Hechos 11
11
Pedrocã Jerusalénpʉ Jesúre wedewõrãrẽ wederigue
1Jesúcã beseriara ĩñerõcã ãpẽrã Jesúre wedewõrã Judea ditapʉ nirã: “Judío basoca niheracã Manigʉ̃ye maquẽrẽ wedewõãyura” ĩrẽ quetire tʉoyura. 2Tiere tʉoriara ninirã Pedrocã Cesareapʉ niãrigʉ Jerusalénpʉ pʉtʉajeañerõcã ĩcãrã tomacãrã judío basoca Jesúre wedewõrã cʉ̃rẽ wedepasʉti 3abiro ĩ sãĩñayura:
—Mʉ ¿dairo tigʉ judío basocʉ nicapeicã judío basoca niherayawipʉ sãwa cʉ̃jãmena yari?#11:3 Moisés cʉ̃cã ojarigue judío basocare, judío basoca niheramena yadotiheriyuro (Hch 10:28). ―ĩyura cʉ̃rẽ.
4Cʉ̃jãcã tairo ĩñerõcã tʉogʉ Pedro nipetire cʉ̃rẽ topʉ wariguecãrõrẽ cʉ̃jãrẽ ñurõ wedesocowʉmʉãtiyugʉ:
5—Ĩcãbʉreco Jopepʉ yʉcã ñubueriwatoa canihericapeicã quẽgʉ̃rã abiro bʉrecocaseropʉ ĩcã suticaserora abiro bauro pairicasero bapubisari panerĩrẽ yaparipe siañeãriacaserore yʉ cʉtiropʉ duiatiñerõcã ĩñawʉ̃. 6Yʉ ticasero pupeapʉ nirẽrẽ ‘¿ñeno ñarĩ?’ ĩ ñurõ ĩñagʉ̃ waibʉcʉra yepapʉ paira, macãrʉ̃cʉ̃ macãrã, yepapʉ wejera, wʉrare sãñañerõcã ĩñawʉ̃.
7”Tiere yʉcã ĩñarõsiro ĩcʉ̃ wederucũrẽrẽ tʉowʉ: ‘Pedro, wʉmʉnʉcã cʉ̃jãrẽ sĩã yaya’ ĩwʉ̃. 8Yʉpe yʉwʉ: ‘Nirũpʉ̃, yʉ yaheriga. Ʉ̃sã judío basocare dotire ãnijã waibʉcʉra ñañarãrẽ yadotiheri. Yʉ ʉ̃sãrẽ yadotiheranorẽ icãta yaheriga’ ĩwʉ̃. 9Manigʉ̃ wederucũrẽ yʉre upatuti ĩnemowʉ̃ tamʉ: ‘Manigʉ̃cã mʉrẽ yadotirare “ñañarã ñawã” ĩherimocãña’ ĩwʉ̃.
10”Itiãrĩ yʉre eño wederucũãriasiro niãriacasero bʉrecocaseropʉra newʉmʉãsuyowʉ. 11Tairo wariwatoa itiãrã ʉmʉã Cesareamena yʉre pisudotira ticoyoariara yʉcã nirĩwipʉre eariara niwã. 12Espíritu Santo yʉre cʉ̃jãmena wadotiwi. ‘ “Judío basoca merã ñawã. Cʉ̃jãmena yʉcã wañerõcã ñañajoboga” ĩ wãcũhegʉra waya’ ĩwĩ. Ãnijã seis Jope macãrã Jesúre wedewõrã yʉre bapuwʉmʉãwã Cesareapʉ wagʉre. Topʉ ea ʉ̃sã Cornelio wãmecʉtigʉyawipʉ sãwawʉ. 13Ʉ̃sãcã topʉ sãjeañerõcã Cornelio ʉ̃sãrẽ wedewi: ‘Ĩcʉ̃ Manigʉ̃rẽ wedecoteribasocʉ yawipʉ nucũgʉ̃rẽ ĩñawʉ̃. Cʉ̃ yʉre: “Jopepʉ ĩcʉ̃norẽ ticoya topʉ ĩcʉ̃ Simónrẽ o aperore Pedro wãmecʉtigʉre ama neãtidotigʉ. 14Cʉ̃ mʉyawipʉ eagʉ Manigʉ̃cã basocare cametʉore quetire mʉrẽ wedegʉagawi. Tiere tʉo wedewõrã mʉ, mʉyawi macãrã nipetira cametʉaroacu” ĩ wedewi Manigʉ̃rẽ wedecoteribasocʉ’ ĩwĩ yʉre Cornelio.
15 # 11:15 Ano Pedro wedewi Espíritu Santocã Jesúre wedewõrãrẽ duijeariguere Pentecostés bosebʉreco niñerõcã (
Hch 2:4). ”Yʉcã cʉ̃jãrẽ wederucũsocoremenarã mamarõpʉ marĩrẽ Espíritu Santo duijeariarora abirora cʉ̃jãpʉre duijeawi. 16Tairo wañerõcã ĩñagʉ̃ Jesús marĩ Nirũpʉ̃cã ʉ̃sãrẽ ĩriguere wãcũwʉ̃: ‘Juan mʉjãrẽ ocomena wãmeõtirigʉ niwĩ. Buri pẽrõgãsiro yʉpacʉpe mʉjãrẽ Espíritu Santomena wãmeõtigʉ cʉ̃rẽ tidujiocogʉagawi#11:16 Nipetira Jesúre wedewõrã eañerõcã cʉ̃jãcã ñañarẽ tirecʉtirere wãcũpasʉti wasoañerõcã Manigʉ̃ cʉ̃jãrẽ Espíritu Santore nʉnigawi cʉ̃jãrẽ titamu cʉ̃jãmena nirucũmocãro ĩgʉ̃. Cʉ̃ tairo tigʉ cʉ̃jãrẽ Espíritu Santomena wãmeõtigʉ tigawi (Hch 1:5). mʉjãmena nirucũmocãro ĩgʉ̃’ ĩwĩ Jesús. 17Tairo tigʉ Manigʉ̃ marĩrẽ tiriarora abirora Espíritu Santore judío basoca niheracãrẽ nʉniwĩ cʉ̃jãcã Jesucristore marĩrã abiro wedewõrẽ wapa. Manigʉ̃cã cʉ̃jãrẽ tairo tiñerõcã ‘noã ñarĩ yʉ Manigʉ̃cã tairo tirere “tiherimocãña” ĩ acutabogʉ’ ĩ wãcũwʉ̃ ―ĩyugʉ Pedro to nirãrẽ.
18Cʉ̃cã tairo ĩñerõcã tʉora judío basoca tie maquẽrẽ wederucũnemoheriyura. Buripe Manigʉ̃rẽ ʉseapeo abiro ĩyura:
—Judío basoca niheracãrẽ cʉ̃jãcã ñañarẽ tirecʉtirere wãcũpasʉti wasoa Manigʉ̃rẽ acõbore sãĩñerõcã Manigʉ̃ cʉ̃jãcãrẽ catire petiherere cʉoñerõcã yawí ―ĩyura.
