Marcos 11
11
Jesúcã Jerusalénpʉ sãwarigue
(Mt 21:1-11; Lc 19:28-40; Jn 12:12-19)
1Jerusalén macãpʉ eawaradara pʉto niwʉmʉãrã macãrĩ Betfagé, Betania wãmecʉtirimacãrĩ cʉtiro Olivos wãmecʉtiriburopʉ eawayura. Tomena Jesús cʉ̃ buera pʉ̃ãrãrẽ ticogʉ 2abiro ĩcoyugʉ:
—Aimacã marĩ põtĩõrõ nirĩmacãpʉ waya. Topʉ eara ĩcʉ̃ burro wĩmagʉ̃ sianʉcõãrigʉre icãta ĩcãrĩno mʉãpeaya manigʉ̃ nigʉ̃rẽ bʉajearacu. Bʉajeara cʉ̃rẽ ã yʉre neãtiya. 3No ĩcʉ̃ mʉjãrẽ dairo tira tairo yari ĩ sãĩñañerõcã ‘marĩ Nirũpʉ̃ boawi. Buri nocãrõmerã wiyopʉtʉocogʉagawi’ ĩña ―ĩyugʉ Jesús.
4Cʉ̃jã topʉ wara warida tʉsaro sopepʉto cʉtiro cʉ̃ burrore sianʉcõãrigʉre bʉajeayura. Bʉajea cʉ̃rẽ ãyura.
5Cʉ̃jãcã tairo tiriwatoa ĩcãrã topʉ nucũrã cʉ̃jãrẽ sãĩñayura:
—¿Dairo tiradara cʉ̃rẽ ãrĩ? ―ĩyura.
6Cʉ̃jãcã tairo ĩñerõcã tʉora Jesúcã wededotiariawãme cʉ̃jãrẽ wedeyura. Tairo ĩñerõcã tʉora topʉare:
—Neãya ―ĩyura.
7Tocãrõmenarã Jesús cʉtiropʉ burrore newa cʉ̃jãya suti sotoamaquẽrẽ sotoapʉ tuwepeoyura. Tairo tiariasiro Jesús cʉ̃sotoapʉ mʉãpeayugʉ. 8Pajʉ basoca cʉ̃cã cametʉatimapʉre cʉ̃jãye suti sotoamaquẽrẽ sẽõcũyura. Tiwãmera ãpẽrã pepupũrĩ cʉ̃jãcã ma tʉsaro patariguere cũsʉgueyura.
9Nipetira basoca cʉ̃sʉguero warapecã, cʉ̃siro quetaturapecã bʉsʉromena:
—Nirũpʉ̃ David nirigʉ pãrãmi nitutiagʉre ʉseare nʉnirãda. Ñucametʉagʉ ñawĩ ãni Manigʉ̃ya wãmemena watigʉ. 10Mʉcã nirũpʉ̃ sãte ñurõ watiaro marĩ ñecʉ̃ nirũpʉ̃ David niriarora abiro. Nipetira ʉmʉãwese macãrãpʉcã cʉ̃rẽ ‘ñucametʉawi’ ĩ ʉseare ticoaro ―ĩ caribiyura.
11Jesús Jerusalénpʉ sãwagʉ Manigʉ̃wipʉ wayugʉ. Topʉ nipetire tiwipʉ nirẽrẽ ĩñapeti Betaniapʉ cʉ̃ bueramena warisuayugʉ ñamicapʉ niãñerõcã ĩñagʉ̃.
Jesúcã higueragʉ dicamanirigʉre ʉsaduiañerõcã tirigue
(Mt 27:18-19)
12Apebʉrecope Betaniapʉ niãriara Jerusalénpʉ wara mapʉ wagʉ Jesús ʉa tʉoiñayugʉ. 13Topʉ wagʉ yoaropʉmena ma tʉsaro higueragʉre ñurõ pũrĩcʉtirigʉre ĩñayugʉ. Tigʉre ĩñagʉ̃rã tigʉ cʉtiro wayugʉ “dicacʉtiga” ĩgʉ̃ ĩñagʉ̃ wagʉ. Tigʉpe dicamaniyuro; pũrĩ wado niyuro marĩcʉ̃ dicacʉtiriwatoano niheriñerõcã. 14Tigʉre dicamaniñerõcã ĩñagʉ̃ Jesús abiro ĩyugʉ:
—Mʉcã dica nʉnirẽrẽ icãta noãnopera yanemoherigawa ―ĩyugʉ.
Cʉ̃cã tora abiro ĩñerõcã cʉ̃ buera tʉoyura.
Jesúcã Manigʉ̃wipʉ duarare cõãwiocorigue
(Mt 27:12-17; Lc 19:45-48; Jn 2:13-22)
15Jerusalénpʉ cʉ̃jãcã eawariasiro Jesús Manigʉ̃wi sãwaro cʉtiro macã yepapʉ bʉere duarare, wapatirare bʉajeagʉ cʉ̃jãrẽ cõãwiocosocoyugʉ. Tairora niyeru wasoaribasocaye mesarire ĩñerõcã buaroare duaduiraye cũmupĩrĩcãrẽ tubatecõãpetimocãyugʉ. 16Icãta ĩcʉ̃norẽ apeyenorẽ Manigʉ̃wi cʉtirore netʉadotiheriyugʉ. 17Cʉ̃jãrẽ buegʉ abiro ĩyugʉ:
—Manigʉ̃ye wederucũrẽrẽ ojayoriapũpʉre abiro ojayo: «Yawi yʉre ñubueatiwi nirõãcu ĩcũyoriawi ña». Buri mʉjãpe tiwire yajaribasocayawira abiro niñerõcã tira ya ―ĩyugʉ Jesús.#Jer 7:11.
18Atiere tʉora paia nirũpãrã ĩñerõcã Moisécã ojariguere bueribasoca Jesúre sĩãrugariwãmerẽ amasocoyura. Cʉ̃jã cʉ̃rẽ cuiyura, merẽ nipetira basoca cʉ̃cã buerere tʉo ĩñamaniãsuyura niñerõcã. 19Buri ñami earemena Jesús cʉ̃ bueramena timacãrẽ witiwʉmʉã pʉtʉasuyugʉ tamʉ.
Higueragʉcã ʉsanʉcãrigue
(Mt 21:20-22)
20Apebʉrecope tamʉ Jerusalénpʉra wara higueragʉ cʉtiro tʉawʉmʉãrã tigʉre nʉcõrĩmenapʉra ʉsanʉcãriagʉre ĩñayura.
21Tairo tigʉ Pedro Jesúcã atigʉ maquẽrẽ yanemoherigawa ĩriguere wãcũnigʉ̃ Jesúre ĩyugʉ:
—Ʉ̃sã Buegʉ, ĩñaña. Aigʉ mʉcã ñañaro ĩtutiariagʉ ʉsanʉcãsuayu ―ĩyugʉ.
22Jesús yʉyugʉ:
—Manigʉ̃rẽ wedewõrẽ cʉoya. 23Mʉjãrẽ diamacãrã wedegʉ ya. Manigʉ̃rẽ diamacã wedewõgʉ̃norẽ icãta dutuyaro manirõmena ‘yʉcã sãĩrĩwãmerã waroacu’ ĩrẽmena atiburore ‘mʉcã to nirõrẽ wanirõ dia pairiyapʉ ñañuãrõ waya’ ĩ sãĩñerõcã Manigʉ̃ tairora wañerõcã tigʉagawi. 24Tairo tigʉ mʉjãrẽ ĩgʉ̃da: Nipetire mʉjãcã Manigʉ̃rẽ ñubue sãĩrẽrẽ merẽ tiere ñeariarapʉra abiro tʉoiñaña. Tairo tira tiere ‘ʉ̃sãrẽ diamacãrã nʉnigʉagawi’ ĩ wedewõrẽmena sãĩãriara ninirã tiere ñerõãcu.#Jn 14:13-14; 15:7. 25Tairora mʉjã Manigʉ̃rẽ ñubue cʉ̃rẽ sãĩrã ãpẽrãcã mʉjãrẽ ñañarẽ tiriguere cʉora cʉ̃jãrẽ acõboya mʉjã Pacʉ ʉmʉãwesepʉ nigʉ̃cã ñañarẽ mʉjãcã tiriguere mʉjãrẽ cʉ̃cã acõboatora abiro. 26Ãpẽrãrẽ mʉjãcã acõboheriñerõcã marĩ Pacʉ ʉmʉãwesepʉ nigʉ̃cã mʉjãcã ñañarẽ tiriguere acõboherigawi ―ĩyugʉ.#Mt 6:14-15.
Jesúre ¿noãcã dotiremena tairo yari? ĩrigue
(Mt 27:23-27; Lc 20:1-8)
27Atiesiro Jerusalénpʉ eawayura tamʉ. Topʉ Jesúcã Manigʉ̃wipʉ camesãwʉmʉãrucũrõ paia nirũpãrã, Moisécã ojariguere bueribasoca ĩñerõcã judío basoca bʉtoa dotira Jesús cʉtiropʉ eayura. 28Cʉ̃jã Jesúre abiro sãĩñayura:
—¿Noãcã dotiremena atiere tairo tigʉ yari mʉ? ¿Noã mʉrẽ tiere tairo dotimasĩrẽrẽ nʉnirĩ? ―ĩyura.
29Jesús cʉ̃jãrẽ yʉyugʉ:
—Yʉcã mʉjãrẽ ĩcãwãme sãĩñagʉ̃da. Yʉre yʉya. Mʉjãcã yʉñerõcã yʉcã mʉjãrẽ atie dotiremena abiro ya ĩgʉ̃da. 30Juan wãmeõtiribasocʉre cʉ̃cã ocomena wãmeõtiñerõcã ¿Noã cʉ̃rẽ wãmeõtidotira ticoyuri. Manigʉ̃ o basocape? ―ĩyugʉ.
31Cʉ̃cã tairo ĩñerõcã cʉ̃jã cʉ̃jãbasurupe came wederucũyura: “Marĩcã ‘Manigʉ̃ cʉ̃rẽ ticoyugʉ’ ĩñerõcã cʉ̃ marĩrẽ ‘¿topʉare dairo tira cʉ̃ye quetire wedewõheriri?’ ĩgʉagawi. 32Buri tamʉ marĩcã ‘Basocape cʉ̃rẽ ticoriara niwã’ ĩñerõcã marĩrẽ basocape biwa. Marĩ basocare cuirapʉ ña. Cʉ̃jã marĩmena cuaragawa. Merẽ nipetira Juanrẽ ‘Manigʉ̃ye quetire wedesʉgueribasocʉra nirigʉ ñawĩ’ ĩ wedewõrã niñerõcã.” 33Tairo tira Jesúre abiro ĩ yʉyura:
—Ʉ̃sã Juanrẽ wãmeõtidotigʉ ticorigʉre masĩheriga ―ĩyura.
Cʉ̃jãcã tairo ĩñerõcã tʉogʉ Jesús cʉ̃jãrẽ ĩyugʉ: —Topʉare yʉcã mʉjãrẽ atiere cʉ̃cã dotiremena tigʉ ya ĩmasĩheriga ―ĩyugʉ Jesús.
Currently Selected:
Marcos 11: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.