လုကာ 19
19
ကိုယ်တော်ယေရှုလော့ အခွန်ကုတ်ဟော့ချောင်ဇက္ခဲ ငဟော့အခွင့်ငဟော့
1အနီပုန်ပိ ကိုယ်တော်ယေရှုဟော့ ဂျေရိခေါမြို့ဝါဝေါင်းလော့တဲ့ ဖြတ်လော့သဲ့အစိတို့။ 2အနီမြို့ဝါ ဇက္ခဲသိမ်ဟောက်ဟော့ ချောင်ပေန်းနောတ် အအွမ်း။ ယဝဟော့ အခွန်ကုတ်ငဟော့ကောင်းဆောင်ဖြစ်လော့တဲ့ ကီးကယ်အချမ်းသာဟော့ ချောင်ပေန်းနောတ်အဖြစ်။ 3ဇက္ခဲလော့ ကိုယ်တော်ယေရှုနီးသိမ် အခွန်းငှူးကြောင်းငို ကြိုးစားလော့ဟော့ ယဝဟော့ အဒွန်းစွေးကြောင်းငို ချောင်ငဲ့ကျော်လော့ မှုတအုံအအွမ်း။ 4အနီကြောင်းငို ယဝဟော့ ကိုယ်တော်အမှုဝိုင့်တောတ် အရှေ့ပါတ်တို စွန်းလော့သဲ့ ပိုင်ပီထိန်း ကော်လော့တဲ့ အအွမ်းတို့။ ဘယ်သိမ်ကြောင်းငိုဝေါနိုးပုဝါ ကိုယ်တော်ယေရှုငဟော့ နီလောင်းဝိုဖြတ်ဝဲကြောင်းငိုအဖြစ်။ 5ကိုယ်တော်လော့ အနီနေရာဝါအဖိုးပိစ အပုဝါသိုင်လော့သဲ့ "ဇက္ခဲ မြန်မြန်ကွန်းလူးဝဲ့၊ တနှုတ် နောင်းအင်းနာ ကသိုင်အိုင်ရိုင်" သိမ်အမိန့်တော်မူတို့။ 6အနီကြောင်းငို ဇက္ခဲဟော ထိန်းငါဟော့ မြန်မြန်ကွန်းလူးလော့သဲ့ ကိုယ်တော်ယေရှု ပျော်လော့သဲ့ အကြိုဆိုသို့။ 7အနီကြောင်းအရာဝ မှု့ဟော့ ချောင်တကားလော့ "ကိုယ်တော်လော့ အပြစ်ဒုစရိုက်အင်းနာ စိလော့သဲ့ အသိုင်ဝဲတောက်အစိ" သိမ်ယနိဝေဖန်အလော့တဲ့အပြစ်ယနိတောင်းတို့။ 8အနီပိစ ဇက္ခဲလော့ထောန်လော့သဲ့ အရှင်ဝါ "အရှင်ဟင်ဘွေ၊ ကေ့ကပိုင်ငဟော့ တကား ငဟော့ မွက်ငှားဟော့ချောင်ငဲ့ငှာ တဝက်ကခါးပိတ်ကိုင်း။ အနီထောက်ကာ ပေန်းနောတ်ငှာဟော့ မတရားတုံအုံဟလော့ ကကုပ်ကဟော့ အခွန်ဟင်းစထောက်ကာ ဆလှီပိုဟော့ ဟင်းစပြန်လော့ ကအမ်းဘော်ဝိုင်း" သိမ်အလျှောက်တင်တို့။ 9ကိုယ်တော်လော့ ဇက္ခဲဝါ "နီချောင်ငဟော့ အာဗြဟံဗုန်းအဖြစ်ကြောင်းငို တိုဝါဟော့လော့ နောင်းလော့ နောင်းအင်းနာမွက်ဟော့ချောင်တကား ဘုရားရှင်လော့အကယ်တင်ဘော်ဟီ။ 10ချောင်စိုးနော်ဝဟော့ ကျုပ်ဟော့ချောင်ငဲ့ယဟော့ ရွှီလော့သဲ့ အကယ်တင်ရိုင်းတောက် အလူးနော" သိမ်အမိန့်တော်မူတို့။
ဟင်းစဆယ်မိနာ့ ပုံဥပမာ
11ကိုယ်တော်လော့ နီအကြောင်းအရာဝဲ့ယဟော့ ဟင်ဟော့ချောင်ငဲ့ငါ ကိုယ်တော်လော့ ယနိဝါပုံဥပမာအုဝတ်ထောတ်လော့သဲ့ အဟောက်ပိတ်။ ပိုင်ကြောင်းငိုဝေါနပါ ကိုယ်တော်ဝဟော့ ဂျေရုဆလင်မြို့စိမ်းငါ အဖိုးလူးဟီကြောင်းငို ချောင်ငဲ့လော့ ဘုရားရှင်သာသနာတော် ချက်ချင်းအပေါင်လူးဝိုင်းဟီသိမ် ယနိခင်းကြောင်းငိုအဖြစ်။ 12ကိုယ်တော်ယေရှုလော့ "မင်းသားပေါတ်နောတ်ငဟော့ ဘုရင်အဖြစ် အခေါင်းဝဲတောက် အလှိုးနောက်ဒုန်း တိုင်းပြည်ဝါ အစိတို့။ ဆိုချောင်လော့ ထိုအခွင့်အဏာလက်ခံပေါင်ပြီးစလော့ ဘုရင်အဖြစ်အအုပ်ချုပ်ဝဲ့တောက် အင်းနာအပြန်ပေါ်တို့။ 