اِنجیلِ مَتّی 16
16
دَرخواس نِشانه آسِمانی
1عُلَمایِ فِرقِه فَریسی و عُلَمایِ فِرقِه صَدوقی عیسی یِه وَر بومَن تا اونه آزمون هَکُنَن. عیسی یه جی بِخَسَّن تا ایتا آسِمانی نِشانه اوشانه نِشان هَدِه. 2عیسی اوشانه باَگوته: «وَقتِ مِهال گونید فَردا هَوا خُجیرِ، ”چون آسِمان سُرخ هیسِه،“ 3وَ صُبِ سَر گونید امروز هوا طوفانی بونه ”چون آسِمان سُرخ و بِیتِه هیسِه“ شما خوب دانید چِطور آسمانِ ظاهِر رِه تعبیر هَکونید، اَمّا نَتَّنید زمانهایِ نشانِه ها رِه تعبیرهَکونید! 4این نَسلِ شَریر و زَناکار نِشانه خَنِن، وَلی نِشانه ایی اوشانه هَدَه نَبونه بِجُز یونِسِ پِیغَمبَرِ نِشانه.» عیسی اینه باَگوته و اوشانه جی سیفا هَبا.
صَدوقیِان و فَریسیِانِ خَمیرمایه
5وَختی شاگِردان دَریایِ اوتَکِه بَرِسیِیَن یاد هَکُردَن خودِشانِه هَمرَه نان هَگیرَن. 6عیسیِ اوشانه باَگوته: «مُواظِب هَبین و عُلَمایِ فَریسی و صَدوقی یه خَمیرمایه جی دوری هَکُنید.» 7شاگِردان خودِشانِه هَمرَه گَب زَنه بان و گونهِ بان: «اَمیی هَمرَه نان نیاردیم.» 8عیسی که اوشانه فِکرِ دانَسِّه باَگوته: «ای سُست ایمانشان چِرا اینه وَسین که نان نِدارین همدیگَرِه هَمرَه باگومَگو کانید؟ 9هَلَه هم نِفَهمِنین؟ یاد هَکُردین چِطور پَنج تا نانِ هَمرَه پَنج هِزار نَفَرِ سیر هَکُردَمِ؟ اون روز چَن تا زَمّیل خوردِه چیزان جَمع هَکُردین؟ 10یا شیمی یادِ جی بَبِردین یِدَفِه دیگه هَفتا نانِ هَمرَه چهار هِزار نَفَرِ سیر هَکُردَم؟ چَن تا زَمّیل خوردِه چیزان جَمع هَکُردین؟ 11چِرا نَتّنین بِفَهمِین که من شیمی هَمرَه نان باره گَب نَزَنَم؟ عُلَمایِ فَریسی و صَدوقیِ یِه خَمیرمایه جی دوری هَکُنید.» 12ایما شاگِردان بِفَهمِسَّن عیسی فَریسیان و صَدوقیِان تَعلیم هَدَن باره هُشدار دَنه، نه نانِ خَمیرمایه جی.
پِطرس اِعتراف کانه که عیسی، مَسیحِ
13وَختی عیسی فیلیپی قیصَریِه منطقه بَرِسییَه، خودشه شاگِردانِ جی بَپُرسیِه: «مَردُم، انسانِ ریکا رِه کی دانَن؟» 14شاگِردان باگوتَن: «بعضیان گونَن یَحیی یه تَعمید دَهندِه ایی. بعضی دیگه گونَن ایلیایِ پِیغَمبَری و بعضیان گونَن اِرمیایِ پِیغَمبَرِ یا ایتا اَز پِیغَمبَرِانی.» 15عیسی اوشانِه باَگوته: «شُما چی گونید؟ شیمی نَظر مَن کییَم؟» 16شَمعون پِطرُس جِواب هَدَه: «تو مَسیحِ موعودی، زندهِ خُدای ریکائی!» 17عیسی شَمعونِ جَواب باَگوته: «اِی شَمعون، یونای ریکا، خوش بِحالِ تو، چون تو اینِ آدِمی جی یاد نِیتی، بلکه می آسِمانی پیَر اونِه تِرِه آشکار هَکوردِه. 18وَ تِرِه گِونَم تو پِطرُسی، یَعنی ”صخرِه،“ وَ مَن این صخرِه یه سَر می کلیسا رِه بَنا کانَم، و هیچ وَخت جَهَنَمِ قُدرَت نَتَّنِه اونه اَز بِین بَبِره. 19آسِمانِ پادشاهِی یه کیلیت شان رِه تِرِه دَنَم. اونچه رِه که تو زَمینِ سَر دَبِدِی، آسِمانِ دِلِه دَبِسِّه بونه و هَر چی زَمینِ سَر واز هَکُنی، آسِمانِ دِلِه واز بونه.» 20ایما عیسی خودشه شاگِردانِ قَدِغَن هَکُردِه هیچکَسِ وَرجه نَگون اون مَسیحِ موعودِ.
