Marcos 2
2
Jesúcã ũpʉ̃ bʉrigʉre camesãmasĩñerõcã tirigue
(Mt 9:1-8; Lc 5:17-26)
1Ĩcãbʉrecorisiro Jesús upatuti Capernaúmpʉra wayugʉ tamʉ. Topʉ cʉ̃cã wipʉ nirẽ quetire masĩrã eara 2pẽrãmerã basoca cʉ̃cã nirĩwipʉ neãpowʉmʉãyura tiwimacã sopepʉto sãwaropʉre nonope nucũmasĩña manirõpʉ. Cʉ̃pe cʉ̃ye quetire wedeyugʉ. 3Tairo tiriwatoa bapubisara ʉmʉã ĩcʉ̃ ũpʉ̃ bʉrigʉre cʉ̃cã pesaromena tiwipʉ nejeayura. 4Basoca pajʉ nirẽye wapa cʉ̃jã Jesús cʉtiropʉ eawamasĩheriyura. Tairo tira wisotocapepʉ mʉãwa ĩcãcope coawenirã ticopepʉmena ũpʉ̃ bʉrigʉre cʉ̃cã pesaromena cʉ̃ cʉtiropʉ dujiocoyura. 5Jesús cʉ̃jãcã cʉ̃rẽ wedewõrẽ cʉorere ĩñagʉ̃ ũpʉ̃ bʉrigʉre abiro ĩyugʉ:
—Yʉmacʉ̃, mʉcã ñañarẽ tiriguere acõboyoarigue pʉtʉa ―ĩyugʉ Jesús.
6Cʉ̃cã tairo ĩñerõcã tʉora ĩcãrã Moisécã ojariguere bueribasoca topʉ duira abiro wãcũyura: 7“¿Dairo tigʉ ãni tairo wederucũpãmamocãrĩ? Cʉ̃cã wederucũrẽmena Manigʉ̃rẽ ñañarõ wederucũgʉ̃ yawí. Manigʉ̃ wadora ñañarẽ tiriguere acõbomasĩwĩ” ĩ wãcũyura.
8Jesús nocãrõmerã cʉ̃jãcã wãcũrẽrẽ ĩñamasĩnigʉ̃ cʉ̃jãrẽ abiro sãĩñayugʉ:
—¿Dairo tira mʉjã tora abiro wãcũrĩ? 9¿Ãni ũpʉ̃ bʉrigʉre dairo ĩrẽpe wisioheriri? ¿Mʉcã ñañarẽ tiriguere acõboyosia ĩrẽpe o wʉmʉnʉcã mʉcã pesarore neãpa waya ĩrẽpe wisioheriri? 10Tairo niñerõcãpʉare yʉ Nipetira Sõwʉ̃cã dotimasĩrẽmena atidita macãrãrẽ cʉ̃jãcã ñañarẽ tiriguere acõbomasĩrẽrẽ mʉjãrẽ eñogʉ̃da ―ĩyugʉ Jesús.
Tairo ĩgʉ̃rã ũpʉ̃ bʉrigʉre abiro ĩyugʉ:
11—¡Wʉmʉnʉcãña! Mʉcã pesarore neãpa mʉyawipʉ pʉtʉaya ―ĩyugʉ.
12Cʉ̃cã tairo ĩrẽmenarã ũpʉ̃ bʉrigʉ wʉmʉnʉcãsuyugʉ. Wʉmʉnʉcã pesarore neãpa basoca nipetira ĩñacoropʉ tore witiasuyugʉ. Tiere ĩñarã nipetira ĩñamaniãsu ĩñerõcã Manigʉ̃rẽ ʉseapeora abiro ĩyura: “Manigʉ̃ tutuacametʉasuwi. Icãta ĩcãrĩno ʉ̃sã abiro tirere ĩñahera nigatiwʉ” ĩyura.
