Lucas 18
18
Jesúcã wapearigomena queore wederigue
1Siro Jesús cʉ̃ buerare “pitiro manirõ Manigʉ̃rẽ wãcũtutuaremena sãĩrucũmocãña” ĩgʉ̃ atie queoremena wedeyugʉ. 2Abiro ĩyugʉ:
—Ĩcãmacãpʉre ĩcʉ̃ wedesãrẽrẽ quenoribasocʉ icãta Manigʉ̃rẽ wedewõhegʉ ninigʉ̃ basocacãrẽ wedewõhegʉ niyugʉ. 3Timacãrẽna ĩcõ wapearigocã cʉ̃ wedesãrẽrẽ quenoribasocʉ cʉtiropʉra cʉ̃rẽ ‘Mʉrẽ sãĩ. Yʉre ĩñatutigʉre yʉre ñañarõ tiñerõcã tidotiherimocãña’ ĩ sãĩgõ warucũicãgõ nigago. 4Buri marĩcʉ̃ cʉ̃pe yoariwatoasãñurõpʉra cocã tairo sãĩrẽrẽ ‘¡Tiheriga!’ ĩmocãyugʉ. Buri copecã icãta cʉ̃rẽ patocõpitiheriyugo. Tora abiro cocã patocõpitiheriñerõcã ĩñagʉ̃ siro sua cʉ̃basurupe abiro wãcũyugʉ: ‘Yʉ Manigʉ̃rẽ wedewõhegʉ icãta basocare wedewõrugahegʉ ña. 5Buri bicapeicãrã atio nomiõrẽ titamugʉ̃da. Yʉre patocõcametʉasugo, yʉre sʉtiañerõcã yago. Tairo tigʉ core ĩñatutigʉre cocã wedesãrẽrẽ tʉogʉda. Cʉ̃rẽ comena quenodotimocãgʉ̃da sua’ ĩyugʉ ―ĩ wedeyugʉ Jesús.
6Siro marĩ Nirũpʉ̃ Jesús ĩnemoyugʉ:
—Ãni wedesãrẽrẽ quenoribasocʉ ñañagʉ̃ nicapeĩcãrã wapearigo cocã sãĩrẽrẽ tʉogʉ cocã titamudotiriguere tiyugʉ. ¡Cʉ̃cã tairo tiriguere mʉjã ñurõ tʉomasĩña! 7Cʉ̃joromañu cʉ̃cã tairo tiriasiro niñerõcã ¿Manigʉ̃ cʉ̃ sotoa ñucametʉagʉ nigʉ̃ doca cʉ̃cã beseriarare bʉrecori, ñamirĩ cʉ̃rẽ bʉtoro ñubue sãĩrucũrãrẽ titamuhegʉagari? ¿Cʉ̃jãcã sãĩrẽrẽ titamurugagʉ yowomocãmasĩgʉagari? 8Mʉjãrẽ wedegʉda: Cʉ̃jãrẽ ñañarõ tiñerõcã ĩñagʉ̃, cʉ̃jãcã sãĩrẽrẽ tʉogʉ, yoworo manirõ diamacã maquẽ nirĩwãmemena cʉ̃jãrẽ titamumasĩgʉagawi. Buri Manigʉ̃ tora abiro queoro nirĩwãme titamumasĩcapetacãrã ¿noãno yʉ Nipetira Sõwʉ̃cã atibʉrecopʉre upatuti watiriwatoapʉra marĩcʉ̃ yʉre wedewõrẽrẽ dioro manirõ wedewõrucũrãrĩ?
Jesúcã fariseo basocʉ ãpĩ Roma macãrã nirũpʉ̃rẽ niyeru wapasebosaribasocʉyemena queore wederigue
9Topʉre ãpẽrã Jesúcã wederere tʉora cʉ̃jãbasurupe cʉ̃jãcã tirecʉtiremena “Manigʉ̃cã ĩñacoropʉre ʉ̃sã ñurã ña; ãpẽrãpe ʉ̃sãrã abiro nihera ñañarã ñawã” ĩ wãcũrã niyura. Tairo tigʉ Jesús atie queoremena cʉ̃jãrẽ wedeyugʉ:
10—Pʉ̃ãrã ʉmʉã Manigʉ̃wipʉ ñubuera wayura. Ĩcʉ̃ fariseo basocʉ; ãpĩpe Roma macãrã nirũpʉ̃rẽ niyeru wapasebosaribasocʉ niyugʉ. 11Fariseo basocʉpe eanʉcãjea, emʉãrõpʉ ĩñaemʉõco abiro ĩ ñubueyugʉ: ‘Manigʉ̃, yʉ mʉrẽ ʉseare nʉni. Merẽ yʉ ãpẽrãcã tirora abiro niheri; ñañarãrã abiro, yajarepirara abiro, ãpẽrã nʉmosãrõmiãrẽ apaeperepirara abiro o ãĩgʉ̃ Roma macãrã nirũpʉ̃rẽ niyeru wapasebosaribasocʉ tirora abiro niheri. 12Yʉ ĩcã semanarẽ pʉabʉreco yahegʉra beti ñubuerucũ. Cien wapatagʉ, pʉaõpʉcʉñe yʉcã wapatarere mʉrẽ nʉni’ ĩyugʉ. 13Niyeru wapasebosaribasocʉpe fariseo basocʉcã nirõrẽ yoaropʉra pʉtʉanʉcã icãta pẽrõgãno ʉmʉãwesepʉre ĩñaemʉõcopãmahegʉra bʉtoro wãcũpasʉtiremena cʉ̃ya cotiare pa ĩyugʉ: ‘Manigʉ̃, yʉ ñañagʉ̃ ña. Yʉre bopacaĩñaña. Yʉcã ñañarẽ tirecʉtirere acõboya’ ĩyugʉ.
14Jesús ĩyugʉ:
—Mʉjãrẽ wedegʉda: Ãni niyeru wapasebosaribasocʉ Manigʉ̃mena ñurõ quenotuwarigʉ ninigʉ̃ ñugʉ̃pʉ cʉ̃yawipʉre pʉtʉagawi. Manigʉ̃ cʉ̃cã ñañarẽ tirecʉtiriguere acõbocõãmocãgawi. Buri fariseo basocʉpe Manigʉ̃rẽ acõboyoya manigʉ̃ pʉtʉagawi. Merẽ no nigʉ̃rã cʉ̃basurupe ‘yʉ ãpẽrãsotoa ñugʉ̃ ña’ ĩ wãcũgʉ̃nopere Manigʉ̃ cʉ̃rẽ buri nigʉ̃ pʉtʉañerõcã tigʉagawi. Ãpĩpere cʉ̃basurupera ‘Yʉ ñañagʉ̃ ña. Yʉ ãpẽrãsotoa nigʉ̃ niheri’ ĩ wãcũgʉ̃pere Manigʉ̃ cʉ̃rẽ ãpẽrãsotoare ñugʉ̃ niñerõcã tigʉagawi ―ĩ wedeyugʉ Jesús.
Jesúcã wĩmarãrẽ ñapeo, sãĩbosarigue
(Mt 19:13-15; Mc 10:13-16)
15Tairora basoca cʉ̃jã pũna wĩmarãrẽ Jesús cʉtiropʉ newayura cʉ̃rẽ cʉ̃jãrẽ ñapeo “mʉjãrẽ ñurõ waro” ĩ sãĩbosadotira. Buri cʉ̃ buerape tairo tiñerõcã ĩñarã cʉ̃jãrẽ neãtirare boca “Cʉ̃rẽ patocõherimocãña” ĩ tutisocoyura. 16Cʉ̃jãcã tairo ĩñerõcã tʉogʉ Jesús wĩmarãrẽ pisuco cʉ̃ buerare abiro ĩyugʉ:
—Wĩmarãrẽ yʉ cʉtiropʉ watidotiya. Cʉ̃jãrẽ acutaherimocãña. Wĩmarã Manigʉ̃rẽ ñurõ wedewõwã. Tairo tiro ãnijã wĩmarãrã abiro yʉre wedewõrẽ cʉorera Manigʉ̃yara niñerõcã ya. 17Yʉ mʉjãrẽ atiere diamacãrã wede: ãnijã wĩmarãcã tirora abiro yʉre wedewõrugahegʉno icãta pẽrõgãno Manigʉ̃cã cʉ̃yarare dotiropʉre sãwaherigawi.
