Ichedendik 2
2
1Minna kw'uwa Ibinọkpaabyi ocher ọtọhm f'ẹrọng ọmaana izek osisi, ọttara ekpo maphyir py'ening ny'ẹtaanga.
2Ny'ewu ndo ch'ettong ichenọmfa, Ibinọkpaabyi kk'ọtọhm f'od-osi ochera. Ofona nya o, okwoka ọwọhng k'ọtọhm fẹ maphyir ny'ewu ndo. 3Minna kw'Ibinọkpaabyi odo ewu ndo ch'ettong ichenọmfa, obir osok dẹ mach'ewu ch'ewur-owur, okurọ ch'iwa okwok ọwọhng k'ọtọhm f'ekpo maphyir obhubhaaka ny'ewu ndo.
Ose kw'uwa Ibinọkpaabyi osi achedennọng
4Ma wọ ode ose kw'uwa Ibinọkpaabyi ozeng ọbhaaka ẹrọng ọttara izek.
K'ogbe kw'Ọvaar Ibinọkpaabyi ọbhaak izek ọmaana ẹrọng, 5wa ọttọhk kpenamkpen ny'izek otim omena, echi kede ch'ebir ekpong emen, okurọ bẹ́, wa Ọvaar Ibinọkpaabyi ẹrọng ny'izek otim otebha, ọnọng kobir oninga kw'osi ọtọhm ny'izek. 6Okenaka, wa asi ad-ayin z'izek, masi izek maphyir idirẹ.
7Nya o, Ọvaar Ibinọkpaabyi otima ididọhbh oyok ojinọng, pira ogwuma iwọhng s'akpen ọkẹ-ẹ ny'asungmma. Ojinọng nwo okwu ode oyokinọng kw'oning akpen.
8Ọvaar Ibinọkpaabyi osi owonọ z'ẹbhaakẹ ch'ewuchen ed-eyin, za ch'mayerẹ Iden, pira ọtọka ọnọng nwo kw'ikk'ọsa osok nya. 9Minna kw'Ọvaar Ibinọkpaabyi osi nchi k'akira k'akira imen ny'izek njo, nchi s'ijibhẹ ekkerẹ, ọttara s'ibaan k'ẹcha. Ny'ewonittem ndo, echi ch'akpen ebe nya, ọttara echi ch'ezonga ch'ejibha ọmaana ch'itama.
10Ọraanga kw'ọd-ọnang owonọ nwo asi, ọd-ọtọma z'Iden obhobh maa okwu ọbhaangẹ k'ibyi nna. 11Ọraanga kw'ocheden okpen Pishọn; kẹ od-obhobh ọkọbha izek s'Havila, za ch'gol oning. 12Gol kw'oning ny'izek njo, ojibh-ojibh, ana p'alebhẹ eruk, ọttara ata p'ajibhẹ mach'oniks, mabir aninga nya. 13Ọraanga kw'ottong afa, okpen Gihọn, kw'obhobhọ ọkọbha izek s'Kush maphyir. 14Ọraanga kw'ottong attaan, okpen Tigiris, kw'obhobhọ ochina z'ẹbhaakẹ ch'ewuchen ed-eyin, za ch'otum Asiriya. Ọraanga kw'ottong anna, okpen Yupharetes.
15Ọvaar Ibinọkpaabyi, ọtọka ọnọng nwo kw'ikk'ọsa, osok ny'owonọ nwo kw'Iden bẹ́, osi ọtọhm nya, obir okkerẹ wẹ. 16Minna kw'Ọvaar Ibinọkpaabyi oben ọnọng nwo bẹ́, “Kaam nttọ-ọ ọbọhk bẹ́, achi ochiduk kw'echi kpenamkpen m'owonọ nwa. 17Ṉ́nòde aduk p'echi ndo ch'ezonga ch'ejibha ọmaana ch'itama, kàchi, kirẹ, óde achi aduk p'echi ndo, ny'ewu ndo, m'apope.”
18Nya o, Ọvaar Ibinọkpaabyi oben bẹ́, “Kojibhẹ bẹ́, ojinọng oninga manchenẹ; kaam m'nsi oyok-ẹkaan kw'ọbaan-ẹ.”
19M'ogbese nwa, Ọvaar Ibinọkpaabyi kk'mgbaten maphyir ọsa, ọmaana ọnọhn f'ẹrọng, ọtọka bẹ ochena ọnọng nwo bẹ́, okpe bẹ ache. Eche kpenamkpen ch'ojinọng nwo oyerẹ ọttọhk kpenamkpen f'orukọ akpen, dẹ dọ ede eche chẹ. 20Minna kw'ojinọng nwo okpe etirakpo, ọmaana ọnọhn f'ẹrọng, ọttara mgbaten maphyir ache.
Ṉ́nòde ojinọng nwo, oyok-ẹkaan kw'ọbaan-ẹ koze. 21Nya o, Ọvaar Ibinọkpaabyi osi ojinọng nwo otto ọda bẹ́ ttoobh. Ch'oning nya ọttaabh ọda, ọrọbha otitaanchakpa wanẹ kwẹ, otima ẹkpakpa obubha ibyi njo. 22Ọvaar Ibinọkpaabyi otima otitaanchakpa nwo kw'ikk'ọrọbha ny'ojinọng k'ifor, osi kwanọng, ọtọk-ẹ ochena ọjinọng.
23Ojinọng nwo oben bẹ́,
“Ma wọ ode ọkọbhọ kw'akọbhọ paam,
ọmaana ẹnang ch'anang paam.
Mmin'ad-ayer-ẹ bẹ́, kwanọng
okurọ ch'marọhbh-ẹ k'ojinọng k'ifor.”
24Ofona nya, ojinọng m'obina orik otte ọttara ọkka, ọd-ọgbaka ifor ọmaana kwanọng kwẹ, mfha bẹ anọng mbo afa makwu ade mawanẹ.
25Wa ojinọng nwo ọttara kwanọng kwẹ mazeng erinikwum, mgbar bẹ kisi.
Currently Selected:
Ichedendik 2: mfn-x-ad
Highlight
Share
ਕਾਪੀ।
Want to have your highlights saved across all your devices? Sign up or sign in
©️2025 West Africa Christian Mission
Ichedendik 2
2
1Minna kw'uwa Ibinọkpaabyi ocher ọtọhm f'ẹrọng ọmaana izek osisi, ọttara ekpo maphyir py'ening ny'ẹtaanga.
2Ny'ewu ndo ch'ettong ichenọmfa, Ibinọkpaabyi kk'ọtọhm f'od-osi ochera. Ofona nya o, okwoka ọwọhng k'ọtọhm fẹ maphyir ny'ewu ndo. 3Minna kw'Ibinọkpaabyi odo ewu ndo ch'ettong ichenọmfa, obir osok dẹ mach'ewu ch'ewur-owur, okurọ ch'iwa okwok ọwọhng k'ọtọhm f'ekpo maphyir obhubhaaka ny'ewu ndo.
Ose kw'uwa Ibinọkpaabyi osi achedennọng
4Ma wọ ode ose kw'uwa Ibinọkpaabyi ozeng ọbhaaka ẹrọng ọttara izek.
K'ogbe kw'Ọvaar Ibinọkpaabyi ọbhaak izek ọmaana ẹrọng, 5wa ọttọhk kpenamkpen ny'izek otim omena, echi kede ch'ebir ekpong emen, okurọ bẹ́, wa Ọvaar Ibinọkpaabyi ẹrọng ny'izek otim otebha, ọnọng kobir oninga kw'osi ọtọhm ny'izek. 6Okenaka, wa asi ad-ayin z'izek, masi izek maphyir idirẹ.
7Nya o, Ọvaar Ibinọkpaabyi otima ididọhbh oyok ojinọng, pira ogwuma iwọhng s'akpen ọkẹ-ẹ ny'asungmma. Ojinọng nwo okwu ode oyokinọng kw'oning akpen.
8Ọvaar Ibinọkpaabyi osi owonọ z'ẹbhaakẹ ch'ewuchen ed-eyin, za ch'mayerẹ Iden, pira ọtọka ọnọng nwo kw'ikk'ọsa osok nya. 9Minna kw'Ọvaar Ibinọkpaabyi osi nchi k'akira k'akira imen ny'izek njo, nchi s'ijibhẹ ekkerẹ, ọttara s'ibaan k'ẹcha. Ny'ewonittem ndo, echi ch'akpen ebe nya, ọttara echi ch'ezonga ch'ejibha ọmaana ch'itama.
10Ọraanga kw'ọd-ọnang owonọ nwo asi, ọd-ọtọma z'Iden obhobh maa okwu ọbhaangẹ k'ibyi nna. 11Ọraanga kw'ocheden okpen Pishọn; kẹ od-obhobh ọkọbha izek s'Havila, za ch'gol oning. 12Gol kw'oning ny'izek njo, ojibh-ojibh, ana p'alebhẹ eruk, ọttara ata p'ajibhẹ mach'oniks, mabir aninga nya. 13Ọraanga kw'ottong afa, okpen Gihọn, kw'obhobhọ ọkọbha izek s'Kush maphyir. 14Ọraanga kw'ottong attaan, okpen Tigiris, kw'obhobhọ ochina z'ẹbhaakẹ ch'ewuchen ed-eyin, za ch'otum Asiriya. Ọraanga kw'ottong anna, okpen Yupharetes.
15Ọvaar Ibinọkpaabyi, ọtọka ọnọng nwo kw'ikk'ọsa, osok ny'owonọ nwo kw'Iden bẹ́, osi ọtọhm nya, obir okkerẹ wẹ. 16Minna kw'Ọvaar Ibinọkpaabyi oben ọnọng nwo bẹ́, “Kaam nttọ-ọ ọbọhk bẹ́, achi ochiduk kw'echi kpenamkpen m'owonọ nwa. 17Ṉ́nòde aduk p'echi ndo ch'ezonga ch'ejibha ọmaana ch'itama, kàchi, kirẹ, óde achi aduk p'echi ndo, ny'ewu ndo, m'apope.”
18Nya o, Ọvaar Ibinọkpaabyi oben bẹ́, “Kojibhẹ bẹ́, ojinọng oninga manchenẹ; kaam m'nsi oyok-ẹkaan kw'ọbaan-ẹ.”
19M'ogbese nwa, Ọvaar Ibinọkpaabyi kk'mgbaten maphyir ọsa, ọmaana ọnọhn f'ẹrọng, ọtọka bẹ ochena ọnọng nwo bẹ́, okpe bẹ ache. Eche kpenamkpen ch'ojinọng nwo oyerẹ ọttọhk kpenamkpen f'orukọ akpen, dẹ dọ ede eche chẹ. 20Minna kw'ojinọng nwo okpe etirakpo, ọmaana ọnọhn f'ẹrọng, ọttara mgbaten maphyir ache.
Ṉ́nòde ojinọng nwo, oyok-ẹkaan kw'ọbaan-ẹ koze. 21Nya o, Ọvaar Ibinọkpaabyi osi ojinọng nwo otto ọda bẹ́ ttoobh. Ch'oning nya ọttaabh ọda, ọrọbha otitaanchakpa wanẹ kwẹ, otima ẹkpakpa obubha ibyi njo. 22Ọvaar Ibinọkpaabyi otima otitaanchakpa nwo kw'ikk'ọrọbha ny'ojinọng k'ifor, osi kwanọng, ọtọk-ẹ ochena ọjinọng.
23Ojinọng nwo oben bẹ́,
“Ma wọ ode ọkọbhọ kw'akọbhọ paam,
ọmaana ẹnang ch'anang paam.
Mmin'ad-ayer-ẹ bẹ́, kwanọng
okurọ ch'marọhbh-ẹ k'ojinọng k'ifor.”
24Ofona nya, ojinọng m'obina orik otte ọttara ọkka, ọd-ọgbaka ifor ọmaana kwanọng kwẹ, mfha bẹ anọng mbo afa makwu ade mawanẹ.
25Wa ojinọng nwo ọttara kwanọng kwẹ mazeng erinikwum, mgbar bẹ kisi.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
©️2025 West Africa Christian Mission