Antioquía macãrãcã Jesúre wedewõrigue
19Estebanrẽ sĩãriasiro Jesúre wedewõrãrẽ quetatu ñañarõ tiyura.#11:19 Lucas atiere mama ojasocorigʉ niwĩ Hechos 8:1 wederora abiro. Tairo tiñerõcã pajʉ Fenicia ditapʉ, ãpẽrã Chipre nʉcʉ̃rõpʉ, ãpẽrã Antioquía#11:19 Lucas atipũrĩrẽ ojarigʉ Antioquía macʉ̃ niyugʉ. Judío basocʉ niheririgʉ niwĩ. macãpʉ dutiwʉmʉãyura. Cʉ̃jã timacãrĩpʉ eara Jesúye maquẽrẽ ñurẽ quetire judío basoca wadore wedeyura. 20Buri ãpẽrã ĩcãrã cʉ̃jãmena nirã Jesúre wedewõrã Chipre macãrã ĩñerõcã Cirene#11:20 Cirene dia pairiya tʉsaro África ditapʉ nirĩmacã niyuro. macã macãrã Antioquíapʉ ea judío basoca niherare Nirũpʉ̃ Jesúye maquẽ ñurẽ quetire wedesocoyura. 21Manigʉ̃ cʉ̃cã tutuaremena cʉ̃jãrẽ ñurõ titamuyugʉ. Tairo tira pajʉ tomacãrã cʉ̃jãcã Jesúye maquẽ ñurẽ quetire wedeñerõcã mamarõpʉ cʉ̃jãcã ñurõ wedewõmiriguere pitimocã Jesúre wedewõsocoyura. 22Jerusalén macãrã Jesúre wedewõrã: “Antioquía macãrãcã Jesúre wedewõãyura” ĩrẽ quetire tʉora Bernabére “Topʉ ĩñagʉ̃ waya” ĩcoyura. 23Cʉ̃ timacãpʉ ea Manigʉ̃cã cʉ̃jãrẽ ñurõ wañerõcã tiariguere ĩñagʉ̃ bʉtoro ʉsearemena cʉ̃jãrẽ wedeyugʉ:
—Marĩ Nirũpʉ̃ Jesucristocã dotirere ñurõ tirucũmocãña. Cʉ̃rẽ wedewõrẽrẽ icãta pitiherimocãña ―ĩyugʉ.
24Bernabé basocʉ ñugʉ̃ Espíritu Santocã dotirere tirucũgʉ̃ Manigʉ̃rẽ ñurõ wedewõrucũgʉ̃ niyugʉ. Tairo tira cʉ̃cã wedeñerõcã tʉora pajʉ basoca Jesúre wedewõrã eayura.
25Tomena Bernabé Tarsopʉ Saulore#11:25 Hechos 9:30 wederora abiro Saulo Tarsopʉ wayugʉ. Cʉ̃cã topʉ wariasiro pʉãõpʉcʉñe cʉmarĩno wariaro niwʉ̃ pʉ Bernabécã Saulore Tarsopʉ amagʉ̃ wariwatoapʉ. amagʉ̃ wayugʉ. 26Cʉ̃rẽ bʉajea Antioquíapʉ neãyugʉ. Timacãpʉ cʉ̃jã Jesúre wedewõrãmena ĩcãcʉma ni pajʉ basocare bueyura. Tocawatoamena tomacãrã Jesúre wedewõrãrẽ “Cristoyara ‘cristianos’#11:26 Cristiano ĩrẽ “Cristore padedecoteribasocʉ” o “Cristore quetaturibasocʉ” ĩrugaro ya. ñawã” ĩ pisusocoyura.
27Bernabé, Saulo Antioquíapʉ nirĩbʉrecorirena Jerusalénmena Manigʉ̃ye quetire wedesʉgueribasoca Antioquíapʉre eayura. 28Ĩcʉ̃ cʉ̃jã watoa nigʉ̃ Ágabo wãmecʉtigʉ Jesúre wedewõrã neãporopʉ wʉmʉnʉcã Espíritu Santocã masĩrẽ nʉnirẽmena wedeyugʉ:
—Niãriaditapʉre pajʉ basoca ʉaboaragawa ―ĩyugʉ.
Claudio wãmecʉtigʉ cʉ̃cã Roma macãrãrẽ nirũpʉ̃ nirĩwatoa atie queoro wayuro.
29Cʉ̃cã tairo ĩñerõcã tʉora Antioquía macãrã Jesúre wedewõrã abiro ĩyura:
—Marĩ Judea dita macãrãrẽ Jesúre wedewõrãrẽ titamurẽ ticorada marĩcã cʉoro eatuarocãrõ ―ĩyura.
30Cʉ̃jãcã ĩriarora abirora niyerure neõ Saulo, Bernabémena ticoyura Judea dita macãrãrẽ. Cʉ̃jãrẽ ĩyura:
—Atie titamurẽrẽ Judea dita macãrã Jesúre wedewõrãrẽ sionirĩbasocare wiyoya ―ĩ ticoyura.
