Ichedendik 4
4
Odik kw'Ken ọmaana Ebẹl
1Wa Adam oyim ọmaana kwanọng kwẹ kw'ode Iv. Iv otima ibhọr, ọmaan Ken, oben bẹ́, “Ọvaar Ibinọkpaabyi kk'aam ọkkaana, mmaan ojinọng.” 2Obir otima ibhọr, ọmaan Ebẹl kw'otorọ Ken nnam.
Wa Ebẹl od-otir arọkimaan, Ken ode owonitọhmnọng. 3Otum k'ogbe wanẹ, Ken otima achiduk banẹ p'ọpha z'izek bẹ́, ọd-ọnang Ọvaar Ibinọkpaabyi. 4Ebẹl ọtọka arọkimaanva banẹ p'ade ifor ma dọrọdọrọ, p'afon k'ichedenbhọr s'arọkimaan pẹ, ọnang Ọvaar Ibinọkpaabyi. Ọvaar Ibinọkpaabyi ọdaam ettem ọmaana Ebẹl ọttara k'ẹnanga chẹ. 5Ṉ́nòde Ken ọmaana ẹnanga chẹ, Ibinọkpaabyi ettem kelebhẹ. Ofona nya o, Ken ọdọk-ẹ maa, obhor ititika.
6Nya o, Ọvaar Ibinọkpaabyi ọbọbh Ken bẹ́, “Ọd-ọdọk-ọ mbọng o? Osempira abhor ititika? 7Wúra asi mawuriji, wura ntọk-ọ ọtọka. Ó̱de ina mawuriji asi, epyibha ẹbaam-ọ nya bẹ́, ẹbọk-ọ. Okenaka, kọ makikema chẹ.”
8Ny'ogbe nwo, Ken oben Ebẹl bẹ́, “Tte moyin z'ẹgba.” Mapyirẹ za o, Ken obina ọbọka ọgbaanọkka Ebẹl k'ẹfa, ọfhọ.
9Nya o, Ọvaar Ibinọkpaabyi ọbọbh Ken bẹ́, “Agbaanakka kwọ Ebẹl kẹ?” Ken ọpọhn-ẹ bẹ́, “Kaam kinzong. Ma, kaam wọ nd-nkkerẹ agbaanakka kwaam yirẹ?”
10Ọvaar Ibinọkpaabyi oben Ken bẹ́, “Bọng-ọttọhk f'asi ma? Ẹmọng ch'izẹ s'agbaanakka kk'ebina ny'izek ekebh-m ka. 11Ofona nya, kk'ọ ẹmma nnanga, mbir nkwubh-ọ ny'izek njo s'ikk'ẹmma iwonga bẹ́, itọka izẹ s'agbaanakka ny'ikọ k'mbọhk. 12K'ogbe kw'atubhọ ọttọhk ny'izek, ọttọhk mvo ọdọk kọ mòjibh ọnang. Kọ m'ade ottittenanọng kw'ina ẹwọhngkwoka mòyena m'iyagbin.”
13Ken oben Ọvaar Ibinọkpaabyi bẹ́, “Irem nja s'anang-m ma, ibarẹ iyọhng-m ẹfa. 14Menda kk'aam akwubha bẹ́, nning ọdọk izek ọbọhk ntwu, nning ọdọk k'ikọ k'ititika mbe, mbir nde ottittenanọng kw'ina ẹwọhngkwoka oyen m'iyagbin. Ó̱nọng kpenamkpen obir oze-m, m'ọfhọ-m.”
15Okenaka, Ọvaar Ibinọkpaabyi oben-ẹ bẹ́, “Minna kode. Ó̱de ọnọ́ng ọfhọ-ọ, kaam m'ntuka, nnang-ẹ irem igbedim ichenọmfa.” Ofona nya o, Ọvaar Ibinọkpaabyi oke Ken ebhora, ọfha ọ́nọ́ng ọzẹ-ẹ, oning-ẹ ọfhọ. 16Minna kw'Ken obin ny'ititika s'Ọvaar Ibinọkpaabyi, ottena ochina z'ẹkọma ch'Nọd, ọkpan ẹbhaakẹ ch'ewuchen ed-eyin, z'Iden.
Efonamma ch'Ken
17Ken oyima ọmaana kwanọng kwẹ. Kwanọng nwo otima ibhọr, ọmaan ojinọngnwa kw'okpen Ẹnọk. Ny'ogbe nwo, wa Ken od-osi obhon, kw'okpe eche ch'nnwa kwẹ, Ẹnọk.
