palah a talaŋ wala ŋga titʉz. 12Mənaŋ mba bahayim, əŋgah wala kəyak muwul ŋga za, a nda əŋ gədaŋ muwul par, kəɓət wucum sifteleh za a palah.»
Yesu a pireŋta ma əŋ wuziyi mekedek iyi
(Matta 19:13-15; Luka 18:15-17)
13Hedi iyi i daha wuziyi mekedek iyi əŋ kelek Yesu amba a ges ndəra a tata, ama gula ŋga iyi i gwazlakta. 14Əŋ Yesu mə gər məsəkəŋ tata i mə ɗal wa, nəf ŋga a dəm, a zlapaŋta əŋ gula ŋga iyi, a zla: «Hi yakaha wuziyi mekedek iyi i mə ndaha əŋ kelek na. Hi mba i takta səku, məŋgəvday Bay tə Bizlaf mbə əŋ hedi mənaŋ tata iyi. 15Sa kəzlapaheni məndiwiŋ, kwa viyey kəkuw Bay tə Bizlaf mənaŋ mbu mekedek wa halla seh, a gula i təɗ əŋ ɗəməŋ halla səlak.» 16Ɓa, a ɓət wuziyi ta əŋ ndəra, a ɗiyaŋta ndəra a talaŋ, ɓa, a pireŋta ma.
Yesu abə hedi tə abə məsəkəŋ
(Matta 19:16-30; Luka 18:18-30)
17Əŋ Yesu a kənda i nda ŋga seh, hedi məzəwindi aka, a ndaha abə hiy, a dar malakw a ma ŋga, ɓa, a ɗəpu, a zla: «Metir na səntaŋ, sa nda i ɗal amba sa lim mədəŋcur mə cukwaɗ səku seh mey?» 18Yesu a ziŋgeŋ zlap, a zla: «Hwa ɗafaka ma hedi səntaŋ seh məŋgəvday a mey? Hedi səntaŋ seh, sey Bizlaf taataɗ ŋga. 19Hwa kəsəŋ ma matak iyi: Hwa mba i ja hedi səku, hwa mba i ɓət wucum sifteleh a palah səku, hwa mba i hil səku, hwa mba i bərəsl ma a talaŋ hedi səku, hwa mba i ɗalaŋ məsəkəŋ madawar əŋ kwa viyey səku, waŋgaŋta talaŋ əŋ baba təkwa abə mama təkwa.» 20Hedi ta a ziŋgeŋ zlap, a zla: «Metir, sa kəkuw ma matak iyi ta wa za mar tə əŋ gula na.» 21Yesu a gəru abə mba wucum, a zlapaŋgu, a zla: «Məsəkəŋ ntaɗ mayakah. Nda, ber məsəkəŋ təkwa iyi fuk, vəlaŋta dala ta əŋ hedi məstakwaŋ iyi. Mənaŋ wa, hwa lim məsəkəŋ za a wuzlaf, abə dawaŋ ta, ndaha, ziberekʉ.» 22Ama əŋ hedi ta mə zlim ma ta wa, a kurcuf nje, a nda ŋga, kəsəsəm halla, məŋgəvday mbiŋ abə məsəkəŋ mbeh səku.
23Yesu a gər gula ŋga tə a kelek ŋga iyi, a zlapaŋta, a zla: «Tuwah aka əŋ hedi tə abə məsəkəŋ iyi amba ley təɗ əŋ Bay tə Bizlaf.» 24Gula ŋga iyi i kəhar za mbeh səku a ma iyi ta. Ama Yesu a zlapaŋta baha, a zla: «Wuziyi na iyi, tuwah aka ley təɗ əŋ Bay tə Bizlaf! 25Ŋgelebe a təɗ kəɗi jiɓ tə batal pay gelɓe a talaŋ hedi tə abə məsəkəŋ ley təɗ əŋ Bay tə Bizlaf.» 26Gula ŋga iyi i kəceh ley har abə fagay, i ɗəp wucum əŋ faŋw tata, i zla: «Əŋgah mənaŋ wa seh, mə gula i reh seh viyey?» 27Yesu a gərta, ɓa, a zlapaŋta, a zla: «Əŋ hedi iyi seh, məsəkəŋ ta a ɗal səku, ama əŋ Bizlaf seh, a ɗal za, məŋgəvday Bizlaf a gula i ɗal məsəkəŋ iyi fuk.»