13အလှောက်ကာအစိမောင်ငို ယအစေခံ ပေန်းငှာဘိက်အိပ်လော့သဲ့ ဟင်းစဝဲ့ ပေန်းနောတ်တာ လုပ်အားခနှုတ်ပေါင်းချဝေါတ်စိုင်းလငဟော့ ဟင်းစ တစ်မိနာ့#19.13 ငွေတစ်မိနာ့သည် အလုပ်သမားတစ်ဦး၏ရက်တစ်ရာလုပ်အားခနှင့် ညီမျှသည်။ ပိတ်လော့သဲ့ 'နီဟင်းစ သုံးအုံသလော့ ကေ့ကပြန်ငှားမောင်ငို အထိ စီးပွားရွီဘွေ့တို့' သိမ်အဆိမ်းဟော့။ 14ဆိတ်လော့ဟော အနီတိုင်းပြည်ရာဟော့ ချောင်ငဲ့လော့ ယငဟော့ယနိမွန်းကြောင်းငို ဧကရာဇ်မင်းနာယအနှိုးဝိုသံတမန်တချို့ဝဟော့ လှို့အလော့တဲ့ 'ကနိအအုပ်ချုပ်ကိုင်းတောတ် လိုအိုဝအို့' နိချောင်ငဟော့ ကေ့နိ ဆဗလှန်းအဖြစ်အလှိုအိုမော့ရ။ 15ဆိတ်လော့ဟော ယတိုင်းပြည်ဝါ ဆဗလှန်းအဖြစ်ခေါင်းအောင်လော့တဲ့ ယအင်းနာအပြန်လော့အဖိုးပေါပြီးစလော့။ တောင်ခွန်းအွမ်လာ့လော့သဲ့ ယနိုင်ငံနာ ဆဗလှန်းအဖြစ် ပြန်လူးဘော်လော့ ယအစေခံနဲ့ ယရှေ့ယာ အဘိက်အိပ်ရှောက်။ ယလော့အပိတ်ကဟော့ ဟင်းစဝို စီးပွားပခေ့ အကွယ့်လူးသိမ် အမှတ်ဝိုင့်ကြောင်းငို အဘိတ်အိပ်တို့။ 16ပထမအစေခံလော့ ဖိုးလူးလော့သဲ့ 'အရှင်မင်းကြီး နပိတ်ကဟော့ဟင်းစတစ်မိနာ့ဝဟော့ ကေ့လော့ ဆငှာ ဘောင်းတိုးလူးအုံ စိုင်းဟော့လော့ကသောက်' သိမ်အလျှောက်သင်တို့။ 17ဘုရင်လော့ဟော 'အဘွယ်။ နောင်းငဟော့ စအော်ငဟော့အမှု့ပ သစ္စာမွက်ဟော့ အစေခံနဖြစ်ကြောင်းငို မြို့မြို့ငှာ ဟော့အုပ်ချုပ်ဘွေ' သိမ်အမိန့်ဆိုတို့။ 18ဒုတိယပေန်းနောတ်လော့ဟော 'အရှင်မင်းကြီးလော့နပိတ်ကွက်တာဟော့ ဟင်းစတစ်မိနာ့ဝို ဆငှိုဘောင်း တိုးအုံ ကစိုင်းရွက်' သိမ်အလျှောက်တင်တို့ 19ရှန်ပလာန်းလော့ 'မြို့မြို့ငှို အုပ်ချုပ်ဘွေ' သိမ်အမိန့်တို့။ 20နီပေါင်ပိ အရာပေန်းနောတ်လော့ လူးလော့သဲ့ အရှင်မင်းကြီး 'အရှင်မင်းကြီး၊ နောင်းဟင်းတစ်မီနာ့စ နီရာ။ ကေ့လော့ လက်ကိုင်ပဝါရို စွန်းဟလော့သဲ့ ပေါရာကသောက် သိမ်းအဟောက်တို့။ နီဝါတိုင်ငဲ့။ 21အရှင်မင်းကြီးငဟော့ စည်းကန်းအလင်းဟော့ချောင်ကြောင့်ငို ကေ့လော့ကကေ့ကြောင်းငို တစ်လောက်ကာ ကစိုင်းနိုးအဖြစ် အရှင်မင်းကြီးလော့ ကိုယ်မပိုင်းငှားငဟော့ဟော သိမ်းယူလော့တဲ့ အရှင်မင်းကြီးလော့ ရိတ်သိမ်းဟယ်' သိမ်အလျှောက်တင်တို့။ 22အနီပိစ အရှင်မင်းကြီးလော့ အစေခံနာ 'ပွယ်ငှားဟော့ အစေခံ၊ နောင်းလော့နဟောက်လှောက်ကာ နောင်းကစီရင်နိုင်း။ ကေ့ယဟော့ ကေ့ပိုင်ငှားဟော့ပစ္စည်းငဟော့ လောင်းအောင်ဟော့ချောင်။ ကေ့စို့တအုံ ရမ်းဟယ်ဟော့ချောင်ကဖြစ်ကြောင်းငို ကေ့ယဟော့စည်းကမ်းလင်းဟော့ချောင် ကဖြစ်သိမ်နောင်းလော့ နမှတ်အမှန်ကနို 23ကေ့ဟင်းစဝဟော့ ပိုင်ကြောင်းငိုနော ဟင်းစအတိုးဝိုအပူးဟော့ချောင်ငှာ အွပ်သလော့သောက်ကသိရိုး။ အွပ်သလော့နသောက်ကနို ကေ့ကပြန်လူးဘော်ကနို အရဝဟော့ အတိုးဝိုအတွက်တူဝါ ကေ့လော့ကလာ့အာဝိုင်း' သိမ်အဟောက်။ 24အနီပုန်ပိ ဘုရင်လော့ ဟောနီစိမ်း အရားဟော့ချောင်ငဲ့ဝါ 'ယငှာဟော့ ဟင်းစလောင်းအောင်သလော့သဲ့ ဆငှာပွားဟော့အစေခံနာ ပိတ်ကဲ့တို့' သိမ်အဟောက်တို့။ 25ယနိလော့ဟောဟော 'အရှင်မင်းကြီး၊ ယငွါဟင်းစ ဟင်းစဆယ်မိနာ့အမော့ပြောင်စောင်းအဖြစ်' သိမ်ပြန်လော့ဟောက်တို့။ 26ရှန်ပလာန်းလော့ 'နောင်နိယာ ကေ့လော့ကဟောက်ဝဟော့နပါ၊ အုဝတ်ဟိမွက်လော့ တိုးအုံစိုင်းခုဟော့ချောင်ငါ ပိုလော့ကပိတ်ကိုင်း။ ဆိတ်လော့ဟော နိုက်စအောင်မွက်လော့သဲ့ တိုးအုံစိုင်းခုငှားဟော့ချောင်ငှာဟော့ ယနိယာအမွက်ဟော့ နိုက်စအောင်ပ အသိမ်းအခွန်းအွမ်လာ့ဝိုင်။ 27ကေ့လော့အုပ်ချုပ်ကဟော့ လိုအိုငှားဟော့ကေ့ရန်သူဝဲ့ယဟော့ နီနေရာဝါ ဘိက်အိပ်သလော့သဲ့ ကေ့ရှေ့ယာသုတ်ကဲ့တို့' သိမ်အဟောက်သိမ်" အမိန့်တော်မူတို့။
ကိုယ်တော်ယေရှုငဟော့ ဘုရင်ပါးဝေါတ်လောက်ကာဂျေရုဆလင်မြို့ဝါအဝေါင်းငဟော့
28ကိုယ်တော်လော့ နီလှောက်ကာ အဟောပြောပုန်ပိစ တပည့်တော်ရှေ့ဝါစထုလော့ ဂျေရုဆလင်မြို့ဝါ အကြွလော့တဲ့ အစိတို့။ 29သံလွင်တုံငါစိမ်းငါဟော့ ဗက်ဖာဂေနမ်းလော့ ဗေသနိနမ်းဝါ အဖိုးပိစလော့ ရှေ့ပြေးယာတပည့်တော်ပေန်းဟိငဟော့ ဘိတ်အိပ်လော့တဲ့ 30ကိုယ်တော်လော့ အနီတပည့်ပေန်းဟိယာ "နောင်းဟိ အရှေ့ယာဟော့ နန်းနာစိရဲ့။ နန်းနာနဝေါင်းလော့ နီလော့ဟောစွန်လာ့ဟားဟော့ ဆေးစအောင်ကုန်ငေတ် အနီနေရာဝါ အခွန်းအွမ်နဟော့ နမှုလာ့ဝိုင့်။ အရဝဟော့ ရွေ့ဖြုတ်သလော့သဲ့ ဆေးယဟော့ ကေ့ငှာလူးဘွေ့တို့။ 31ပေန်းနောတ် လော့ 'နောင်းနိပိုင်သိမ်ကြောင်းငိုနော ရွေ့နောင်နိဖြုတ်တဝိုး' သိမ်အစက်ကနို 'အရှင်လော့ အလိုအိုအမွက်' သိမ်ဟောက်ဘွေ့ဟိ" သိမ်အမိန့်တော်မူတို့။ 32တပည့်တော်ပေန်းဟိဟော နန်းဒိက်ကာယဟိဖိုးပိစလော့ ကိုယ်တော်ယေရှုလော့ အဟောက်လှောက်ကာ အနီဆေး စိုးစအောင်ဝဟော့ အနီနေရာဝါ ယဟိခွန်းတို့။ 33ယဟိလော့ ဆေးယဟော့ရွေ့ ယဟိဖြုတ်ပိအမို့ဝဲ့လော့ "နောင်းဟိပိုင်ကြောင်းငိုနော ရွေ့နောင်းဟိဖြုတ်တဝိုး" သိမ်အစက်။ 34ယဟိလော့ဟော "အရဝဟော့ အရှင်လော့ အလိုအပ်ကြောင်းငို အဖြစ်" သိမ်ယဟိဖြေ။ 35နိပေါင်ပိစလေလာ့ ယနိလော့ ဆေးစအော်ငဟော့ လူးပိဟိလော့ အနီမြည်းအလှိမ်းငါ လူးဝတ်သဲ့ ဖို့ပိတ်ဟိလော့ ကိုယ်တော်ဝဟော့မြည်းခုန်းငါ တောင်ပိတ်တို့။ 36ကိုယ်တော်ယေရှုလော့ အနီမြည်းညှောင်းစအောင်စွန်လော့ အစိနောက်ဒွန်းလွန်းနာ အဖိုးပြီစလော့မနဲယဟော့ ကိုယ်တော်ရှေ့ယာ ဝါဟော့လောင်းဝါ ယနိလူးဝတ်တဲ့ ယနိဖို့ပိတ်။ 37ကိုယ်တော်ယေရှု သံလွင်တုံငါဟော့ အကွန်းလွန်း နေရာဝတ်တာ တပည့်တော်အားလုံးငဟော့ ယေရှုလော့အစိုင်းယဟော့ မအံ့ဩဗုန်းအားလုံးအတောတ် ပျော်အလို့သဲ့ ဘုရားရှင်ငဟော့ 38"ဘုရားရှင်နာမတော်ဝိုလူးဟော့ ရှန်ပလာန်းငဟော့ ကချီးမွမ်း။ ရွှေမြို့တော် ငြိမ်းချမ်းဆီးဘွေ့၊ ဘုရားရှင်ဘုန်းတန်ခိုးတော်ဟော ဝါန်ဆီးဘွေ့" သိမ် ပါန်အာန်အိုလော့တဲ့အချီမွမ်းတို့။ 39ချောင်အုပ်ဒိက်ကာဟော့ ဖာရိရှဲ တချို့လော့ ကိုယ်တော်ဝါ "ဆရာဝေါ၊ နောင်းတပည့်တော်ဝဲ့လော့ နီလှောက်ကာအဟောက်ဝဟော့ ရပ်ရှောက်ကဲ့" သိမ်အလျှောက်သင်တို့။ 40အနီပိစ ကိုယ်တော်လော့ ယနိယာ "နောင်နိယာ ကေ့ကဟောက်ဝိုင်၊ တကယ်လော့ နီချောင်ငဲ့လော့ ယနိပါန်အာန်ငဟော့ အရပ်ကနို လုံးသောက်ကဲ့ ယန်ပါန်အာန်ငိုင်" သိမ်အမိန့်တော်မူတို့။
ဂျေရုဆလင်မြို့နိုအိုနောက်ဟော့ ကိုယ်တော်ယေရှ
41အနီပုန်ပိ ကိုယ်တော်လော့ ဂျေရုဆလင်မြို့ စိမ်းငါ ဖိုးလော့သဲ့ မြို့အမှုပိစ အမိက်ခီ ကြောက်တို့။ 42ကိုယ်တော်ယေရှုလော့ "ဂျေရုဆလင်မြိ့သူမြို့သားဝဲ့ ဘောင်းအရာလော့ နောင်းငှာ ငြိမ်းချမ်းရေးအလူးပိသိမ် နောင်နိလော့ အမှတ်ကနိုအဘွေ။ တူဝါ နောင်းနိလော့ ဟောနီအရာငဟော့အမှတ်ခုဝဲဆိတ်သိလ။ 43ဘယ်သိမ်ကြောင်းငိုဝေါနိုးပုဝါ နောင်းရန်သူဝဲ့ယဟော့ နောင်းအတောက်ကိုင်တွက် ဝိုင်းအလော့ အရပ်ရပ်ပေါတ်ထုလော့အတောက်အချိန်ဖိုးလူးဟီ။ 44နီမြို့လော့ မြို့အားလုံးငဟော့ အဆောက်အဦးအားလုံးငဟော့ ဖြို့ခလော့ဖျက်စီးလော့တဲ့ မြို့ဝါချောင်အားလုံးငဟော့ အဒုတ်ဝဲငဟော့အချိန်ဖိုးလူးဝဟီ။ ဘယ်သိမ်ကောင်းငိုဝေါနိုးပုဝါ နောင်နိလော့ ဘုရားရှင်လော့ ကယ်တင်ဝဲငဟော့အလူးဝဲတောက် အချိန်ငဟော့အအကြွလူဝဲငဟော့အချိန်ငဟော့ မှတ်သအွမ်ကြောင့်ငိုအဖြစ်" သိမ်အမိန့်တော်မူတို့။
ကျုံငဟော့ အသန့်ရှင်းရှောက်ကဟော့
45အနီပုန်ပိ ကိုယ်တော်ယေရှုဝဟော့ ဘုရားကျုံခြံဒိက်ကာအဝေါင်းပိစလော့ ကျုံဒိက်ကာဈေးရေ့ဟော့ချောင်ငဲ့ အလှာန်လော့တဲ့ 46"ဘုရားရှင်လော့ 'ကျမ်းစိုဝါ ဘုရားကျုံဒိတ်ငဟော့ ချောင်တိုင်းလော့ ကေ့ဝါအဆုတောင်းနောက်ဒုန်းဖြစ်သိမ် အရေးလော့ဟော' တိုဝါ နောင်နိလော့ ဘုရားကျုံငဟော့ သူခိုး၊ ဓားပြ ယနိဝိန်းအိမ်နောက်ဒွန်းနာနောင်နိဖြစ်ရှောရှား#19.46 ဟေရှာယကျမ်း ၅၆း၇" သိမ်အမိန့်တော်မူတို့။ 47ကိုယ်တော်လော့ ဘုရားကျုံငါ နှုတ်တောင်း တရားတော်ဝဲ့ အဟောဝတ်။ ပုရောဟိတ်အကြီးအကဲရဲ့၊ ကျမ်းဟယ်ဟော့ဆရာငဲ့လော့ ဂျူးခေါင်ငဲ့လော့ ကိုယ်တော်ယနိသုတ်ကိုင် ယနိကြိုးစား။ 48နီပိစလော့ ချောင်ငဲ့လော့ ကိုယ်တော်ယေရှု အမိန့်တော် အမိန့်တော်မူငဟော့ အဟောက်ခူငဟော့ ပေါရာယနိဟင်ကြောင်းငို အစိုင်းခုငဟော့ဟော လအာသိဝအွမ်။
Currently Selected:
လုကာ 19: CEY
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 19
19
ကိုယ်တော်ယေရှုလော့ အခွန်ကုတ်ဟော့ချောင်ဇက္ခဲ ငဟော့အခွင့်ငဟော့
1အနီပုန်ပိ ကိုယ်တော်ယေရှုဟော့ ဂျေရိခေါမြို့ဝါဝေါင်းလော့တဲ့ ဖြတ်လော့သဲ့အစိတို့။ 2အနီမြို့ဝါ ဇက္ခဲသိမ်ဟောက်ဟော့ ချောင်ပေန်းနောတ် အအွမ်း။ ယဝဟော့ အခွန်ကုတ်ငဟော့ကောင်းဆောင်ဖြစ်လော့တဲ့ ကီးကယ်အချမ်းသာဟော့ ချောင်ပေန်းနောတ်အဖြစ်။ 3ဇက္ခဲလော့ ကိုယ်တော်ယေရှုနီးသိမ် အခွန်းငှူးကြောင်းငို ကြိုးစားလော့ဟော့ ယဝဟော့ အဒွန်းစွေးကြောင်းငို ချောင်ငဲ့ကျော်လော့ မှုတအုံအအွမ်း။ 4အနီကြောင်းငို ယဝဟော့ ကိုယ်တော်အမှုဝိုင့်တောတ် အရှေ့ပါတ်တို စွန်းလော့သဲ့ ပိုင်ပီထိန်း ကော်လော့တဲ့ အအွမ်းတို့။ ဘယ်သိမ်ကြောင်းငိုဝေါနိုးပုဝါ ကိုယ်တော်ယေရှုငဟော့ နီလောင်းဝိုဖြတ်ဝဲကြောင်းငိုအဖြစ်။ 5ကိုယ်တော်လော့ အနီနေရာဝါအဖိုးပိစ အပုဝါသိုင်လော့သဲ့ "ဇက္ခဲ မြန်မြန်ကွန်းလူးဝဲ့၊ တနှုတ် နောင်းအင်းနာ ကသိုင်အိုင်ရိုင်" သိမ်အမိန့်တော်မူတို့။ 6အနီကြောင်းငို ဇက္ခဲဟော ထိန်းငါဟော့ မြန်မြန်ကွန်းလူးလော့သဲ့ ကိုယ်တော်ယေရှု ပျော်လော့သဲ့ အကြိုဆိုသို့။ 7အနီကြောင်းအရာဝ မှု့ဟော့ ချောင်တကားလော့ "ကိုယ်တော်လော့ အပြစ်ဒုစရိုက်အင်းနာ စိလော့သဲ့ အသိုင်ဝဲတောက်အစိ" သိမ်ယနိဝေဖန်အလော့တဲ့အပြစ်ယနိတောင်းတို့။ 8အနီပိစ ဇက္ခဲလော့ထောန်လော့သဲ့ အရှင်ဝါ "အရှင်ဟင်ဘွေ၊ ကေ့ကပိုင်ငဟော့ တကား ငဟော့ မွက်ငှားဟော့ချောင်ငဲ့ငှာ တဝက်ကခါးပိတ်ကိုင်း။ အနီထောက်ကာ ပေန်းနောတ်ငှာဟော့ မတရားတုံအုံဟလော့ ကကုပ်ကဟော့ အခွန်ဟင်းစထောက်ကာ ဆလှီပိုဟော့ ဟင်းစပြန်လော့ ကအမ်းဘော်ဝိုင်း" သိမ်အလျှောက်တင်တို့။ 9ကိုယ်တော်လော့ ဇက္ခဲဝါ "နီချောင်ငဟော့ အာဗြဟံဗုန်းအဖြစ်ကြောင်းငို တိုဝါဟော့လော့ နောင်းလော့ နောင်းအင်းနာမွက်ဟော့ချောင်တကား ဘုရားရှင်လော့အကယ်တင်ဘော်ဟီ။ 10ချောင်စိုးနော်ဝဟော့ ကျုပ်ဟော့ချောင်ငဲ့ယဟော့ ရွှီလော့သဲ့ အကယ်တင်ရိုင်းတောက် အလူးနော" သိမ်အမိန့်တော်မူတို့။
ဟင်းစဆယ်မိနာ့ ပုံဥပမာ
11ကိုယ်တော်လော့ နီအကြောင်းအရာဝဲ့ယဟော့ ဟင်ဟော့ချောင်ငဲ့ငါ ကိုယ်တော်လော့ ယနိဝါပုံဥပမာအုဝတ်ထောတ်လော့သဲ့ အဟောက်ပိတ်။ ပိုင်ကြောင်းငိုဝေါနပါ ကိုယ်တော်ဝဟော့ ဂျေရုဆလင်မြို့စိမ်းငါ အဖိုးလူးဟီကြောင်းငို ချောင်ငဲ့လော့ ဘုရားရှင်သာသနာတော် ချက်ချင်းအပေါင်လူးဝိုင်းဟီသိမ် ယနိခင်းကြောင်းငိုအဖြစ်။ 12ကိုယ်တော်ယေရှုလော့ "မင်းသားပေါတ်နောတ်ငဟော့ ဘုရင်အဖြစ် အခေါင်းဝဲတောက် အလှိုးနောက်ဒုန်း တိုင်းပြည်ဝါ အစိတို့။ ဆိုချောင်လော့ ထိုအခွင့်အဏာလက်ခံပေါင်ပြီးစလော့ ဘုရင်အဖြစ်အအုပ်ချုပ်ဝဲ့တောက် အင်းနာအပြန်ပေါ်တို့။ 13အလှောက်ကာအစိမောင်ငို ယအစေခံ ပေန်းငှာဘိက်အိပ်လော့သဲ့ ဟင်းစဝဲ့ ပေန်းနောတ်တာ လုပ်အားခနှုတ်ပေါင်းချဝေါတ်စိုင်းလငဟော့ ဟင်းစ တစ်မိနာ့#19.13 ငွေတစ်မိနာ့သည် အလုပ်သမားတစ်ဦး၏ရက်တစ်ရာလုပ်အားခနှင့် ညီမျှသည်။ ပိတ်လော့သဲ့ 'နီဟင်းစ သုံးအုံသလော့ ကေ့ကပြန်ငှားမောင်ငို အထိ စီးပွားရွီဘွေ့တို့' သိမ်အဆိမ်းဟော့။ 14ဆိတ်လော့ဟော အနီတိုင်းပြည်ရာဟော့ ချောင်ငဲ့လော့ ယငဟော့ယနိမွန်းကြောင်းငို ဧကရာဇ်မင်းနာယအနှိုးဝိုသံတမန်တချို့ဝဟော့ လှို့အလော့တဲ့ 'ကနိအအုပ်ချုပ်ကိုင်းတောတ် လိုအိုဝအို့' နိချောင်ငဟော့ ကေ့နိ ဆဗလှန်းအဖြစ်အလှိုအိုမော့ရ။ 15ဆိတ်လော့ဟော ယတိုင်းပြည်ဝါ ဆဗလှန်းအဖြစ်ခေါင်းအောင်လော့တဲ့ ယအင်းနာအပြန်လော့အဖိုးပေါပြီးစလော့။ တောင်ခွန်းအွမ်လာ့လော့သဲ့ ယနိုင်ငံနာ ဆဗလှန်းအဖြစ် ပြန်လူးဘော်လော့ ယအစေခံနဲ့ ယရှေ့ယာ အဘိက်အိပ်ရှောက်။ ယလော့အပိတ်ကဟော့ ဟင်းစဝို စီးပွားပခေ့ အကွယ့်လူးသိမ် အမှတ်ဝိုင့်ကြောင်းငို အဘိတ်အိပ်တို့။ 16ပထမအစေခံလော့ ဖိုးလူးလော့သဲ့ 'အရှင်မင်းကြီး နပိတ်ကဟော့ဟင်းစတစ်မိနာ့ဝဟော့ ကေ့လော့ ဆငှာ ဘောင်းတိုးလူးအုံ စိုင်းဟော့လော့ကသောက်' သိမ်အလျှောက်သင်တို့။ 17ဘုရင်လော့ဟော 'အဘွယ်။ နောင်းငဟော့ စအော်ငဟော့အမှု့ပ သစ္စာမွက်ဟော့ အစေခံနဖြစ်ကြောင်းငို မြို့မြို့ငှာ ဟော့အုပ်ချုပ်ဘွေ' သိမ်အမိန့်ဆိုတို့။ 18ဒုတိယပေန်းနောတ်လော့ဟော 'အရှင်မင်းကြီးလော့နပိတ်ကွက်တာဟော့ ဟင်းစတစ်မိနာ့ဝို ဆငှိုဘောင်း တိုးအုံ ကစိုင်းရွက်' သိမ်အလျှောက်တင်တို့ 19ရှန်ပလာန်းလော့ 'မြို့မြို့ငှို အုပ်ချုပ်ဘွေ' သိမ်အမိန့်တို့။ 20နီပေါင်ပိ အရာပေန်းနောတ်လော့ လူးလော့သဲ့ အရှင်မင်းကြီး 'အရှင်မင်းကြီး၊ နောင်းဟင်းတစ်မီနာ့စ နီရာ။ ကေ့လော့ လက်ကိုင်ပဝါရို စွန်းဟလော့သဲ့ ပေါရာကသောက် သိမ်းအဟောက်တို့။ နီဝါတိုင်ငဲ့။ 21အရှင်မင်းကြီးငဟော့ စည်းကန်းအလင်းဟော့ချောင်ကြောင့်ငို ကေ့လော့ကကေ့ကြောင်းငို တစ်လောက်ကာ ကစိုင်းနိုးအဖြစ် အရှင်မင်းကြီးလော့ ကိုယ်မပိုင်းငှားငဟော့ဟော သိမ်းယူလော့တဲ့ အရှင်မင်းကြီးလော့ ရိတ်သိမ်းဟယ်' သိမ်အလျှောက်တင်တို့။ 22အနီပိစ အရှင်မင်းကြီးလော့ အစေခံနာ 'ပွယ်ငှားဟော့ အစေခံ၊ နောင်းလော့နဟောက်လှောက်ကာ နောင်းကစီရင်နိုင်း။ ကေ့ယဟော့ ကေ့ပိုင်ငှားဟော့ပစ္စည်းငဟော့ လောင်းအောင်ဟော့ချောင်။ ကေ့စို့တအုံ ရမ်းဟယ်ဟော့ချောင်ကဖြစ်ကြောင်းငို ကေ့ယဟော့စည်းကမ်းလင်းဟော့ချောင် ကဖြစ်သိမ်နောင်းလော့ နမှတ်အမှန်ကနို 23ကေ့ဟင်းစဝဟော့ ပိုင်ကြောင်းငိုနော ဟင်းစအတိုးဝိုအပူးဟော့ချောင်ငှာ အွပ်သလော့သောက်ကသိရိုး။ အွပ်သလော့နသောက်ကနို ကေ့ကပြန်လူးဘော်ကနို အရဝဟော့ အတိုးဝိုအတွက်တူဝါ ကေ့လော့ကလာ့အာဝိုင်း' သိမ်အဟောက်။ 24အနီပုန်ပိ ဘုရင်လော့ ဟောနီစိမ်း အရားဟော့ချောင်ငဲ့ဝါ 'ယငှာဟော့ ဟင်းစလောင်းအောင်သလော့သဲ့ ဆငှာပွားဟော့အစေခံနာ ပိတ်ကဲ့တို့' သိမ်အဟောက်တို့။ 25ယနိလော့ဟောဟော 'အရှင်မင်းကြီး၊ ယငွါဟင်းစ ဟင်းစဆယ်မိနာ့အမော့ပြောင်စောင်းအဖြစ်' သိမ်ပြန်လော့ဟောက်တို့။ 26ရှန်ပလာန်းလော့ 'နောင်နိယာ ကေ့လော့ကဟောက်ဝဟော့နပါ၊ အုဝတ်ဟိမွက်လော့ တိုးအုံစိုင်းခုဟော့ချောင်ငါ ပိုလော့ကပိတ်ကိုင်း။ ဆိတ်လော့ဟော နိုက်စအောင်မွက်လော့သဲ့ တိုးအုံစိုင်းခုငှားဟော့ချောင်ငှာဟော့ ယနိယာအမွက်ဟော့ နိုက်စအောင်ပ အသိမ်းအခွန်းအွမ်လာ့ဝိုင်။ 27ကေ့လော့အုပ်ချုပ်ကဟော့ လိုအိုငှားဟော့ကေ့ရန်သူဝဲ့ယဟော့ နီနေရာဝါ ဘိက်အိပ်သလော့သဲ့ ကေ့ရှေ့ယာသုတ်ကဲ့တို့' သိမ်အဟောက်သိမ်" အမိန့်တော်မူတို့။
ကိုယ်တော်ယေရှုငဟော့ ဘုရင်ပါးဝေါတ်လောက်ကာဂျေရုဆလင်မြို့ဝါအဝေါင်းငဟော့
28ကိုယ်တော်လော့ နီလှောက်ကာ အဟောပြောပုန်ပိစ တပည့်တော်ရှေ့ဝါစထုလော့ ဂျေရုဆလင်မြို့ဝါ အကြွလော့တဲ့ အစိတို့။ 29သံလွင်တုံငါစိမ်းငါဟော့ ဗက်ဖာဂေနမ်းလော့ ဗေသနိနမ်းဝါ အဖိုးပိစလော့ ရှေ့ပြေးယာတပည့်တော်ပေန်းဟိငဟော့ ဘိတ်အိပ်လော့တဲ့ 30ကိုယ်တော်လော့ အနီတပည့်ပေန်းဟိယာ "နောင်းဟိ အရှေ့ယာဟော့ နန်းနာစိရဲ့။ နန်းနာနဝေါင်းလော့ နီလော့ဟောစွန်လာ့ဟားဟော့ ဆေးစအောင်ကုန်ငေတ် အနီနေရာဝါ အခွန်းအွမ်နဟော့ နမှုလာ့ဝိုင့်။ အရဝဟော့ ရွေ့ဖြုတ်သလော့သဲ့ ဆေးယဟော့ ကေ့ငှာလူးဘွေ့တို့။ 31ပေန်းနောတ် လော့ 'နောင်းနိပိုင်သိမ်ကြောင်းငိုနော ရွေ့နောင်နိဖြုတ်တဝိုး' သိမ်အစက်ကနို 'အရှင်လော့ အလိုအိုအမွက်' သိမ်ဟောက်ဘွေ့ဟိ" သိမ်အမိန့်တော်မူတို့။ 32တပည့်တော်ပေန်းဟိဟော နန်းဒိက်ကာယဟိဖိုးပိစလော့ ကိုယ်တော်ယေရှုလော့ အဟောက်လှောက်ကာ အနီဆေး စိုးစအောင်ဝဟော့ အနီနေရာဝါ ယဟိခွန်းတို့။ 33ယဟိလော့ ဆေးယဟော့ရွေ့ ယဟိဖြုတ်ပိအမို့ဝဲ့လော့ "နောင်းဟိပိုင်ကြောင်းငိုနော ရွေ့နောင်းဟိဖြုတ်တဝိုး" သိမ်အစက်။ 34ယဟိလော့ဟော "အရဝဟော့ အရှင်လော့ အလိုအပ်ကြောင်းငို အဖြစ်" သိမ်ယဟိဖြေ။ 35နိပေါင်ပိစလေလာ့ ယနိလော့ ဆေးစအော်ငဟော့ လူးပိဟိလော့ အနီမြည်းအလှိမ်းငါ လူးဝတ်သဲ့ ဖို့ပိတ်ဟိလော့ ကိုယ်တော်ဝဟော့မြည်းခုန်းငါ တောင်ပိတ်တို့။ 36ကိုယ်တော်ယေရှုလော့ အနီမြည်းညှောင်းစအောင်စွန်လော့ အစိနောက်ဒွန်းလွန်းနာ အဖိုးပြီစလော့မနဲယဟော့ ကိုယ်တော်ရှေ့ယာ ဝါဟော့လောင်းဝါ ယနိလူးဝတ်တဲ့ ယနိဖို့ပိတ်။ 37ကိုယ်တော်ယေရှု သံလွင်တုံငါဟော့ အကွန်းလွန်း နေရာဝတ်တာ တပည့်တော်အားလုံးငဟော့ ယေရှုလော့အစိုင်းယဟော့ မအံ့ဩဗုန်းအားလုံးအတောတ် ပျော်အလို့သဲ့ ဘုရားရှင်ငဟော့ 38"ဘုရားရှင်နာမတော်ဝိုလူးဟော့ ရှန်ပလာန်းငဟော့ ကချီးမွမ်း။ ရွှေမြို့တော် ငြိမ်းချမ်းဆီးဘွေ့၊ ဘုရားရှင်ဘုန်းတန်ခိုးတော်ဟော ဝါန်ဆီးဘွေ့" သိမ် ပါန်အာန်အိုလော့တဲ့အချီမွမ်းတို့။ 39ချောင်အုပ်ဒိက်ကာဟော့ ဖာရိရှဲ တချို့လော့ ကိုယ်တော်ဝါ "ဆရာဝေါ၊ နောင်းတပည့်တော်ဝဲ့လော့ နီလှောက်ကာအဟောက်ဝဟော့ ရပ်ရှောက်ကဲ့" သိမ်အလျှောက်သင်တို့။ 40အနီပိစ ကိုယ်တော်လော့ ယနိယာ "နောင်နိယာ ကေ့ကဟောက်ဝိုင်၊ တကယ်လော့ နီချောင်ငဲ့လော့ ယနိပါန်အာန်ငဟော့ အရပ်ကနို လုံးသောက်ကဲ့ ယန်ပါန်အာန်ငိုင်" သိမ်အမိန့်တော်မူတို့။
ဂျေရုဆလင်မြို့နိုအိုနောက်ဟော့ ကိုယ်တော်ယေရှ
41အနီပုန်ပိ ကိုယ်တော်လော့ ဂျေရုဆလင်မြို့ စိမ်းငါ ဖိုးလော့သဲ့ မြို့အမှုပိစ အမိက်ခီ ကြောက်တို့။ 42ကိုယ်တော်ယေရှုလော့ "ဂျေရုဆလင်မြိ့သူမြို့သားဝဲ့ ဘောင်းအရာလော့ နောင်းငှာ ငြိမ်းချမ်းရေးအလူးပိသိမ် နောင်နိလော့ အမှတ်ကနိုအဘွေ။ တူဝါ နောင်းနိလော့ ဟောနီအရာငဟော့အမှတ်ခုဝဲဆိတ်သိလ။ 43ဘယ်သိမ်ကြောင်းငိုဝေါနိုးပုဝါ နောင်းရန်သူဝဲ့ယဟော့ နောင်းအတောက်ကိုင်တွက် ဝိုင်းအလော့ အရပ်ရပ်ပေါတ်ထုလော့အတောက်အချိန်ဖိုးလူးဟီ။ 44နီမြို့လော့ မြို့အားလုံးငဟော့ အဆောက်အဦးအားလုံးငဟော့ ဖြို့ခလော့ဖျက်စီးလော့တဲ့ မြို့ဝါချောင်အားလုံးငဟော့ အဒုတ်ဝဲငဟော့အချိန်ဖိုးလူးဝဟီ။ ဘယ်သိမ်ကောင်းငိုဝေါနိုးပုဝါ နောင်နိလော့ ဘုရားရှင်လော့ ကယ်တင်ဝဲငဟော့အလူးဝဲတောက် အချိန်ငဟော့အအကြွလူဝဲငဟော့အချိန်ငဟော့ မှတ်သအွမ်ကြောင့်ငိုအဖြစ်" သိမ်အမိန့်တော်မူတို့။
ကျုံငဟော့ အသန့်ရှင်းရှောက်ကဟော့
45အနီပုန်ပိ ကိုယ်တော်ယေရှုဝဟော့ ဘုရားကျုံခြံဒိက်ကာအဝေါင်းပိစလော့ ကျုံဒိက်ကာဈေးရေ့ဟော့ချောင်ငဲ့ အလှာန်လော့တဲ့ 46"ဘုရားရှင်လော့ 'ကျမ်းစိုဝါ ဘုရားကျုံဒိတ်ငဟော့ ချောင်တိုင်းလော့ ကေ့ဝါအဆုတောင်းနောက်ဒုန်းဖြစ်သိမ် အရေးလော့ဟော' တိုဝါ နောင်နိလော့ ဘုရားကျုံငဟော့ သူခိုး၊ ဓားပြ ယနိဝိန်းအိမ်နောက်ဒွန်းနာနောင်နိဖြစ်ရှောရှား#19.46 ဟေရှာယကျမ်း ၅၆း၇" သိမ်အမိန့်တော်မူတို့။ 47ကိုယ်တော်လော့ ဘုရားကျုံငါ နှုတ်တောင်း တရားတော်ဝဲ့ အဟောဝတ်။ ပုရောဟိတ်အကြီးအကဲရဲ့၊ ကျမ်းဟယ်ဟော့ဆရာငဲ့လော့ ဂျူးခေါင်ငဲ့လော့ ကိုယ်တော်ယနိသုတ်ကိုင် ယနိကြိုးစား။ 48နီပိစလော့ ချောင်ငဲ့လော့ ကိုယ်တော်ယေရှု အမိန့်တော် အမိန့်တော်မူငဟော့ အဟောက်ခူငဟော့ ပေါရာယနိဟင်ကြောင်းငို အစိုင်းခုငဟော့ဟော လအာသိဝအွမ်။
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.