Currently Selected:
Hechos 11: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Hechos 11
11
Pedrocã Jerusalénpʉ Jesúre wedewõrãrẽ wederigue
1Jesúcã beseriara ĩñerõcã ãpẽrã Jesúre wedewõrã Judea ditapʉ nirã: “Judío basoca niheracã Manigʉ̃ye maquẽrẽ wedewõãyura” ĩrẽ quetire tʉoyura. 2Tiere tʉoriara ninirã Pedrocã Cesareapʉ niãrigʉ Jerusalénpʉ pʉtʉajeañerõcã ĩcãrã tomacãrã judío basoca Jesúre wedewõrã cʉ̃rẽ wedepasʉti 3abiro ĩ sãĩñayura:
—Mʉ ¿dairo tigʉ judío basocʉ nicapeicã judío basoca niherayawipʉ sãwa cʉ̃jãmena yari?#11:3 Moisés cʉ̃cã ojarigue judío basocare, judío basoca niheramena yadotiheriyuro (Hch 10:28). ―ĩyura cʉ̃rẽ.
4Cʉ̃jãcã tairo ĩñerõcã tʉogʉ Pedro nipetire cʉ̃rẽ topʉ wariguecãrõrẽ cʉ̃jãrẽ ñurõ wedesocowʉmʉãtiyugʉ:
5—Ĩcãbʉreco Jopepʉ yʉcã ñubueriwatoa canihericapeicã quẽgʉ̃rã abiro bʉrecocaseropʉ ĩcã suticaserora abiro bauro pairicasero bapubisari panerĩrẽ yaparipe siañeãriacaserore yʉ cʉtiropʉ duiatiñerõcã ĩñawʉ̃. 6Yʉ ticasero pupeapʉ nirẽrẽ ‘¿ñeno ñarĩ?’ ĩ ñurõ ĩñagʉ̃ waibʉcʉra yepapʉ paira, macãrʉ̃cʉ̃ macãrã, yepapʉ wejera, wʉrare sãñañerõcã ĩñawʉ̃.
7”Tiere yʉcã ĩñarõsiro ĩcʉ̃ wederucũrẽrẽ tʉowʉ: ‘Pedro, wʉmʉnʉcã cʉ̃jãrẽ sĩã yaya’ ĩwʉ̃. 8Yʉpe yʉwʉ: ‘Nirũpʉ̃, yʉ yaheriga. Ʉ̃sã judío basocare dotire ãnijã waibʉcʉra ñañarãrẽ yadotiheri. Yʉ ʉ̃sãrẽ yadotiheranorẽ icãta yaheriga’ ĩwʉ̃. 9Manigʉ̃ wederucũrẽ yʉre upatuti ĩnemowʉ̃ tamʉ: ‘Manigʉ̃cã mʉrẽ yadotirare “ñañarã ñawã” ĩherimocãña’ ĩwʉ̃.
10”Itiãrĩ yʉre eño wederucũãriasiro niãriacasero bʉrecocaseropʉra newʉmʉãsuyowʉ. 11Tairo wariwatoa itiãrã ʉmʉã Cesareamena yʉre pisudotira ticoyoariara yʉcã nirĩwipʉre eariara niwã. 12Espíritu Santo yʉre cʉ̃jãmena wadotiwi. ‘ “Judío basoca merã ñawã. Cʉ̃jãmena yʉcã wañerõcã ñañajoboga” ĩ wãcũhegʉra waya’ ĩwĩ. Ãnijã seis Jope macãrã Jesúre wedewõrã yʉre bapuwʉmʉãwã Cesareapʉ wagʉre. Topʉ ea ʉ̃sã Cornelio wãmecʉtigʉyawipʉ sãwawʉ. 13Ʉ̃sãcã topʉ sãjeañerõcã Cornelio ʉ̃sãrẽ wedewi: ‘Ĩcʉ̃ Manigʉ̃rẽ wedecoteribasocʉ yawipʉ nucũgʉ̃rẽ ĩñawʉ̃. Cʉ̃ yʉre: “Jopepʉ ĩcʉ̃norẽ ticoya topʉ ĩcʉ̃ Simónrẽ o aperore Pedro wãmecʉtigʉre ama neãtidotigʉ. 14Cʉ̃ mʉyawipʉ eagʉ Manigʉ̃cã basocare cametʉore quetire mʉrẽ wedegʉagawi. Tiere tʉo wedewõrã mʉ, mʉyawi macãrã nipetira cametʉaroacu” ĩ wedewi Manigʉ̃rẽ wedecoteribasocʉ’ ĩwĩ yʉre Cornelio.
15 # 11:15 Ano Pedro wedewi Espíritu Santocã Jesúre wedewõrãrẽ duijeariguere Pentecostés bosebʉreco niñerõcã (
Hch 2:4). ”Yʉcã cʉ̃jãrẽ wederucũsocoremenarã mamarõpʉ marĩrẽ Espíritu Santo duijeariarora abirora cʉ̃jãpʉre duijeawi. 16Tairo wañerõcã ĩñagʉ̃ Jesús marĩ Nirũpʉ̃cã ʉ̃sãrẽ ĩriguere wãcũwʉ̃: ‘Juan mʉjãrẽ ocomena wãmeõtirigʉ niwĩ. Buri pẽrõgãsiro yʉpacʉpe mʉjãrẽ Espíritu Santomena wãmeõtigʉ cʉ̃rẽ tidujiocogʉagawi#11:16 Nipetira Jesúre wedewõrã eañerõcã cʉ̃jãcã ñañarẽ tirecʉtirere wãcũpasʉti wasoañerõcã Manigʉ̃ cʉ̃jãrẽ Espíritu Santore nʉnigawi cʉ̃jãrẽ titamu cʉ̃jãmena nirucũmocãro ĩgʉ̃. Cʉ̃ tairo tigʉ cʉ̃jãrẽ Espíritu Santomena wãmeõtigʉ tigawi (Hch 1:5). mʉjãmena nirucũmocãro ĩgʉ̃’ ĩwĩ Jesús. 17Tairo tigʉ Manigʉ̃ marĩrẽ tiriarora abirora Espíritu Santore judío basoca niheracãrẽ nʉniwĩ cʉ̃jãcã Jesucristore marĩrã abiro wedewõrẽ wapa. Manigʉ̃cã cʉ̃jãrẽ tairo tiñerõcã ‘noã ñarĩ yʉ Manigʉ̃cã tairo tirere “tiherimocãña” ĩ acutabogʉ’ ĩ wãcũwʉ̃ ―ĩyugʉ Pedro to nirãrẽ.
18Cʉ̃cã tairo ĩñerõcã tʉora judío basoca tie maquẽrẽ wederucũnemoheriyura. Buripe Manigʉ̃rẽ ʉseapeo abiro ĩyura:
—Judío basoca niheracãrẽ cʉ̃jãcã ñañarẽ tirecʉtirere wãcũpasʉti wasoa Manigʉ̃rẽ acõbore sãĩñerõcã Manigʉ̃ cʉ̃jãcãrẽ catire petiherere cʉoñerõcã yawí ―ĩyura.
Antioquía macãrãcã Jesúre wedewõrigue
19Estebanrẽ sĩãriasiro Jesúre wedewõrãrẽ quetatu ñañarõ tiyura.#11:19 Lucas atiere mama ojasocorigʉ niwĩ Hechos 8:1 wederora abiro. Tairo tiñerõcã pajʉ Fenicia ditapʉ, ãpẽrã Chipre nʉcʉ̃rõpʉ, ãpẽrã Antioquía#11:19 Lucas atipũrĩrẽ ojarigʉ Antioquía macʉ̃ niyugʉ. Judío basocʉ niheririgʉ niwĩ. macãpʉ dutiwʉmʉãyura. Cʉ̃jã timacãrĩpʉ eara Jesúye maquẽrẽ ñurẽ quetire judío basoca wadore wedeyura. 20Buri ãpẽrã ĩcãrã cʉ̃jãmena nirã Jesúre wedewõrã Chipre macãrã ĩñerõcã Cirene#11:20 Cirene dia pairiya tʉsaro África ditapʉ nirĩmacã niyuro. macã macãrã Antioquíapʉ ea judío basoca niherare Nirũpʉ̃ Jesúye maquẽ ñurẽ quetire wedesocoyura. 21Manigʉ̃ cʉ̃cã tutuaremena cʉ̃jãrẽ ñurõ titamuyugʉ. Tairo tira pajʉ tomacãrã cʉ̃jãcã Jesúye maquẽ ñurẽ quetire wedeñerõcã mamarõpʉ cʉ̃jãcã ñurõ wedewõmiriguere pitimocã Jesúre wedewõsocoyura. 22Jerusalén macãrã Jesúre wedewõrã: “Antioquía macãrãcã Jesúre wedewõãyura” ĩrẽ quetire tʉora Bernabére “Topʉ ĩñagʉ̃ waya” ĩcoyura. 23Cʉ̃ timacãpʉ ea Manigʉ̃cã cʉ̃jãrẽ ñurõ wañerõcã tiariguere ĩñagʉ̃ bʉtoro ʉsearemena cʉ̃jãrẽ wedeyugʉ:
—Marĩ Nirũpʉ̃ Jesucristocã dotirere ñurõ tirucũmocãña. Cʉ̃rẽ wedewõrẽrẽ icãta pitiherimocãña ―ĩyugʉ.
24Bernabé basocʉ ñugʉ̃ Espíritu Santocã dotirere tirucũgʉ̃ Manigʉ̃rẽ ñurõ wedewõrucũgʉ̃ niyugʉ. Tairo tira cʉ̃cã wedeñerõcã tʉora pajʉ basoca Jesúre wedewõrã eayura.
25Tomena Bernabé Tarsopʉ Saulore#11:25 Hechos 9:30 wederora abiro Saulo Tarsopʉ wayugʉ. Cʉ̃cã topʉ wariasiro pʉãõpʉcʉñe cʉmarĩno wariaro niwʉ̃ pʉ Bernabécã Saulore Tarsopʉ amagʉ̃ wariwatoapʉ. amagʉ̃ wayugʉ. 26Cʉ̃rẽ bʉajea Antioquíapʉ neãyugʉ. Timacãpʉ cʉ̃jã Jesúre wedewõrãmena ĩcãcʉma ni pajʉ basocare bueyura. Tocawatoamena tomacãrã Jesúre wedewõrãrẽ “Cristoyara ‘cristianos’#11:26 Cristiano ĩrẽ “Cristore padedecoteribasocʉ” o “Cristore quetaturibasocʉ” ĩrugaro ya. ñawã” ĩ pisusocoyura.
27Bernabé, Saulo Antioquíapʉ nirĩbʉrecorirena Jerusalénmena Manigʉ̃ye quetire wedesʉgueribasoca Antioquíapʉre eayura. 28Ĩcʉ̃ cʉ̃jã watoa nigʉ̃ Ágabo wãmecʉtigʉ Jesúre wedewõrã neãporopʉ wʉmʉnʉcã Espíritu Santocã masĩrẽ nʉnirẽmena wedeyugʉ:
—Niãriaditapʉre pajʉ basoca ʉaboaragawa ―ĩyugʉ.
Claudio wãmecʉtigʉ cʉ̃cã Roma macãrãrẽ nirũpʉ̃ nirĩwatoa atie queoro wayuro.
29Cʉ̃cã tairo ĩñerõcã tʉora Antioquía macãrã Jesúre wedewõrã abiro ĩyura:
—Marĩ Judea dita macãrãrẽ Jesúre wedewõrãrẽ titamurẽ ticorada marĩcã cʉoro eatuarocãrõ ―ĩyura.
30Cʉ̃jãcã ĩriarora abirora niyerure neõ Saulo, Bernabémena ticoyura Judea dita macãrãrẽ. Cʉ̃jãrẽ ĩyura:
—Atie titamurẽrẽ Judea dita macãrã Jesúre wedewõrãrẽ sionirĩbasocare wiyoya ―ĩ ticoyura.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.