انجیل لوقا 4
4
عیسی آزمایش بییَن
1عیسی خدا مقدسه روح نه فِت بِه، اُردُن ربارِنه آگردس و خدا مقدسه روح، اَوش ببه بیابان را. 2و اَگاره چهل روج ابلیس عیسیش وَسوَسه هانه آزمایش بکه. اَ چهل روجک عیسی چی ایش نِخه، وختی اَ روجِه اُجَرسنده، عیسی وَشیرش بِه. 3ابلیس اَونَش باته: «اگم ته خدا زایِش، اِم سِگنه باج که نان بیبیه.» 4عیسی جواو بدا: «مقدسه نیویشته انک نیویشته بیه ”که آدَمی فقط نانِنه زنده نی.“»
5ابلیس، عیسیش ببه بلنده یاگایی و ای لحظه دلَک همه‌ی دنیا مَملکتان، عیسیش آمانس 6و اَونش باته: «از همه‌ی اِم مملکتان سلطنت کَردنه و چوه شکوه تِه آدَیم، چون مَنشان آدَیه و از هر کسی که بِگَمه اَوه آدَیم. 7پس اگم ته من سجده بِکَری، همه اِشته کین بی.» 8عیسی جواو بدا: «مقدس نیویشته انک نیویشته بیه که،
«”خداوند، اِشته خدا سجده بکَه و فقط اَوه خدمت بکه.“»
9چاوَش شیطان عیسیش بِبه اورشلیم شهره را، معبده بلنده یاگاکِش بنا و باتشه: «اگم ته خدا زایِش اِشتن یارنه جیرَن جیر. 10چون مقدسه نویشته انک آمییه:
”خدا اِشتن فرشتَه هانَه دستور آدَیه
تا اِشته ویراجین بیبینده.“
11و
”اَوه ته اِشتن دَسان سَرِک نیا دارنده
تا مبادا اِشته لِنگه سگک بگنیَه.“»
12عیسی جواب بدا: «ایزه نی مقدسه نیویشته انک واته بیَه، ”خداوند، اِشته خدا گه امتحان مَکَری.“» 13وختی ابلیس همه‌ی اِم امتحانِش اُوجَردنده، اَوش تا اَلوده فرصتی وِل آکه.
عیسی اِشتن خدمته شروع کَره
14عیسی خدا مقدس روحه قوَت نه آگَردس جَلیل منطقه و چَه خبَر سَر تا سَر اَگارنَک اَپیجس. 15عیسی چَوان عبادتگاه انک درس دِسِه و همه اَوکِشان تعریف کَردِه.
16عیسی بامه ناصره شهری که اَگاره پیله آبییَه بِه، و اَجوره که عیسی عادت به مقدس شنبه روجک بِشه، یهودیان عبادتگاه. و بِهِشت تا خدا کلامه بخوانِه. 17اشَعیای پیغمبر طومارشان اَوه آدا. عیسی طومارشه آکَردا، اَ یاگا ایشی پیدا بکه که نیویشته بیه به:
18«خداونده روح مَنک اِسّه،
چون مَنِش انتخاب کَردم
تا چاکه خبره فقیران آدَیم.
و مَنِش خرسانسِم
تا اَوانی که اَسیرنده را آزادی اعلام بِکَرم.
و کوران را اعلام بِکَرم که هنی وینِنده
و اَوِیی که ظلم کرنده آزاد بکَرم.
19و اعلام بکرم که اَ ساله آرسا که، خداوند انسانه مورد لطف قرار بدیه.»
20چاوَش عیسی طومارشه اَپیجِسا و عبادتگاه خادمش آدایا و بنشته. همه‌ی اَوِیی که عبادتگاک بِنده دِقَت نه اَوه دیَشتَردِنده. 21عیسی اَ موقع اَوانش ایزه باته: «اُری اِم نبوته کلام، که شاما اَشنَوسردرانه، انجام ببه.» 22هَمان چَوه چاکیشان واتَرده و چَه پر برکته لاوَانی که واتردشه، گَرِشان آواج مانده به و واتردشانه: «آیا اِم یوسفه زا نی؟» 23عیسی اَوانَش باته: «شکی ندارم اِم مَثله چِمن را زنا که ”ای طبیب اِشتن شفا بده! اَ چیانی که اَشنوِسَمانه کَفَرناحوم شهرک کَردَره اِنگا نی اَجوره بکه که آما نی بینام.“» 24چاوَش اِدامه آداشه: «حقیقتاً، شاما نَه واجم، هیچ پیغمبری اِشتن زادگاک قبول نیبی. 25ولی مطمئن ببا ایلیا زمانِک، اَ زمانی که آسمان نه سُه سال و نیم واران نِوارِس و سخته قحطی اَ سرزمین همه یاگاک بامه، ویوه زَلی خدا قومک فت به. 26امّا ایلیا هیچ کامین وَر خرسانسه نبه، مگم ویوه زلی وَر که صَرِفَه شهره که صیدون سرزمینک به. 27اِلیشَع ی پیغمبر زمانک نی جذامیان خدا قومک فِت بنده، ولی هیچ کامین جذام شفاش نِکت، مگم نَعمان که سوریه ایانک به.» 28اَ موقع همه‌‌ي اَوانی که یهودیان عبادتگاک بِنده، اِم لاوَان اَشنَوسننه عصبانی ببنده 29اَوه بِهِشتنده، عیسی شان شهرنه بَرکَرده و ببردِشانه کوه تُکه سَرک، که شهر چَه سَرک بِنا به، تا صخره سرنه جیرَنندش جیر. 30امّا عیسی چَوان وَسطنَه اِوَرد و اِشتن راه بِشه.
دیوزده مردکه شفا
31چاوَش عیسی کَفَرناحوم نه، شهری که جلیله منطقک به، بشه و مقدسَه شنبه روجِک، مردمش تعلیم دیَرده. 32اَوه چَه تعلیم دییَنک تعجبشان بکه، چون اقتدارنه لاوَش کردرده. 33عبادتگاک، ایگله مردکی اِسّبه که دیو زده به و پلید روحیشی داشته. اَو جِرنَش واتردِه: 34«اِی عیسای ناصری، تِه آمانه چه کار داری؟ آیا آمییِش آما نابود بکری؟ تِه آزانم؛ تِه هَ قدوسی اِسّش که خدا طرفنه آمییِش!» 35ولی عیسی چَرا غِیضِش بکه و باتشه: «صَص مکه چه دِلَنه بُو بر!» اَ موقع اَ دیو، اَ مردکش همان پرانک گِل بیزی و بی اَ که اَوه صدمه بزنه بَرآمه بر. 36مردم همه تعجب کردَردِشانه و هَندیگرنه واتَردشانه: «اِم دَ چه کلامیه؟ چون که اَ اقتدار و قدرتنه ارواح پلیدش دستور دیَرده و اَوه بَر برشیَردنده!» 37اِنجوره به که چَه کاران خبر همه یاگاه اَ نواحی اَپیجِس.
عیسی خیلیان شفا دییَن
38عیسی یهودیان عبادتگاه نه بِشِه شمعون کییَه. شَمعون زن مار، شدیده تَبشی داشتِه. اَوان، عیسی کشان کمک آخاشت. 39اَوین، چه یاگا کفایینه سَرک دو قات آبه و اَ تَب راش تشری بیزی و چوه تَب اُجَرس. اَوَه البَحَل بِهِشتا و اَوانکش پذیرایی بِکه.
40نِمِسیرَه دم، اَوانی که مختلف مریضیان شان داشته، عیسی شان وَر بوعَرد، اَوین چوان گِلَه گِلَه سر، دسش اَنا و شفاش بِدا. 41دیوه نی خیلیانک برآمنده. و جِرَنه واتردشانه: «تِه خدا زایش!» امّا عیسی چَوان راش تَشَر زیَرده و نَشتَردِشه لاوَه بِکرنده چون زانسَردِشانه اَ مسیحه موعوده.
عیسی عبادتگاک تعلیم دیه
42تولی صیبی زو، عیسی بَر بَرشه و بِشه ایگله خلوته یاگایی. مردم چَه پَشه گَرسَردِنده و وختی اَ یاگایی آرسِسنده که عیسی وا به نِگَوسردشانه بَرزِنده اَگاردنه بیشی. 43امّا عیسی اَوانه باته: «از گه خدا پادشاهی خبره علوده شهران را نی آراسِنم، چون اَز اِم کاره را خرسانسَه بییِم.» 44پس یهودیه منطقه عبادتگاهانک موعظه کردردشه.
Currently Selected:
انجیل لوقا 4: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل لوقا 4
4
عیسی آزمایش بییَن
1عیسی خدا مقدسه روح نه فِت بِه، اُردُن ربارِنه آگردس و خدا مقدسه روح، اَوش ببه بیابان را. 2و اَگاره چهل روج ابلیس عیسیش وَسوَسه هانه آزمایش بکه. اَ چهل روجک عیسی چی ایش نِخه، وختی اَ روجِه اُجَرسنده، عیسی وَشیرش بِه. 3ابلیس اَونَش باته: «اگم ته خدا زایِش، اِم سِگنه باج که نان بیبیه.» 4عیسی جواو بدا: «مقدسه نیویشته انک نیویشته بیه ”که آدَمی فقط نانِنه زنده نی.“»
5ابلیس، عیسیش ببه بلنده یاگایی و ای لحظه دلَک همه‌ی دنیا مَملکتان، عیسیش آمانس 6و اَونش باته: «از همه‌ی اِم مملکتان سلطنت کَردنه و چوه شکوه تِه آدَیم، چون مَنشان آدَیه و از هر کسی که بِگَمه اَوه آدَیم. 7پس اگم ته من سجده بِکَری، همه اِشته کین بی.» 8عیسی جواو بدا: «مقدس نیویشته انک نیویشته بیه که،
«”خداوند، اِشته خدا سجده بکَه و فقط اَوه خدمت بکه.“»
9چاوَش شیطان عیسیش بِبه اورشلیم شهره را، معبده بلنده یاگاکِش بنا و باتشه: «اگم ته خدا زایِش اِشتن یارنه جیرَن جیر. 10چون مقدسه نویشته انک آمییه:
”خدا اِشتن فرشتَه هانَه دستور آدَیه
تا اِشته ویراجین بیبینده.“
11و
”اَوه ته اِشتن دَسان سَرِک نیا دارنده
تا مبادا اِشته لِنگه سگک بگنیَه.“»
12عیسی جواب بدا: «ایزه نی مقدسه نیویشته انک واته بیَه، ”خداوند، اِشته خدا گه امتحان مَکَری.“» 13وختی ابلیس همه‌ی اِم امتحانِش اُوجَردنده، اَوش تا اَلوده فرصتی وِل آکه.
عیسی اِشتن خدمته شروع کَره
14عیسی خدا مقدس روحه قوَت نه آگَردس جَلیل منطقه و چَه خبَر سَر تا سَر اَگارنَک اَپیجس. 15عیسی چَوان عبادتگاه انک درس دِسِه و همه اَوکِشان تعریف کَردِه.
16عیسی بامه ناصره شهری که اَگاره پیله آبییَه بِه، و اَجوره که عیسی عادت به مقدس شنبه روجک بِشه، یهودیان عبادتگاه. و بِهِشت تا خدا کلامه بخوانِه. 17اشَعیای پیغمبر طومارشان اَوه آدا. عیسی طومارشه آکَردا، اَ یاگا ایشی پیدا بکه که نیویشته بیه به:
18«خداونده روح مَنک اِسّه،
چون مَنِش انتخاب کَردم
تا چاکه خبره فقیران آدَیم.
و مَنِش خرسانسِم
تا اَوانی که اَسیرنده را آزادی اعلام بِکَرم.
و کوران را اعلام بِکَرم که هنی وینِنده
و اَوِیی که ظلم کرنده آزاد بکَرم.
19و اعلام بکرم که اَ ساله آرسا که، خداوند انسانه مورد لطف قرار بدیه.»
20چاوَش عیسی طومارشه اَپیجِسا و عبادتگاه خادمش آدایا و بنشته. همه‌ی اَوِیی که عبادتگاک بِنده دِقَت نه اَوه دیَشتَردِنده. 21عیسی اَ موقع اَوانش ایزه باته: «اُری اِم نبوته کلام، که شاما اَشنَوسردرانه، انجام ببه.» 22هَمان چَوه چاکیشان واتَرده و چَه پر برکته لاوَانی که واتردشه، گَرِشان آواج مانده به و واتردشانه: «آیا اِم یوسفه زا نی؟» 23عیسی اَوانَش باته: «شکی ندارم اِم مَثله چِمن را زنا که ”ای طبیب اِشتن شفا بده! اَ چیانی که اَشنوِسَمانه کَفَرناحوم شهرک کَردَره اِنگا نی اَجوره بکه که آما نی بینام.“» 24چاوَش اِدامه آداشه: «حقیقتاً، شاما نَه واجم، هیچ پیغمبری اِشتن زادگاک قبول نیبی. 25ولی مطمئن ببا ایلیا زمانِک، اَ زمانی که آسمان نه سُه سال و نیم واران نِوارِس و سخته قحطی اَ سرزمین همه یاگاک بامه، ویوه زَلی خدا قومک فت به. 26امّا ایلیا هیچ کامین وَر خرسانسه نبه، مگم ویوه زلی وَر که صَرِفَه شهره که صیدون سرزمینک به. 27اِلیشَع ی پیغمبر زمانک نی جذامیان خدا قومک فِت بنده، ولی هیچ کامین جذام شفاش نِکت، مگم نَعمان که سوریه ایانک به.» 28اَ موقع همه‌‌ي اَوانی که یهودیان عبادتگاک بِنده، اِم لاوَان اَشنَوسننه عصبانی ببنده 29اَوه بِهِشتنده، عیسی شان شهرنه بَرکَرده و ببردِشانه کوه تُکه سَرک، که شهر چَه سَرک بِنا به، تا صخره سرنه جیرَنندش جیر. 30امّا عیسی چَوان وَسطنَه اِوَرد و اِشتن راه بِشه.
دیوزده مردکه شفا
31چاوَش عیسی کَفَرناحوم نه، شهری که جلیله منطقک به، بشه و مقدسَه شنبه روجِک، مردمش تعلیم دیَرده. 32اَوه چَه تعلیم دییَنک تعجبشان بکه، چون اقتدارنه لاوَش کردرده. 33عبادتگاک، ایگله مردکی اِسّبه که دیو زده به و پلید روحیشی داشته. اَو جِرنَش واتردِه: 34«اِی عیسای ناصری، تِه آمانه چه کار داری؟ آیا آمییِش آما نابود بکری؟ تِه آزانم؛ تِه هَ قدوسی اِسّش که خدا طرفنه آمییِش!» 35ولی عیسی چَرا غِیضِش بکه و باتشه: «صَص مکه چه دِلَنه بُو بر!» اَ موقع اَ دیو، اَ مردکش همان پرانک گِل بیزی و بی اَ که اَوه صدمه بزنه بَرآمه بر. 36مردم همه تعجب کردَردِشانه و هَندیگرنه واتَردشانه: «اِم دَ چه کلامیه؟ چون که اَ اقتدار و قدرتنه ارواح پلیدش دستور دیَرده و اَوه بَر برشیَردنده!» 37اِنجوره به که چَه کاران خبر همه یاگاه اَ نواحی اَپیجِس.
عیسی خیلیان شفا دییَن
38عیسی یهودیان عبادتگاه نه بِشِه شمعون کییَه. شَمعون زن مار، شدیده تَبشی داشتِه. اَوان، عیسی کشان کمک آخاشت. 39اَوین، چه یاگا کفایینه سَرک دو قات آبه و اَ تَب راش تشری بیزی و چوه تَب اُجَرس. اَوَه البَحَل بِهِشتا و اَوانکش پذیرایی بِکه.
40نِمِسیرَه دم، اَوانی که مختلف مریضیان شان داشته، عیسی شان وَر بوعَرد، اَوین چوان گِلَه گِلَه سر، دسش اَنا و شفاش بِدا. 41دیوه نی خیلیانک برآمنده. و جِرَنه واتردشانه: «تِه خدا زایش!» امّا عیسی چَوان راش تَشَر زیَرده و نَشتَردِشه لاوَه بِکرنده چون زانسَردِشانه اَ مسیحه موعوده.
عیسی عبادتگاک تعلیم دیه
42تولی صیبی زو، عیسی بَر بَرشه و بِشه ایگله خلوته یاگایی. مردم چَه پَشه گَرسَردِنده و وختی اَ یاگایی آرسِسنده که عیسی وا به نِگَوسردشانه بَرزِنده اَگاردنه بیشی. 43امّا عیسی اَوانه باته: «از گه خدا پادشاهی خبره علوده شهران را نی آراسِنم، چون اَز اِم کاره را خرسانسَه بییِم.» 44پس یهودیه منطقه عبادتگاهانک موعظه کردردشه.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company