oMatiyu 19
19
Ozafofu ko Oyesu Ikweyi ko Kabo ko onya kpo oba
(oMak 10.1-12)
1Ishini Oyesu kela nu kweyi ni, osho Ogalili bita kweyi go okpagye ko Oyahudiya kweyi Osheyi ki ishu ko Ojoda. 2Ase lewa gboso, kweyi Odawa ase ni gbo ogege lo ni ogege ki ikpiye wa ebeni. 3Ashishini ka Awofarisi wa tanu ko moma, kweyi adoka mo, <<Byoni ono ka aha kani ashoshi koni ase na kabo kpo onyanu ikweyi ko owe nye?>> 4Oyesu kyogwu mo, <<Ala ma ipu ko okpa lo, bwi ikyikyo Owuso yo ongo kpo onya lalo. 5Oki kamo, <Ikweyi koni, ongo ya sha ada nu kpi inanu bita kweyi na gbayi kpo onyanu, shini ana wi ikpiye oye kponu.> 6Bwe ebeni awase epa ke lo, ke wo oye kponu. Ikweyi koni, oza ni Owuso yigbo ashishe naka yiyi lo.>> 7Awofarisi wa do oka mo, <<Ojiya ni Omusa ka bwipu ko ono mo ongo na do onya nu okpa ko wo olobene ko kabo kpo onya nu kweyi mo ona ganu?>> 8Oyesu ka dawa mo, <<Ikweyi ko otu labi kala pini Omusa dala ono mo ala kabo kpa anya kala la. Bwi ikyikyo kese, oke lemani la lo. 9Nyya kadala mo, kpiri kase ni kabo kpo onya nu, owoni akwo ya beba la lo, kweyi ogbo onya oye hoha oya beba pi yoma.>> 10Awogboso do oka mo, <<Owoni omani we ela ebe ko ongo kpo onya nu la, ashoshi she ko gbo onya lo.>> 11Oyesu kyogwu mo, <<Kpiri kase pini ba kyogwu kpe ela mani la lo, sa awase ni Owuso tuwabo. 12Ashishini amuwa aba gba anya lo. Ashishini asuse pini yuwa la, ashishini yimu ko gbo onya lo ikweyi ko Obula ki Iso. Ase ni ya gege ya kyogwu ko lemani na lemani.>>
Oyesu sa ayi le ke abo neshi.
(oMak 10.13-16; oLuka 18.15-17)
13Ebeni abya ayi leke wa do Oyesu shini na suwabo neshi shini na tuwi inarigwu. Awogboso gbawase ni byuwa wani apwo mo ana hagye. 14Oyesu ke ka dawa mo, <<Ala sha ayi leke bita na webe hin, ala ka wuwobi lo, Obula ki Iso wa akakawa la.>> 15Oya abo neshi suwi ikweyi, Oshe ebeni bita.
Isongo ni gbo odu ni
(oMak 10.17-31; oLuka 18.18-30)
16Ongo oye wa to Oyesu kweyi do oka mo, <<Inofoza, oji neshi ni nyyaya shi na pyo olayi ko gbogbo-gbogbo?>> 17Oyesu kyogwu mo, <<Ojiya ni oya doka ko oza ni wo neshi ni? Ashe oye kponu kin pini wo neshi la. Owoni oya yimu ko gbo olayi ko gbogbo-gbogbo, geyagye do ono ko Owuso.>> 18Ongo ni do Oyesu oka mo, <<Olamu wonya?>> Oyesu kyogwu mo, <<Ka ngmase lo, ka beba lo, ka wiyi lo, ka base ela lo, 19geyagye da ada wo kpe ene wo; kweyi ki yimu kase ni yagye kwo byoni oyimu kiyo ni.>> 20Ebeni isongo ka do Oyesu mo, <<Ngeyagye doza mani kpiri wa, oji ki shishini?>> 21Oyesu ka danu mo, <<Owoni oya yimu shini owase neneshi, ga yoza ni ogbo kpiri ni yi ra shini oyi kwiri dawo oleha, shini ogbo odu Iso. Ime shini owa gbosun.>> 22Ishini isongo mani pwo mani ni, oganu kpo otu byobya, koni ogbo odu nwashika ni. 23Oyesu kada awogboso mo, <<Nyya ka dala okwokwoshi, oya lono do olodu ko go Obula ki Iso. 24Nki ya ka dala. Oya shoshi do onyakwimi ko bwowu ko onya, sho olodu ko go Obula ko Owuso.>> 25Ishini awogboso pwo mani ni, igbashi yuwa kwu kpiri kweyi ado oka mo, <<Owoni olemani anoho ni aba ngma nu?>> 26Oyesu tiyi muwa kweyi kamo, <<Ebe ka asuse ke oya lemani lo, ebe ko Owuso ke kpiri ko oza oyagege ko ya.>> 27Obitrus ka danu mo, <<Aha ke shojoji bita kweyi gboso! Oji ni aha ba pye?>> 28Oyesu ka dawa mo, <<Nyya ka dala okwokwoshi, ese ni yawa ni, ishi ni Oyi ka Asuse ya yagye ebe ki igyashi oyi pepe kweyi ebeni ala wo gbosun igwepa ki ba bagye ebe ko kpogwu ki ipwoma ki Izrayila igwepa. 29Kweyi kpiri kase ni sho ole nu bita kwe ayina nu nongo kpa anya kwe ada nu, kwe inanu, kwe ayi nu, kwe eho nu, ikweyi kela hin, oya pyo ole ogbogbo, kweyi ya pyo olayi ko gbogbo-gbogbo. 30Kpiri kase ni ke wa kikyikyo ba wo gwejeji, ko gwejeji ba wa kikyikyo.
