Malako 11
11
Nkotolo yi Yesu ku Yelusalemi
(Mat 21.1-11; Luk 19.28-40; Yoa 12.12-19)
1Bu baba bela-bela na mbanza Yelusalemi ku ntendo yi mabwala ma Betefange na Betani, bela-bela na mulandu wu Olive, Yesu wutambika myole mu milongoki myandi. 2Mpe wubateela ti: «Yendeeno ha bwala buu ku mutwala eno. Bu lwaatumbu kota ha bwala, lwaayena mwana mbuluku wuu wukangama, waka wameki muntu. Nyanguneeno wo, mpe twaleeno wo. 3Tala ti muntu wulufuudidi: “Bila nki luna nyangunina wo e?” Muteeleeno ti: “Mfumu nsatu kaa na wo, mpe mbo kabwesa vutula wo kwandi mu muswalu ehaha.”»
4Milongoki miyenda na mibwana mwana mbuluku wuba wukangama ha mbazi ha ntendo mwelo, mu nzila. Ni banyanguna wo. 5Mwa ndambu yi yobobo baba hoho babafuula ti: «Nki luna sa e? Bila nki luna nyangunina mwana mbuluku bewuwu e?» 6Babavutudila bonso Yesu bu kabateela mu ta, mpe bababika benda.
7Milongoki minata mwana mbuluku ku Yesu. Batentika binkutu ha yulu mwana mbuluku, mboki Yesu wuzakala ha yulu andi. 8Bantu babingi bedi kwe yadi binkutu byawu mu nzila mpe bahiika mwa bintala bi miti bi bazenga mu zimfuba. 9Yobobo bedi kwe tekidi ku mutwala na bedi kwe landi Yesu ku manima, bedi kwe tengi mu ngolo ti:
«Ozana!
Bika Nzambi kasakumuna muntu wuna kwiza mu nkumbu yi Mfumu!
10Bika Nzambi kasakumuna kimfumu kina kwiza, kimfumu ki Davidi, tata eto! Ozana! Nkembo ku Nzambi mu mazulu mahyokidi kuzangama!» 11Yesu wukota mu mbanza yi Yelusalemi na wuyenda ku nzo-Nzambi. Bu kamanisa mu tala ndambu ka ndambu, wuyenda ku bwala bu Betani na milongoki kumi na myole, buna ntangu yeka kukula.
Yesu wusinga muti wu fike
(Mat 21.18-22)
12Mu kilumbu kilanda, bu bedi duuka ku bwala bu Betani, Yesu wubaka nsatu. 13Wuyena kukula muti wumosi wu fike wuba na makaya na wuyenda tala, tala ti lenda baka mbutu, kansi makaya na makaya kwandi kayena. Mu dyambu ti yiba ntangu yi mbutu yi zifike ko. 14Buna Yesu wuteela ku muti wu fike ti: «Nakani muntu kalendi bwesa dya mbutu zaku ko!» Mpe milongoki myandi mimuyuwa.
Yesu wukuma mintekisi mu nzo-Nzambi
(Mat 21.12-17; Luk 19.45-48; Yoa 2.13-22)
15Batula ku mbanza yi Yelusalemi. Yesu wukota mu nzo-Nzambi na wutona mu kuma yobobo bedi tekanga na bedi sumbanga mu kati di nzo-Nzambi. Wumwangisa meza ma bantu bedi hyakisanga mbongo na byandu bi minteki mi mabembe. 16Kabiika nakani muntu katotoka na kima mu kati di nzo-Nzambi ko. 17Wulonga na wubateela ti: «Wudi wusonama ko ti: “Nzo ani, nzo yi lusambulu baatumisina yo ku bantu ba zinsi zimvimba e?” Kansi, yeno lukitudi yo kiswamunu ki bimpumbulu.» 18Mfumu zinganga-Nzambi na milongisi mi Misiku bu bayuwa wo, ni basosa bwedi bamuhondisila. Kansi bamuyena bunkuta, mu dyambu ti mukangu wumvimba wedi tyanga ndongosolo andi. 19Mpimpa bu yitula, Yesu na milongoki myandi batotoka mu mbanza.
Ndongolo yi muti wu fike wu yuma
(Mat 21.18-22)
20Kilumbu kilanda na mene, bu bedi hyoka, milongoki miyena muti wu fike wuba wuyuma natee mu myanzi. 21Petelo, wubambuka moyo mu misamu mihyoka, ni kateela Yesu ti: «Mulongisi, tala, muti wu fike wu wusingidi wuyumini.» 22Buna Yesu wubavutudila ti: «Beeno na kiminu mu Nzambi.» 23«Kedika nina luteela, tala ti muntu teedi ku mulandu bewuwu: “Katuka hoho na yenda wukituba mu mubu”, mpe tala ti kasiidi maketiketi mu mutima andi ko, kansi kwikidi ti myo mi kateedi myaahilama, myawu myaahilama.» 24Ni hahoho nina luteela ti: «Mimvimba mi lwaalomba mu lusambulu, kwikileeno ti mya lutambudi, mpe mya lwaatambula.» 25Bu lukwe telamanga mu sambila, tala ti musamu wuu naaku na munaku, mulemvokila, mwanki Tata eno wuu ku mazulu kalulemvokila mpe misamu myeno mimbi. [26Kansi tala ti lulemvokidi ko, Tata eno wuu ku mazulu, kaalulemvokila mpe misamu myeno mimbi ko.]
Kwedi kufuma lutumu lu Yesu?
(Mat 21.23-27; Luk 20.1-8)
27Bavutuka dyaka ku mbanza yi Yelusalemi. Yesu bu kedi kwe yungi mu kati di nzo-Nzambi, zimfumu zinganga-Nzambi, milongisi mi misiku na bakuluntu bamukangu bayenda mu yenikina, 28na bamufuula ti: «Tuteela, mu lutumu lu nani wuna hidikila misamu bemimi e? Mpe nani wukuheeni lutumu mu hidika myo e?» 29Yesu wubavutudila ti: «[Meno mpe] kyuhu kimosi nina luziika, tala ti lumvutudidi mvutu, mbo naluteela mu lutumu lu nani, nina hidikila misamu bemyomyo. 30Mbotokolo yi Yoane, ku Yulu yifuma hoti ku bantu e? Mvutudileeno mvutu.» 31Banyunguta yawu na yawu na bata ti: «Ni twaavutula ti “ku Yulu”, mbo katufuula ti: “Mu dyambu di nki lulembolo mukwikila e?” 32Tumana vutula ti: “ku bantu”, tufweti tiina mukangu, mu dyambu ti mu mabanza mawu, Yoane mumbikudi wuba.» 33Ni hahoho bavutula ku Yesu ti: «Tuzeebi ko.» Buna Yesu wubavutudila ti: «Meno mpe nina luteela ko mu lutumu lu nani, nina hidikila misamu bemimi.»
Currently Selected:
Malako 11: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Malako 11
11
Nkotolo yi Yesu ku Yelusalemi
(Mat 21.1-11; Luk 19.28-40; Yoa 12.12-19)
1Bu baba bela-bela na mbanza Yelusalemi ku ntendo yi mabwala ma Betefange na Betani, bela-bela na mulandu wu Olive, Yesu wutambika myole mu milongoki myandi. 2Mpe wubateela ti: «Yendeeno ha bwala buu ku mutwala eno. Bu lwaatumbu kota ha bwala, lwaayena mwana mbuluku wuu wukangama, waka wameki muntu. Nyanguneeno wo, mpe twaleeno wo. 3Tala ti muntu wulufuudidi: “Bila nki luna nyangunina wo e?” Muteeleeno ti: “Mfumu nsatu kaa na wo, mpe mbo kabwesa vutula wo kwandi mu muswalu ehaha.”»
4Milongoki miyenda na mibwana mwana mbuluku wuba wukangama ha mbazi ha ntendo mwelo, mu nzila. Ni banyanguna wo. 5Mwa ndambu yi yobobo baba hoho babafuula ti: «Nki luna sa e? Bila nki luna nyangunina mwana mbuluku bewuwu e?» 6Babavutudila bonso Yesu bu kabateela mu ta, mpe bababika benda.
7Milongoki minata mwana mbuluku ku Yesu. Batentika binkutu ha yulu mwana mbuluku, mboki Yesu wuzakala ha yulu andi. 8Bantu babingi bedi kwe yadi binkutu byawu mu nzila mpe bahiika mwa bintala bi miti bi bazenga mu zimfuba. 9Yobobo bedi kwe tekidi ku mutwala na bedi kwe landi Yesu ku manima, bedi kwe tengi mu ngolo ti:
«Ozana!
Bika Nzambi kasakumuna muntu wuna kwiza mu nkumbu yi Mfumu!
10Bika Nzambi kasakumuna kimfumu kina kwiza, kimfumu ki Davidi, tata eto! Ozana! Nkembo ku Nzambi mu mazulu mahyokidi kuzangama!» 11Yesu wukota mu mbanza yi Yelusalemi na wuyenda ku nzo-Nzambi. Bu kamanisa mu tala ndambu ka ndambu, wuyenda ku bwala bu Betani na milongoki kumi na myole, buna ntangu yeka kukula.
Yesu wusinga muti wu fike
(Mat 21.18-22)
12Mu kilumbu kilanda, bu bedi duuka ku bwala bu Betani, Yesu wubaka nsatu. 13Wuyena kukula muti wumosi wu fike wuba na makaya na wuyenda tala, tala ti lenda baka mbutu, kansi makaya na makaya kwandi kayena. Mu dyambu ti yiba ntangu yi mbutu yi zifike ko. 14Buna Yesu wuteela ku muti wu fike ti: «Nakani muntu kalendi bwesa dya mbutu zaku ko!» Mpe milongoki myandi mimuyuwa.
Yesu wukuma mintekisi mu nzo-Nzambi
(Mat 21.12-17; Luk 19.45-48; Yoa 2.13-22)
15Batula ku mbanza yi Yelusalemi. Yesu wukota mu nzo-Nzambi na wutona mu kuma yobobo bedi tekanga na bedi sumbanga mu kati di nzo-Nzambi. Wumwangisa meza ma bantu bedi hyakisanga mbongo na byandu bi minteki mi mabembe. 16Kabiika nakani muntu katotoka na kima mu kati di nzo-Nzambi ko. 17Wulonga na wubateela ti: «Wudi wusonama ko ti: “Nzo ani, nzo yi lusambulu baatumisina yo ku bantu ba zinsi zimvimba e?” Kansi, yeno lukitudi yo kiswamunu ki bimpumbulu.» 18Mfumu zinganga-Nzambi na milongisi mi Misiku bu bayuwa wo, ni basosa bwedi bamuhondisila. Kansi bamuyena bunkuta, mu dyambu ti mukangu wumvimba wedi tyanga ndongosolo andi. 19Mpimpa bu yitula, Yesu na milongoki myandi batotoka mu mbanza.
Ndongolo yi muti wu fike wu yuma
(Mat 21.18-22)
20Kilumbu kilanda na mene, bu bedi hyoka, milongoki miyena muti wu fike wuba wuyuma natee mu myanzi. 21Petelo, wubambuka moyo mu misamu mihyoka, ni kateela Yesu ti: «Mulongisi, tala, muti wu fike wu wusingidi wuyumini.» 22Buna Yesu wubavutudila ti: «Beeno na kiminu mu Nzambi.» 23«Kedika nina luteela, tala ti muntu teedi ku mulandu bewuwu: “Katuka hoho na yenda wukituba mu mubu”, mpe tala ti kasiidi maketiketi mu mutima andi ko, kansi kwikidi ti myo mi kateedi myaahilama, myawu myaahilama.» 24Ni hahoho nina luteela ti: «Mimvimba mi lwaalomba mu lusambulu, kwikileeno ti mya lutambudi, mpe mya lwaatambula.» 25Bu lukwe telamanga mu sambila, tala ti musamu wuu naaku na munaku, mulemvokila, mwanki Tata eno wuu ku mazulu kalulemvokila mpe misamu myeno mimbi. [26Kansi tala ti lulemvokidi ko, Tata eno wuu ku mazulu, kaalulemvokila mpe misamu myeno mimbi ko.]
Kwedi kufuma lutumu lu Yesu?
(Mat 21.23-27; Luk 20.1-8)
27Bavutuka dyaka ku mbanza yi Yelusalemi. Yesu bu kedi kwe yungi mu kati di nzo-Nzambi, zimfumu zinganga-Nzambi, milongisi mi misiku na bakuluntu bamukangu bayenda mu yenikina, 28na bamufuula ti: «Tuteela, mu lutumu lu nani wuna hidikila misamu bemimi e? Mpe nani wukuheeni lutumu mu hidika myo e?» 29Yesu wubavutudila ti: «[Meno mpe] kyuhu kimosi nina luziika, tala ti lumvutudidi mvutu, mbo naluteela mu lutumu lu nani, nina hidikila misamu bemyomyo. 30Mbotokolo yi Yoane, ku Yulu yifuma hoti ku bantu e? Mvutudileeno mvutu.» 31Banyunguta yawu na yawu na bata ti: «Ni twaavutula ti “ku Yulu”, mbo katufuula ti: “Mu dyambu di nki lulembolo mukwikila e?” 32Tumana vutula ti: “ku bantu”, tufweti tiina mukangu, mu dyambu ti mu mabanza mawu, Yoane mumbikudi wuba.» 33Ni hahoho bavutula ku Yesu ti: «Tuzeebi ko.» Buna Yesu wubavutudila ti: «Meno mpe nina luteela ko mu lutumu lu nani, nina hidikila misamu bemimi.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.