oMatiyu 24
24
Oyi ko kweyi kishi mani
(oMak 13.1-2; oLuka 21.5-6)
1Ni Oyesu sho Ole ko Owuso bita ya ga ni, awogboso webe nu kweyi ba shiyanu ole kpiri. 2Oyesu kadawa mo, <<Ala ma awole ni bagye mani? Nyya kadala okwokwoshi, kpiri ka awikyikpo mani ba wa sa sho okpagye. Oye ya yikweyi koye lo.>>
3Oyesu yagye ikweyi ke Efu ko Ozetu, awogboso wa tanu ishini oyagye fufunu ni kweyi kamo, <<Kadaha, ishi wonya ni awo oza mani ba gbodagye? Aha baya moji agyo oyi ko owowa wo kpo okweyi ki ishi mani?>> 4Oyesu ka da awa mo, <<Ala gbera ela koni ashishe na ka bya ala gowe labi lo. 5Ase nwashika ba wa kpi iye hin, aba kamo, <Ami wo Okristi la.> Aba gyase nwashika egya gowe labi. 6Ala ba pwela kefu kpa amo kefu kpokpo, ala ka yoshi lo. Awoza mani ba gbodagye, oke wo okweyi kese lalo. 7Okpagye oye ba kpefu kpo okpagye oye, obula oye ba kpefu kpo obula oye. Ase ba ngme emye ebebenya kweyi okpagye ya ja jigi-jigi agye gogo-gogo. 8Kpiri ko oza mani wo kwotu ko owe pini yoma.
9<<Ishi oni aba yala dawa shini ana dala egye, kweyi ba yala ngmo, kweyi ananoho ba yanya kala ikweyi hin ese mani. 10Ipu kishi oni ase nwashika ba kwikye itikpi sho otuse wa. Ase ba tiyiwa anyi kweyi ba yiyiwa yi ra. 11Awobane ko kame nwashika ba wa, kweyi wa gyase nwashika egya gowe labi. 12Otu bibi ya go ohobu, imu ni ase gbo ikweyi kiyiwa ni ya sha, 13ase ni ke zotu kotata gesese aba ngma nu. 14Kweyi aba tono koshu neshi ko Obula ko Owuso ge ebebenya ese mani shini ana pwo, ome ese ya kweyi la.
Owe labi ni yawa ni
(oMak 13.14-23; oLuka 21.20-24)
15<<Ishini ala ba moza kebi ni ya gbodagye ebe neshi ko byebe kyokya wa byoni inobane Odaniyel ka ni, <Inomokpa na gye.> 16Ase ni bo okpagye ko Oyahudiya ni, na nyinya gi ikweyi ke efu. 17Ase ni yi iso ki inu kole nu naka sa wo okpagye zo ojije ipu kole lo. 18Ase ni ye eho naka kwikye ga kpo oshiye nu lo. 19Ishi oni ya labi da anya ni bipu, kpa anya ni bya ayi abo ni! 20Ala tinarigwu shini oza mani naka gbodagye ishi ko oshu kwe, eno ko minyo ka Ase ko Oyahuda lo. 21Ikweyi koni ishi oni aba mo owe labi ni edo nu gbodagye ebibye wa lo bwi ikyikyo kese gbi ishi mani, oza mani ya gbodagye kelo. 22Owoni Owuso bi yi ishi mani shigbo lalo, ashishe bi ya gbo olayi lo. Oya yi ishi mani shigbo ela kawase ni oshu ni. 23<<Ipu ki ishi oni owoni ashe ka dala mo, <Ma, Okristi yoma!> Kwe <Oyoma!> Ala ka kyogwu lo. 24Koni Okristi ko kame kpa awobane ko kame ba wa kpo oyi ba wa yo oza ki igbashi shini ana gya ase egya kawase ni Owuso shu ni owoni aba gege. 25Ma, nyya ka dala hagye ime ona gwudagye.
26<<Owoni aka da ala mo, <Ala ma! Oyo ododa oma, ala ka bose lo; kwe, akamo, <Oyo oda ki ipu,> Ala ka kyogwu lo. 27Byoni ola ka akpula yayu bwa ohanokyi ge enone ni, owowa ko Oyi ka Asuse ya lemani la. 28Ebeni okwu tagye ni pini ayikyefu ba sa anu la.