Paje bʉere cʉogʉcã Jesúmena wedetamurigue
(Mt 19:16-30; Mc 10:17-31)
18Siro ĩcʉ̃ judío basoca nirũpʉ̃ Jesúre sãĩñayugʉ: —Bueribasocʉ ñugʉ̃ ¿ñeno ñurẽpere tirobori yʉre catire petiherere cʉogʉ eagʉdagʉ? ―ĩyugʉ.
19Jesús cʉ̃rẽ yʉyugʉ: —¿Dairo tigʉ mʉ yʉre ‘ñugʉ̃’ pisuri? Ĩcʉ̃rã ñugʉ̃ ñawĩ. Cʉ̃rã Manigʉ̃ ñawĩ.
20Mʉ Manigʉ̃cã dotire cũrĩguere masĩsia: «Ãpĩ nʉmorẽ buirigo cʉtiherimocãña; basocare sĩãherimocãña; yajaherimocãña; Ĩritoremena ãpẽrãrẽ wedesãherimocãña; mʉpacʉre, mʉpacore wedewõña» ĩ#Ex 20:12-16; Dt 5:16-20. ―ĩyugʉ.
21Cʉ̃cã tairo ĩñerõcã tʉogʉ Jesúre yʉyugʉ:
—Merẽ yʉ wĩmagʉ̃pʉra atie nipetire dotirerena cametʉanʉcãrõ manirõ queoro tipetiwʉmʉãtisiawʉ.
22Atiere tʉogʉ Jesús cʉ̃rẽ ĩyugʉ:
—Mʉrẽ marĩcʉ̃ ĩcãwãme dʉsa: mʉcã cʉorere duapetimocãgʉ̃ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya.
23Buri ʉmʉ atiere tʉogʉ bʉtoro wãcũpasʉticametʉagʉ pʉtʉayugʉ paje bʉere cʉogʉ ninigʉ̃.
24Cʉ̃cã tora abiro wãcũpasʉtigʉ pʉtʉañerõca ĩñagʉ̃ Jesús ĩyugʉ:
—¡Paje bʉere cʉoribasocare Manigʉ̃cã cʉ̃yarare dotiropʉre sãwañerõcã nocãrõ bʉtoro wisiorojoro ñarĩ! 25Waibʉcʉ camellore aviga copegãpʉre sãcamewitiñerõcã wisiojomocã. Tosotoape docare paje bʉere cʉogʉre Manigʉ̃cã cʉ̃yarare dotiropʉre sãwañerõcã wisiocametʉasu ―ĩyugʉ Jesús.
26Atiere tʉora cʉ̃jãbasurupe abiro ĩ came sãĩñayura:
—¿Topʉare tora abiro niñerõcãpʉare noãnope cametʉoyoroagari?
27Jesús cʉ̃jãrẽ yʉyugʉ:
—Basoca cʉ̃jãbasurupe cʉ̃jãcã tirecʉtiremena Manigʉ̃ cʉtiropʉ wamasĩheriroagawa. Buri Manigʉ̃pere icãta wisiore manijomocã ―ĩyugʉ Jesús.
28Pedro ĩyugʉ:
—Nirũpʉ̃, ʉ̃sãpe mʉrẽ quetaturadara nipetire ʉ̃sãcã cʉomoãriguere cũpetiwʉmʉãtiawʉ ―ĩyugʉ.
29Jesús cʉ̃jãrẽ abiro yʉyugʉ:
—Atiere mʉjãrẽ diamacãrã wedegʉda: Manigʉ̃cã cʉ̃yarare dotire quetire wedegʉ ware wapamena cʉ̃yawire, cʉ̃ nʉmorẽ, cʉ̃yarare, pacʉsʉmʉãrẽ, pũnarẽ cũwitiariaranorẽ, 30atibʉrecopʉre cʉ̃cã cʉomoãriguesotoapere paje wapatare bʉanemogʉagawi. Siropʉcãrẽ atibʉreco petirosiropʉcãrẽ catire petiherere cʉogʉagawi ―ĩyugʉ̃.
Jesús cʉ̃cã cõwõãtere upatuti wedenemorigue
(Mt 20:17-19; Mc 10:32-34)
31Jesús cʉ̃ buera doce wadore pisuco ĩyugʉ:
—Marĩcʉorore marĩ Jerusalénpʉ mawara ya. Topʉre Manigʉ̃rẽ wedesʉgueribasocacã yʉ Nipetira Sõwʉ̃rẽ nipetire biatere ojayuerigue waroacu. 32Topʉ yʉre judío basoca niherapʉre wiyotutiaragawa. Cʉ̃jãpʉ yʉre buieperagawa, yʉre ñañarõ ĩtutiragawa, yʉre ʉsecoa eoturagawa. 33Yʉre bʉtoro baperagawa. Siro yʉre sĩãcõãmocãrãgawa. Buri cʉ̃jãcã yʉre tairo ticapetacãrã itiabʉrecosiromenarã yʉ masãsugʉacu ―ĩyugʉ.
34Cʉ̃ buerape atiere icãta tairo ĩrẽrẽ icãta pẽrõgãno tʉomasĩherijomocãyura. Cʉ̃jã “tairo ĩrugagʉ tigawi” ĩmasĩheriyura. Cʉ̃jãcã tʉomasĩborepʉmerã niyuro.
Jesúcã Jericó macʉ̃ caperi ĩñabʉahegʉre ĩñabʉañerõcã tirigue
(Mt 20:29-34; Mc 10:46-52)
35Jesúcã Jericó wãmecʉtirimacã tʉsaropʉ eawʉmʉãrĩwatoa cʉ̃cã warima tʉsaro ĩcʉ̃ caperi ĩñabʉahegʉ niyeru sãĩduirucũyugʉ. 36Pajʉ basoca tʉañerõcã tʉogʉ to nirãrẽ:
—¿Dairo wari? ―ĩ sãĩñayugʉ.
37Ĩcãrã basoca:
—Jesús Nazaret macʉ̃ tʉagʉ yawí ―ĩyura.
38Tairo tigʉ caribiyugʉ:
—¡Jesús David pãrãmi nitutiagʉ#18:38 Cʉ̃ “David pãrãmi nitutiagʉ” ĩgʉ̃ “mʉ Manigʉ̃cã beserigʉ niga” ĩgʉ̃ tiyugʉ (2Sa 7:12-16). yʉre bopacaĩñamocãña! ―ĩyugʉ.
39Cʉ̃cã tairo ĩñerõcã tʉora Jesúsʉguero wara cʉ̃rẽ:
—¡Disuaya! Tocãrõrã caribiya ―ĩyura.
Buri cʉ̃pe sotoape caribinemocomocãyugʉ:
—¡David pãrãmi nitutiagʉ, yʉcãrẽ pẽrõ bopacaĩñaña! ―ĩyugʉ.
40Cʉ̃cã tairo ĩñerõcã tʉogʉ Jesús pʉtʉanʉcãjea cʉ̃rẽ neãtidotiyugʉ. Cʉ̃ cʉtiro eañerõcã Jesús cʉ̃rẽ abiro sãĩñayugʉ:
41—¿Ñenorẽ tiñerõcã bogari mʉ? ―ĩyugʉ.
—Yʉ Nirũpʉ̃, yʉre caperi bauñerõcã tiya ―ĩyugʉ.
42—Jaʉ. Mʉ caperi ĩñabʉagʉ pʉtʉaya. Mʉ yʉre wedewõrẽrẽ cʉonigʉ̃ caperi ĩñabʉañerõcã tiyogʉ ea ―ĩyugʉ Jesús.
43Cʉ̃cã tairo ĩñerõcã caperi ĩñabʉahegʉ niãrigʉ caperi ĩñabʉagʉ pʉtʉagʉ eayugʉ. Tairo tigʉ Jesúre quetatuasoco Manigʉ̃rẽ ʉseare nʉniyugʉ. Nipetira cʉ̃rẽ tairo wañerõcã ĩñariaracã Manigʉ̃rẽ ʉseare nʉniyura.