28Abə dawaŋ ta izey, Piyer a zlapaŋgu, a zla: «Ehe, nini seh, nini kəyakaha məsəkəŋ tini iyi fuk ley zibereh.» 29Yesu a ziŋgeŋ zlap, a zla: «Sa kəzlapaheni məndiwiŋ: əŋgah hedi a yak ge ŋga, aka səku zliŋgeŋ muwul muwul iyi abə wala wala iyi, mama ŋga, baba ŋga, wuziyi ŋga iyi, lay ŋga iyi məŋgəvday sa, baha, məŋgəvday Labara Səntaŋ Lawayaŋ seh, 30a limta za day ŋgas temere əŋ nja ŋga tə əŋ məŋhayak mənjawa. A nda i lim: ge iyi, zliŋge muwul muwul iyi abə wala wala iyi, wuziyi, lay iyi, baha, a zlim tuwah za məŋgəvday sa. Əŋ məŋhayak mə nda i ndaha bahayim a lim mədəŋcur mə cukwaɗ səku za. 31Hedi iyi mbeh səku mənjawa titʉz iyi i mbaɗ za əŋ hedi maɗ ma iyi, hedi maɗ ma iyi i mbaɗ za əŋ hedi titʉz iyi.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Matta 20:17-19; Luka 18:31-34)
32Yesu abə hedi mə ziberʉ iyi i mbə a kataf ley tap əŋ Urusalima. Yesu mbə a ma tə gula ŋga iyi, talaŋ tata kəwuzlaɗ za, hedi mə ziberta iyi i kələndəŋ za bahayim. Baha, Yesu a ɗafaŋta ma əŋ gula ŋga iyi wam a meɗek bək, a gizeŋta məsəkəŋ mə nda i limʉ. 33Yesu a zlapaŋta, a zla: «Ehe, nakwa iyi kənda i tap əŋ Urusalima. A namba, i vəl Mbu tə Hedi za əŋ ndəra hedi səndawl iyi tə a talaŋ hedi iyi i mə ɗal kukus əŋ Bizlaf abə əŋ ndəra metir tə ma majaw iyi. I mbəzlaŋ ma za, mbəzl ma kə ja. Abə dawaŋ ta, i vəlza za əŋ ndəra hedi mə səŋ Bizlaf səku iyi. 34I ɓasaŋ za a talaŋ, tata bahayim i pireŋ mesleɓ za a talaŋ, i kəlapza za, i jaza za, ama əŋ waŋ maakaɗ, abə dawaŋ ta, a garaha ŋga za əŋ faŋw tə hedi maməc iyi.»
Ɗəp tə Yakuba abə Yahwana
(Matta 20:20-28)
35Abə dawaŋ ta izey, Yakuba abə Yahwana, wuziyi tə Zebede iyi i kərəɗaha əŋ kelek Yesu, i zlapaŋgu, i zla: «Metir, nini mba hwa ɗalanini məsəkəŋ nini mə nda i ɗəpah.» 36Yesu a ɗəpta, a zla: «Hi mba sa ɗalaheni seh, a mey?»
37I ziŋgeŋ zlap, i zla: «Əŋ pis hwa mə nda i nja əŋ karawal tə Bay səndawl təkwa seh, vəlanini lay ley nja a kelek təkwa ntaɗ əŋ ndəra zəma təkwa, ntaɗ əŋ ndəra gula təkwa.» 38Ama Yesu a zlapaŋta, a zla: «Heni kəsəŋ məsəkəŋ heni mə ɗəp səku. Heni gula i ɓəs tuwah mənaŋ sa mə nda i zləŋ wa za vaw? Aka səku, heni gula i baŋ batem mənaŋ sa mə nda i baŋ wa za vaw?» 39I ziŋgeŋ zlap, i zla: «Ayaw, nini gula.» Yesu a zlapaŋta, a zla: «Ayaw, heni ɓəs tuwah za mənaŋ sa mə nda i ɓəsu. Heni baŋ batem za mənaŋ sa mə nda i baŋ. 40Ama sa gula i may hedi mə nda i nja əŋ ndəra zəma na, aka səku əŋ ndəra gula na səku. Ar sa mə nda i vəlu səku. Lay ta, mə ɗiyi əŋ hedi Bizlaf mə mayu iyi.»