Owowa ko Oyi ka Asuse.
(oMak 13.24-27; oLuka 21.25-28)
29<<Itikpi ko owe ishi oni, <Ebe ya dibu, oya ya yu lo; inyiwo ba shonu bwo okpowuso, kweyi okpowuso yaja.>
30<<Ishi oni aha ba mo oyi ko owowa ko Oyi ka Asuse bwo okpowuso, kweyi okpagye kpo ose kese mani kpiri ba kyegba. Aba mo Oyi ka Asuse yawa bwi ipu ka akpa kpo oshu kpi igyashi nyakwu ipu ki iye shosha nu. 31Kweyi oya ta ayoleho nu oleho basa bwi iso kpa ajigwo ba ta nwa, kweyi aba kpa awase ni ashu ni gbayi bwagi ene kese mani ga anoni.
Oza fofu ko Oyesu ikweyi ke efu ko Ofigi
(oMak 13.28-31; oLuka 21.29-33)
32<<Ala fela koje ebe ke efu ko Ofig. Ishini ayabo nu ba fefu, ala agye mo, ogwa yo pee. 33Mamani, ishini ala mawoza mani ba gbodagye, ala agye mo ishi oni shishini gbayayi kogya, ko kwotu. 34Nyya ka dala okwokwoshi, ase ki ishi mani ba shigbo lo sa awo oza mani kpiri gbodagye. 35Iso kpo okpagye ya shuga, ela hin ke ya shuga lo.
Ashishe gye eno kwi ishi ko owowa ko Oyesu lo
(oMak 13.32-37; oLuka 17.26-30,34-36)
36<<Ashishe gye eno kwe ishi oni lo, kwa ayoleho ko Owuso ni bi iso ni, kwe Oyi lo, ke sa Ada nu fufunu. 37<<Byoni ogbodagye ishi ko Onuhu ni, mamani oki ya gbodagye ishi ko wowa ko Oyi ka Asuse. 38Ishi oni, ome inyo nawa ye ese re, ase ba roza ba gwinyi. Ango ba gbanya, aba bya anya go oda ko oba, gbi ishini Onuhu gipu ko owu; 39ashishe gyo oza ni ya gbodagye ni lo gbi ishini inyo wa yuwa pe ga. Oya lemani ishini Oyi ka Asuse ya kwikye ya wa ni. 40<<Ishi oni ango epa ba yo oko ipu keho, aba yo oye ya bize ba sho oye bita. 41Anya epa ba akpego ba gboza, aba yo oye bize ba sho oye bita.
42<<Mani oni, ala gbera! Ikweyi koni ala gye eno ni Adole kala ya kwikye ya wa ni lo. 43Nyya yimu shini ala gyo mo: Owoni adole ya gyi ishini owi ya wo ole nu otutehe ko otu ni, obi ya gbeho kole nu, obi ya kyogwu shini owi na go ole nu lo. 44Ikweyi koni ala bagye kpe era. Oyi ka Asuse ya wa ishini ala ba gye lo ni.
Oshe ni gbo otuse kpo oziyi ni
(oLuka 12.41-48)
45<<Anoho wo oshe ni gbo otuse ki ziyi ni, ase ni adole nu ya yo otuso kweyi ki sho ole nu bita danu kweyi kamo na da awo oshe shishini oza rore ipu ki ishi neshi? 46Oya shoshi owoni adole ko oshe mani wa ta anu yo oko nu neshi ishini okwikye wa. 47Nyya ka dala okwokwoshi, oya yo oza ni ogbo ni kpiri yi danu abo. 48Obi ke wo oshe bibi la, obi ya ka ipu ko otu nu mo, <Adole hin ya ga gbeji,> 49Kweyi kwotu ko gwa ashishini ko oshe mani, kweyi bi ya roza ya gwinyi kpa ayi ki inyi. 50Adole ko oshe mani ya wa eno ni oyo otutagye lo kweyi oya wa ishi ni ogye lo ni. 51Adole ko oshe mani bi wa yo shigbo wuru-wuru kweyi yo tagye kpa awoyoziyi, ebe ni aba kyegba ba sha abo ahanu ni.
Currently Selected:
oMatiyu 24: ALA
Highlight
Share
ਕਾਪੀ।
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oMatiyu 24
24
Oyi ko kweyi kishi mani
(oMak 13.1-2; oLuka 21.5-6)
1Ni Oyesu sho Ole ko Owuso bita ya ga ni, awogboso webe nu kweyi ba shiyanu ole kpiri. 2Oyesu kadawa mo, <<Ala ma awole ni bagye mani? Nyya kadala okwokwoshi, kpiri ka awikyikpo mani ba wa sa sho okpagye. Oye ya yikweyi koye lo.>>
3Oyesu yagye ikweyi ke Efu ko Ozetu, awogboso wa tanu ishini oyagye fufunu ni kweyi kamo, <<Kadaha, ishi wonya ni awo oza mani ba gbodagye? Aha baya moji agyo oyi ko owowa wo kpo okweyi ki ishi mani?>> 4Oyesu ka da awa mo, <<Ala gbera ela koni ashishe na ka bya ala gowe labi lo. 5Ase nwashika ba wa kpi iye hin, aba kamo, <Ami wo Okristi la.> Aba gyase nwashika egya gowe labi. 6Ala ba pwela kefu kpa amo kefu kpokpo, ala ka yoshi lo. Awoza mani ba gbodagye, oke wo okweyi kese lalo. 7Okpagye oye ba kpefu kpo okpagye oye, obula oye ba kpefu kpo obula oye. Ase ba ngme emye ebebenya kweyi okpagye ya ja jigi-jigi agye gogo-gogo. 8Kpiri ko oza mani wo kwotu ko owe pini yoma.
9<<Ishi oni aba yala dawa shini ana dala egye, kweyi ba yala ngmo, kweyi ananoho ba yanya kala ikweyi hin ese mani. 10Ipu kishi oni ase nwashika ba kwikye itikpi sho otuse wa. Ase ba tiyiwa anyi kweyi ba yiyiwa yi ra. 11Awobane ko kame nwashika ba wa, kweyi wa gyase nwashika egya gowe labi. 12Otu bibi ya go ohobu, imu ni ase gbo ikweyi kiyiwa ni ya sha, 13ase ni ke zotu kotata gesese aba ngma nu. 14Kweyi aba tono koshu neshi ko Obula ko Owuso ge ebebenya ese mani shini ana pwo, ome ese ya kweyi la.
Owe labi ni yawa ni
(oMak 13.14-23; oLuka 21.20-24)
15<<Ishini ala ba moza kebi ni ya gbodagye ebe neshi ko byebe kyokya wa byoni inobane Odaniyel ka ni, <Inomokpa na gye.> 16Ase ni bo okpagye ko Oyahudiya ni, na nyinya gi ikweyi ke efu. 17Ase ni yi iso ki inu kole nu naka sa wo okpagye zo ojije ipu kole lo. 18Ase ni ye eho naka kwikye ga kpo oshiye nu lo. 19Ishi oni ya labi da anya ni bipu, kpa anya ni bya ayi abo ni! 20Ala tinarigwu shini oza mani naka gbodagye ishi ko oshu kwe, eno ko minyo ka Ase ko Oyahuda lo. 21Ikweyi koni ishi oni aba mo owe labi ni edo nu gbodagye ebibye wa lo bwi ikyikyo kese gbi ishi mani, oza mani ya gbodagye kelo. 22Owoni Owuso bi yi ishi mani shigbo lalo, ashishe bi ya gbo olayi lo. Oya yi ishi mani shigbo ela kawase ni oshu ni. 23<<Ipu ki ishi oni owoni ashe ka dala mo, <Ma, Okristi yoma!> Kwe <Oyoma!> Ala ka kyogwu lo. 24Koni Okristi ko kame kpa awobane ko kame ba wa kpo oyi ba wa yo oza ki igbashi shini ana gya ase egya kawase ni Owuso shu ni owoni aba gege. 25Ma, nyya ka dala hagye ime ona gwudagye.
26<<Owoni aka da ala mo, <Ala ma! Oyo ododa oma, ala ka bose lo; kwe, akamo, <Oyo oda ki ipu,> Ala ka kyogwu lo. 27Byoni ola ka akpula yayu bwa ohanokyi ge enone ni, owowa ko Oyi ka Asuse ya lemani la. 28Ebeni okwu tagye ni pini ayikyefu ba sa anu la.