Currently Selected:
Lucas 18: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Lucas 18
18
Jesúcã wapearigomena queore wederigue
1Siro Jesús cʉ̃ buerare “pitiro manirõ Manigʉ̃rẽ wãcũtutuaremena sãĩrucũmocãña” ĩgʉ̃ atie queoremena wedeyugʉ. 2Abiro ĩyugʉ:
—Ĩcãmacãpʉre ĩcʉ̃ wedesãrẽrẽ quenoribasocʉ icãta Manigʉ̃rẽ wedewõhegʉ ninigʉ̃ basocacãrẽ wedewõhegʉ niyugʉ. 3Timacãrẽna ĩcõ wapearigocã cʉ̃ wedesãrẽrẽ quenoribasocʉ cʉtiropʉra cʉ̃rẽ ‘Mʉrẽ sãĩ. Yʉre ĩñatutigʉre yʉre ñañarõ tiñerõcã tidotiherimocãña’ ĩ sãĩgõ warucũicãgõ nigago. 4Buri marĩcʉ̃ cʉ̃pe yoariwatoasãñurõpʉra cocã tairo sãĩrẽrẽ ‘¡Tiheriga!’ ĩmocãyugʉ. Buri copecã icãta cʉ̃rẽ patocõpitiheriyugo. Tora abiro cocã patocõpitiheriñerõcã ĩñagʉ̃ siro sua cʉ̃basurupe abiro wãcũyugʉ: ‘Yʉ Manigʉ̃rẽ wedewõhegʉ icãta basocare wedewõrugahegʉ ña. 5Buri bicapeicãrã atio nomiõrẽ titamugʉ̃da. Yʉre patocõcametʉasugo, yʉre sʉtiañerõcã yago. Tairo tigʉ core ĩñatutigʉre cocã wedesãrẽrẽ tʉogʉda. Cʉ̃rẽ comena quenodotimocãgʉ̃da sua’ ĩyugʉ ―ĩ wedeyugʉ Jesús.
6Siro marĩ Nirũpʉ̃ Jesús ĩnemoyugʉ:
—Ãni wedesãrẽrẽ quenoribasocʉ ñañagʉ̃ nicapeĩcãrã wapearigo cocã sãĩrẽrẽ tʉogʉ cocã titamudotiriguere tiyugʉ. ¡Cʉ̃cã tairo tiriguere mʉjã ñurõ tʉomasĩña! 7Cʉ̃joromañu cʉ̃cã tairo tiriasiro niñerõcã ¿Manigʉ̃ cʉ̃ sotoa ñucametʉagʉ nigʉ̃ doca cʉ̃cã beseriarare bʉrecori, ñamirĩ cʉ̃rẽ bʉtoro ñubue sãĩrucũrãrẽ titamuhegʉagari? ¿Cʉ̃jãcã sãĩrẽrẽ titamurugagʉ yowomocãmasĩgʉagari? 8Mʉjãrẽ wedegʉda: Cʉ̃jãrẽ ñañarõ tiñerõcã ĩñagʉ̃, cʉ̃jãcã sãĩrẽrẽ tʉogʉ, yoworo manirõ diamacã maquẽ nirĩwãmemena cʉ̃jãrẽ titamumasĩgʉagawi. Buri Manigʉ̃ tora abiro queoro nirĩwãme titamumasĩcapetacãrã ¿noãno yʉ Nipetira Sõwʉ̃cã atibʉrecopʉre upatuti watiriwatoapʉra marĩcʉ̃ yʉre wedewõrẽrẽ dioro manirõ wedewõrucũrãrĩ?
Jesúcã fariseo basocʉ ãpĩ Roma macãrã nirũpʉ̃rẽ niyeru wapasebosaribasocʉyemena queore wederigue
9Topʉre ãpẽrã Jesúcã wederere tʉora cʉ̃jãbasurupe cʉ̃jãcã tirecʉtiremena “Manigʉ̃cã ĩñacoropʉre ʉ̃sã ñurã ña; ãpẽrãpe ʉ̃sãrã abiro nihera ñañarã ñawã” ĩ wãcũrã niyura. Tairo tigʉ Jesús atie queoremena cʉ̃jãrẽ wedeyugʉ:
10—Pʉ̃ãrã ʉmʉã Manigʉ̃wipʉ ñubuera wayura. Ĩcʉ̃ fariseo basocʉ; ãpĩpe Roma macãrã nirũpʉ̃rẽ niyeru wapasebosaribasocʉ niyugʉ. 11Fariseo basocʉpe eanʉcãjea, emʉãrõpʉ ĩñaemʉõco abiro ĩ ñubueyugʉ: ‘Manigʉ̃, yʉ mʉrẽ ʉseare nʉni. Merẽ yʉ ãpẽrãcã tirora abiro niheri; ñañarãrã abiro, yajarepirara abiro, ãpẽrã nʉmosãrõmiãrẽ apaeperepirara abiro o ãĩgʉ̃ Roma macãrã nirũpʉ̃rẽ niyeru wapasebosaribasocʉ tirora abiro niheri. 12Yʉ ĩcã semanarẽ pʉabʉreco yahegʉra beti ñubuerucũ. Cien wapatagʉ, pʉaõpʉcʉñe yʉcã wapatarere mʉrẽ nʉni’ ĩyugʉ. 13Niyeru wapasebosaribasocʉpe fariseo basocʉcã nirõrẽ yoaropʉra pʉtʉanʉcã icãta pẽrõgãno ʉmʉãwesepʉre ĩñaemʉõcopãmahegʉra bʉtoro wãcũpasʉtiremena cʉ̃ya cotiare pa ĩyugʉ: ‘Manigʉ̃, yʉ ñañagʉ̃ ña. Yʉre bopacaĩñaña. Yʉcã ñañarẽ tirecʉtirere acõboya’ ĩyugʉ.
14Jesús ĩyugʉ:
—Mʉjãrẽ wedegʉda: Ãni niyeru wapasebosaribasocʉ Manigʉ̃mena ñurõ quenotuwarigʉ ninigʉ̃ ñugʉ̃pʉ cʉ̃yawipʉre pʉtʉagawi. Manigʉ̃ cʉ̃cã ñañarẽ tirecʉtiriguere acõbocõãmocãgawi. Buri fariseo basocʉpe Manigʉ̃rẽ acõboyoya manigʉ̃ pʉtʉagawi. Merẽ no nigʉ̃rã cʉ̃basurupe ‘yʉ ãpẽrãsotoa ñugʉ̃ ña’ ĩ wãcũgʉ̃nopere Manigʉ̃ cʉ̃rẽ buri nigʉ̃ pʉtʉañerõcã tigʉagawi. Ãpĩpere cʉ̃basurupera ‘Yʉ ñañagʉ̃ ña. Yʉ ãpẽrãsotoa nigʉ̃ niheri’ ĩ wãcũgʉ̃pere Manigʉ̃ cʉ̃rẽ ãpẽrãsotoare ñugʉ̃ niñerõcã tigʉagawi ―ĩ wedeyugʉ Jesús.
Jesúcã wĩmarãrẽ ñapeo, sãĩbosarigue
(Mt 19:13-15; Mc 10:13-16)
15Tairora basoca cʉ̃jã pũna wĩmarãrẽ Jesús cʉtiropʉ newayura cʉ̃rẽ cʉ̃jãrẽ ñapeo “mʉjãrẽ ñurõ waro” ĩ sãĩbosadotira. Buri cʉ̃ buerape tairo tiñerõcã ĩñarã cʉ̃jãrẽ neãtirare boca “Cʉ̃rẽ patocõherimocãña” ĩ tutisocoyura. 16Cʉ̃jãcã tairo ĩñerõcã tʉogʉ Jesús wĩmarãrẽ pisuco cʉ̃ buerare abiro ĩyugʉ:
—Wĩmarãrẽ yʉ cʉtiropʉ watidotiya. Cʉ̃jãrẽ acutaherimocãña. Wĩmarã Manigʉ̃rẽ ñurõ wedewõwã. Tairo tiro ãnijã wĩmarãrã abiro yʉre wedewõrẽ cʉorera Manigʉ̃yara niñerõcã ya. 17Yʉ mʉjãrẽ atiere diamacãrã wede: ãnijã wĩmarãcã tirora abiro yʉre wedewõrugahegʉno icãta pẽrõgãno Manigʉ̃cã cʉ̃yarare dotiropʉre sãwaherigawi.
Paje bʉere cʉogʉcã Jesúmena wedetamurigue
(Mt 19:16-30; Mc 10:17-31)
18Siro ĩcʉ̃ judío basoca nirũpʉ̃ Jesúre sãĩñayugʉ: —Bueribasocʉ ñugʉ̃ ¿ñeno ñurẽpere tirobori yʉre catire petiherere cʉogʉ eagʉdagʉ? ―ĩyugʉ.
19Jesús cʉ̃rẽ yʉyugʉ: —¿Dairo tigʉ mʉ yʉre ‘ñugʉ̃’ pisuri? Ĩcʉ̃rã ñugʉ̃ ñawĩ. Cʉ̃rã Manigʉ̃ ñawĩ.
20Mʉ Manigʉ̃cã dotire cũrĩguere masĩsia: «Ãpĩ nʉmorẽ buirigo cʉtiherimocãña; basocare sĩãherimocãña; yajaherimocãña; Ĩritoremena ãpẽrãrẽ wedesãherimocãña; mʉpacʉre, mʉpacore wedewõña» ĩ#Ex 20:12-16; Dt 5:16-20. ―ĩyugʉ.
21Cʉ̃cã tairo ĩñerõcã tʉogʉ Jesúre yʉyugʉ:
—Merẽ yʉ wĩmagʉ̃pʉra atie nipetire dotirerena cametʉanʉcãrõ manirõ queoro tipetiwʉmʉãtisiawʉ.
22Atiere tʉogʉ Jesús cʉ̃rẽ ĩyugʉ:
—Mʉrẽ marĩcʉ̃ ĩcãwãme dʉsa: mʉcã cʉorere duapetimocãgʉ̃ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya.
23Buri ʉmʉ atiere tʉogʉ bʉtoro wãcũpasʉticametʉagʉ pʉtʉayugʉ paje bʉere cʉogʉ ninigʉ̃.
24Cʉ̃cã tora abiro wãcũpasʉtigʉ pʉtʉañerõca ĩñagʉ̃ Jesús ĩyugʉ:
—¡Paje bʉere cʉoribasocare Manigʉ̃cã cʉ̃yarare dotiropʉre sãwañerõcã nocãrõ bʉtoro wisiorojoro ñarĩ! 25Waibʉcʉ camellore aviga copegãpʉre sãcamewitiñerõcã wisiojomocã. Tosotoape docare paje bʉere cʉogʉre Manigʉ̃cã cʉ̃yarare dotiropʉre sãwañerõcã wisiocametʉasu ―ĩyugʉ Jesús.
26Atiere tʉora cʉ̃jãbasurupe abiro ĩ came sãĩñayura:
—¿Topʉare tora abiro niñerõcãpʉare noãnope cametʉoyoroagari?
27Jesús cʉ̃jãrẽ yʉyugʉ:
—Basoca cʉ̃jãbasurupe cʉ̃jãcã tirecʉtiremena Manigʉ̃ cʉtiropʉ wamasĩheriroagawa. Buri Manigʉ̃pere icãta wisiore manijomocã ―ĩyugʉ Jesús.
28Pedro ĩyugʉ:
—Nirũpʉ̃, ʉ̃sãpe mʉrẽ quetaturadara nipetire ʉ̃sãcã cʉomoãriguere cũpetiwʉmʉãtiawʉ ―ĩyugʉ.
29Jesús cʉ̃jãrẽ abiro yʉyugʉ:
—Atiere mʉjãrẽ diamacãrã wedegʉda: Manigʉ̃cã cʉ̃yarare dotire quetire wedegʉ ware wapamena cʉ̃yawire, cʉ̃ nʉmorẽ, cʉ̃yarare, pacʉsʉmʉãrẽ, pũnarẽ cũwitiariaranorẽ, 30atibʉrecopʉre cʉ̃cã cʉomoãriguesotoapere paje wapatare bʉanemogʉagawi. Siropʉcãrẽ atibʉreco petirosiropʉcãrẽ catire petiherere cʉogʉagawi ―ĩyugʉ̃.
