လုကာ 21
21
အခန်း (၂၁)
ဆင်းရဲငဟော့ မုဆိုးမအလှူ
(မာကု ၁၂.၄၁-၄၄)
1အနီပုန်ပိ ကိုယ်တော်လော့ ဂျေရုဆလင်နာအမွက်တွန်နာ ချမ်းသာဟော့ချောင်ငဲ့ယဟော့ အလှူခံသေတ္တာဒိက်ကာ ယနိအလှူဟင်းစဝဟော့ အထိုက်ယဟော့အမှု။ 2ဆင်းရဲဟော့ မုဆိုးမပေန်းနောတ်လော့ဟော တန်ဖိုးအနိုင်းဆုံးဖြစ်ဟော့ ဟင်းစပြားဟိဝဟော့ အလှူခံသေတ္တာဝါအထိုက်ယအမှု။ 3အနီပိစလော့ ကိုယ်တော်လော့ "နီဆင်းရဲဟော့မုဆိုးမဝဟော့ အရာချောင်မနည်းထောက်ကာပိုလော့ အသာလွန်။ 4ချောင်ငဲ့လာ့ ယနိချမ်းသာကြွယ်ဝဝါဟော့ ပိုဟော့အရာဝဲ့နော လှူဒါန်းအလော့သဲ့။ ဆိတ်လော့ဟော နီမုဆိုးလော့သဲ့ ဆင်းရဲလော့ဟောယဝါမွက်ဟော့အရာအားလုံး အလှူဒါန်းမာက်နောအဖြစ်" သိမ်အမိန့်တော်အဟောက်။
ဘုရားကျုံအပျက်စီးရိုင်းအကြောင်းလော့ နောက်ဆုံးအချိန်ကာလ
(မဿဲ ၂၄.၁-၂။ မာကု ၁၃.၁-၂)
5အနီပုန်ပိ ဘုရားကျုံငါဟော့လုံးငဲ့ အရောင်အသွေးဝဲ့ရိုထူးခြားခန့်ညားလော့ လှူဟော့ပစ္စည်းဝဲ့ဟော ကီးကယ်အတင့်တယ်သိမ် ချောင်တချို့လော့ ချီးမွမ်းအလော့ယနိဟောက်။ အနီပိစ ကိုယ်တော်လော့ 6"နောင်နိမှုလာ့ဝဟော့အရာအားလုံးဟော့ပျက်စီးမာက်ကိုင်း။ လုံးတောက်လုံးငေါတ်ပ အရာန်းငါဟော့နေရာဝါ အမွက်ရိုင်ဆိတ်လာ့။ အားလုံးအဖြိုခွန်းအွမ်လာ့ဝိုင်ဟော့အချိန် အဖိုးလူးဝိုင်း" သိမ်အဟောက်။
7တပည့်တော်ဝဲ့လော့ ကိုယ်တော်ဝါ "ဆရာ၊ အနီအရာဝဲ့ ဘောင်းအချိန်ငါအဖြစ်လူးဝိုင်းရိုး။ နီအရာဝဲ့ အဖြစ်လူးဝိုင့်ယဟော့ပိဘောင်းနိမိတ်ကဲ့ သိုင်ပလော့ မမှတ်ခုဝိုင့်ရိုး" သိမ်ယနိစက်။ 8ကိုယ်တော်လော့ "နောင်နိလော့ အရာချောင်ငဲ့လော့ ယနိလှိုင့်အိုင်ရိုင်ယဟော့ ခွန်းအွမ်လာ့ငှားအုံ သတိသောက်အောက်ဘွေ့တို့။ ချောင်ငဲ့လော့ ကေ့အယောင်ဆောင်အလို့ဖိုးလူးလော့ ကေ့ယဟော့ မေရှိယကဖြစ်သိမ် ပဆိတ်အဆိတ်၊ 'အချိန်ငဟော့အဖိုးဝိုင့်ဟီ' သိမ်ယနိဟောက်ဝိုင့်။ အနီချောင်ငဲ့နောက်လိုက်တပည့်ရဲ့ဖြစ်ငှားဝဲ့ဆဲ့။ 9နောင်းနိလော့ စစ်ဖြစ်ဟော့ သတင်းနဲ့၊ တော်လှန်ပုန်ကန်ဟော့သတင်းနဲ့ နောင်နိရောက်လကနို ကေးအေရိုင်တို့။ အနီအဖြစ်အပျက်သဲ့ယဟော့ ကပ်ကမ္ဘာကုန်ဆုံးချိန်အဖိုးမောင်ငို အရာန်အဖြစ်လူးဝိုင့်" သိမ်အဟောက်။ 10အနီပုန်ပိ ကိုယ်တော်လော့ "ချောင်ဗုန်းငေတ်လော့ ဗုန်းငေတ်၊ တစ်နိုင်ငံလော့ တစ်နိုင်ငံ စစ်ယနိဖြစ်သိုင်။ 11နေရာအနှံ့အပြားဝါ ဒီရဲ့ကီးကယ်လူးလော့၊ မအေးအုပ်ဗုန်းငဲ့ ယနိငတ်သိုင်ယဟော့ဝဲ့ အနာရောဂါအဖြစ်သဟော့ဝဲ့ ခွန်းလာ့ဝိုင်။ အာကာပေါ်ဝါ မကေ့ဗုန်း နိမိတ်လက္ခဏာဝဲ့အပေါင်လူးဝိုင့်။ 12ဆိတ်လော့ဟော နီအဖြစ်အပျက်သဲ့ အဖြစ်ငှားမောင်ငို ချောင်ငဲ့လော့ နောင်နိအမမ်းအလော့ ဓမ္မာရုံငဲ့ယာ တရားစီရင်အလော့ ယနိခက်သိုင်။ အပြစ်ပိတ်ခွန်းအွမ်လာ့ဝိုင့်။ နောင်နိယဟော့ ကေ့နှိုးဝို နောက်နိလူးပိကြောင်းငို ရှန်ပလာန်းလော့ အာဏာပိုင်ငဲ့ရှေ့ယာ တရားစွေးနောင်နိခွန်းအွမ်လာ့ဝိုင့်။ 13အနီနည်းရို နောင်နိယဟော့ မင်္ဂလာတရားသတင်းဟော့ ကြေညာဝိုင့်ဟော့ အခွင့်အရေးအဖြစ်လူးဝိုင်း။ 14နီကြောင်းငို ဘောင်းခါ ချေပလာ့ဝိုင့်သိမ်အလုန်ပူဝိုင့်တို့။ 15ပိုင်ကြောင်းငိုဝေါနပါ ရန်သူဝဲ့လော့ညာန်းခုငှားအုံ နောင်းအမှားဝဟော့ထောက်ပြလော့ လော့ငှားအုံ နောင်နိယာ ပညာခွန်အားဝဲ့ ကေ့လော့ကပိတ်ကိုင်း။ 16နောင်နိနူးပိုး၊ သာနောင်၊ မို့ဆိုး၊ ပုတ်ပွေးရဲ့လော့ နောင်နိယာ သစ္စာယနိဖောက်အောက်ကိုင်း။ နောင်နိဒိက်ကာဟော့ တချို့လော့ ကေ့အတောတ်ကြောင်းငို အသုတ်ခွန်းအွမ်လာ့ဝိုင့်။ 17ချောင်တကားလော့ နောင်နိယာ ကေ့နှိုးဝိုနောင်နိတာန်းအွမ်ကြောင်း ယနိမွန်းအွမ်နိုင်။ 18ဆိတ်လော့ဟော နောင်နိအလူဝါ ဟော့ အဆွန်းကာန်ငေတ်ပ အပျက်စီးလာ့ဝိုင့်ဆိတ်က။၊ 19ကေ့အပေါ်ဝါဟော့နောင်းရွမ်အွမ်နောက်ကဟော့နော မြဲမြံအုံခိုက်ဘွေ့တို့။"
ဂျေရုဆလင်မြို့ ဖျက်ဆီးရိုင်းအကြောင်းကြိုလော့အဟောက်ဝဟော့
(မဿဲ ၂၄.၁၅-၂၁။ မာကု ၁၃.၁၄-၁၉)
20"ဂျေရုဆလင်မြို့ဝဟော့ စစ်တပ်ဝဲ့လော့ယနိဝိုင်းယဟော့ အမှုလာ့ကနို အနီမြို့ဝဟော့ အပျက်စီးဝိုင့်ယာ အဖိုးဝိုင့်သိမ် နောင်နိလော့နောင်နိမှတ်လာ့ဝိုင့်။ 21အနီအချိန်အဖိုးလူးကနို ယုဒဒေသဝါ မွက်ဟော့ချောင်ငဲ့ တုံပေါ်ဝါစွန်းဘွေ့တို့။ မြို့ဒိတ်ကာမွက်ဟော့ချောင်ငဲ့ မြို့ကြောင်ငါစိဘွေ့တို့။ တကယ်လော့ မြို့ကြောင်ငါနမွက်ကနို မြို့ဒိက်ကာစိရိုင်တို့။ 22ပိုင်ကြောင်းငိုဝေါနပါ ကျမ်းစိုဝါ ဘုရားရှင်လော့နီမြို့ဝဟော့ အပြစ်ပိတ်ကိုင်းဟော့နှုတ်သဲ့အဖြစ်။ 23အနီချိန်ငါ ကိုယ်ဝန်ဆောင်နှတိုးဝဲ့လော့ ဆမီးစအောင်မွက်ဟော့နှတိုးနူးဝဲ့ အတောတ် အဆိုးဟိုက်ဆုံးငို ယနိခွန်းလာ့ဝိုင့်။ နီကမ္ဘာဒိက်ကာ လင်ဟော့ ဒုက္ခဝဲ့ကျောက်လူးလော့သဲ့ ချောင်ငဲ့ အပေါ်ဝါဟော ဘုရားရှင်လော့ အလုန်ရှေးယဟော့ အကျောက်လူးဝိုင့်။ 24အနိဒိက်ကာဟော့ တချို့လော့ စစ်သည်ရဲ့လော့ စင်နိ အဆို့ကိုက်အခွန်းအွမ်လာ့ဝိုင်။ အရာချောင်ငဲ့ဟော သုံ့ပန်းလှောက်ကာ အရာတိုင်းပြည်ရာ အဘိက်အိပ်ကဟော့ အခွန်းအွမ်လာ့ဝိုင့်။ ချောင်ဗုန်းခြားဝဲ့လော့ ဂျေရုဆလင်မြို့သိမ်းအလော့သဲ့ ယနိခေတ်အပွယ့်ငှားမောင်ငိုအချိန်အထိ ဂျေရုဆလင်မြို့ဝဟော့ အဖိနှိပ်ခံဘဝဝါ ယနိဖိုးလာ့ဝိုင့်။
ချောင်စိုးနော် ပြန်လော့လူးဘော်နုတ်
25နီပေါင်ပိ ကိုယ်တော်လော့ "ခွနီ၊ ချို လော့ ဂြိုဟ်နက္ခတ်တာယာဝါ နိမိတ်လက္ခဏာ ဝဲ့အပေါင်လူးဝိုင့်။ ကမ္ဘာကြီးအုဝတ်လုံးငါ ပါန်လိုင်၊ သမုဒ္ဒရာလှောင်တံပိုး ဝဲ့ကြောင်းငို ချောင်ငဲ့လော့ ဘောင်းခါယနိစိုင်းရိုင်းသိမ် မှတ်ငှားအုံ ယနိကေ့အေရိုင်း။ 26အရာအဖြစ်လူးဝိုင့်ယဟော့အရာဝဲ့ယဟော့ ကြိုတင်စဉ်းစားအလော့ ချောင်ငဲ့လော့ကီးကယ်ကေ့အေအလော့ အားယနိငယ်ရိုင်း။ အာကာဝါဟော့ အာဆေးရဲ့ဟော ပုံမှန်နေရာဝါ မွက်သေးတအုံ ခါလိခါလာအလုပ်အုပ်မာက်ကိုင်း။ 27အနီအရာဝဲ့အဖြစ်ချိန်ငါ ချောင်စိုးနော်ဝဟော့ မိုးရုတ်ဒိက်ကာဟော့ ဘုန်းတန်ခိုးတော်အနတ္တ၊ ဂုဏ်တော်အနတ္တဝဲ့ရို အလူးဝဟော့ ချောင်ငဲ့လော့ ယနိမှုလာ့ဝိုင့်။ 28နီကြောင်းငို နီဆိုးရွားဟော့ နိမိတ်လက္ခဏာဝဲ့ စလော့အဖြစ်လူးဟော့ အချိန်ငါ ဘုရားရှင်လော့ နောင်နိယဟော့ သံသရာဝဋ်ဆင်းရဲယာဟော့ အလို့ရှောက်ကိုင်ကြောင်းငို ယားလော့သဲ့ အလူဝဟော့သောလ်သလော့ အွမ်းဘွေ့တို့" သိမ်အဟောက်တို့။
ပိုင်ပီထိန်းပုံဥပမာ
(မဿဲ ၂၄.၂၉-၃၁။ မာကု ၁၃.၂၄-၂၇)
29အနီပုန်ပိ ကိုယ်တော်လော့ ယနိယာ ပုံဥပမာအုဝတ်တို အဟောက်ပိတ်ကဟော့နပါ "ပိုင်ပီရုံးလော့ အရာထိန်းငဲ့ သိုင်ဘွေ့တို့။ 30အဆေးနိုင်း အရှုလူးဝဟော့ နောင်နိမှုလာ့ကနို ခါလွန်းအဖိုးဟီသိမ် နောင်နိကိုယ်တိုင်လော့ အလိုလိုနောင်နိမှတ်။ 31အနလှောက်ကာ ကေ့လော့ကဟောက်ဝဟော့ အချင်းအရာဝဲ့အဖြစ်လူးဝဟော့ နောင်နိမှုလာ့ကနို နီကမ္ဘာဝါ ဘုရားရှင်သာသနာတော်အဖိုးလူးဝိုင့်ဟီသိမ် နောင်နိလော့မှတ်ဘွေ့တို့။ 32နီလှောက်ကာ အချင်းအရာဝဲ့ အဖြစ်ပုန်စို့အချိန်ထိနီချောင်ဗုန်းငဟော့ အကျုပ်ကိုင်ဆိတ်လာ့။ 33အာကာလော့ ကမ္ဘာ ကဟော့ ထာဝရအမွက်ရိုင်ဆိတ်ငှားလော့ဟော ကေ့လော့ကဟောက်ဝဟော့ပေါလ်ဝဟော့ ထာဝရအမွက်ရိုင်။"
သတိသောက်အောက်ဘွေ့တို့
34"နီကြောင်းငို အေရိုအုပ်ကိုး၊ ဘဝအတောတ်ပူဝေ့ ရို နောင်းအချိန်ငဲ့ ပွယ့်ငှားအုံ သတိရိုဆင်ခြင်ဘွေ့တို့။ အနီကနိုနော အချိန်အပွယ့်ကနိူ နောင်နိအတောတ်ထောင်ချောက်အုဝတ်အဖြစ်လူးဝိုင့်။ 35ပိုင်ကြောင်းငိုဝေါနပါ အနီနှုတ်သဲ့ယဟော့ နီကမ္ဘာပေါ်ဝါ အွမ်းဟော့ ချောင်ငဲ့အားလုံးငါ အသက်ရောက်လူးဝိုင်း။ 36အနီနှုတ်တာ အဖြစ်သိုင်ယာဟော့ လို့လော့သဲ့ ချောင်စိုးနော်ရှေ့ယာ အယားခုဝိုင့်တောတ် အချိန်အမွက်ဆွီ့လွေ့ ဆက်လက်သလော့ ဆုတောင်းအောင်ဘွေ့တို့" သိမ်အဟောက်။ 37အနီပုန်ပိ ကိုယ်တော်ဝဟော့ ဘုရားကျုံငါ အနှုတ်လွန်းနာ တရားတော်ဝဲ့ အဟောတို့။ အညမ်းနာနီး သံလွင်တုံပေါ်ဝါ စိလော့သဲ့အအွမ်း။ 38ချောင်တကားလော့ဟော ကိုယ်တော်တရားဝဲ့အနာအာဝိုင့်တောတ် ဘုရားကျုံငါစောစောယနိလူး။
Currently Selected:
လုကာ 21: CEY
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 21
21
အခန်း (၂၁)
ဆင်းရဲငဟော့ မုဆိုးမအလှူ
(မာကု ၁၂.၄၁-၄၄)
1အနီပုန်ပိ ကိုယ်တော်လော့ ဂျေရုဆလင်နာအမွက်တွန်နာ ချမ်းသာဟော့ချောင်ငဲ့ယဟော့ အလှူခံသေတ္တာဒိက်ကာ ယနိအလှူဟင်းစဝဟော့ အထိုက်ယဟော့အမှု။ 2ဆင်းရဲဟော့ မုဆိုးမပေန်းနောတ်လော့ဟော တန်ဖိုးအနိုင်းဆုံးဖြစ်ဟော့ ဟင်းစပြားဟိဝဟော့ အလှူခံသေတ္တာဝါအထိုက်ယအမှု။ 3အနီပိစလော့ ကိုယ်တော်လော့ "နီဆင်းရဲဟော့မုဆိုးမဝဟော့ အရာချောင်မနည်းထောက်ကာပိုလော့ အသာလွန်။ 4ချောင်ငဲ့လာ့ ယနိချမ်းသာကြွယ်ဝဝါဟော့ ပိုဟော့အရာဝဲ့နော လှူဒါန်းအလော့သဲ့။ ဆိတ်လော့ဟော နီမုဆိုးလော့သဲ့ ဆင်းရဲလော့ဟောယဝါမွက်ဟော့အရာအားလုံး အလှူဒါန်းမာက်နောအဖြစ်" သိမ်အမိန့်တော်အဟောက်။
ဘုရားကျုံအပျက်စီးရိုင်းအကြောင်းလော့ နောက်ဆုံးအချိန်ကာလ
(မဿဲ ၂၄.၁-၂။ မာကု ၁၃.၁-၂)
5အနီပုန်ပိ ဘုရားကျုံငါဟော့လုံးငဲ့ အရောင်အသွေးဝဲ့ရိုထူးခြားခန့်ညားလော့ လှူဟော့ပစ္စည်းဝဲ့ဟော ကီးကယ်အတင့်တယ်သိမ် ချောင်တချို့လော့ ချီးမွမ်းအလော့ယနိဟောက်။ အနီပိစ ကိုယ်တော်လော့ 6"နောင်နိမှုလာ့ဝဟော့အရာအားလုံးဟော့ပျက်စီးမာက်ကိုင်း။ လုံးတောက်လုံးငေါတ်ပ အရာန်းငါဟော့နေရာဝါ အမွက်ရိုင်ဆိတ်လာ့။ အားလုံးအဖြိုခွန်းအွမ်လာ့ဝိုင်ဟော့အချိန် အဖိုးလူးဝိုင်း" သိမ်အဟောက်။
7တပည့်တော်ဝဲ့လော့ ကိုယ်တော်ဝါ "ဆရာ၊ အနီအရာဝဲ့ ဘောင်းအချိန်ငါအဖြစ်လူးဝိုင်းရိုး။ နီအရာဝဲ့ အဖြစ်လူးဝိုင့်ယဟော့ပိဘောင်းနိမိတ်ကဲ့ သိုင်ပလော့ မမှတ်ခုဝိုင့်ရိုး" သိမ်ယနိစက်။ 8ကိုယ်တော်လော့ "နောင်နိလော့ အရာချောင်ငဲ့လော့ ယနိလှိုင့်အိုင်ရိုင်ယဟော့ ခွန်းအွမ်လာ့ငှားအုံ သတိသောက်အောက်ဘွေ့တို့။ ချောင်ငဲ့လော့ ကေ့အယောင်ဆောင်အလို့ဖိုးလူးလော့ ကေ့ယဟော့ မေရှိယကဖြစ်သိမ် ပဆိတ်အဆိတ်၊ 'အချိန်ငဟော့အဖိုးဝိုင့်ဟီ' သိမ်ယနိဟောက်ဝိုင့်။ အနီချောင်ငဲ့နောက်လိုက်တပည့်ရဲ့ဖြစ်ငှားဝဲ့ဆဲ့။ 9နောင်းနိလော့ စစ်ဖြစ်ဟော့ သတင်းနဲ့၊ တော်လှန်ပုန်ကန်ဟော့သတင်းနဲ့ နောင်နိရောက်လကနို ကေးအေရိုင်တို့။ အနီအဖြစ်အပျက်သဲ့ယဟော့ ကပ်ကမ္ဘာကုန်ဆုံးချိန်အဖိုးမောင်ငို အရာန်အဖြစ်လူးဝိုင့်" သိမ်အဟောက်။ 10အနီပုန်ပိ ကိုယ်တော်လော့ "ချောင်ဗုန်းငေတ်လော့ ဗုန်းငေတ်၊ တစ်နိုင်ငံလော့ တစ်နိုင်ငံ စစ်ယနိဖြစ်သိုင်။ 11နေရာအနှံ့အပြားဝါ ဒီရဲ့ကီးကယ်လူးလော့၊ မအေးအုပ်ဗုန်းငဲ့ ယနိငတ်သိုင်ယဟော့ဝဲ့ အနာရောဂါအဖြစ်သဟော့ဝဲ့ ခွန်းလာ့ဝိုင်။ အာကာပေါ်ဝါ မကေ့ဗုန်း နိမိတ်လက္ခဏာဝဲ့အပေါင်လူးဝိုင့်။ 12ဆိတ်လော့ဟော နီအဖြစ်အပျက်သဲ့ အဖြစ်ငှားမောင်ငို ချောင်ငဲ့လော့ နောင်နိအမမ်းအလော့ ဓမ္မာရုံငဲ့ယာ တရားစီရင်အလော့ ယနိခက်သိုင်။ အပြစ်ပိတ်ခွန်းအွမ်လာ့ဝိုင့်။ နောင်နိယဟော့ ကေ့နှိုးဝို နောက်နိလူးပိကြောင်းငို ရှန်ပလာန်းလော့ အာဏာပိုင်ငဲ့ရှေ့ယာ တရားစွေးနောင်နိခွန်းအွမ်လာ့ဝိုင့်။ 13အနီနည်းရို နောင်နိယဟော့ မင်္ဂလာတရားသတင်းဟော့ ကြေညာဝိုင့်ဟော့ အခွင့်အရေးအဖြစ်လူးဝိုင်း။ 14နီကြောင်းငို ဘောင်းခါ ချေပလာ့ဝိုင့်သိမ်အလုန်ပူဝိုင့်တို့။ 15ပိုင်ကြောင်းငိုဝေါနပါ ရန်သူဝဲ့လော့ညာန်းခုငှားအုံ နောင်းအမှားဝဟော့ထောက်ပြလော့ လော့ငှားအုံ နောင်နိယာ ပညာခွန်အားဝဲ့ ကေ့လော့ကပိတ်ကိုင်း။ 16နောင်နိနူးပိုး၊ သာနောင်၊ မို့ဆိုး၊ ပုတ်ပွေးရဲ့လော့ နောင်နိယာ သစ္စာယနိဖောက်အောက်ကိုင်း။ နောင်နိဒိက်ကာဟော့ တချို့လော့ ကေ့အတောတ်ကြောင်းငို အသုတ်ခွန်းအွမ်လာ့ဝိုင့်။ 17ချောင်တကားလော့ နောင်နိယာ ကေ့နှိုးဝိုနောင်နိတာန်းအွမ်ကြောင်း ယနိမွန်းအွမ်နိုင်။ 18ဆိတ်လော့ဟော နောင်နိအလူဝါ ဟော့ အဆွန်းကာန်ငေတ်ပ အပျက်စီးလာ့ဝိုင့်ဆိတ်က။၊ 19ကေ့အပေါ်ဝါဟော့နောင်းရွမ်အွမ်နောက်ကဟော့နော မြဲမြံအုံခိုက်ဘွေ့တို့။"
ဂျေရုဆလင်မြို့ ဖျက်ဆီးရိုင်းအကြောင်းကြိုလော့အဟောက်ဝဟော့
(မဿဲ ၂၄.၁၅-၂၁။ မာကု ၁၃.၁၄-၁၉)
20"ဂျေရုဆလင်မြို့ဝဟော့ စစ်တပ်ဝဲ့လော့ယနိဝိုင်းယဟော့ အမှုလာ့ကနို အနီမြို့ဝဟော့ အပျက်စီးဝိုင့်ယာ အဖိုးဝိုင့်သိမ် နောင်နိလော့နောင်နိမှတ်လာ့ဝိုင့်။ 21အနီအချိန်အဖိုးလူးကနို ယုဒဒေသဝါ မွက်ဟော့ချောင်ငဲ့ တုံပေါ်ဝါစွန်းဘွေ့တို့။ မြို့ဒိတ်ကာမွက်ဟော့ချောင်ငဲ့ မြို့ကြောင်ငါစိဘွေ့တို့။ တကယ်လော့ မြို့ကြောင်ငါနမွက်ကနို မြို့ဒိက်ကာစိရိုင်တို့။ 22ပိုင်ကြောင်းငိုဝေါနပါ ကျမ်းစိုဝါ ဘုရားရှင်လော့နီမြို့ဝဟော့ အပြစ်ပိတ်ကိုင်းဟော့နှုတ်သဲ့အဖြစ်။ 23အနီချိန်ငါ ကိုယ်ဝန်ဆောင်နှတိုးဝဲ့လော့ ဆမီးစအောင်မွက်ဟော့နှတိုးနူးဝဲ့ အတောတ် အဆိုးဟိုက်ဆုံးငို ယနိခွန်းလာ့ဝိုင့်။ နီကမ္ဘာဒိက်ကာ လင်ဟော့ ဒုက္ခဝဲ့ကျောက်လူးလော့သဲ့ ချောင်ငဲ့ အပေါ်ဝါဟော ဘုရားရှင်လော့ အလုန်ရှေးယဟော့ အကျောက်လူးဝိုင့်။ 24အနိဒိက်ကာဟော့ တချို့လော့ စစ်သည်ရဲ့လော့ စင်နိ အဆို့ကိုက်အခွန်းအွမ်လာ့ဝိုင်။ အရာချောင်ငဲ့ဟော သုံ့ပန်းလှောက်ကာ အရာတိုင်းပြည်ရာ အဘိက်အိပ်ကဟော့ အခွန်းအွမ်လာ့ဝိုင့်။ ချောင်ဗုန်းခြားဝဲ့လော့ ဂျေရုဆလင်မြို့သိမ်းအလော့သဲ့ ယနိခေတ်အပွယ့်ငှားမောင်ငိုအချိန်အထိ ဂျေရုဆလင်မြို့ဝဟော့ အဖိနှိပ်ခံဘဝဝါ ယနိဖိုးလာ့ဝိုင့်။
ချောင်စိုးနော် ပြန်လော့လူးဘော်နုတ်
25နီပေါင်ပိ ကိုယ်တော်လော့ "ခွနီ၊ ချို လော့ ဂြိုဟ်နက္ခတ်တာယာဝါ နိမိတ်လက္ခဏာ ဝဲ့အပေါင်လူးဝိုင့်။ ကမ္ဘာကြီးအုဝတ်လုံးငါ ပါန်လိုင်၊ သမုဒ္ဒရာလှောင်တံပိုး ဝဲ့ကြောင်းငို ချောင်ငဲ့လော့ ဘောင်းခါယနိစိုင်းရိုင်းသိမ် မှတ်ငှားအုံ ယနိကေ့အေရိုင်း။ 26အရာအဖြစ်လူးဝိုင့်ယဟော့အရာဝဲ့ယဟော့ ကြိုတင်စဉ်းစားအလော့ ချောင်ငဲ့လော့ကီးကယ်ကေ့အေအလော့ အားယနိငယ်ရိုင်း။ အာကာဝါဟော့ အာဆေးရဲ့ဟော ပုံမှန်နေရာဝါ မွက်သေးတအုံ ခါလိခါလာအလုပ်အုပ်မာက်ကိုင်း။ 27အနီအရာဝဲ့အဖြစ်ချိန်ငါ ချောင်စိုးနော်ဝဟော့ မိုးရုတ်ဒိက်ကာဟော့ ဘုန်းတန်ခိုးတော်အနတ္တ၊ ဂုဏ်တော်အနတ္တဝဲ့ရို အလူးဝဟော့ ချောင်ငဲ့လော့ ယနိမှုလာ့ဝိုင့်။ 28နီကြောင်းငို နီဆိုးရွားဟော့ နိမိတ်လက္ခဏာဝဲ့ စလော့အဖြစ်လူးဟော့ အချိန်ငါ ဘုရားရှင်လော့ နောင်နိယဟော့ သံသရာဝဋ်ဆင်းရဲယာဟော့ အလို့ရှောက်ကိုင်ကြောင်းငို ယားလော့သဲ့ အလူဝဟော့သောလ်သလော့ အွမ်းဘွေ့တို့" သိမ်အဟောက်တို့။
ပိုင်ပီထိန်းပုံဥပမာ
(မဿဲ ၂၄.၂၉-၃၁။ မာကု ၁၃.၂၄-၂၇)
29အနီပုန်ပိ ကိုယ်တော်လော့ ယနိယာ ပုံဥပမာအုဝတ်တို အဟောက်ပိတ်ကဟော့နပါ "ပိုင်ပီရုံးလော့ အရာထိန်းငဲ့ သိုင်ဘွေ့တို့။ 30အဆေးနိုင်း အရှုလူးဝဟော့ နောင်နိမှုလာ့ကနို ခါလွန်းအဖိုးဟီသိမ် နောင်နိကိုယ်တိုင်လော့ အလိုလိုနောင်နိမှတ်။ 31အနလှောက်ကာ ကေ့လော့ကဟောက်ဝဟော့ အချင်းအရာဝဲ့အဖြစ်လူးဝဟော့ နောင်နိမှုလာ့ကနို နီကမ္ဘာဝါ ဘုရားရှင်သာသနာတော်အဖိုးလူးဝိုင့်ဟီသိမ် နောင်နိလော့မှတ်ဘွေ့တို့။ 32နီလှောက်ကာ အချင်းအရာဝဲ့ အဖြစ်ပုန်စို့အချိန်ထိနီချောင်ဗုန်းငဟော့ အကျုပ်ကိုင်ဆိတ်လာ့။ 33အာကာလော့ ကမ္ဘာ ကဟော့ ထာဝရအမွက်ရိုင်ဆိတ်ငှားလော့ဟော ကေ့လော့ကဟောက်ဝဟော့ပေါလ်ဝဟော့ ထာဝရအမွက်ရိုင်။"
သတိသောက်အောက်ဘွေ့တို့
34"နီကြောင်းငို အေရိုအုပ်ကိုး၊ ဘဝအတောတ်ပူဝေ့ ရို နောင်းအချိန်ငဲ့ ပွယ့်ငှားအုံ သတိရိုဆင်ခြင်ဘွေ့တို့။ အနီကနိုနော အချိန်အပွယ့်ကနိူ နောင်နိအတောတ်ထောင်ချောက်အုဝတ်အဖြစ်လူးဝိုင့်။ 35ပိုင်ကြောင်းငိုဝေါနပါ အနီနှုတ်သဲ့ယဟော့ နီကမ္ဘာပေါ်ဝါ အွမ်းဟော့ ချောင်ငဲ့အားလုံးငါ အသက်ရောက်လူးဝိုင်း။ 36အနီနှုတ်တာ အဖြစ်သိုင်ယာဟော့ လို့လော့သဲ့ ချောင်စိုးနော်ရှေ့ယာ အယားခုဝိုင့်တောတ် အချိန်အမွက်ဆွီ့လွေ့ ဆက်လက်သလော့ ဆုတောင်းအောင်ဘွေ့တို့" သိမ်အဟောက်။ 37အနီပုန်ပိ ကိုယ်တော်ဝဟော့ ဘုရားကျုံငါ အနှုတ်လွန်းနာ တရားတော်ဝဲ့ အဟောတို့။ အညမ်းနာနီး သံလွင်တုံပေါ်ဝါ စိလော့သဲ့အအွမ်း။ 38ချောင်တကားလော့ဟော ကိုယ်တော်တရားဝဲ့အနာအာဝိုင့်တောတ် ဘုရားကျုံငါစောစောယနိလူး။
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.