Matayi 24
24
Mwangusunu yi nzo-Nzambi
(Mlk 13.1-2; Luk 21.5-6)
1Yesu bu kaduuka mu nzo-Nzambi, na bu kedi kwe yenzingi, milongoki myandi miyenda ku kabela na mi mulonka bwedi batungila nzo-Nzambi. 2Kansi Yesu wubateela ti: «Bimvimba bebyobyo bya luna yena e? Kedika nina luteela, kwaabwesa saala kaa tadi dimosi ha yulu tadi nandi ko, bimvimba byaamana mwangana.»
Mpasi na nkwamusu
(Mlk 13.3-13; Luk 21.7-19)
3Yesu wuba wuzakala ha mulandu wu Olive. Milongoki myandi miyenda ku kabela na bamufuula ha luhengo ti: «Tuteeleti nkye kilumbu misamu bemimi myaahilama mpe nkye kidimbu kyaalonka nyizulu aku na nsukunu yi nza e?» 4Yesu wubavutudila ti: «Kebeeno kweno! Muntu ka luhukumunandi. 5Mu dyambu ti babingi baakwiza mu nkumbu ani, na baaluteela ti: “Meno nii Klisto!” Na bantu babingi baahukumuna. 6Lwaayuwa bu bazonzila zimvita na manyungu-nyungu ma zimvita, luyenandi bunkuta ko, mu dyambu ti mimvimba mifweti teka hilama. Kansi yaaba mpe nsukunu yi nza ko. 7Bantu ba nsi yimosi baanwanisa bantu ba nsi yihiika, bantu bantinu yimosi baanwanisa bantu bantinu yihiika. Mu bizunga bibingi malema maaba na butoto bwaazakama. 8Misamu bemimi mimvimba myaaba bonso ntonono yi misongo mi mukento weka lukufi mu buta. 9Ni hahoho, bantu baaluyekola mwanki baluyenisa mpasi na baaluhonda. Bantu bamvimba baalubela mu dyambu di nkumbu ani. 10Mu ntangu beyoyo, bantu babingi baabwisa kiminu kyawu, baafundasana, mpe baabelasana yawu na yawu. 11Mimbikudi mi luvunu mimingi myaakwiza na myaahukumuna bantu babingi. 12Mu dyambu ti misamu mimbi myaanyeeka, mpe luzolo lu bantu babingi lwaalebakana. 13Kansi wonso waatatamana natee ku nsukunu, yandi waavulusu. 14Musamu wumbote wu Kimfumu waasamunu mu nza yimvimba mwanki wuba kimbangi ku bantu ba nsi zimvimba. Ku manima nsukunu yi nza mbo yi tuula.
Mpasi zi kingitukulu
(Mlk 13.14-23; Luk 21.20-24)
15Mu ntangu yi lwaayena “kimwangisi kinsisi” kizakala ha kibuka ki longo, kyo kizonzila mumbikudi Danyeli, buna bika muntu wuna tanga ka bakula, 16ni hahoho, yobobo baaba ku Yuda bafweti tinina ku milandu, 17yondowo waaba ku yulu muludi wu nzo ka kulumukandi mu kwiza bonga bima bi mu kati di nzo andi ko, 18na yondowo waaba ku mfuba kalendi vutuka ku nzo andi ko mu kwiza bonga kiyunga kyandi. 19Mu bilumbu bebyobyo, nkye mpila kyadi ku bakento baaba na mazimi na baanwika baala mabene! 20Sambileno mwanki ntinunu eno yilembolo ba mu ntangu(nsungi) yi kyozi kingolo hoti mu kilumbu ki saba! 21Mu dyambu ti, mu ntangu beyoyo mpasi zihyokidi kitezo zaaba, mpe kutonina ku mbadukulu yi nza natee mu ntangu beyiyi, mpasi zibobo twaayeni zo ko, mpe zaabwesa ba ko. 22Tala ti Nzambi kabonga nzengolo ko mu kufika bilumbu bebyobyo, kunaani muntu wuketi vuuka. Kansi wukufika byo mu dyambu di yobobo ba kasoola. 23Tala ti muntu wulutedidi ti: “Taleeno Klisto ewu eha!” Hoti “Ehana kadi!”, lumukwikilandi ko. 24Mu dyambu ti zi klisto zi luvunu na mimbikudi mi luvunu myaatelema, baahidika bidimbu na bimangu bingitukulu mu hukumuna bantu, bulendi ba mpe na yobobo ba kasoola. 25Tomeno yuwa, meno nalulwengisi.
26Tala ti baluteedidi ti: “Ku nsi yinkatu kadi!” Lwendandi. Hoti tala ti baluteedidi ti: “Eku ka swamina!”, lubakwikilandi ko. 27Kadi, bonso mpedamu bu yikwe pedamanga ku yulu mu kyenzola ndambu yikwe totokilanga ntangu natee ku yikwe dyaminanga, bwabobo mpe bwaakwizila Mwana Muntu. 28Honso ha mvumbi, hahoho mpe haayonzimina nuni zikwe dyanga mvumbi.
Nyizulu yi Mwana muntu
(Mlk 13.24-27; Luk 21.25-28)
29Ku manima ma bilumbu bebyobyo kwandi, ntangu yaabwesa lezima ko, ngonda yaabwesa kyenzola ko, na zimbwetete zaasotoka tuka ku yulu, na bima bii na lulendo mu mazulu byaaningana.
30Ni hahoho, kidimbu ki Mwana Muntu kyaayenika ku yulu, makanda mamvimba ma ha butoto maaba mu kyadi na manyongo, baayena Mwana Muntu wuna kwiza mu matuti ma ku yulu, mu lulendo na mu nkembo wuwunene. 31Bu ba sika kulumenta didinene, Mwana Muntu waatambika zimbazi zandi, mpe yawu baayonzika yobobo baakasoodidi ku ndambu za ziya zi nza, baafuma mu nsuka zimvimba zi ha butoto.
Kingana ki muti wu fike
(Mlk 13.28-31; Luk 21.29-33)
32Bakuleno ndongosolo eyi yi kingana ki muti wu fike: bu lukwe yenanga ti bintala byandi bivwembamani na makaya mandi matonini mu sasa, luzebi ti ntangu yi ntombo yeka lukufi. 33Bumosi mpe ku yeno, bu lwaayena misamu bemyomyo mimvimba, zabeeno ti Mwana Muntu weka lukufi, na weka ha myelo mi nzo zeno. 34Kedika nina luteela, mbandu beyiyi yaahyoka ko tala ti mimvimba mi lungidi ko. 35Yulu na butoto byaahyoka, kansi mambu mani maahyoka ko.
Kilumbu kyaakwiza Mwana Muntu
(Mlk 13.32-37; Luk 17.26-30,34-36)
36Mu dyambu ditadidi kilumbu na ntangu, ka muntu ko zebi, ka zimbazi zi mazulu ko, ka Mwana ko, kansi Tata kaka zebi. 37Bonso bubela mu ntangu yi Nowa, bwabobo mpe bwaabeela mu kilumbu kyaakwiza Mwana Muntu. 38Mu dyambu ti, tekila nyamba yiyinene yiza, bantu badya na banwa, bakwela na bakwedisa baala bawu natee kilumbu ki kota Nowa mu nzaza, 39na bazaba ko nki byaabatudila natee nyamba yiyinene bu yiyiza na yi kukumuna bamvimba. Bwabobo mpe bwaabeela kilumbu kyaakwiza Mwana Muntu. 40Babakala bole baaba mu mfuba: wumosi baabonga, wukaka baamusisa. 41Bakento bole baanika ha kimosi mbutu: wumosi baabonga, wukaka baamusisa. 42Kebeno kweno, mu dyambu ti luzebi kilumbu kyaakwiza Mfumu eno ko. 43Zabeno ti: tala ti mfumu yinzo lendi zaba mu nkye kilokola ki mpimpa mwivi kaakwiza, fweti sunga tolo na kalendi mubiika ko kakota mu nzo andi. 44Ni hahoho, yeno mpe, beno bakubama mu dyambu ti Mwana Muntu waakwiza mu kilokola ki lulembolo zaba.
Kisadi ki kwikama na kilembolo ba kikwikama
(Luk 12.41-48)
45Nani wudi mundongo wukwikama na wundwenga, mfumu kasoodidi mutwadisa bisadi byandi, na mu bahaana mu ntangu yi fwanakani bindya e? 46Kyese ku mundongo bewowo, mfumu bu kaavutuka, waamubwana buna wuna sala! 47Kedika nina luteela: Mbo kamuhaana kiyeko kye twadisa mvwilu andi yimvimba. 48Kansi, tala ti mundongo wumbi wudi na teedi ku nsye mutima andi ti: “Mfumu ani kana tumbu vutuka ko”, 49mboki tonini mu tuta banandi ba kisalu nkuba, mpe na mu kwe dye na mu kwe nwe na minkolo mbungu, 50Mfumu yi mundongo bewowo, waavutuka mu kilumbu ki kana lembolo mu kingila, na mu kilokola ki ka lembolo zaba, 51mbo kamukuma na mbo kamuhaana kitumbu ki bantu ba diisu ku nsye lukaya, kwakoko ku bidilu na nkwetosolo yi meno.
Currently Selected:
Matayi 24: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 24
24
Mwangusunu yi nzo-Nzambi
(Mlk 13.1-2; Luk 21.5-6)
1Yesu bu kaduuka mu nzo-Nzambi, na bu kedi kwe yenzingi, milongoki myandi miyenda ku kabela na mi mulonka bwedi batungila nzo-Nzambi. 2Kansi Yesu wubateela ti: «Bimvimba bebyobyo bya luna yena e? Kedika nina luteela, kwaabwesa saala kaa tadi dimosi ha yulu tadi nandi ko, bimvimba byaamana mwangana.»
Mpasi na nkwamusu
(Mlk 13.3-13; Luk 21.7-19)
3Yesu wuba wuzakala ha mulandu wu Olive. Milongoki myandi miyenda ku kabela na bamufuula ha luhengo ti: «Tuteeleti nkye kilumbu misamu bemimi myaahilama mpe nkye kidimbu kyaalonka nyizulu aku na nsukunu yi nza e?» 4Yesu wubavutudila ti: «Kebeeno kweno! Muntu ka luhukumunandi. 5Mu dyambu ti babingi baakwiza mu nkumbu ani, na baaluteela ti: “Meno nii Klisto!” Na bantu babingi baahukumuna. 6Lwaayuwa bu bazonzila zimvita na manyungu-nyungu ma zimvita, luyenandi bunkuta ko, mu dyambu ti mimvimba mifweti teka hilama. Kansi yaaba mpe nsukunu yi nza ko. 7Bantu ba nsi yimosi baanwanisa bantu ba nsi yihiika, bantu bantinu yimosi baanwanisa bantu bantinu yihiika. Mu bizunga bibingi malema maaba na butoto bwaazakama. 8Misamu bemimi mimvimba myaaba bonso ntonono yi misongo mi mukento weka lukufi mu buta. 9Ni hahoho, bantu baaluyekola mwanki baluyenisa mpasi na baaluhonda. Bantu bamvimba baalubela mu dyambu di nkumbu ani. 10Mu ntangu beyoyo, bantu babingi baabwisa kiminu kyawu, baafundasana, mpe baabelasana yawu na yawu. 11Mimbikudi mi luvunu mimingi myaakwiza na myaahukumuna bantu babingi. 12Mu dyambu ti misamu mimbi myaanyeeka, mpe luzolo lu bantu babingi lwaalebakana. 13Kansi wonso waatatamana natee ku nsukunu, yandi waavulusu. 14Musamu wumbote wu Kimfumu waasamunu mu nza yimvimba mwanki wuba kimbangi ku bantu ba nsi zimvimba. Ku manima nsukunu yi nza mbo yi tuula.
Mpasi zi kingitukulu
(Mlk 13.14-23; Luk 21.20-24)
15Mu ntangu yi lwaayena “kimwangisi kinsisi” kizakala ha kibuka ki longo, kyo kizonzila mumbikudi Danyeli, buna bika muntu wuna tanga ka bakula, 16ni hahoho, yobobo baaba ku Yuda bafweti tinina ku milandu, 17yondowo waaba ku yulu muludi wu nzo ka kulumukandi mu kwiza bonga bima bi mu kati di nzo andi ko, 18na yondowo waaba ku mfuba kalendi vutuka ku nzo andi ko mu kwiza bonga kiyunga kyandi. 19Mu bilumbu bebyobyo, nkye mpila kyadi ku bakento baaba na mazimi na baanwika baala mabene! 20Sambileno mwanki ntinunu eno yilembolo ba mu ntangu(nsungi) yi kyozi kingolo hoti mu kilumbu ki saba! 21Mu dyambu ti, mu ntangu beyoyo mpasi zihyokidi kitezo zaaba, mpe kutonina ku mbadukulu yi nza natee mu ntangu beyiyi, mpasi zibobo twaayeni zo ko, mpe zaabwesa ba ko. 22Tala ti Nzambi kabonga nzengolo ko mu kufika bilumbu bebyobyo, kunaani muntu wuketi vuuka. Kansi wukufika byo mu dyambu di yobobo ba kasoola. 23Tala ti muntu wulutedidi ti: “Taleeno Klisto ewu eha!” Hoti “Ehana kadi!”, lumukwikilandi ko. 24Mu dyambu ti zi klisto zi luvunu na mimbikudi mi luvunu myaatelema, baahidika bidimbu na bimangu bingitukulu mu hukumuna bantu, bulendi ba mpe na yobobo ba kasoola. 25Tomeno yuwa, meno nalulwengisi.
26Tala ti baluteedidi ti: “Ku nsi yinkatu kadi!” Lwendandi. Hoti tala ti baluteedidi ti: “Eku ka swamina!”, lubakwikilandi ko. 27Kadi, bonso mpedamu bu yikwe pedamanga ku yulu mu kyenzola ndambu yikwe totokilanga ntangu natee ku yikwe dyaminanga, bwabobo mpe bwaakwizila Mwana Muntu. 28Honso ha mvumbi, hahoho mpe haayonzimina nuni zikwe dyanga mvumbi.
Nyizulu yi Mwana muntu
(Mlk 13.24-27; Luk 21.25-28)
29Ku manima ma bilumbu bebyobyo kwandi, ntangu yaabwesa lezima ko, ngonda yaabwesa kyenzola ko, na zimbwetete zaasotoka tuka ku yulu, na bima bii na lulendo mu mazulu byaaningana.
30Ni hahoho, kidimbu ki Mwana Muntu kyaayenika ku yulu, makanda mamvimba ma ha butoto maaba mu kyadi na manyongo, baayena Mwana Muntu wuna kwiza mu matuti ma ku yulu, mu lulendo na mu nkembo wuwunene. 31Bu ba sika kulumenta didinene, Mwana Muntu waatambika zimbazi zandi, mpe yawu baayonzika yobobo baakasoodidi ku ndambu za ziya zi nza, baafuma mu nsuka zimvimba zi ha butoto.
Kingana ki muti wu fike
(Mlk 13.28-31; Luk 21.29-33)
32Bakuleno ndongosolo eyi yi kingana ki muti wu fike: bu lukwe yenanga ti bintala byandi bivwembamani na makaya mandi matonini mu sasa, luzebi ti ntangu yi ntombo yeka lukufi. 33Bumosi mpe ku yeno, bu lwaayena misamu bemyomyo mimvimba, zabeeno ti Mwana Muntu weka lukufi, na weka ha myelo mi nzo zeno. 34Kedika nina luteela, mbandu beyiyi yaahyoka ko tala ti mimvimba mi lungidi ko. 35Yulu na butoto byaahyoka, kansi mambu mani maahyoka ko.
Kilumbu kyaakwiza Mwana Muntu
(Mlk 13.32-37; Luk 17.26-30,34-36)
36Mu dyambu ditadidi kilumbu na ntangu, ka muntu ko zebi, ka zimbazi zi mazulu ko, ka Mwana ko, kansi Tata kaka zebi. 37Bonso bubela mu ntangu yi Nowa, bwabobo mpe bwaabeela mu kilumbu kyaakwiza Mwana Muntu. 38Mu dyambu ti, tekila nyamba yiyinene yiza, bantu badya na banwa, bakwela na bakwedisa baala bawu natee kilumbu ki kota Nowa mu nzaza, 39na bazaba ko nki byaabatudila natee nyamba yiyinene bu yiyiza na yi kukumuna bamvimba. Bwabobo mpe bwaabeela kilumbu kyaakwiza Mwana Muntu. 40Babakala bole baaba mu mfuba: wumosi baabonga, wukaka baamusisa. 41Bakento bole baanika ha kimosi mbutu: wumosi baabonga, wukaka baamusisa. 42Kebeno kweno, mu dyambu ti luzebi kilumbu kyaakwiza Mfumu eno ko. 43Zabeno ti: tala ti mfumu yinzo lendi zaba mu nkye kilokola ki mpimpa mwivi kaakwiza, fweti sunga tolo na kalendi mubiika ko kakota mu nzo andi. 44Ni hahoho, yeno mpe, beno bakubama mu dyambu ti Mwana Muntu waakwiza mu kilokola ki lulembolo zaba.
Kisadi ki kwikama na kilembolo ba kikwikama
(Luk 12.41-48)
45Nani wudi mundongo wukwikama na wundwenga, mfumu kasoodidi mutwadisa bisadi byandi, na mu bahaana mu ntangu yi fwanakani bindya e? 46Kyese ku mundongo bewowo, mfumu bu kaavutuka, waamubwana buna wuna sala! 47Kedika nina luteela: Mbo kamuhaana kiyeko kye twadisa mvwilu andi yimvimba. 48Kansi, tala ti mundongo wumbi wudi na teedi ku nsye mutima andi ti: “Mfumu ani kana tumbu vutuka ko”, 49mboki tonini mu tuta banandi ba kisalu nkuba, mpe na mu kwe dye na mu kwe nwe na minkolo mbungu, 50Mfumu yi mundongo bewowo, waavutuka mu kilumbu ki kana lembolo mu kingila, na mu kilokola ki ka lembolo zaba, 51mbo kamukuma na mbo kamuhaana kitumbu ki bantu ba diisu ku nsye lukaya, kwakoko ku bidilu na nkwetosolo yi meno.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.