Matiós 16
16
Bilɛns biá ginɛŋ
(Mál 8.11-13; Mat 12.38-39; Lúk 11.16, 29; Lúk 12.54-56)
1Bafalisiɛ́ŋ na basadusiɛ́ŋ abákilɛn Yésuse, gá dɔ́lɛ́ɛg yɔ́, obóhún yɔ́ áneé udíye bɔ́ gilɛns igídónoólónín agá Uhaluá. 2Uwondinye bɔ́ áneé: «Buɔ́sɛ búgányɛ nsílía, nuɔ́guɔya áneé: “Guɔ́m gúgabá beseé na giámɔ,” gá giagiá gumɔn gúnyɛ manɔ́ŋɔmánɔ́ŋá hana yoógi, 3na giamádá nuɔya áneé: “Hínen, buɔ́sɛ búgaábá gilɔg, gá giagiá gumɔn gúnyɛ mbínembíne.” Agányɛ nuálinsan gusaluna gunúgenye guá gumɔn, gɔgaá, bilɛns biá binɛŋ biá gumɔn nudiálinsan! 4Gilɔg giá nunam igiɛ na bidáŋa igíóhoneé gilɛns! Gá ubúbíyiganaá gilɛns, nudianándabia gímodi gudɔ́mb giá Yonás.» Uwebug bɔ́ niíd uwadɔ́mb.
Buanyɛ buá bafalisiɛ́ŋ buá guóbonye oguŋ
(Mál 8.14-21; Lúk 12.1-6)
5Gá yɔg na agɔ́n unó, bebinene bémebiélídíe gugɔ́l bilɛ́d. 6Yésuse uwɔyidɛn bɔ́ áneé: «Nubígɛ́ŋ na buanyɛ buá bafalisiɛ́ŋ na basadusiɛ́ŋ buá guóbonye oguŋ!» 7Bámuanyɛ bémegedenyé gilé áneé: «Haná disɔ́didigɔ́l bilɛ́d buand buáguɔ́ wɔ́yɔnɔ́ nɔ́.» 8Yésuse uwalɛns buɔ́ gɔg úmuanyɛ gɔ́b áneé: «Bandɔ bá maná guágɔdɛ́m, gá giagɛ núgedenyeé áneé nudigódi bilɛ́d? 9Numanyɛ nudiɔ́b buɔ́ a? Nudiébídúmenye buónyi buá bilɛ́d bítánɔ gá bandɔ duɔns dútánɔ, na giod giá nsad igiɛ́ númadɔ́mb na giɛ́ a? 10Ta gá bilɛ́d bítíndadɔ nomue, gá bandɔ duɔns dúníhi, numadɔ́mb na nsad ínig? 11Naánanyá núdiabá nuá guɔ́b áneé búsasábá gá buónyi buá bilɛ́d nsɔ́núɔ́yɔn áneé: Nubígɛ́ŋ na buanyɛ buá bafalisiɛ́ŋ na basadusiɛ́ŋ buá guóbonye oguŋ!» 12Agányɛ bɔ́mɔsiɔ́b áneé umasábá wɔyɔn bɔ́ gubígɛ́ŋ gá busió buá buanyɛ buá guóbonye oguŋ, gɔgaá búmabá gá nuhuínyihuínye nuá bafalisiɛ́ŋ na basadusiɛ́ŋ.
Piéle umálɛns áneé Yésuse unyɛ Muɔ́n wa mɔndɔ
(Mál 8.27-30; Lúk 9.18-21)
13Bémeéméneg uguá gibéyi giá guísi giá Sesalé wa Fílibe, Yésuse uwoóhún bebinene bég áneé: «Gá guɔya guá bandɔ, ányá unyaá Muɔ́n wa mɔndɔ?» 14Obóndinye yɔ́ áneé: «Bómodi bɔ́guɔya áneé anyɛ Sáŋa Eyumínyibandɔ, bódodi bɔ́ya áneé anyɛ Elí, bómodi súsɔ́n bɔ́ya áneé anyɛ Yelemí ugúnya ana ebunebúné omodi.» 15Uwoóhún bɔ́ áneé banuá gɔg nuɔ́guɔya áneé nnyɛ ányá? 16Símune Piéle uwɔgɔ́l nugálɔ, uwondinye yɔ́ áneé: «Anyɛ Bémeyíde, Muɔ́n wa mɔndɔ unyaá ɔgɔ́sɛ.» 17Yésuse uwɔndɔgɔ́l nugálɔ, uwɔyidɛn yɔ́ áneé: «Beseé naánahɔ Símune Piéle uhaŋ wa Yonás, gá giagiá búdibá na mmegu na manɔ́ŋ múmúmádambúnɛ́n buɔ́, gɔgaá búnyɛ Síe wamɛ unyaá ugumɔn.» 18Guond yaŋuá, yɔ́guɔyɔn áneé: «Anyɛ Piéle (nidányɛ), uguáhɔ yanáhágánɔ́ Gigúl giámɛ, gúu Buŋaŋa buá nigué búdianábianɔ́ bugaga buá gad giɛ́. 19Yanásúgídɛn dubune duá Niguili niá gumɔn, buá gidigid ubuɔ́ ánágúdánɔ́ uguísi búánábígɔ́d ugumɔn, buá gidigdid ubuɔ́ énéhulunenú uguísi búénébíhulun ugumɔn.» 20Uwesilidin bebinene bég gɔg áneé bɔ́diɔyídɛ́n ta mɔndɔ áneé únyaá Bémeyíde.
Yésuse umódógie na nigué niég na hám guég uguá gibɛ́l
(Mál 8.31-33; Lúk 9.22)
21Gubul uguá ginɛŋ igigányɛ, Yésuse uwagɔns gudíyenye bebinene bég áneé, búóguóhonin yɔ́ áneé wɛɛ́d Yelusalɛ́m, na bɔgɔ́ga na bagɔ́n bá bedúmbinusámb na boóŋi bónóbígónye yɔ́ hɔ́ giod, bɔ́n yɔ́, buɔ́sɛ buá gádádɔ uhám uguá gibɛ́l. 22Piéle uwɔgɔ́gɛ́ɛd yɔ́ agá buáyɛ, uwesilidin yɔ́ áneé: «Ɛ́ɛɛ́, Ɔgúná, Uhaluá wégimbe! Búdibá buá guegin!» 23Gɔgaá, úmuanyɛ uwabígagalɛd, uwɔyidɛn Piéle áneé: «Sátan! Ŋŋólígínyé agá eŋís. Anyɛ ɔmɛnd uguámɛ guá ŋŋil, gá giagiá guán guáhɔ gúdibá hana guá Uhaluá, gɔgaá gúnyɛ hana guá bandɔ.»
Udényi gá binidin Yésuse
(Mál 8.34; 9.1; Lúk 9.23-27)
24Yésuse uwɔyidɛn gɔg bebinene bég áneé: «Mɔndɔ úmɔya gumbinidin, ánaá ubíen úmuanyɛ mbánan, usamb nuag nuég wond umbinidin. 25Ɛɛ́ɛ, ugáganɔ́ nusɔ́da nuég wenénímie nuɔ́, gɔgaá uwenénímienú nusɔ́da nuég gámɛ gá busió wanáhánd nuɔ́. 26Kasɛ́ bubeseé ubuɔ́ mɔndɔ únyaá wa bia uméhigin guísi gidigid, búmabá gá guɔ́nd guɔ́ na nusɔ́da nuég? Ugúnya ana kasɛ́ bubuand ubuɔ́ únya wa dóŋinye gá háŋ nusɔ́da nuég? 27Gá giagiá Muɔ́n wa mɔndɔ ugoól na bilúna biég uguá nigúmi niá Síe, hɔ́ gɔg wánánamanaá sig mɔndɔ uguég guá melélíe. 28Uguá meliŋ, yɔɔ́núɔyɔn buɔ́, uguá bandɔ abánya aga, bómodi bédienéguén kandabá áneé bámán Muɔ́n wa mɔndɔ guonoól hana ofuŋ.»
Currently Selected:
Matiós 16: EKM
Highlight
Share
ਕਾਪੀ।
Want to have your highlights saved across all your devices? Sign up or sign in
Matiós 16
16
Bilɛns biá ginɛŋ
(Mál 8.11-13; Mat 12.38-39; Lúk 11.16, 29; Lúk 12.54-56)
1Bafalisiɛ́ŋ na basadusiɛ́ŋ abákilɛn Yésuse, gá dɔ́lɛ́ɛg yɔ́, obóhún yɔ́ áneé udíye bɔ́ gilɛns igídónoólónín agá Uhaluá. 2Uwondinye bɔ́ áneé: «Buɔ́sɛ búgányɛ nsílía, nuɔ́guɔya áneé: “Guɔ́m gúgabá beseé na giámɔ,” gá giagiá gumɔn gúnyɛ manɔ́ŋɔmánɔ́ŋá hana yoógi, 3na giamádá nuɔya áneé: “Hínen, buɔ́sɛ búgaábá gilɔg, gá giagiá gumɔn gúnyɛ mbínembíne.” Agányɛ nuálinsan gusaluna gunúgenye guá gumɔn, gɔgaá, bilɛns biá binɛŋ biá gumɔn nudiálinsan! 4Gilɔg giá nunam igiɛ na bidáŋa igíóhoneé gilɛns! Gá ubúbíyiganaá gilɛns, nudianándabia gímodi gudɔ́mb giá Yonás.» Uwebug bɔ́ niíd uwadɔ́mb.
Buanyɛ buá bafalisiɛ́ŋ buá guóbonye oguŋ
(Mál 8.14-21; Lúk 12.1-6)
5Gá yɔg na agɔ́n unó, bebinene bémebiélídíe gugɔ́l bilɛ́d. 6Yésuse uwɔyidɛn bɔ́ áneé: «Nubígɛ́ŋ na buanyɛ buá bafalisiɛ́ŋ na basadusiɛ́ŋ buá guóbonye oguŋ!» 7Bámuanyɛ bémegedenyé gilé áneé: «Haná disɔ́didigɔ́l bilɛ́d buand buáguɔ́ wɔ́yɔnɔ́ nɔ́.» 8Yésuse uwalɛns buɔ́ gɔg úmuanyɛ gɔ́b áneé: «Bandɔ bá maná guágɔdɛ́m, gá giagɛ núgedenyeé áneé nudigódi bilɛ́d? 9Numanyɛ nudiɔ́b buɔ́ a? Nudiébídúmenye buónyi buá bilɛ́d bítánɔ gá bandɔ duɔns dútánɔ, na giod giá nsad igiɛ́ númadɔ́mb na giɛ́ a? 10Ta gá bilɛ́d bítíndadɔ nomue, gá bandɔ duɔns dúníhi, numadɔ́mb na nsad ínig? 11Naánanyá núdiabá nuá guɔ́b áneé búsasábá gá buónyi buá bilɛ́d nsɔ́núɔ́yɔn áneé: Nubígɛ́ŋ na buanyɛ buá bafalisiɛ́ŋ na basadusiɛ́ŋ buá guóbonye oguŋ!» 12Agányɛ bɔ́mɔsiɔ́b áneé umasábá wɔyɔn bɔ́ gubígɛ́ŋ gá busió buá buanyɛ buá guóbonye oguŋ, gɔgaá búmabá gá nuhuínyihuínye nuá bafalisiɛ́ŋ na basadusiɛ́ŋ.
Piéle umálɛns áneé Yésuse unyɛ Muɔ́n wa mɔndɔ
(Mál 8.27-30; Lúk 9.18-21)
13Bémeéméneg uguá gibéyi giá guísi giá Sesalé wa Fílibe, Yésuse uwoóhún bebinene bég áneé: «Gá guɔya guá bandɔ, ányá unyaá Muɔ́n wa mɔndɔ?» 14Obóndinye yɔ́ áneé: «Bómodi bɔ́guɔya áneé anyɛ Sáŋa Eyumínyibandɔ, bódodi bɔ́ya áneé anyɛ Elí, bómodi súsɔ́n bɔ́ya áneé anyɛ Yelemí ugúnya ana ebunebúné omodi.» 15Uwoóhún bɔ́ áneé banuá gɔg nuɔ́guɔya áneé nnyɛ ányá? 16Símune Piéle uwɔgɔ́l nugálɔ, uwondinye yɔ́ áneé: «Anyɛ Bémeyíde, Muɔ́n wa mɔndɔ unyaá ɔgɔ́sɛ.» 17Yésuse uwɔndɔgɔ́l nugálɔ, uwɔyidɛn yɔ́ áneé: «Beseé naánahɔ Símune Piéle uhaŋ wa Yonás, gá giagiá búdibá na mmegu na manɔ́ŋ múmúmádambúnɛ́n buɔ́, gɔgaá búnyɛ Síe wamɛ unyaá ugumɔn.» 18Guond yaŋuá, yɔ́guɔyɔn áneé: «Anyɛ Piéle (nidányɛ), uguáhɔ yanáhágánɔ́ Gigúl giámɛ, gúu Buŋaŋa buá nigué búdianábianɔ́ bugaga buá gad giɛ́. 19Yanásúgídɛn dubune duá Niguili niá gumɔn, buá gidigid ubuɔ́ ánágúdánɔ́ uguísi búánábígɔ́d ugumɔn, buá gidigdid ubuɔ́ énéhulunenú uguísi búénébíhulun ugumɔn.» 20Uwesilidin bebinene bég gɔg áneé bɔ́diɔyídɛ́n ta mɔndɔ áneé únyaá Bémeyíde.
Yésuse umódógie na nigué niég na hám guég uguá gibɛ́l
(Mál 8.31-33; Lúk 9.22)
21Gubul uguá ginɛŋ igigányɛ, Yésuse uwagɔns gudíyenye bebinene bég áneé, búóguóhonin yɔ́ áneé wɛɛ́d Yelusalɛ́m, na bɔgɔ́ga na bagɔ́n bá bedúmbinusámb na boóŋi bónóbígónye yɔ́ hɔ́ giod, bɔ́n yɔ́, buɔ́sɛ buá gádádɔ uhám uguá gibɛ́l. 22Piéle uwɔgɔ́gɛ́ɛd yɔ́ agá buáyɛ, uwesilidin yɔ́ áneé: «Ɛ́ɛɛ́, Ɔgúná, Uhaluá wégimbe! Búdibá buá guegin!» 23Gɔgaá, úmuanyɛ uwabígagalɛd, uwɔyidɛn Piéle áneé: «Sátan! Ŋŋólígínyé agá eŋís. Anyɛ ɔmɛnd uguámɛ guá ŋŋil, gá giagiá guán guáhɔ gúdibá hana guá Uhaluá, gɔgaá gúnyɛ hana guá bandɔ.»
Udényi gá binidin Yésuse
(Mál 8.34; 9.1; Lúk 9.23-27)
24Yésuse uwɔyidɛn gɔg bebinene bég áneé: «Mɔndɔ úmɔya gumbinidin, ánaá ubíen úmuanyɛ mbánan, usamb nuag nuég wond umbinidin. 25Ɛɛ́ɛ, ugáganɔ́ nusɔ́da nuég wenénímie nuɔ́, gɔgaá uwenénímienú nusɔ́da nuég gámɛ gá busió wanáhánd nuɔ́. 26Kasɛ́ bubeseé ubuɔ́ mɔndɔ únyaá wa bia uméhigin guísi gidigid, búmabá gá guɔ́nd guɔ́ na nusɔ́da nuég? Ugúnya ana kasɛ́ bubuand ubuɔ́ únya wa dóŋinye gá háŋ nusɔ́da nuég? 27Gá giagiá Muɔ́n wa mɔndɔ ugoól na bilúna biég uguá nigúmi niá Síe, hɔ́ gɔg wánánamanaá sig mɔndɔ uguég guá melélíe. 28Uguá meliŋ, yɔɔ́núɔyɔn buɔ́, uguá bandɔ abánya aga, bómodi bédienéguén kandabá áneé bámán Muɔ́n wa mɔndɔ guonoól hana ofuŋ.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in