41Əŋ gula wam dakayta iyi i mə zlim ma ta wa, i kəzəm nəf za a talaŋ Yakuba abə Yahwana. 42Abə dawaŋ ta izey, Yesu a ɗafaŋta ma fuk, a zlapaŋta, a zla: «Hi kəsəŋgu hedi iyi, i mə gərta mənaŋ bay iyi tə əŋ məŋhayak wa, i kətakaŋta wula əŋ hedi iyi ley ɗal mənaŋ tata mə mba, aka səku hedi səndawl iyi bahayim i kəsla a talaŋ hedi iyi abə fagay. 43Ama a mba i ɗal mənaŋ mba əŋ faŋw təheni səku. Əŋgah hedi tə əŋ faŋw təheni, a kəmba i mbaɗ əŋ səndawl, sey a mbaɗ əŋ hedi mə ɗalaheni kəzəɗ. 44Əŋgah hedi əŋ faŋw təheni, a kəmba i ɗal talaŋ habay tə hedi iyi seh, sey a mbaɗ əŋ məva tə hedi iyi fuk. 45Məŋgəvday Mbu tə Hedi kəndaha amba hedi iyi i ɗalaŋ kəzəɗ seh halla, ama a ndaha amba a ɗalaŋta kəzəɗ əŋ hedi iyi, a vəl mədəŋcur ŋga ley reh hedi iyi mbeh səku.»
Yesu a rəzaŋ nje tə hedi wuluf Bartime
(Matta 20:29-34; Luka 18:35-43)
46I gwaraha əŋ Yerikwa. Abə dawaŋ ta izey, Yesu a kətəɗaha ŋga a wuta ta abə gula ŋga iyi liŋ abə hedi makwas iyi mbeh səku, hedi wuluf aka, miya ŋga Bartime, mbu tə Time, mə nji a meɗek kataf, a kərək. 47Əŋ mbiŋ mə zlim Yesu lə Nasaratu a kətaŋ seh, a mar ley ja varay, a zla: «Yesu, Mbu tə Dawuda, səŋgaka nje həhər!» 48Hedi iyi mbeh səku i gwazlaku amba mə bes, ama a ja varay abə fagay, a zla: «Mbu tə Dawuda, səŋgaka nje həhər!» 49Yesu a gar, ɓa, zlap, a zla: «Hi ɗafaŋ ma.» I ɗafaŋ ma əŋ hedi wuluf sey, i zlapaŋgu, i zla: «Səɓ nəf, gar, a kəɗafah ma.» 50Abə dawaŋ ta izey, hedi wuluf ta, a kap gwedere ŋga, pərta! a gar, a ndaha əŋ kelek Yesu. 51Yesu a ɗəpu, a zla: «Hwa mba sa ɗalah seh mey?» Hedi wuluf ta, a ziŋgeŋ zlap, a zla: «Rabbuni, (mənaŋ zlap ta seh “metir”), ɗal amba sa gər nje baha.» 52Yesu a zlapaŋgu, a zla: «Nda, kuw ma təkwa kəreheh za.» Mbehmbeh mba, nje ŋga a rəz, a lim nje izey, ɓa, a ziber Yesu.
Currently Selected:
Markus 10: xmd
Highlight
Share
ਕਾਪੀ।
Want to have your highlights saved across all your devices? Sign up or sign in
Markus 10
10
Sərək tə Yesu a talaŋ ma kə gam wala
(Matta 19:1-12; Luka 16:18)
1Yesu a gar a lay ta mba, a nda əŋ hayak tə Yahudiya, kəɗi əŋ kəv məzəwindi tə lakwat Urdun. Baha, hedi iyi i kwasaha mbeh səku əŋ kelek ŋga. Ɓa, a kəsərəkta mənaŋ vah hwayhway.
2Farisa məzəwindi iyi i kərəɗaha əŋ kelek ŋga, amba ley təlu. I ɗəpu, i zla: «Ma majaw kəvəl kataf za əŋ muwul ley gam wala ŋga vaw?» 3Yesu a ziŋgeŋta zlap abə ɗəp wa, a zla: «Musa a vəlaheni seh ma matak vitikey?» 4I ziŋgeŋ zlap, i zla: «Musa a zlap seh, əŋgah muwul a kəmba i gam wula ŋga, sey a wuzleleŋ ɗerewel kə gam wala ŋga ta za ndagwa, abə dawaŋ ta, a gamu.» 5Yesu a zlapaŋta, a zla: «Musa kəwuzleleheni ma matak wa za, məŋgəvday talaŋ təheni tawytawy. 6Ama əŋ mar tə məŋhayak, “Bizlaf a ləmaha muwul abə wala. 7Məŋgəvday a ɗek, hedi a yakaha baba ŋga abə mama ŋga za ley jam abə wala ŋga, 8tata bək tata iyi i mbaɗ za wucum ntaɗ.” Mənaŋ wa, tata hedi iyi bək səku ba, ama wucum ntaɗ. 9Məŋgəvday a ɗek, hedi mə mba i wuɗak məsəkəŋ Bizlaf mə jam səku.» 10Əŋ tata i mə təɗ əŋ ge seh, gula ŋga iyi i ɗəpu baha a talaŋ ma ta. 11Yesu a gizeŋta, a zla: «Kwa viyey mə gam wala ŋga, abə dawaŋ ta, kədəmaha wala par za, mbamba seh, kəɓət wucum sifteleh za a palah a talaŋ wala ŋga titʉz. 12Mənaŋ mba bahayim, əŋgah wala kəyak muwul ŋga za, a nda əŋ gədaŋ muwul par, kəɓət wucum sifteleh za a palah.»
Yesu a pireŋta ma əŋ wuziyi mekedek iyi
(Matta 19:13-15; Luka 18:15-17)
13Hedi iyi i daha wuziyi mekedek iyi əŋ kelek Yesu amba a ges ndəra a tata, ama gula ŋga iyi i gwazlakta. 14Əŋ Yesu mə gər məsəkəŋ tata i mə ɗal wa, nəf ŋga a dəm, a zlapaŋta əŋ gula ŋga iyi, a zla: «Hi yakaha wuziyi mekedek iyi i mə ndaha əŋ kelek na. Hi mba i takta səku, məŋgəvday Bay tə Bizlaf mbə əŋ hedi mənaŋ tata iyi. 15Sa kəzlapaheni məndiwiŋ, kwa viyey kəkuw Bay tə Bizlaf mənaŋ mbu mekedek wa halla seh, a gula i təɗ əŋ ɗəməŋ halla səlak.» 16Ɓa, a ɓət wuziyi ta əŋ ndəra, a ɗiyaŋta ndəra a talaŋ, ɓa, a pireŋta ma.
Yesu abə hedi tə abə məsəkəŋ
(Matta 19:16-30; Luka 18:18-30)
17Əŋ Yesu a kənda i nda ŋga seh, hedi məzəwindi aka, a ndaha abə hiy, a dar malakw a ma ŋga, ɓa, a ɗəpu, a zla: «Metir na səntaŋ, sa nda i ɗal amba sa lim mədəŋcur mə cukwaɗ səku seh mey?» 18Yesu a ziŋgeŋ zlap, a zla: «Hwa ɗafaka ma hedi səntaŋ seh məŋgəvday a mey? Hedi səntaŋ seh, sey Bizlaf taataɗ ŋga. 19Hwa kəsəŋ ma matak iyi: Hwa mba i ja hedi səku, hwa mba i ɓət wucum sifteleh a palah səku, hwa mba i hil səku, hwa mba i bərəsl ma a talaŋ hedi səku, hwa mba i ɗalaŋ məsəkəŋ madawar əŋ kwa viyey səku, waŋgaŋta talaŋ əŋ baba təkwa abə mama təkwa.» 20Hedi ta a ziŋgeŋ zlap, a zla: «Metir, sa kəkuw ma matak iyi ta wa za mar tə əŋ gula na.» 21Yesu a gəru abə mba wucum, a zlapaŋgu, a zla: «Məsəkəŋ ntaɗ mayakah. Nda, ber məsəkəŋ təkwa iyi fuk, vəlaŋta dala ta əŋ hedi məstakwaŋ iyi. Mənaŋ wa, hwa lim məsəkəŋ za a wuzlaf, abə dawaŋ ta, ndaha, ziberekʉ.» 22Ama əŋ hedi ta mə zlim ma ta wa, a kurcuf nje, a nda ŋga, kəsəsəm halla, məŋgəvday mbiŋ abə məsəkəŋ mbeh səku.
23Yesu a gər gula ŋga tə a kelek ŋga iyi, a zlapaŋta, a zla: «Tuwah aka əŋ hedi tə abə məsəkəŋ iyi amba ley təɗ əŋ Bay tə Bizlaf.» 24Gula ŋga iyi i kəhar za mbeh səku a ma iyi ta. Ama Yesu a zlapaŋta baha, a zla: «Wuziyi na iyi, tuwah aka ley təɗ əŋ Bay tə Bizlaf! 25Ŋgelebe a təɗ kəɗi jiɓ tə batal pay gelɓe a talaŋ hedi tə abə məsəkəŋ ley təɗ əŋ Bay tə Bizlaf.» 26Gula ŋga iyi i kəceh ley har abə fagay, i ɗəp wucum əŋ faŋw tata, i zla: «Əŋgah mənaŋ wa seh, mə gula i reh seh viyey?» 27Yesu a gərta, ɓa, a zlapaŋta, a zla: «Əŋ hedi iyi seh, məsəkəŋ ta a ɗal səku, ama əŋ Bizlaf seh, a ɗal za, məŋgəvday Bizlaf a gula i ɗal məsəkəŋ iyi fuk.»
28Abə dawaŋ ta izey, Piyer a zlapaŋgu, a zla: «Ehe, nini seh, nini kəyakaha məsəkəŋ tini iyi fuk ley zibereh.» 29Yesu a ziŋgeŋ zlap, a zla: «Sa kəzlapaheni məndiwiŋ: əŋgah hedi a yak ge ŋga, aka səku zliŋgeŋ muwul muwul iyi abə wala wala iyi, mama ŋga, baba ŋga, wuziyi ŋga iyi, lay ŋga iyi məŋgəvday sa, baha, məŋgəvday Labara Səntaŋ Lawayaŋ seh, 30a limta za day ŋgas temere əŋ nja ŋga tə əŋ məŋhayak mənjawa. A nda i lim: ge iyi, zliŋge muwul muwul iyi abə wala wala iyi, wuziyi, lay iyi, baha, a zlim tuwah za məŋgəvday sa. Əŋ məŋhayak mə nda i ndaha bahayim a lim mədəŋcur mə cukwaɗ səku za. 31Hedi iyi mbeh səku mənjawa titʉz iyi i mbaɗ za əŋ hedi maɗ ma iyi, hedi maɗ ma iyi i mbaɗ za əŋ hedi titʉz iyi.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Matta 20:17-19; Luka 18:31-34)
32Yesu abə hedi mə ziberʉ iyi i mbə a kataf ley tap əŋ Urusalima. Yesu mbə a ma tə gula ŋga iyi, talaŋ tata kəwuzlaɗ za, hedi mə ziberta iyi i kələndəŋ za bahayim. Baha, Yesu a ɗafaŋta ma əŋ gula ŋga iyi wam a meɗek bək, a gizeŋta məsəkəŋ mə nda i limʉ. 33Yesu a zlapaŋta, a zla: «Ehe, nakwa iyi kənda i tap əŋ Urusalima. A namba, i vəl Mbu tə Hedi za əŋ ndəra hedi səndawl iyi tə a talaŋ hedi iyi i mə ɗal kukus əŋ Bizlaf abə əŋ ndəra metir tə ma majaw iyi. I mbəzlaŋ ma za, mbəzl ma kə ja. Abə dawaŋ ta, i vəlza za əŋ ndəra hedi mə səŋ Bizlaf səku iyi. 34I ɓasaŋ za a talaŋ, tata bahayim i pireŋ mesleɓ za a talaŋ, i kəlapza za, i jaza za, ama əŋ waŋ maakaɗ, abə dawaŋ ta, a garaha ŋga za əŋ faŋw tə hedi maməc iyi.»
Ɗəp tə Yakuba abə Yahwana
(Matta 20:20-28)
35Abə dawaŋ ta izey, Yakuba abə Yahwana, wuziyi tə Zebede iyi i kərəɗaha əŋ kelek Yesu, i zlapaŋgu, i zla: «Metir, nini mba hwa ɗalanini məsəkəŋ nini mə nda i ɗəpah.» 36Yesu a ɗəpta, a zla: «Hi mba sa ɗalaheni seh, a mey?»