Owowa ko Oyi ka Asuse.
(oMak 13.24-27; oLuka 21.25-28)
29<<Itikpi ko owe ishi oni, <Ebe ya dibu, oya ya yu lo; inyiwo ba shonu bwo okpowuso, kweyi okpowuso yaja.>
30<<Ishi oni aha ba mo oyi ko owowa ko Oyi ka Asuse bwo okpowuso, kweyi okpagye kpo ose kese mani kpiri ba kyegba. Aba mo Oyi ka Asuse yawa bwi ipu ka akpa kpo oshu kpi igyashi nyakwu ipu ki iye shosha nu. 31Kweyi oya ta ayoleho nu oleho basa bwi iso kpa ajigwo ba ta nwa, kweyi aba kpa awase ni ashu ni gbayi bwagi ene kese mani ga anoni.
Oza fofu ko Oyesu ikweyi ke efu ko Ofigi
(oMak 13.28-31; oLuka 21.29-33)
32<<Ala fela koje ebe ke efu ko Ofig. Ishini ayabo nu ba fefu, ala agye mo, ogwa yo pee. 33Mamani, ishini ala mawoza mani ba gbodagye, ala agye mo ishi oni shishini gbayayi kogya, ko kwotu. 34Nyya ka dala okwokwoshi, ase ki ishi mani ba shigbo lo sa awo oza mani kpiri gbodagye. 35Iso kpo okpagye ya shuga, ela hin ke ya shuga lo.
Ashishe gye eno kwi ishi ko owowa ko Oyesu lo
(oMak 13.32-37; oLuka 17.26-30,34-36)
36<<Ashishe gye eno kwe ishi oni lo, kwa ayoleho ko Owuso ni bi iso ni, kwe Oyi lo, ke sa Ada nu fufunu. 37<<Byoni ogbodagye ishi ko Onuhu ni, mamani oki ya gbodagye ishi ko wowa ko Oyi ka Asuse. 38Ishi oni, ome inyo nawa ye ese re, ase ba roza ba gwinyi. Ango ba gbanya, aba bya anya go oda ko oba, gbi ishini Onuhu gipu ko owu; 39ashishe gyo oza ni ya gbodagye ni lo gbi ishini inyo wa yuwa pe ga. Oya lemani ishini Oyi ka Asuse ya kwikye ya wa ni. 40<<Ishi oni ango epa ba yo oko ipu keho, aba yo oye ya bize ba sho oye bita. 41Anya epa ba akpego ba gboza, aba yo oye bize ba sho oye bita.
42<<Mani oni, ala gbera! Ikweyi koni ala gye eno ni Adole kala ya kwikye ya wa ni lo. 43Nyya yimu shini ala gyo mo: Owoni adole ya gyi ishini owi ya wo ole nu otutehe ko otu ni, obi ya gbeho kole nu, obi ya kyogwu shini owi na go ole nu lo. 44Ikweyi koni ala bagye kpe era. Oyi ka Asuse ya wa ishini ala ba gye lo ni.
Oshe ni gbo otuse kpo oziyi ni
(oLuka 12.41-48)
45<<Anoho wo oshe ni gbo otuse ki ziyi ni, ase ni adole nu ya yo otuso kweyi ki sho ole nu bita danu kweyi kamo na da awo oshe shishini oza rore ipu ki ishi neshi? 46Oya shoshi owoni adole ko oshe mani wa ta anu yo oko nu neshi ishini okwikye wa. 47Nyya ka dala okwokwoshi, oya yo oza ni ogbo ni kpiri yi danu abo. 48Obi ke wo oshe bibi la, obi ya ka ipu ko otu nu mo, <Adole hin ya ga gbeji,> 49Kweyi kwotu ko gwa ashishini ko oshe mani, kweyi bi ya roza ya gwinyi kpa ayi ki inyi. 50Adole ko oshe mani ya wa eno ni oyo otutagye lo kweyi oya wa ishi ni ogye lo ni. 51Adole ko oshe mani bi wa yo shigbo wuru-wuru kweyi yo tagye kpa awoyoziyi, ebe ni aba kyegba ba sha abo ahanu ni.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA