Matta 1
1
Dide tə dide tə Yesu Almasihu iyi
(Luka 3:23-38)
1Ehe, ɗerewel tə miya tə dide tə dide tə Yesu Almasihu iyi, Dawuda dide tə Yesu, Ibrahima dide tə Dawuda:
2Ibrahima a mbuwaha Isiyaku, Isiyaku a mbuwaha Yakubu, Yakubu a mbuwaha Yahuda abə zliŋgeŋ iyi. 3Yahuda a mbuwaha Fares abə Zara, Tamar mama tata. Fares a mbuwaha Hesrunu, Hesrunu a mbuwaha Aram. 4Aram a mbuwaha Aminadabu, Aminadabu a mbuwaha Nahasunu, Nahasunu a mbuwaha Salmuna, 5Salmuna a mbuwaha Bawes, mama ŋga Rahab. Bawes a mbuwaha Awbet, mama ŋga Rʉt. Awbet a mbuwaha Yessa, 6Yessa a mbuwaha bay Dawuda. Dawuda a mbuwaha Sulaymanu. Mama tə Sulaymanu ta, kəɗal wala tə Uriya za. 7Sulaymanu a mbuwaha Rabawam, Rabawam a mbuwaha Abiya, Abiya a mbuwaha Asa, 8Asa a mbuwaha Yawsafat, Yawsafat a mbuwaha Yawram. Yawram a mbuwaha Uziya, 9Uziya a mbuwaha Yawtam, Yawtam a mbuwaha Akas, Akas a mbuwaha Hezekiya, 10Hezekiya a mbuwaha Manasa, Manasa a mbuwaha Amaŋw. Amaŋw a mbuwaha Yusiya, 11Yusiya a mbuwaha Yekwaniya abə zliŋgeŋ iyi, əŋ mbamba izey i deɓ Israyila iyi mənaŋ məva#1:11Məva, aka səku ɓele. əŋ Baabila#1:11 2 Bay iyi 24:10-16..
12Abə dawaŋ tə deɓ tə Israyila iyi mənaŋ məva əŋ Baabila, Yekwaniya a mbuwaha Salatiyel, Salatiyel a mbuwaha Zawrubaabila, 13Zawrubaabila a mbuwaha Abihuda, Abihuda a mbuwaha Eliyakim, Eliyakim a mbuwaha Ajawra, 14Ajawra a mbuwaha Cadakw, Cadakw a mbuwaha Ahim, Ahim a mbuwaha Eliyuda, 15Eliyuda a mbuwaha Eliyazaru, Eliyazaru a mbuwaha Mattan, Mattan a mbuwaha Yakubu, 16Yakubu a mbuwaha Yusufa, muwul tə Mariyama mə mbuwaha Yesu, i mə ɗafaŋ ma Almasihu.
17Mar a Ibrahima ha Dawuda kəɗal dide wam a meɗek nfaɗ, mar a Dawuda ha deɓ tə Israyila iyi mənaŋ məva#1:17 Məva, aka səku ɓele. əŋ Baabila bahayim kəɗal dide wam a meɗek nfaɗ, mar tə deɓ tə Israyila iyi mənaŋ məva əŋ Baabila ha əŋ mbuwaha tə Almasihu kəɗal dide wam a meɗek nfaɗ.
Mbuwaha tə Yesu Almasihu
(Luka 2:1-7)
18Ehe, mbuwaha tə Yesu Almasihu a taŋ seh, mənaŋ wa: Mariyama mama ŋga, ar ncew tə Yusufa, ama i kəjam halla ndagwa, Mariyama kəɗal dəməs za abə fagay tə Mimiɗ sə Kweɗek. 19Yusufa muwul ŋga, ar hedi sə delele, a kəmba i ɗalaŋ hawa səku, a mba i yaku abə ɓah. 20Əŋ mbiŋ a kəwulək a talaŋ ma ta, ehe, mələɓ tə Bay Bayta Bizlaf a ndaha a talaŋ ŋga kəɗi sisiŋ, ɓa, a zlapaŋgu, a zla: «Yusufa, mambuwaha tə əŋ ntaŋw tə Dawuda, hwa mba i ləndəŋ ley ɓət Mariyama dəma təkwa wa səku, məŋgəvday a ɗal dəməs wa abə Mimiɗ sə Kweɗek. 21A mbuwaha mbu muwul za, hwa nda i yaza Yesu, məŋgəvday mbiŋ mə nda i reh hedi ŋga iyi əŋ hem tata.»
22Məsəkəŋ ta fuk kəɗal za, amba məsəkəŋ Bay Bayta Bizlaf mə giz kəɗi hedi mə giz ma abə miya ŋga zlezle a ɗal, a zla:
23«Hazləma dalay mə səŋ muwul səku, a ɗal dəməs za, a nda i mbuwaha mbu muwul,
i nda i ɗafaŋ ma Immanuyila#1:23 Esaya 7:14.»,
mənaŋ zlap ta: «Bizlaf mbə abə nakwa».
24Əŋ fəɗaha tə Yusufa əŋ waŋ, a ɗal mənaŋ mələɓ tə Bay Bayta Bizlaf mə zlapaŋgu, a ɓət dəma ŋga əŋ ge ŋga, 25ama kəjam abə mbiŋ halla ha a mbuwaha mbu ŋgaŋ mbu muwul. Yusufa a ɗiyaŋ miya Yesu.
Currently Selected:
Matta 1: xmd
Highlight
Share
ਕਾਪੀ।
Want to have your highlights saved across all your devices? Sign up or sign in