37I ziŋgeŋ zlap, i zla: «Əŋ pis hwa mə nda i nja əŋ karawal tə Bay səndawl təkwa seh, vəlanini lay ley nja a kelek təkwa ntaɗ əŋ ndəra zəma təkwa, ntaɗ əŋ ndəra gula təkwa.» 38Ama Yesu a zlapaŋta, a zla: «Heni kəsəŋ məsəkəŋ heni mə ɗəp səku. Heni gula i ɓəs tuwah mənaŋ sa mə nda i zləŋ wa za vaw? Aka səku, heni gula i baŋ batem mənaŋ sa mə nda i baŋ wa za vaw?» 39I ziŋgeŋ zlap, i zla: «Ayaw, nini gula.» Yesu a zlapaŋta, a zla: «Ayaw, heni ɓəs tuwah za mənaŋ sa mə nda i ɓəsu. Heni baŋ batem za mənaŋ sa mə nda i baŋ. 40Ama sa gula i may hedi mə nda i nja əŋ ndəra zəma na, aka səku əŋ ndəra gula na səku. Ar sa mə nda i vəlu səku. Lay ta, mə ɗiyi əŋ hedi Bizlaf mə mayu iyi.»
41Əŋ gula wam dakayta iyi i mə zlim ma ta wa, i kəzəm nəf za a talaŋ Yakuba abə Yahwana. 42Abə dawaŋ ta izey, Yesu a ɗafaŋta ma fuk, a zlapaŋta, a zla: «Hi kəsəŋgu hedi iyi, i mə gərta mənaŋ bay iyi tə əŋ məŋhayak wa, i kətakaŋta wula əŋ hedi iyi ley ɗal mənaŋ tata mə mba, aka səku hedi səndawl iyi bahayim i kəsla a talaŋ hedi iyi abə fagay. 43Ama a mba i ɗal mənaŋ mba əŋ faŋw təheni səku. Əŋgah hedi tə əŋ faŋw təheni, a kəmba i mbaɗ əŋ səndawl, sey a mbaɗ əŋ hedi mə ɗalaheni kəzəɗ. 44Əŋgah hedi əŋ faŋw təheni, a kəmba i ɗal talaŋ habay tə hedi iyi seh, sey a mbaɗ əŋ məva tə hedi iyi fuk. 45Məŋgəvday Mbu tə Hedi kəndaha amba hedi iyi i ɗalaŋ kəzəɗ seh halla, ama a ndaha amba a ɗalaŋta kəzəɗ əŋ hedi iyi, a vəl mədəŋcur ŋga ley reh hedi iyi mbeh səku.»
Yesu a rəzaŋ nje tə hedi wuluf Bartime
(Matta 20:29-34; Luka 18:35-43)
46I gwaraha əŋ Yerikwa. Abə dawaŋ ta izey, Yesu a kətəɗaha ŋga a wuta ta abə gula ŋga iyi liŋ abə hedi makwas iyi mbeh səku, hedi wuluf aka, miya ŋga Bartime, mbu tə Time, mə nji a meɗek kataf, a kərək. 47Əŋ mbiŋ mə zlim Yesu lə Nasaratu a kətaŋ seh, a mar ley ja varay, a zla: «Yesu, Mbu tə Dawuda, səŋgaka nje həhər!» 48Hedi iyi mbeh səku i gwazlaku amba mə bes, ama a ja varay abə fagay, a zla: «Mbu tə Dawuda, səŋgaka nje həhər!» 49Yesu a gar, ɓa, zlap, a zla: «Hi ɗafaŋ ma.» I ɗafaŋ ma əŋ hedi wuluf sey, i zlapaŋgu, i zla: «Səɓ nəf, gar, a kəɗafah ma.» 50Abə dawaŋ ta izey, hedi wuluf ta, a kap gwedere ŋga, pərta! a gar, a ndaha əŋ kelek Yesu. 51Yesu a ɗəpu, a zla: «Hwa mba sa ɗalah seh mey?» Hedi wuluf ta, a ziŋgeŋ zlap, a zla: «Rabbuni, (mənaŋ zlap ta seh “metir”), ɗal amba sa gər nje baha.» 52Yesu a zlapaŋgu, a zla: «Nda, kuw ma təkwa kəreheh za.» Mbehmbeh mba, nje ŋga a rəz, a lim nje izey, ɓa, a ziber Yesu.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in