انجیل متی 18
18
کی پیله اِسه
1اَدمی، شاگرده عیسی وَر بامنده و آپرسسشانه: «آسمانه پادشاهیک کی همانک پیله تره؟» 2عیسی ایگله خُوردنیشی اِشتن وَر داد بِکه، اَ خُوردنش وسطک بنا 3و باتشه: «حقیقتا، شامانه واترم، تا اَدمی که شاما عوض آمَبا و خُوردنان شوار مبا، هرگز آسمانه پادشاهی دله دنشا. 4هر کسی اِشتن اِم خُوردنان شوار فروتن بکَره، آسمانه پادشاهیک همانک پیله تر بی. 5و هر کسی انجوره خُوردنی چِمن نامنه قبول بکره، منش قبول کَردم.
6«امّا هر کسی باعث بیبی که ایگله اِم ویلیانک که من ایمان دارنده گناه بکره، چَرا چاکتره پیله آسیا سِگی اِشتن گردنک دوَنده و اِشتن دریا تانه دلَک درنه و غرق آبی! 7وای به حال اِم دنیا که اِشتن وسوسه‌هاننه مردمه گناک دِرَنه! چون وسوسه هان آیینده، امّا وای به حال اَ کسی که وسوسه باعث بیبی!
8«پس اگم اِشته دَسه یا اِشته لِنگه باعث بییَرییَه ته گناه بکری، اَوه ببر و فرآده، چون اِشته را چاک تره که شل یا لنگ بیبی و اَبدییَه زندگی دله دیشی تا که دو گله دَس و دو گله لنگ بداری و اَبدییَه آتشه دله دگنی. 9و اگم اِشته چشمه باعث بییَریه ته گناه بکری، اَوه بَرآوه و فرآده، چون اِشته را چاک تره که ایگله چشم بداری و ابدیه زندگی دله دیشی تا اِم که دو گله چَشم بداری و جهنمه آتشه دلک دگنی.
عین آبییه پَسان مثال
10«ویراجین ببا که هیچ کامین اِم ویلیان تحقیر مَکرا، چون که شاما نه واترم آسمانک چَوان فرشتَان همیشه چِمن آسمانیه پییر دیمه ویننده. 11چون انسان زا آمییَه که عین آبییَه نجات بدَیه. 12شاما چِه فکری کرا؟ اگم مَردی صد گله پَس بِداره و ایگله اَ پسانک عین آبی، مگم اَ نَوَد و نه گله پَسان کوهک نِنَیه و اَ ایگله پَسه پَشه نیشی که عین آبیا؟ 13حقیقتن، شاما نه واجم، که اگم اَوه پیدا بکره، اَ ایگله پَسه را پِرتر شاد آبی تا اَ نود و نه گله پَسه را که عین آبییه نینده. 14اِنجوره زه، چِمن پییَر گوسه که آسمانکه اِم نی که حتی ایگله اِم ویلیان از دست بیشینده و هلاک بیبینده.
15«اگم اِشته برا اِشته حقک گناه کره، بشه چَه وَر و خلوتک چَه خطا اَوه گوشزد بکه. اگم اِشته لاوشه گوش آدایا، اِشته برار نیار داشته؛ 16امّا اگم اِشته لاوَش گوش آنِدا، ای یا دو نفر علوده اِشتن نه ببه تا هر لاوَیی که بییَره دو یا سُه گله شاهدنه ثابت بیبینده. 17اَگم نگوسشه چَوان لاوَه نی گوش آکره، بشه کلیسانه باج؛ و اگم کلیسا لاوَش نی گوش آنِکه، اَدمی اَوه بت پرست یا باجگیر بزان. 18حقیقتا، شاما نه واترم، که هر چی که زمیک دِوَندا، آسمانک دِوَسَه بی و هر چی که زمیک آکرا، آسمانک آبی. 19اِمه اَز شامانه واجم که اگم شاماک دو نفر زمین سرک ای دل، ای چی ای، آخازا، چِمن آسمانیه په اَوه شاما آدَیه. 20چون هر یاگاک دو نفر یا سُه نفر چِمن نامنه بیدو آبینده، از نی اَگا چوان میانک اِسِم.»
بی‌رحمه نوکره مثال
21هانده پِطرُس بامه عیسیکش آپرسس: «آقا، چند را چِمن برا چِمن حقک گناه بکره، از گه اَوه بِبَخشم؟ هفت را؟» 22عیسی جواوش آدا: «ته نه واترم نه هفت را، بلکم هفتادْ گله هفت را.
23«پس، آسمانه پادشاهی ایگله پادشاهی شواره که تصمیمش کَته اِشتن نوکراننه حساب کتاب بکره. 24وختی شروعش بکه حساب کتابه را، ای نفرشان چوه وَر بوعرده که ای گله کارگره، دیویست هزار سال مزده قَدَر اَوه قرضار به. 25چون اَ مردک نِتانسردشه اِشتن قرضه آدَیه، چَه اربابه دستور بدا که اَ مردکه و چَه زن و چَه خوردنان و چَه تمام مال و ملال نه بخروشنده و چَه قرض اَرَگیرنده. 26اَ نوکر اِشتن اربابه دس پا دگس و مندتنه باتشه: ”من مهلت بده، از اِشته همه‌ی قرضه آگاردنم.“ 27اَ اربابه دله چَوه را بوسوتا و اَ قرضش بِبَخشس و اَوش آزاد بکه. 28امّا وقتی که هه نوکر بَر بَرشه، ایگله اِشتن همکارش وا بینده که ایگله کارگره، سه ماه مزد قدر اَوه قرضدار به. پس اَوش بکت و اِشتن دسنه چَه لوکِش سِخ بدا و اَونه باتشه: ”چِمن قرضه آده!“ 29چَوه همکار چَوه دس و پا دِگس و مندتنه باتشه: ”من مهلت بده اِشته قرضه آگاردنم“ 30امّا اَ قبولش نکه، و تا وقتی که اِشتن قرض آدیه اَوش دِرنده زندان. 31وقتی که مردکه همکاره اِم اتفاقشان بینده، پِر ناراحت آبنده و بشنده اِشتن ارباب، پادشاه وَر و تمام ماجراشان چَوه را تعریف بکه. 32اَدمی ارباب، اَ نوکرش اِشتن وَر داد بکه و باتشه: ”ای بدکاره نوکر، مگم اَز اشته خواهش و تمنا واسنه اِشته تمام قرضم نِبَخشس؟ 33مگم چاک نبه تنین اِشته همکاره رحم بکری، اَجوره که من ته رحم بکه؟“ 34پس ارباب پِر عصبانی آبه، دستورش بدا اَ نوکره زندانک دِرننده و شکنجه بکرنده و تا اَ زمانی که اِشتن قرضه تا قران آخر آمدیه اَوه آزاد مَکرنده. 35چِمن آسمانییَه پِه نی شاما هر کامیننه ایزه رفتار کَره، اگم شاما نی شاما بِرار دلِنه مبخشا.»
Currently Selected:
انجیل متی 18: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل متی 18
18
کی پیله اِسه
1اَدمی، شاگرده عیسی وَر بامنده و آپرسسشانه: «آسمانه پادشاهیک کی همانک پیله تره؟» 2عیسی ایگله خُوردنیشی اِشتن وَر داد بِکه، اَ خُوردنش وسطک بنا 3و باتشه: «حقیقتا، شامانه واترم، تا اَدمی که شاما عوض آمَبا و خُوردنان شوار مبا، هرگز آسمانه پادشاهی دله دنشا. 4هر کسی اِشتن اِم خُوردنان شوار فروتن بکَره، آسمانه پادشاهیک همانک پیله تر بی. 5و هر کسی انجوره خُوردنی چِمن نامنه قبول بکره، منش قبول کَردم.
6«امّا هر کسی باعث بیبی که ایگله اِم ویلیانک که من ایمان دارنده گناه بکره، چَرا چاکتره پیله آسیا سِگی اِشتن گردنک دوَنده و اِشتن دریا تانه دلَک درنه و غرق آبی! 7وای به حال اِم دنیا که اِشتن وسوسه‌هاننه مردمه گناک دِرَنه! چون وسوسه هان آیینده، امّا وای به حال اَ کسی که وسوسه باعث بیبی!
8«پس اگم اِشته دَسه یا اِشته لِنگه باعث بییَرییَه ته گناه بکری، اَوه ببر و فرآده، چون اِشته را چاک تره که شل یا لنگ بیبی و اَبدییَه زندگی دله دیشی تا که دو گله دَس و دو گله لنگ بداری و اَبدییَه آتشه دله دگنی. 9و اگم اِشته چشمه باعث بییَریه ته گناه بکری، اَوه بَرآوه و فرآده، چون اِشته را چاک تره که ایگله چشم بداری و ابدیه زندگی دله دیشی تا اِم که دو گله چَشم بداری و جهنمه آتشه دلک دگنی.
عین آبییه پَسان مثال
10«ویراجین ببا که هیچ کامین اِم ویلیان تحقیر مَکرا، چون که شاما نه واترم آسمانک چَوان فرشتَان همیشه چِمن آسمانیه پییر دیمه ویننده. 11چون انسان زا آمییَه که عین آبییَه نجات بدَیه. 12شاما چِه فکری کرا؟ اگم مَردی صد گله پَس بِداره و ایگله اَ پسانک عین آبی، مگم اَ نَوَد و نه گله پَسان کوهک نِنَیه و اَ ایگله پَسه پَشه نیشی که عین آبیا؟ 13حقیقتن، شاما نه واجم، که اگم اَوه پیدا بکره، اَ ایگله پَسه را پِرتر شاد آبی تا اَ نود و نه گله پَسه را که عین آبییه نینده. 14اِنجوره زه، چِمن پییَر گوسه که آسمانکه اِم نی که حتی ایگله اِم ویلیان از دست بیشینده و هلاک بیبینده.
15«اگم اِشته برا اِشته حقک گناه کره، بشه چَه وَر و خلوتک چَه خطا اَوه گوشزد بکه. اگم اِشته لاوشه گوش آدایا، اِشته برار نیار داشته؛ 16امّا اگم اِشته لاوَش گوش آنِدا، ای یا دو نفر علوده اِشتن نه ببه تا هر لاوَیی که بییَره دو یا سُه گله شاهدنه ثابت بیبینده. 17اَگم نگوسشه چَوان لاوَه نی گوش آکره، بشه کلیسانه باج؛ و اگم کلیسا لاوَش نی گوش آنِکه، اَدمی اَوه بت پرست یا باجگیر بزان. 18حقیقتا، شاما نه واترم، که هر چی که زمیک دِوَندا، آسمانک دِوَسَه بی و هر چی که زمیک آکرا، آسمانک آبی. 19اِمه اَز شامانه واجم که اگم شاماک دو نفر زمین سرک ای دل، ای چی ای، آخازا، چِمن آسمانیه په اَوه شاما آدَیه. 20چون هر یاگاک دو نفر یا سُه نفر چِمن نامنه بیدو آبینده، از نی اَگا چوان میانک اِسِم.»
بی‌رحمه نوکره مثال
21هانده پِطرُس بامه عیسیکش آپرسس: «آقا، چند را چِمن برا چِمن حقک گناه بکره، از گه اَوه بِبَخشم؟ هفت را؟» 22عیسی جواوش آدا: «ته نه واترم نه هفت را، بلکم هفتادْ گله هفت را.
23«پس، آسمانه پادشاهی ایگله پادشاهی شواره که تصمیمش کَته اِشتن نوکراننه حساب کتاب بکره. 24وختی شروعش بکه حساب کتابه را، ای نفرشان چوه وَر بوعرده که ای گله کارگره، دیویست هزار سال مزده قَدَر اَوه قرضار به. 25چون اَ مردک نِتانسردشه اِشتن قرضه آدَیه، چَه اربابه دستور بدا که اَ مردکه و چَه زن و چَه خوردنان و چَه تمام مال و ملال نه بخروشنده و چَه قرض اَرَگیرنده. 26اَ نوکر اِشتن اربابه دس پا دگس و مندتنه باتشه: ”من مهلت بده، از اِشته همه‌ی قرضه آگاردنم.“ 27اَ اربابه دله چَوه را بوسوتا و اَ قرضش بِبَخشس و اَوش آزاد بکه. 28امّا وقتی که هه نوکر بَر بَرشه، ایگله اِشتن همکارش وا بینده که ایگله کارگره، سه ماه مزد قدر اَوه قرضدار به. پس اَوش بکت و اِشتن دسنه چَه لوکِش سِخ بدا و اَونه باتشه: ”چِمن قرضه آده!“ 29چَوه همکار چَوه دس و پا دِگس و مندتنه باتشه: ”من مهلت بده اِشته قرضه آگاردنم“ 30امّا اَ قبولش نکه، و تا وقتی که اِشتن قرض آدیه اَوش دِرنده زندان. 31وقتی که مردکه همکاره اِم اتفاقشان بینده، پِر ناراحت آبنده و بشنده اِشتن ارباب، پادشاه وَر و تمام ماجراشان چَوه را تعریف بکه. 32اَدمی ارباب، اَ نوکرش اِشتن وَر داد بکه و باتشه: ”ای بدکاره نوکر، مگم اَز اشته خواهش و تمنا واسنه اِشته تمام قرضم نِبَخشس؟ 33مگم چاک نبه تنین اِشته همکاره رحم بکری، اَجوره که من ته رحم بکه؟“ 34پس ارباب پِر عصبانی آبه، دستورش بدا اَ نوکره زندانک دِرننده و شکنجه بکرنده و تا اَ زمانی که اِشتن قرضه تا قران آخر آمدیه اَوه آزاد مَکرنده. 35چِمن آسمانییَه پِه نی شاما هر کامیننه ایزه رفتار کَره، اگم شاما نی شاما بِرار دلِنه مبخشا.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company