18Wa Ẹnọk obhonọ Irad,
Irad obhon Mehujayẹl,
Mehujayẹl obhon Metusayẹl,
Metusayẹl obhon Lamẹk.
19Wa Lamẹk ọtọk panọng afa, wanẹ okpena Ada, nwoza okpena Zila. 20Wa Ada ọmaanẹ ojinọngnwa kw'okpen Jabal kw'uwa ode otte kw'anọng mbo p'arukọ k'okkira, p'mabir ad-atir nten. 21Ọgbaanọkka kw'Jabal, okpena Jubal, kw'ode otte kw'anọng mbo maphyir p'mad-akir ogim-ogim, mabir aje nsa.
22Zila ọdọk, ọmaan ojinọngnwa kw'okpen Tubal-Ken. Kẹ wọ uwa od-otima opo ọmaana ẹgbaka osi ẹtọhmkpo k'akira k'akira. Ọgbaanọkka kw'Tubal-Ken k'ẹpanọng ode Naama.
23Lamẹk oben panọng pẹ bẹ́,
“Ada ọmaana Zila, màyong-m itọhng;
Panọng p'Lamẹk màbhaanga idik saam.
Kaam kk'ojinọng wanẹ mfha okurọ ch'opyi-m ẹbhaak,
mfhọ odikkobh okurọ ch'omum-m ọttọhk.
24Ó̱de matuk odik kw'Ken igbedim ichenọmfa,
kw'Lamẹk, mm'atuka igbedim arọbh attaan okwuma ichi kkamfa.”
Ẹmmaana ch'Sẹt ọmaana Ẹnọs
25Adam obir oyima ọmaana kwanọng kwẹ. Kwanọng kwẹ otima ibhọr, ọmaan ojinọngnwa kw'ọkpẹ-ẹ Sẹt, oben bẹ́, “Ibinọkpaabyi kk'aam nnwa ọdọk-ọdọk ọnanga kw'ntim ntera Ebẹl kw'uwa Ken ọfhọ.”
26Sẹt ọdọk, obhon ojinọngnwa, ọkpẹ-ẹ Ẹnọs.
Ny'ogbe nwo wọ kw'uwa anọng atọm Ọvaar Ibinọkpaabyi okpukpobha.
Currently Selected:
Ichedendik 4: mfn-x-ad
Highlight
Share
ਕਾਪੀ।
Want to have your highlights saved across all your devices? Sign up or sign in
©️2025 West Africa Christian Mission
Ichedendik 4
4
Odik kw'Ken ọmaana Ebẹl
1Wa Adam oyim ọmaana kwanọng kwẹ kw'ode Iv. Iv otima ibhọr, ọmaan Ken, oben bẹ́, “Ọvaar Ibinọkpaabyi kk'aam ọkkaana, mmaan ojinọng.” 2Obir otima ibhọr, ọmaan Ebẹl kw'otorọ Ken nnam.
Wa Ebẹl od-otir arọkimaan, Ken ode owonitọhmnọng. 3Otum k'ogbe wanẹ, Ken otima achiduk banẹ p'ọpha z'izek bẹ́, ọd-ọnang Ọvaar Ibinọkpaabyi. 4Ebẹl ọtọka arọkimaanva banẹ p'ade ifor ma dọrọdọrọ, p'afon k'ichedenbhọr s'arọkimaan pẹ, ọnang Ọvaar Ibinọkpaabyi. Ọvaar Ibinọkpaabyi ọdaam ettem ọmaana Ebẹl ọttara k'ẹnanga chẹ. 5Ṉ́nòde Ken ọmaana ẹnanga chẹ, Ibinọkpaabyi ettem kelebhẹ. Ofona nya o, Ken ọdọk-ẹ maa, obhor ititika.
6Nya o, Ọvaar Ibinọkpaabyi ọbọbh Ken bẹ́, “Ọd-ọdọk-ọ mbọng o? Osempira abhor ititika? 7Wúra asi mawuriji, wura ntọk-ọ ọtọka. Ó̱de ina mawuriji asi, epyibha ẹbaam-ọ nya bẹ́, ẹbọk-ọ. Okenaka, kọ makikema chẹ.”
8Ny'ogbe nwo, Ken oben Ebẹl bẹ́, “Tte moyin z'ẹgba.” Mapyirẹ za o, Ken obina ọbọka ọgbaanọkka Ebẹl k'ẹfa, ọfhọ.
9Nya o, Ọvaar Ibinọkpaabyi ọbọbh Ken bẹ́, “Agbaanakka kwọ Ebẹl kẹ?” Ken ọpọhn-ẹ bẹ́, “Kaam kinzong. Ma, kaam wọ nd-nkkerẹ agbaanakka kwaam yirẹ?”
10Ọvaar Ibinọkpaabyi oben Ken bẹ́, “Bọng-ọttọhk f'asi ma? Ẹmọng ch'izẹ s'agbaanakka kk'ebina ny'izek ekebh-m ka. 11Ofona nya, kk'ọ ẹmma nnanga, mbir nkwubh-ọ ny'izek njo s'ikk'ẹmma iwonga bẹ́, itọka izẹ s'agbaanakka ny'ikọ k'mbọhk. 12K'ogbe kw'atubhọ ọttọhk ny'izek, ọttọhk mvo ọdọk kọ mòjibh ọnang. Kọ m'ade ottittenanọng kw'ina ẹwọhngkwoka mòyena m'iyagbin.”
13Ken oben Ọvaar Ibinọkpaabyi bẹ́, “Irem nja s'anang-m ma, ibarẹ iyọhng-m ẹfa. 14Menda kk'aam akwubha bẹ́, nning ọdọk izek ọbọhk ntwu, nning ọdọk k'ikọ k'ititika mbe, mbir nde ottittenanọng kw'ina ẹwọhngkwoka oyen m'iyagbin. Ó̱nọng kpenamkpen obir oze-m, m'ọfhọ-m.”
15Okenaka, Ọvaar Ibinọkpaabyi oben-ẹ bẹ́, “Minna kode. Ó̱de ọnọ́ng ọfhọ-ọ, kaam m'ntuka, nnang-ẹ irem igbedim ichenọmfa.” Ofona nya o, Ọvaar Ibinọkpaabyi oke Ken ebhora, ọfha ọ́nọ́ng ọzẹ-ẹ, oning-ẹ ọfhọ. 16Minna kw'Ken obin ny'ititika s'Ọvaar Ibinọkpaabyi, ottena ochina z'ẹkọma ch'Nọd, ọkpan ẹbhaakẹ ch'ewuchen ed-eyin, z'Iden.
Efonamma ch'Ken
17Ken oyima ọmaana kwanọng kwẹ. Kwanọng nwo otima ibhọr, ọmaan ojinọngnwa kw'okpen Ẹnọk. Ny'ogbe nwo, wa Ken od-osi obhon, kw'okpe eche ch'nnwa kwẹ, Ẹnọk.
18Wa Ẹnọk obhonọ Irad,
Irad obhon Mehujayẹl,
Mehujayẹl obhon Metusayẹl,
Metusayẹl obhon Lamẹk.
19Wa Lamẹk ọtọk panọng afa, wanẹ okpena Ada, nwoza okpena Zila. 20Wa Ada ọmaanẹ ojinọngnwa kw'okpen Jabal kw'uwa ode otte kw'anọng mbo p'arukọ k'okkira, p'mabir ad-atir nten. 21Ọgbaanọkka kw'Jabal, okpena Jubal, kw'ode otte kw'anọng mbo maphyir p'mad-akir ogim-ogim, mabir aje nsa.
22Zila ọdọk, ọmaan ojinọngnwa kw'okpen Tubal-Ken. Kẹ wọ uwa od-otima opo ọmaana ẹgbaka osi ẹtọhmkpo k'akira k'akira. Ọgbaanọkka kw'Tubal-Ken k'ẹpanọng ode Naama.
23Lamẹk oben panọng pẹ bẹ́,
“Ada ọmaana Zila, màyong-m itọhng;
Panọng p'Lamẹk màbhaanga idik saam.
Kaam kk'ojinọng wanẹ mfha okurọ ch'opyi-m ẹbhaak,
mfhọ odikkobh okurọ ch'omum-m ọttọhk.
24Ó̱de matuk odik kw'Ken igbedim ichenọmfa,
kw'Lamẹk, mm'atuka igbedim arọbh attaan okwuma ichi kkamfa.”
Ẹmmaana ch'Sẹt ọmaana Ẹnọs
25Adam obir oyima ọmaana kwanọng kwẹ. Kwanọng kwẹ otima ibhọr, ọmaan ojinọngnwa kw'ọkpẹ-ẹ Sẹt, oben bẹ́, “Ibinọkpaabyi kk'aam nnwa ọdọk-ọdọk ọnanga kw'ntim ntera Ebẹl kw'uwa Ken ọfhọ.”
26Sẹt ọdọk, obhon ojinọngnwa, ọkpẹ-ẹ Ẹnọs.
Ny'ogbe nwo wọ kw'uwa anọng atọm Ọvaar Ibinọkpaabyi okpukpobha.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
©️2025 West Africa Christian Mission