Currently Selected:
oMatiyu 19: ALA
Highlight
Share
ਕਾਪੀ।
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oMatiyu 19
19
Ozafofu ko Oyesu Ikweyi ko Kabo ko onya kpo oba
(oMak 10.1-12)
1Ishini Oyesu kela nu kweyi ni, osho Ogalili bita kweyi go okpagye ko Oyahudiya kweyi Osheyi ki ishu ko Ojoda. 2Ase lewa gboso, kweyi Odawa ase ni gbo ogege lo ni ogege ki ikpiye wa ebeni. 3Ashishini ka Awofarisi wa tanu ko moma, kweyi adoka mo, <<Byoni ono ka aha kani ashoshi koni ase na kabo kpo onyanu ikweyi ko owe nye?>> 4Oyesu kyogwu mo, <<Ala ma ipu ko okpa lo, bwi ikyikyo Owuso yo ongo kpo onya lalo. 5Oki kamo, <Ikweyi koni, ongo ya sha ada nu kpi inanu bita kweyi na gbayi kpo onyanu, shini ana wi ikpiye oye kponu.> 6Bwe ebeni awase epa ke lo, ke wo oye kponu. Ikweyi koni, oza ni Owuso yigbo ashishe naka yiyi lo.>> 7Awofarisi wa do oka mo, <<Ojiya ni Omusa ka bwipu ko ono mo ongo na do onya nu okpa ko wo olobene ko kabo kpo onya nu kweyi mo ona ganu?>> 8Oyesu ka dawa mo, <<Ikweyi ko otu labi kala pini Omusa dala ono mo ala kabo kpa anya kala la. Bwi ikyikyo kese, oke lemani la lo. 9Nyya kadala mo, kpiri kase ni kabo kpo onya nu, owoni akwo ya beba la lo, kweyi ogbo onya oye hoha oya beba pi yoma.>> 10Awogboso do oka mo, <<Owoni omani we ela ebe ko ongo kpo onya nu la, ashoshi she ko gbo onya lo.>> 11Oyesu kyogwu mo, <<Kpiri kase pini ba kyogwu kpe ela mani la lo, sa awase ni Owuso tuwabo. 12Ashishini amuwa aba gba anya lo. Ashishini asuse pini yuwa la, ashishini yimu ko gbo onya lo ikweyi ko Obula ki Iso. Ase ni ya gege ya kyogwu ko lemani na lemani.>>
Oyesu sa ayi le ke abo neshi.
(oMak 10.13-16; oLuka 18.15-17)
13Ebeni abya ayi leke wa do Oyesu shini na suwabo neshi shini na tuwi inarigwu. Awogboso gbawase ni byuwa wani apwo mo ana hagye. 14Oyesu ke ka dawa mo, <<Ala sha ayi leke bita na webe hin, ala ka wuwobi lo, Obula ki Iso wa akakawa la.>> 15Oya abo neshi suwi ikweyi, Oshe ebeni bita.
Isongo ni gbo odu ni
(oMak 10.17-31; oLuka 18.18-30)
16Ongo oye wa to Oyesu kweyi do oka mo, <<Inofoza, oji neshi ni nyyaya shi na pyo olayi ko gbogbo-gbogbo?>> 17Oyesu kyogwu mo, <<Ojiya ni oya doka ko oza ni wo neshi ni? Ashe oye kponu kin pini wo neshi la. Owoni oya yimu ko gbo olayi ko gbogbo-gbogbo, geyagye do ono ko Owuso.>> 18Ongo ni do Oyesu oka mo, <<Olamu wonya?>> Oyesu kyogwu mo, <<Ka ngmase lo, ka beba lo, ka wiyi lo, ka base ela lo, 19geyagye da ada wo kpe ene wo; kweyi ki yimu kase ni yagye kwo byoni oyimu kiyo ni.>> 20Ebeni isongo ka do Oyesu mo, <<Ngeyagye doza mani kpiri wa, oji ki shishini?>> 21Oyesu ka danu mo, <<Owoni oya yimu shini owase neneshi, ga yoza ni ogbo kpiri ni yi ra shini oyi kwiri dawo oleha, shini ogbo odu Iso. Ime shini owa gbosun.>> 22Ishini isongo mani pwo mani ni, oganu kpo otu byobya, koni ogbo odu nwashika ni. 23Oyesu kada awogboso mo, <<Nyya ka dala okwokwoshi, oya lono do olodu ko go Obula ki Iso. 24Nki ya ka dala. Oya shoshi do onyakwimi ko bwowu ko onya, sho olodu ko go Obula ko Owuso.>> 25Ishini awogboso pwo mani ni, igbashi yuwa kwu kpiri kweyi ado oka mo, <<Owoni olemani anoho ni aba ngma nu?>> 26Oyesu tiyi muwa kweyi kamo, <<Ebe ka asuse ke oya lemani lo, ebe ko Owuso ke kpiri ko oza oyagege ko ya.>> 27Obitrus ka danu mo, <<Aha ke shojoji bita kweyi gboso! Oji ni aha ba pye?>> 28Oyesu ka dawa mo, <<Nyya ka dala okwokwoshi, ese ni yawa ni, ishi ni Oyi ka Asuse ya yagye ebe ki igyashi oyi pepe kweyi ebeni ala wo gbosun igwepa ki ba bagye ebe ko kpogwu ki ipwoma ki Izrayila igwepa. 29Kweyi kpiri kase ni sho ole nu bita kwe ayina nu nongo kpa anya kwe ada nu, kwe inanu, kwe ayi nu, kwe eho nu, ikweyi kela hin, oya pyo ole ogbogbo, kweyi ya pyo olayi ko gbogbo-gbogbo. 30Kpiri kase ni ke wa kikyikyo ba wo gwejeji, ko gwejeji ba wa kikyikyo.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA