Matiyu 13
13
Abenshi ni nsu Nunkwa
Mk 4.1-9; Lk 8.4-8
1A nana ni Yesu butu bila gizi e zunwa a keteri totolo riki. 2Ntani nyowa gyowe yi Yesu se e yuru zunwa a siki kwanto, ntani nyowa sakisi a baki riki. 3Yesu yi beta nyowa gye su mbo ni kokongye, E pala nkye: <<Nsu bikiya da te de nunkwa yiri a bikiya e yi. 4De ma a kiya yaapi yiri, worede su yiri puari a kiya turiki nsusuwa kwa yi si. 5Worede su puari a kiya dunsi anyan de man kesa nyowa ba. E butu seberi, sobon kesa ma anya ni soseyi ba. 6Sede de zapi nana butu a bisi, yiri de butu, e kyekeri sobon ririnya e yi ta kisi soseyi ba. 7Worede su puari a siki ankwanya, de su yi girima ankwanya sukwa su. 8Jaja worede su puari a siki kesa kyakyawu, su yi yaya nyowa: worede su deri, worede su sitin, worede su man talatin.>> 9Yesu e pala nkye, <<Nsu de mani kuni zi e zi!>>
Delili ni Abenshi
Mk 4.10-12; Lk 8.9-10
10Yayagizi e yi zo anya e yi su minya e yi nkye, <<Minana sa de ka gye ntani beta ni kokongye?>>
11Yesu gye su nkye, sobon oku su yeda ku de ku shina mbo de ma riripe a solota ni bisi, sede osu su bila su de su shina ba 12Guru nsu de e mani mbo Mirikisi yaa ja yi nshi, nsu de e mani shi ba ko dende piri de e mani shi anya yi sua keleba bila nani yi. 13Mbo de sa na yi su beta ni kokongye aka: <<Suman ndani sede sua geni anya ba; Suman kuni sede sua zi ko sua gane ba.
14Mbo de anebi Ishaya pala e paru nja su:
<<<Kwa te zi sede kwa gane ba;
Kwa te sa ndani sede kwa geni ba.
15Sobon dishiya ni ntani mu e mani tori;
yaa yi wuya de su zi ni kuni asu;
nja su ripe ndani asu. Sobon ndani asu yaa te geni,
kuni asu yaa te zi.
Dishiya asu yaa te gane sua juyi beyi, na Mirikisi yaa worikye su.> 16Sede anabirika, na ma ndani ku sobon ndani aku yaa geni, kuni aku sobon sua zi. 17Na gye ku gaskye, anebi nyowa nja worede de su yi mbo gangasi sua bila de su geni mbo de kwa geni sede su geni ba, su zi mbo de kwa zi, sede su zi ba.
Yesu Gye su Abenshi ni Nsu nunkwa
Mk 4.13-20; Lk 8.11-15
18<<Ku zi mbo de kokongye ni nsu nunkwa yaa nupi. 19Du nsu de zi manki ni solota Mirikisi na e gane ba, mungu nse yaa zo butu mbo de su nunkwa a dishiya asu, su ma kankye yiri de puari a kiya turiki. 20yiri de puari a kiya dunsi e shina ma nsu de zi manki Mirikisi dandani e keleba ni perisiki. 21Sede a ririnya te a siki siki kesa ba, yaa te dede ba. De Genbeki zo ko gwada su sobon kelima de e zi, se dandani e puari. 22Yiri da de puari a siki ankwanya sanwa e shiya ma nsu de zi kelima Mirikisi, sede damuwa ni mbo kwanki mu nja bila mbo ni nani su nana kelima Mirikisi sukwa yi, e sa beta Mirikisi yi yaya ba. 23Sede yiri de puari a siki kesa kyakyawu e shiya ma worede de su zi beta ni Mirikisi de su gane. worede su yapu yaya deri, worede su sitin, nja talatin talatin ni mbo de su nunkwa.>>
Abenshi A kiya Sanwa
24Yesu sakye gye su kokongye da: Nkye, <<Solota bisi e ma kankye nsu de nunkwa yiri kyakyawu a bikiya e yi. 25Sede kwanki de kowon nse e ma yi kwana, obokigeba te nunkwa sanwa a siki alikama ni se e te ma yi. 26De alikama yi girima e yi kiya. se sanwa e yi girima du
27<<Bunwa ni nsu bikiya ni zo anya e yi nkye, <Obagizi, yiri kyakyawu na ki nunkwa a bikiya ake bo? Sanwa butu angana?>
28Obagizi keleba nkye. <Obokigeba na na su yi mbo mu.>
<<Bunwa yi minya yi nkye, <Ka bila de mu te butu su?>
29<<<Yi,> Nsu bikiya keleba nkye,> <Sobon nde ku te a butu sanwa, kwa butu alikama du. 30Bila su guru asu de su yi girima gaba da kwanki de sua yi keikei bikiya, na gye worede de sua yi keikei bikiya: De su para yenkye sanwa de su domuna yi gizi gizi kutiri a siki wuta; se ku tala alikama zo nya a siki rigogo na.> >>
Abenshi Ni Saba Mosta
Mk 4.30-32; Lk 13.18-19
31Yesu sakye gye su kokongye daa: Nkye: <<Solota gizi bisi e ma kankye saba mosta, de nse daa la nunkwa a bikiya e yi. 32E shiya ma piri a siki yiri de mu manshi, nde e yi girima, e shi yaa ma totolo a siki guru ntasi de ma a siki bikiya. De nsusuwa sua yi gizi asu a siki yaya nani e yi.>>
Kokongye ni Darigeza
Lk 13.20-21
33Yesu sakye gye su kokongye daa: nkye, <<Solota gizi bisi e ma kankye derigaza de mase daa la suruka nja atuwa nsu yowa e sa atuwa juyi guru.>>
Yesu yi Anpani ni Kokongye
Mk 4.33-34
34Yesu gye guru mbo worosu mu te yowa ntani kokongye; e taba gye su beta daa ba sede abenshi. 35Yomu na yaa sika mbode Mirikisi e pala a baki Anebi nkye:
<<Na bure baki naa a siki kokongye,
Na pala mbode e ma a boyi tunde su kapa durinya.>>
Abenshi A kiya Sanwa
36De Yesu bila yowa ntani e yuru a siki gizi. Yayagizi e yi su zo anya e yi su minya nkye, <<Gye mu mina ma maana kokongye a kiya sanwa de ma pili.>> 37Yesu keleba, nsu de e nyunkwa yiri kyakyawu ema Yaa nsebeki. 38Bikiya e shiya ma durinya, yiri kyakyawu e shiya ma nsude su ma yaya solota. Sanwa e shiya ma yaya mungu nse, 39Obokigeba de nunkwa sanwa e shiya ma mungu nse. kwanki kwa yi keikei ni bikiya e shiya ma karishe durinya, nsu worede sua kwa yi keikei bikiya osu na ma meleku.
40Yiride su kwa yi sanwa tala de su suwuta e yi yomuna yaa paru a karishe durinya. 41Yaa nsebeki yaa saka meleku e yi, sua tala guru worede sua sa ntani solota e yi lepi nja guru nsude yi mungu mbo. 42Sua kutiri su ta siki wuta anyade su yi kuka nja suku ankuri. 43Ntani gangasi Mirikisi sua yi asikye kankye nana a gizi ni Adaa su. Ku zi, nsu e man kuni e zi bila de e zi.
Abenshi Ni Mbo De Mbo Nani De Ma A boyi
44Solota ni bisi e man kankye dukiya de boyi a siki bikiya. De nseminji daa samu, Aku manshi boyi a kesa, e yi perisiki, e la mbode e manshi guru se e kuma te see bikiya ni.
Abenshi ni Pili
45<<Jaja, Solota bisi e ma kankye, yaa bije de yaa bila dunsi kyakyawu. 46De e te samu daa de yi kyawu soseyi, e te la mbo guru de e manshi, de se dunsi kyakyawu.
Abenshi A kiya Eya
47<<Kuma jaja, Solota ni bisi ma kankye eya de su kutiri te a siki totolo riki e ka gunda yiri yiri. 48De eya sika ni gunda, nsu ka gunda su butu yi ta keteri riki. Su zabi gunda kyakyawu nya a siki obubu, mumungu su la kutiri a woze. 49Yomu na yaa ma a karishe durinya. Obagizi yaa saka Meleku e yi yaa zo laba mungu ntani dege gangasi ntani. 50Sua la su kutiri a siki wuta, ayan de sua yi kuka nja suku akuri.
Sabuwa Gaskye nja Wuri
51Yesu minya su. <<Ku gane guru mbode ni gye ku?>>
Su keleba nkye, <<Ee,>> 52E gye su nkye, <<Nkaa guru nsu male doka Musa de ma yayagizi solota bisi su ma kankye nsugizi de e la sabuwa nja wuri dukiya de e ma a siki rigogo e yi.>>
Su ki Yesu Anazere
Mk 6.1-6; Lk 4.16-30
53De Yesu gama gye su kokongye, e bila anya ni. 54Yesu kuma zo a geri e yi, E para kokoyi su a kolonwa, se sua zi mamanki. <<Angana nseminji samu simi nja mbo mamanki sori mu?>> Su minya. 55<<e shiya ma yaa ni kapinta mu bo? Meremu, e shiya e ma Amaa e yi bo nsu yayuwa e yi na su ma, Yakubu, Sima, Yusupu, nja Yawuda bo? 56Guru yayiwa e yi mata na su ma nja mu bo? Angana e samu guru sori yi mbo mu?>> 57Anya ni se su zi anwashi e yi.
Sede Yesu gye su nkye, <<Anebi e man girima a geri e yi nja gizi e yi ba.>>
58E yi ANKI mamanki nyowa anya ni ba Sobon de su ki beigaskye.
Currently Selected:
Matiyu 13: Gaa
Highlight
Share
ਕਾਪੀ।
Want to have your highlights saved across all your devices? Sign up or sign in
The Word for the World International and The Word for the World Nigeria
Matiyu 13
13
Abenshi ni nsu Nunkwa
Mk 4.1-9; Lk 8.4-8
1A nana ni Yesu butu bila gizi e zunwa a keteri totolo riki. 2Ntani nyowa gyowe yi Yesu se e yuru zunwa a siki kwanto, ntani nyowa sakisi a baki riki. 3Yesu yi beta nyowa gye su mbo ni kokongye, E pala nkye: <<Nsu bikiya da te de nunkwa yiri a bikiya e yi. 4De ma a kiya yaapi yiri, worede su yiri puari a kiya turiki nsusuwa kwa yi si. 5Worede su puari a kiya dunsi anyan de man kesa nyowa ba. E butu seberi, sobon kesa ma anya ni soseyi ba. 6Sede de zapi nana butu a bisi, yiri de butu, e kyekeri sobon ririnya e yi ta kisi soseyi ba. 7Worede su puari a siki ankwanya, de su yi girima ankwanya sukwa su. 8Jaja worede su puari a siki kesa kyakyawu, su yi yaya nyowa: worede su deri, worede su sitin, worede su man talatin.>> 9Yesu e pala nkye, <<Nsu de mani kuni zi e zi!>>
Delili ni Abenshi
Mk 4.10-12; Lk 8.9-10
10Yayagizi e yi zo anya e yi su minya e yi nkye, <<Minana sa de ka gye ntani beta ni kokongye?>>
11Yesu gye su nkye, sobon oku su yeda ku de ku shina mbo de ma riripe a solota ni bisi, sede osu su bila su de su shina ba 12Guru nsu de e mani mbo Mirikisi yaa ja yi nshi, nsu de e mani shi ba ko dende piri de e mani shi anya yi sua keleba bila nani yi. 13Mbo de sa na yi su beta ni kokongye aka: <<Suman ndani sede sua geni anya ba; Suman kuni sede sua zi ko sua gane ba.
14Mbo de anebi Ishaya pala e paru nja su:
<<<Kwa te zi sede kwa gane ba;
Kwa te sa ndani sede kwa geni ba.
15Sobon dishiya ni ntani mu e mani tori;
yaa yi wuya de su zi ni kuni asu;
nja su ripe ndani asu. Sobon ndani asu yaa te geni,
kuni asu yaa te zi.
Dishiya asu yaa te gane sua juyi beyi, na Mirikisi yaa worikye su.> 16Sede anabirika, na ma ndani ku sobon ndani aku yaa geni, kuni aku sobon sua zi. 17Na gye ku gaskye, anebi nyowa nja worede de su yi mbo gangasi sua bila de su geni mbo de kwa geni sede su geni ba, su zi mbo de kwa zi, sede su zi ba.
Yesu Gye su Abenshi ni Nsu nunkwa
Mk 4.13-20; Lk 8.11-15
18<<Ku zi mbo de kokongye ni nsu nunkwa yaa nupi. 19Du nsu de zi manki ni solota Mirikisi na e gane ba, mungu nse yaa zo butu mbo de su nunkwa a dishiya asu, su ma kankye yiri de puari a kiya turiki. 20yiri de puari a kiya dunsi e shina ma nsu de zi manki Mirikisi dandani e keleba ni perisiki. 21Sede a ririnya te a siki siki kesa ba, yaa te dede ba. De Genbeki zo ko gwada su sobon kelima de e zi, se dandani e puari. 22Yiri da de puari a siki ankwanya sanwa e shiya ma nsu de zi kelima Mirikisi, sede damuwa ni mbo kwanki mu nja bila mbo ni nani su nana kelima Mirikisi sukwa yi, e sa beta Mirikisi yi yaya ba. 23Sede yiri de puari a siki kesa kyakyawu e shiya ma worede de su zi beta ni Mirikisi de su gane. worede su yapu yaya deri, worede su sitin, nja talatin talatin ni mbo de su nunkwa.>>
Abenshi A kiya Sanwa
24Yesu sakye gye su kokongye da: Nkye, <<Solota bisi e ma kankye nsu de nunkwa yiri kyakyawu a bikiya e yi. 25Sede kwanki de kowon nse e ma yi kwana, obokigeba te nunkwa sanwa a siki alikama ni se e te ma yi. 26De alikama yi girima e yi kiya. se sanwa e yi girima du
27<<Bunwa ni nsu bikiya ni zo anya e yi nkye, <Obagizi, yiri kyakyawu na ki nunkwa a bikiya ake bo? Sanwa butu angana?>
28Obagizi keleba nkye. <Obokigeba na na su yi mbo mu.>
<<Bunwa yi minya yi nkye, <Ka bila de mu te butu su?>
29<<<Yi,> Nsu bikiya keleba nkye,> <Sobon nde ku te a butu sanwa, kwa butu alikama du. 30Bila su guru asu de su yi girima gaba da kwanki de sua yi keikei bikiya, na gye worede de sua yi keikei bikiya: De su para yenkye sanwa de su domuna yi gizi gizi kutiri a siki wuta; se ku tala alikama zo nya a siki rigogo na.> >>
Abenshi Ni Saba Mosta
Mk 4.30-32; Lk 13.18-19
31Yesu sakye gye su kokongye daa: Nkye: <<Solota gizi bisi e ma kankye saba mosta, de nse daa la nunkwa a bikiya e yi. 32E shiya ma piri a siki yiri de mu manshi, nde e yi girima, e shi yaa ma totolo a siki guru ntasi de ma a siki bikiya. De nsusuwa sua yi gizi asu a siki yaya nani e yi.>>
Kokongye ni Darigeza
Lk 13.20-21
33Yesu sakye gye su kokongye daa: nkye, <<Solota gizi bisi e ma kankye derigaza de mase daa la suruka nja atuwa nsu yowa e sa atuwa juyi guru.>>
Yesu yi Anpani ni Kokongye
Mk 4.33-34
34Yesu gye guru mbo worosu mu te yowa ntani kokongye; e taba gye su beta daa ba sede abenshi. 35Yomu na yaa sika mbode Mirikisi e pala a baki Anebi nkye:
<<Na bure baki naa a siki kokongye,
Na pala mbode e ma a boyi tunde su kapa durinya.>>
Abenshi A kiya Sanwa
36De Yesu bila yowa ntani e yuru a siki gizi. Yayagizi e yi su zo anya e yi su minya nkye, <<Gye mu mina ma maana kokongye a kiya sanwa de ma pili.>> 37Yesu keleba, nsu de e nyunkwa yiri kyakyawu ema Yaa nsebeki. 38Bikiya e shiya ma durinya, yiri kyakyawu e shiya ma nsude su ma yaya solota. Sanwa e shiya ma yaya mungu nse, 39Obokigeba de nunkwa sanwa e shiya ma mungu nse. kwanki kwa yi keikei ni bikiya e shiya ma karishe durinya, nsu worede sua kwa yi keikei bikiya osu na ma meleku.
40Yiride su kwa yi sanwa tala de su suwuta e yi yomuna yaa paru a karishe durinya. 41Yaa nsebeki yaa saka meleku e yi, sua tala guru worede sua sa ntani solota e yi lepi nja guru nsude yi mungu mbo. 42Sua kutiri su ta siki wuta anyade su yi kuka nja suku ankuri. 43Ntani gangasi Mirikisi sua yi asikye kankye nana a gizi ni Adaa su. Ku zi, nsu e man kuni e zi bila de e zi.
Abenshi Ni Mbo De Mbo Nani De Ma A boyi
44Solota ni bisi e man kankye dukiya de boyi a siki bikiya. De nseminji daa samu, Aku manshi boyi a kesa, e yi perisiki, e la mbode e manshi guru se e kuma te see bikiya ni.
Abenshi ni Pili
45<<Jaja, Solota bisi e ma kankye, yaa bije de yaa bila dunsi kyakyawu. 46De e te samu daa de yi kyawu soseyi, e te la mbo guru de e manshi, de se dunsi kyakyawu.
Abenshi A kiya Eya
47<<Kuma jaja, Solota ni bisi ma kankye eya de su kutiri te a siki totolo riki e ka gunda yiri yiri. 48De eya sika ni gunda, nsu ka gunda su butu yi ta keteri riki. Su zabi gunda kyakyawu nya a siki obubu, mumungu su la kutiri a woze. 49Yomu na yaa ma a karishe durinya. Obagizi yaa saka Meleku e yi yaa zo laba mungu ntani dege gangasi ntani. 50Sua la su kutiri a siki wuta, ayan de sua yi kuka nja suku akuri.
Sabuwa Gaskye nja Wuri
51Yesu minya su. <<Ku gane guru mbode ni gye ku?>>
Su keleba nkye, <<Ee,>> 52E gye su nkye, <<Nkaa guru nsu male doka Musa de ma yayagizi solota bisi su ma kankye nsugizi de e la sabuwa nja wuri dukiya de e ma a siki rigogo e yi.>>
Su ki Yesu Anazere
Mk 6.1-6; Lk 4.16-30
53De Yesu gama gye su kokongye, e bila anya ni. 54Yesu kuma zo a geri e yi, E para kokoyi su a kolonwa, se sua zi mamanki. <<Angana nseminji samu simi nja mbo mamanki sori mu?>> Su minya. 55<<e shiya ma yaa ni kapinta mu bo? Meremu, e shiya e ma Amaa e yi bo nsu yayuwa e yi na su ma, Yakubu, Sima, Yusupu, nja Yawuda bo? 56Guru yayiwa e yi mata na su ma nja mu bo? Angana e samu guru sori yi mbo mu?>> 57Anya ni se su zi anwashi e yi.
Sede Yesu gye su nkye, <<Anebi e man girima a geri e yi nja gizi e yi ba.>>
58E yi ANKI mamanki nyowa anya ni ba Sobon de su ki beigaskye.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The Word for the World International and The Word for the World Nigeria