Matayi 10
10
Zintumwa kumi na zole
(Mlk 3.13-19; Luk 6.12-16)
1Yesu wutumisa kumi na myole yi milongoki myandi, na wubahaana lulendo lwe kuma mpeve zimbi, na mu nyakisa bimbevo na byeta bimvimba. 2Nkumbu zi zintumwa kumi na zole ezi: wuntete Simoni, wukahaana nkumbu yi Petelo na Andele mpangi andi, Zaki na mpangi andi Yoane, baala ba Zebedayi, 3Filipi na Batelemi, Toma na Matayi, kitoti kimpaku, Zaki mwana wu Alefe na Tade, 4Simoni mu-Zeloti na Yuda Isikalyoti, yondowo wuyekola Yesu.
Kisalu ki milongoki kumi na myole
(Mlk 6.7-13; Luk 9.1-6)
5Milongoki kumi na myole bemyomyo, Yesu wubafidisa na wubahaana ndwengosolo ezi: «Lwendandi ku bantu balembolo ba Bayudayo, na lukotandi mu zimbanza zi bisi-Samaliya ko. 6Kansi yendeeno ku mameme mazimbala mu bantu ba-Isaeli. 7Yendeeno, longeeno na teeno ti: “Kimfumu ki mazulu kyeka lukufi!” 8Nyakiseeno bambevo, fulukiseeno bafwa, vediseeno ba na bwazi na kumeeno mpeve zimbi. Baluheeni ka mufuta kima ko, yeno mpe haaneeno ka mulomba kima ko. 9Ka lunatandi mbongo ko, ni zi ba ziwola, zipalata, hoti zinsongo mu melika zeno, 10ka nkutu yi nzyetolo ko, ka binkutu byole ko, ka nsampatu ko, ka muti ko. Mu dyambu ti kisadi fweni baka bindya byandi.
11Mu yonso mbanza hoti bwala bu lwaakota, soseeno mu zaba ti kuu na muntu wulenda lutambula, na beeno mu nzo andi natee kilumbu ki lwaakwenda. 12Bu lwaakota mu nzo, bahaaneeno mbote. 13Tala ti bantu ba nzo beyoyo balutambudi, bika kiyenge kyeno kiba nawu, tala ti balutambudi ko, bika kiyenge kyeno ki luvutukila. 14Tala ti balutambudi ko mpe babisidi mu luyuwa, duukeeno mu nzo beyoyo hoti mu mbanza beyoyo, na kubuleeno fundu-fundu di mu bitambi byeno. 15Nina luteela ti: mu kilumbu kyaaba mfundusu, bantu bambanza beyoyo baatambula kitumbu kivudidi ngolo na ki mbanza Sodomo na Ngomola.
Mfyetokoso zina kwiza ku mutwala
(Mlk 13.9-13; Luk 21.12-17)
16Meno, nina lutambika bonso mameme ha kati di zingo. Beeno nayelele bonso nyoka, na mpembe bonso mabembe. 17Kebeeno kweno, mu dyambu ti bantu baalunata mu zinzo zi lufundusu, na baaluzuba bikoti mu zinzo zi lusambulu zi Bayudayo. 18Baalunata ha ntadisi yi zintinu na ha ntadisi yi minyaadi mu dyambu dyani, dyaaba hwahwa ku yeno mu nteela kimbangi ha ntadisi awu na ha ntadisi yiyobo balembolo ba Bayudayo. 19Kansi, bu baaluyekola, lukikwamisandi ko mu zaba bwedi lwaazonzila, na nki lwaata, mbo lubaka mu kilokola bekyokyo kwandi mpova zi lwaaduukisa: 20kayeeno ko lwaazonza, kansi ni Mpeve yi Tata eno ya zonza mu yeno.
21Mpangi yaayekola mpangi andi mwanki bamuhonda, na tata waasa bumosi ku mwana andi, baala baanangumukina bibuti byawu, na baabahondisa. 22Bantu bamvimba baalubela mu dyambu di nkumbu ani. Kansi wonso waatatamana natee ku nsukunu, waavuuka. 23Bu baalufyetikisa ku mbanza yimosi, tineeno ku yihiika. Kedika nina luteela ti: Lwaakimanisina mu hyokila mu mbanza zimvimba zi Isaeli ko tekila Mwana Muntu kiza.
24Mulongoki kaahyoka mulongisi andi ko, nakani kisadi kaahyoka mfumu andi ko. 25Bulendi ba ti mulongoki kaba bonso mulongisi andi, na kisadi bonso mfumu andi. Tala ti batumisini mfumu yinzo, Belizebuli, buna bwedi balembolo tukila bantu ba mu nzo andi!
Yondowo wu lufweti tiina
(Luk 12.2-7)
26Lubayenandi bunkuta ko, mu dyambu ti mimvimba mi miswama myaayenika, na mansweki mamvimba maazabakana. 27Mi naluteedidi mu mpimpa, zabikiseeno myo mu mwini, mi balunyungutini ha kutu, longileeno myo ku yulu miludi mi nzo. 28Lubandi na bunkuta ku yobobo bakwe hondanga nitu, kansi balendi honda mwela ko. Mbote muyena bunkuta ku yondowo wulenda honda nitu na mwela, na wulenda tuba byo ku tiya tu mbungulu. 29Kadi bakwe yadikanga maseke mole mu mbongo yi kisengo yimosi ko e? Kansi kunaani dimosi ha kati dyawu dilendi sonoka ha nsi tala ti ka luzolo lu Tata eno ko. 30Lutangu lu milengi lu ku mutu eno lwa nazebi. 31Buna, luyenandi bunkuta ko, luvudidi maseke mamingi mfunu!
Kutambula hoti kubisa Yesu
(Luk 12.8-9)
32Wonso muntu watambula ha meso ma bantu ti yandi mulongoki ani kadi, Meno mpe naamutambula ha ntadisi yi Tata ani wu ku mazulu, 33kansi wonso waambisa ha meso ma bantu, meno mpe naamubisa ha ntadisi di Tata ani wu ku mazulu.
Yesu wuna twala nkabani
(Luk 12.51-53; 14.26-27)
34Luna banza ti meno nayizidi mu lu haana kiyenge ehaha ha butoto: kaani, nayizidi ehaha ha butoto ka mu luhaana kiyenge ko, kansi mvita. 35Nkabani natwedi ha kati di mwana wu bakala na tata andi, mwana wu mukento na ngudi andi, buko bu mukento na kikwezi kyandi ki mukento, 36mboki mutantu aku waaba mwisi nzo aku. 37Wonso waavula tya tata andi hoti ngudi andi kuhyoka meno kafwanani mu ba naani ko, na yondowo wa vula tya mwana andi wu bakala hoti wu mukento kuhyoka meno kafwanani mu ba naani ko. 38Wonso walembolo nanguna kulunsi dyandi mu ndanda, kafwanani mu ba naani ko. 39Wonso muntu waasosa mu vuukisa luzingu lwandi, lwaakahombisa. Kansi yondowo waahombisa luzingu lwandi mu dyambu dyani lwaakavuukisa.
Musendo ku bana tambula Yesu
(Mlk 9.41)
40Wonso muntu waalutambula ntambudi, na tambudi yondowo wu mfidisi. 41Wonso muntu waatambula mumbikudi, mu dyambu ti mumbikudi kadi, waatambula musendo bonso wu mumbikudi, na wonso waatambula muntu wu lunungu ha ntadisi yi Nzambi mu dyambu ti wu lunungu kadi, waatambula musendo bonso muntu wu lunungu. 42Kedika nina luteela: wonso muntu waahaana ka mwa mbungu yi mamba ma kyozi ku mwa baala bafyoti bebaba, mu dyambu ti milongoki myani midi, waatambula musendo andi.»
Currently Selected:
Matayi 10: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 10
10
Zintumwa kumi na zole
(Mlk 3.13-19; Luk 6.12-16)
1Yesu wutumisa kumi na myole yi milongoki myandi, na wubahaana lulendo lwe kuma mpeve zimbi, na mu nyakisa bimbevo na byeta bimvimba. 2Nkumbu zi zintumwa kumi na zole ezi: wuntete Simoni, wukahaana nkumbu yi Petelo na Andele mpangi andi, Zaki na mpangi andi Yoane, baala ba Zebedayi, 3Filipi na Batelemi, Toma na Matayi, kitoti kimpaku, Zaki mwana wu Alefe na Tade, 4Simoni mu-Zeloti na Yuda Isikalyoti, yondowo wuyekola Yesu.
Kisalu ki milongoki kumi na myole
(Mlk 6.7-13; Luk 9.1-6)
5Milongoki kumi na myole bemyomyo, Yesu wubafidisa na wubahaana ndwengosolo ezi: «Lwendandi ku bantu balembolo ba Bayudayo, na lukotandi mu zimbanza zi bisi-Samaliya ko. 6Kansi yendeeno ku mameme mazimbala mu bantu ba-Isaeli. 7Yendeeno, longeeno na teeno ti: “Kimfumu ki mazulu kyeka lukufi!” 8Nyakiseeno bambevo, fulukiseeno bafwa, vediseeno ba na bwazi na kumeeno mpeve zimbi. Baluheeni ka mufuta kima ko, yeno mpe haaneeno ka mulomba kima ko. 9Ka lunatandi mbongo ko, ni zi ba ziwola, zipalata, hoti zinsongo mu melika zeno, 10ka nkutu yi nzyetolo ko, ka binkutu byole ko, ka nsampatu ko, ka muti ko. Mu dyambu ti kisadi fweni baka bindya byandi.
11Mu yonso mbanza hoti bwala bu lwaakota, soseeno mu zaba ti kuu na muntu wulenda lutambula, na beeno mu nzo andi natee kilumbu ki lwaakwenda. 12Bu lwaakota mu nzo, bahaaneeno mbote. 13Tala ti bantu ba nzo beyoyo balutambudi, bika kiyenge kyeno kiba nawu, tala ti balutambudi ko, bika kiyenge kyeno ki luvutukila. 14Tala ti balutambudi ko mpe babisidi mu luyuwa, duukeeno mu nzo beyoyo hoti mu mbanza beyoyo, na kubuleeno fundu-fundu di mu bitambi byeno. 15Nina luteela ti: mu kilumbu kyaaba mfundusu, bantu bambanza beyoyo baatambula kitumbu kivudidi ngolo na ki mbanza Sodomo na Ngomola.
Mfyetokoso zina kwiza ku mutwala
(Mlk 13.9-13; Luk 21.12-17)
16Meno, nina lutambika bonso mameme ha kati di zingo. Beeno nayelele bonso nyoka, na mpembe bonso mabembe. 17Kebeeno kweno, mu dyambu ti bantu baalunata mu zinzo zi lufundusu, na baaluzuba bikoti mu zinzo zi lusambulu zi Bayudayo. 18Baalunata ha ntadisi yi zintinu na ha ntadisi yi minyaadi mu dyambu dyani, dyaaba hwahwa ku yeno mu nteela kimbangi ha ntadisi awu na ha ntadisi yiyobo balembolo ba Bayudayo. 19Kansi, bu baaluyekola, lukikwamisandi ko mu zaba bwedi lwaazonzila, na nki lwaata, mbo lubaka mu kilokola bekyokyo kwandi mpova zi lwaaduukisa: 20kayeeno ko lwaazonza, kansi ni Mpeve yi Tata eno ya zonza mu yeno.
21Mpangi yaayekola mpangi andi mwanki bamuhonda, na tata waasa bumosi ku mwana andi, baala baanangumukina bibuti byawu, na baabahondisa. 22Bantu bamvimba baalubela mu dyambu di nkumbu ani. Kansi wonso waatatamana natee ku nsukunu, waavuuka. 23Bu baalufyetikisa ku mbanza yimosi, tineeno ku yihiika. Kedika nina luteela ti: Lwaakimanisina mu hyokila mu mbanza zimvimba zi Isaeli ko tekila Mwana Muntu kiza.
24Mulongoki kaahyoka mulongisi andi ko, nakani kisadi kaahyoka mfumu andi ko. 25Bulendi ba ti mulongoki kaba bonso mulongisi andi, na kisadi bonso mfumu andi. Tala ti batumisini mfumu yinzo, Belizebuli, buna bwedi balembolo tukila bantu ba mu nzo andi!
Yondowo wu lufweti tiina
(Luk 12.2-7)
26Lubayenandi bunkuta ko, mu dyambu ti mimvimba mi miswama myaayenika, na mansweki mamvimba maazabakana. 27Mi naluteedidi mu mpimpa, zabikiseeno myo mu mwini, mi balunyungutini ha kutu, longileeno myo ku yulu miludi mi nzo. 28Lubandi na bunkuta ku yobobo bakwe hondanga nitu, kansi balendi honda mwela ko. Mbote muyena bunkuta ku yondowo wulenda honda nitu na mwela, na wulenda tuba byo ku tiya tu mbungulu. 29Kadi bakwe yadikanga maseke mole mu mbongo yi kisengo yimosi ko e? Kansi kunaani dimosi ha kati dyawu dilendi sonoka ha nsi tala ti ka luzolo lu Tata eno ko. 30Lutangu lu milengi lu ku mutu eno lwa nazebi. 31Buna, luyenandi bunkuta ko, luvudidi maseke mamingi mfunu!
Kutambula hoti kubisa Yesu
(Luk 12.8-9)
32Wonso muntu watambula ha meso ma bantu ti yandi mulongoki ani kadi, Meno mpe naamutambula ha ntadisi yi Tata ani wu ku mazulu, 33kansi wonso waambisa ha meso ma bantu, meno mpe naamubisa ha ntadisi di Tata ani wu ku mazulu.
Yesu wuna twala nkabani
(Luk 12.51-53; 14.26-27)
34Luna banza ti meno nayizidi mu lu haana kiyenge ehaha ha butoto: kaani, nayizidi ehaha ha butoto ka mu luhaana kiyenge ko, kansi mvita. 35Nkabani natwedi ha kati di mwana wu bakala na tata andi, mwana wu mukento na ngudi andi, buko bu mukento na kikwezi kyandi ki mukento, 36mboki mutantu aku waaba mwisi nzo aku. 37Wonso waavula tya tata andi hoti ngudi andi kuhyoka meno kafwanani mu ba naani ko, na yondowo wa vula tya mwana andi wu bakala hoti wu mukento kuhyoka meno kafwanani mu ba naani ko. 38Wonso walembolo nanguna kulunsi dyandi mu ndanda, kafwanani mu ba naani ko. 39Wonso muntu waasosa mu vuukisa luzingu lwandi, lwaakahombisa. Kansi yondowo waahombisa luzingu lwandi mu dyambu dyani lwaakavuukisa.
Musendo ku bana tambula Yesu
(Mlk 9.41)
40Wonso muntu waalutambula ntambudi, na tambudi yondowo wu mfidisi. 41Wonso muntu waatambula mumbikudi, mu dyambu ti mumbikudi kadi, waatambula musendo bonso wu mumbikudi, na wonso waatambula muntu wu lunungu ha ntadisi yi Nzambi mu dyambu ti wu lunungu kadi, waatambula musendo bonso muntu wu lunungu. 42Kedika nina luteela: wonso muntu waahaana ka mwa mbungu yi mamba ma kyozi ku mwa baala bafyoti bebaba, mu dyambu ti milongoki myani midi, waatambula musendo andi.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.