Jesús cʉ̃cã cõwõãtere upatuti wedenemorigue
(Mt 20:17-19; Mc 10:32-34)
31Jesús cʉ̃ buera doce wadore pisuco ĩyugʉ:
—Marĩcʉorore marĩ Jerusalénpʉ mawara ya. Topʉre Manigʉ̃rẽ wedesʉgueribasocacã yʉ Nipetira Sõwʉ̃rẽ nipetire biatere ojayuerigue waroacu. 32Topʉ yʉre judío basoca niherapʉre wiyotutiaragawa. Cʉ̃jãpʉ yʉre buieperagawa, yʉre ñañarõ ĩtutiragawa, yʉre ʉsecoa eoturagawa. 33Yʉre bʉtoro baperagawa. Siro yʉre sĩãcõãmocãrãgawa. Buri cʉ̃jãcã yʉre tairo ticapetacãrã itiabʉrecosiromenarã yʉ masãsugʉacu ―ĩyugʉ.
34Cʉ̃ buerape atiere icãta tairo ĩrẽrẽ icãta pẽrõgãno tʉomasĩherijomocãyura. Cʉ̃jã “tairo ĩrugagʉ tigawi” ĩmasĩheriyura. Cʉ̃jãcã tʉomasĩborepʉmerã niyuro.
Jesúcã Jericó macʉ̃ caperi ĩñabʉahegʉre ĩñabʉañerõcã tirigue
(Mt 20:29-34; Mc 10:46-52)
35Jesúcã Jericó wãmecʉtirimacã tʉsaropʉ eawʉmʉãrĩwatoa cʉ̃cã warima tʉsaro ĩcʉ̃ caperi ĩñabʉahegʉ niyeru sãĩduirucũyugʉ. 36Pajʉ basoca tʉañerõcã tʉogʉ to nirãrẽ:
—¿Dairo wari? ―ĩ sãĩñayugʉ.
37Ĩcãrã basoca:
—Jesús Nazaret macʉ̃ tʉagʉ yawí ―ĩyura.
38Tairo tigʉ caribiyugʉ:
—¡Jesús David pãrãmi nitutiagʉ#18:38 Cʉ̃ “David pãrãmi nitutiagʉ” ĩgʉ̃ “mʉ Manigʉ̃cã beserigʉ niga” ĩgʉ̃ tiyugʉ (2Sa 7:12-16). yʉre bopacaĩñamocãña! ―ĩyugʉ.
39Cʉ̃cã tairo ĩñerõcã tʉora Jesúsʉguero wara cʉ̃rẽ:
—¡Disuaya! Tocãrõrã caribiya ―ĩyura.
Buri cʉ̃pe sotoape caribinemocomocãyugʉ:
—¡David pãrãmi nitutiagʉ, yʉcãrẽ pẽrõ bopacaĩñaña! ―ĩyugʉ.
40Cʉ̃cã tairo ĩñerõcã tʉogʉ Jesús pʉtʉanʉcãjea cʉ̃rẽ neãtidotiyugʉ. Cʉ̃ cʉtiro eañerõcã Jesús cʉ̃rẽ abiro sãĩñayugʉ:
41—¿Ñenorẽ tiñerõcã bogari mʉ? ―ĩyugʉ.
—Yʉ Nirũpʉ̃, yʉre caperi bauñerõcã tiya ―ĩyugʉ.
42—Jaʉ. Mʉ caperi ĩñabʉagʉ pʉtʉaya. Mʉ yʉre wedewõrẽrẽ cʉonigʉ̃ caperi ĩñabʉañerõcã tiyogʉ ea ―ĩyugʉ Jesús.
43Cʉ̃cã tairo ĩñerõcã caperi ĩñabʉahegʉ niãrigʉ caperi ĩñabʉagʉ pʉtʉagʉ eayugʉ. Tairo tigʉ Jesúre quetatuasoco Manigʉ̃rẽ ʉseare nʉniyugʉ. Nipetira cʉ̃rẽ tairo wañerõcã ĩñariaracã Manigʉ̃rẽ ʉseare nʉniyura.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.