Jesúcã Levíre siorigue
(Mt 9:9-13; Lc 5:27-32)
13Atiesiro Jesús upatutira tamʉ Galileatara tʉsaropʉra wayugʉ. Topʉ pẽrãmerã basoca cʉ̃ cʉtiropʉ neãpojeayura. Cʉ̃pe cʉ̃jãrẽ bueyugʉ. 14Jesús titara tʉsaropʉ tʉawagʉ Alfeo macʉ̃ Levíre Roma macãrã nirũpʉ̃rẽ niyeru wapasebosaribasocʉre niyeru wapaseritatiapʉ duigʉre ĩñayugʉ. Jesús cʉ̃rẽ ĩñagʉ̃ abiro ĩyugʉ:
—Jamʉ. Yʉre quetatuya. Tairo tigʉ Leví wʉmʉnʉcã cʉ̃mena warisuayugʉ.
15Siro Jesús Levíyawipʉ cʉ̃ bueramena yagʉ tiyugʉ. Pajʉ Roma macãrã nirũpʉ̃rẽ niyeru wapasebosaribasocacã ĩñerõcã ãpẽrã ñañarẽ tiribasocacã cʉ̃mena yaduiyura. Cʉ̃jã Jesúre quetatura pajʉ niyura.
16Jesúcã cʉ̃jãmena tora abiro yaduiñerõcã ĩñarã ĩcãrã Moisécã ojariguere bueribasoca fariseoyabumacãrã nirã Jesús buerare abiro ĩ sãĩñayura:
—¿Dairo tigʉ mʉjãrẽ buegʉpe niyeru wapasebosaribasocamena, ñañarẽ tiribasocamena yari? ―ĩ sãĩñayura.
17Jesús tiere tʉogʉ cʉ̃jãrẽ abiro ĩyugʉ:
—Diare cʉohera sʉoribasocʉre boheriwa. Diare cʉorape sʉoribasocʉre bowa. Tiwãmerã yʉ atiditapʉre ‘ʉ̃sã ñurã ña’ ĩ wãcũrãrẽ ‘mʉjã wãcũpasʉti wasoaya’ ĩgʉ̃ watigʉmerã tiwʉ. ‘Ʉ̃sã ñañarã ña’ ĩ wãcũrãpere ‘mʉjãcã ñañarẽ tirecʉtirere wãcũpasʉti wasoaya’ ĩgʉ̃ watigʉ tiwʉ ―ĩyugʉ Jesús.
Jesúcã betire maquẽrẽ buerigue
(Mt 9:14-17; Lc 5:33-39)
18Ĩcãbʉreco Juan wãmeõtiribasocʉ buera ĩñerõcã fariseo basoca betira tiyura. Cʉ̃jãcã betiñerõcã ĩñarã ĩcãrã basoca Jesucristo cʉtiropʉ wa cʉ̃rẽ abiro sãĩñayura:
—Juan buera ĩñerõcã fariseo basoca buerere quetaturacã betiwa. ¿Dairo tira mʉ buerape betiheriri? ―ĩyura.
19Jesús cʉ̃jãrẽ yʉyugʉ:
—¿Wãmo siaribosebʉrecore sioyoariara wãmo siacʉ cʉ̃jãmenarã nicapetacã betimasĩbogari? 20Buri cʉ̃rẽ ãpẽrãcã aperopʉ neãriasiro docare cʉ̃jã betimasĩwã ―ĩyugʉ.#2:20 “Yʉ cʉ̃jãmena ña marĩcʉ̃. Yʉcã cʉ̃jãmena niheriñerõcã docare cʉ̃jã betimasĩrõãgawa” ĩgʉ̃ tairo ĩyugʉ Jesús.
21”Apeye queoremena cʉ̃jãrẽ wedenemoyugʉ:
Ĩcʉ̃nopera sutiro bʉcʉrore mamacaseromena seretuquẽnoherigawi. Tairo tiñerõcã mamacaserope bʉcʉcaseropere wejedʉo sotoa pairicope yeganemoñerõcã tiga.#2:21 Tairo ĩgʉ̃ “mama cʉ̃cã bueremena tosʉgueropʉ cʉ̃jãcã tirecʉtirigue camejiamasĩheriga” ĩgʉ̃ tiwi. 22Cotoarora ʉse oco mamarẽ waibʉcʉra caseromena tiariapo bʉcʉpopʉ seomasĩñamani. Merẽ ʉse oco mama quebero tipore yegasuñerõcã tiga. Tairo wañerõcã ʉse oco ĩñerõcã tipopʉra ditiasuga. Tairo tiro ʉse oco mamarẽ waibʉcʉra caseromena tiriapo mamapopʉ seoro bo ―ĩyugʉ Jesús.#2:22 Tiesʉguero tirecʉtiriguemena Jesúcã marĩcʉorogã mama buere camejiamasĩñamani ĩgʉ̃ tairo ĩyugʉ.
Judío basocacã yerisãrĩbʉrecomena Jesús bueracã trigore tʉ̃nerigue
23Ĩcãbʉreco judío basocacã yerisãrĩbʉreco niñerõcã Jesús cʉ̃ bueramena trigo wesepʉ cametʉariwatoa cʉ̃ buera topʉ cametʉara trigore tʉ̃nesocoyura yaradara. 24Cʉ̃jãcã tairo tiñerõcã ĩñarã, fariseo basoca Jesúre sãĩñayura:
—¡Ĩñaña! ¿Dairo tira mʉ buerape yerisãrĩbʉreco niñerõcãrẽ icãta tidotihererena yari? ―ĩyura.
25Jesús cʉ̃jãrẽ yʉyugʉ:
—¿Mʉjã sʉgueropʉmacʉ̃ nirũpʉ̃ David cʉ̃menamacãrãmena ʉaboanigʉ̃ cʉ̃jãcã yarugara tiriguere icãta bueĩñaheriri? 26Abiatácã paia nirũpãrãsotoa nirũpʉ̃ nirĩwatoare David Manigʉ̃wipʉ sãwa panrẽ ‘Manigʉ̃ye ña’ ĩrẽrẽ paia wadore yadotire nirẽrẽ yayugʉ. Ĩñerõcã cʉ̃menamacãrãcãrẽ nʉniyugʉ.#Lv 24:9.
27Jesús ĩnemoyugʉ tamʉ:
—Yerisãrĩbʉreco basocayabʉreco niãtibʉreco tiyoyu. Tiyerisãrĩbʉrecope basocare dotiaro ĩrõmerã tiyoyu. 28Tairo tigʉ yʉ Nipetira Sõwʉ̃ doca yerisãdotiriabʉrecore basocare ‘atiere tiro bo’ ĩ dotimasĩ ―ĩyugʉ Jesús.
Currently Selected:
Marcos 2: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Marcos 2
2
Jesúcã ũpʉ̃ bʉrigʉre camesãmasĩñerõcã tirigue
(Mt 9:1-8; Lc 5:17-26)
1Ĩcãbʉrecorisiro Jesús upatuti Capernaúmpʉra wayugʉ tamʉ. Topʉ cʉ̃cã wipʉ nirẽ quetire masĩrã eara 2pẽrãmerã basoca cʉ̃cã nirĩwipʉ neãpowʉmʉãyura tiwimacã sopepʉto sãwaropʉre nonope nucũmasĩña manirõpʉ. Cʉ̃pe cʉ̃ye quetire wedeyugʉ. 3Tairo tiriwatoa bapubisara ʉmʉã ĩcʉ̃ ũpʉ̃ bʉrigʉre cʉ̃cã pesaromena tiwipʉ nejeayura. 4Basoca pajʉ nirẽye wapa cʉ̃jã Jesús cʉtiropʉ eawamasĩheriyura. Tairo tira wisotocapepʉ mʉãwa ĩcãcope coawenirã ticopepʉmena ũpʉ̃ bʉrigʉre cʉ̃cã pesaromena cʉ̃ cʉtiropʉ dujiocoyura. 5Jesús cʉ̃jãcã cʉ̃rẽ wedewõrẽ cʉorere ĩñagʉ̃ ũpʉ̃ bʉrigʉre abiro ĩyugʉ:
—Yʉmacʉ̃, mʉcã ñañarẽ tiriguere acõboyoarigue pʉtʉa ―ĩyugʉ Jesús.
6Cʉ̃cã tairo ĩñerõcã tʉora ĩcãrã Moisécã ojariguere bueribasoca topʉ duira abiro wãcũyura: 7“¿Dairo tigʉ ãni tairo wederucũpãmamocãrĩ? Cʉ̃cã wederucũrẽmena Manigʉ̃rẽ ñañarõ wederucũgʉ̃ yawí. Manigʉ̃ wadora ñañarẽ tiriguere acõbomasĩwĩ” ĩ wãcũyura.
8Jesús nocãrõmerã cʉ̃jãcã wãcũrẽrẽ ĩñamasĩnigʉ̃ cʉ̃jãrẽ abiro sãĩñayugʉ:
—¿Dairo tira mʉjã tora abiro wãcũrĩ? 9¿Ãni ũpʉ̃ bʉrigʉre dairo ĩrẽpe wisioheriri? ¿Mʉcã ñañarẽ tiriguere acõboyosia ĩrẽpe o wʉmʉnʉcã mʉcã pesarore neãpa waya ĩrẽpe wisioheriri? 10Tairo niñerõcãpʉare yʉ Nipetira Sõwʉ̃cã dotimasĩrẽmena atidita macãrãrẽ cʉ̃jãcã ñañarẽ tiriguere acõbomasĩrẽrẽ mʉjãrẽ eñogʉ̃da ―ĩyugʉ Jesús.
Tairo ĩgʉ̃rã ũpʉ̃ bʉrigʉre abiro ĩyugʉ:
11—¡Wʉmʉnʉcãña! Mʉcã pesarore neãpa mʉyawipʉ pʉtʉaya ―ĩyugʉ.
12Cʉ̃cã tairo ĩrẽmenarã ũpʉ̃ bʉrigʉ wʉmʉnʉcãsuyugʉ. Wʉmʉnʉcã pesarore neãpa basoca nipetira ĩñacoropʉ tore witiasuyugʉ. Tiere ĩñarã nipetira ĩñamaniãsu ĩñerõcã Manigʉ̃rẽ ʉseapeora abiro ĩyura: “Manigʉ̃ tutuacametʉasuwi. Icãta ĩcãrĩno ʉ̃sã abiro tirere ĩñahera nigatiwʉ” ĩyura.
Jesúcã Levíre siorigue
(Mt 9:9-13; Lc 5:27-32)
13Atiesiro Jesús upatutira tamʉ Galileatara tʉsaropʉra wayugʉ. Topʉ pẽrãmerã basoca cʉ̃ cʉtiropʉ neãpojeayura. Cʉ̃pe cʉ̃jãrẽ bueyugʉ. 14Jesús titara tʉsaropʉ tʉawagʉ Alfeo macʉ̃ Levíre Roma macãrã nirũpʉ̃rẽ niyeru wapasebosaribasocʉre niyeru wapaseritatiapʉ duigʉre ĩñayugʉ. Jesús cʉ̃rẽ ĩñagʉ̃ abiro ĩyugʉ:
—Jamʉ. Yʉre quetatuya. Tairo tigʉ Leví wʉmʉnʉcã cʉ̃mena warisuayugʉ.
15Siro Jesús Levíyawipʉ cʉ̃ bueramena yagʉ tiyugʉ. Pajʉ Roma macãrã nirũpʉ̃rẽ niyeru wapasebosaribasocacã ĩñerõcã ãpẽrã ñañarẽ tiribasocacã cʉ̃mena yaduiyura. Cʉ̃jã Jesúre quetatura pajʉ niyura.
16Jesúcã cʉ̃jãmena tora abiro yaduiñerõcã ĩñarã ĩcãrã Moisécã ojariguere bueribasoca fariseoyabumacãrã nirã Jesús buerare abiro ĩ sãĩñayura:
—¿Dairo tigʉ mʉjãrẽ buegʉpe niyeru wapasebosaribasocamena, ñañarẽ tiribasocamena yari? ―ĩ sãĩñayura.
17Jesús tiere tʉogʉ cʉ̃jãrẽ abiro ĩyugʉ:
—Diare cʉohera sʉoribasocʉre boheriwa. Diare cʉorape sʉoribasocʉre bowa. Tiwãmerã yʉ atiditapʉre ‘ʉ̃sã ñurã ña’ ĩ wãcũrãrẽ ‘mʉjã wãcũpasʉti wasoaya’ ĩgʉ̃ watigʉmerã tiwʉ. ‘Ʉ̃sã ñañarã ña’ ĩ wãcũrãpere ‘mʉjãcã ñañarẽ tirecʉtirere wãcũpasʉti wasoaya’ ĩgʉ̃ watigʉ tiwʉ ―ĩyugʉ Jesús.
Jesúcã betire maquẽrẽ buerigue
(Mt 9:14-17; Lc 5:33-39)
18Ĩcãbʉreco Juan wãmeõtiribasocʉ buera ĩñerõcã fariseo basoca betira tiyura. Cʉ̃jãcã betiñerõcã ĩñarã ĩcãrã basoca Jesucristo cʉtiropʉ wa cʉ̃rẽ abiro sãĩñayura:
—Juan buera ĩñerõcã fariseo basoca buerere quetaturacã betiwa. ¿Dairo tira mʉ buerape betiheriri? ―ĩyura.
19Jesús cʉ̃jãrẽ yʉyugʉ:
—¿Wãmo siaribosebʉrecore sioyoariara wãmo siacʉ cʉ̃jãmenarã nicapetacã betimasĩbogari? 20Buri cʉ̃rẽ ãpẽrãcã aperopʉ neãriasiro docare cʉ̃jã betimasĩwã ―ĩyugʉ.#2:20 “Yʉ cʉ̃jãmena ña marĩcʉ̃. Yʉcã cʉ̃jãmena niheriñerõcã docare cʉ̃jã betimasĩrõãgawa” ĩgʉ̃ tairo ĩyugʉ Jesús.
21”Apeye queoremena cʉ̃jãrẽ wedenemoyugʉ:
Ĩcʉ̃nopera sutiro bʉcʉrore mamacaseromena seretuquẽnoherigawi. Tairo tiñerõcã mamacaserope bʉcʉcaseropere wejedʉo sotoa pairicope yeganemoñerõcã tiga.#2:21 Tairo ĩgʉ̃ “mama cʉ̃cã bueremena tosʉgueropʉ cʉ̃jãcã tirecʉtirigue camejiamasĩheriga” ĩgʉ̃ tiwi. 22Cotoarora ʉse oco mamarẽ waibʉcʉra caseromena tiariapo bʉcʉpopʉ seomasĩñamani. Merẽ ʉse oco mama quebero tipore yegasuñerõcã tiga. Tairo wañerõcã ʉse oco ĩñerõcã tipopʉra ditiasuga. Tairo tiro ʉse oco mamarẽ waibʉcʉra caseromena tiriapo mamapopʉ seoro bo ―ĩyugʉ Jesús.#2:22 Tiesʉguero tirecʉtiriguemena Jesúcã marĩcʉorogã mama buere camejiamasĩñamani ĩgʉ̃ tairo ĩyugʉ.
Judío basocacã yerisãrĩbʉrecomena Jesús bueracã trigore tʉ̃nerigue
23Ĩcãbʉreco judío basocacã yerisãrĩbʉreco niñerõcã Jesús cʉ̃ bueramena trigo wesepʉ cametʉariwatoa cʉ̃ buera topʉ cametʉara trigore tʉ̃nesocoyura yaradara. 24Cʉ̃jãcã tairo tiñerõcã ĩñarã, fariseo basoca Jesúre sãĩñayura:
—¡Ĩñaña! ¿Dairo tira mʉ buerape yerisãrĩbʉreco niñerõcãrẽ icãta tidotihererena yari? ―ĩyura.
25Jesús cʉ̃jãrẽ yʉyugʉ:
—¿Mʉjã sʉgueropʉmacʉ̃ nirũpʉ̃ David cʉ̃menamacãrãmena ʉaboanigʉ̃ cʉ̃jãcã yarugara tiriguere icãta bueĩñaheriri? 26Abiatácã paia nirũpãrãsotoa nirũpʉ̃ nirĩwatoare David Manigʉ̃wipʉ sãwa panrẽ ‘Manigʉ̃ye ña’ ĩrẽrẽ paia wadore yadotire nirẽrẽ yayugʉ. Ĩñerõcã cʉ̃menamacãrãcãrẽ nʉniyugʉ.#Lv 24:9.
27Jesús ĩnemoyugʉ tamʉ:
—Yerisãrĩbʉreco basocayabʉreco niãtibʉreco tiyoyu. Tiyerisãrĩbʉrecope basocare dotiaro ĩrõmerã tiyoyu. 28Tairo tigʉ yʉ Nipetira Sõwʉ̃ doca yerisãdotiriabʉrecore basocare ‘atiere tiro bo’ ĩ dotimasĩ ―ĩyugʉ Jesús.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.