عیسی یِه پیشگویی خودشه بَمِردَن و زندهِ هَبوسَّن باره
21مین بعد عیسی خودشه شاگِردانِ گونِه با که اون بایِسّی به اورشَلیم بوشو و اوجِه مَشایخ و مَعبَدِ گَتِ کاهِنان و توراتِ مُعَلِمین جی آزار بِینِه و بَکُشِته هَبو، وَ سِوّمین روز دِلِه زندهِ هَبو. 22ولی پِطرُس عیسی رِه ایتا گوشِه بَکِشیِیَه و اِعتِراضِ هَمرَه اونه باَگوته: «خدا نَکُنِه آقا! این اتّفاق هیچ وقت تِرِه دَنِکِه.» 23عیسی وَگِرِسِّه پِطرُسِ باَگوته: «رَت هَباش اِی شِیطان! تو می راهِ جُلوه رِه گیرنی و تی فِکر و خیال آدمی یه جیه، نه خُدای جی.»
24ایما عیسی خودشه شاگِردانِ باَگوته: «هر کی بِخواد می دُمّالرو هَبو، بایِّسی خودشه جانِ جی بُگذَرِه و خودشه صَلیبِ هَگیره و می دُمّال بیه. 25چونکه هر کی بِخواد خودشه جان بِدارِه، اونِه اَز دَست دَنه، وَلی هر کی خودشه جان می وَسین فَدا هَکونه، اونِهِ باز بِدَس هارنه. 26اِنسانِ وَسین چِه نَفعی داره تمام دُنیا رِه بِدارِه، وَلی خودشه جان اَز دَست هَدِه؟ چون اون به هیچ قِیمَتی نَتَّنِه خودشه جان پَس هَگیره. 27«چون انسانِ ریکا خودشه پیَرجَلالِ هَمرَه فِرِشتِگانِ هَمرَه هَنه و ایما هَر کَس رِه طِبقِ اونه اَعمال عَوَض دَنه. 28راس راسی شِمِرِه گونَم، بَعضی از ایشان که اَسِه ایجه هیسَن تا انسان ریکا رِه نَینِن که خودِشِه پادشاهیِ دله هَنِه، نَمیرنِن.»
Currently Selected:
اِنجیلِ مَتّی 16: GMB
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
اِنجیلِ مَتّی 16
16
دَرخواس نِشانه آسِمانی
1عُلَمایِ فِرقِه فَریسی و عُلَمایِ فِرقِه صَدوقی عیسی یِه وَر بومَن تا اونه آزمون هَکُنَن. عیسی یه جی بِخَسَّن تا ایتا آسِمانی نِشانه اوشانه نِشان هَدِه. 2عیسی اوشانه باَگوته: «وَقتِ مِهال گونید فَردا هَوا خُجیرِ، ”چون آسِمان سُرخ هیسِه،“ 3وَ صُبِ سَر گونید امروز هوا طوفانی بونه ”چون آسِمان سُرخ و بِیتِه هیسِه“ شما خوب دانید چِطور آسمانِ ظاهِر رِه تعبیر هَکونید، اَمّا نَتَّنید زمانهایِ نشانِه ها رِه تعبیرهَکونید! 4این نَسلِ شَریر و زَناکار نِشانه خَنِن، وَلی نِشانه ایی اوشانه هَدَه نَبونه بِجُز یونِسِ پِیغَمبَرِ نِشانه.» عیسی اینه باَگوته و اوشانه جی سیفا هَبا.
صَدوقیِان و فَریسیِانِ خَمیرمایه
5وَختی شاگِردان دَریایِ اوتَکِه بَرِسیِیَن یاد هَکُردَن خودِشانِه هَمرَه نان هَگیرَن. 6عیسیِ اوشانه باَگوته: «مُواظِب هَبین و عُلَمایِ فَریسی و صَدوقی یه خَمیرمایه جی دوری هَکُنید.» 7شاگِردان خودِشانِه هَمرَه گَب زَنه بان و گونهِ بان: «اَمیی هَمرَه نان نیاردیم.» 8عیسی که اوشانه فِکرِ دانَسِّه باَگوته: «ای سُست ایمانشان چِرا اینه وَسین که نان نِدارین همدیگَرِه هَمرَه باگومَگو کانید؟ 9هَلَه هم نِفَهمِنین؟ یاد هَکُردین چِطور پَنج تا نانِ هَمرَه پَنج هِزار نَفَرِ سیر هَکُردَمِ؟ اون روز چَن تا زَمّیل خوردِه چیزان جَمع هَکُردین؟ 10یا شیمی یادِ جی بَبِردین یِدَفِه دیگه هَفتا نانِ هَمرَه چهار هِزار نَفَرِ سیر هَکُردَم؟ چَن تا زَمّیل خوردِه چیزان جَمع هَکُردین؟ 11چِرا نَتّنین بِفَهمِین که من شیمی هَمرَه نان باره گَب نَزَنَم؟ عُلَمایِ فَریسی و صَدوقیِ یِه خَمیرمایه جی دوری هَکُنید.» 12ایما شاگِردان بِفَهمِسَّن عیسی فَریسیان و صَدوقیِان تَعلیم هَدَن باره هُشدار دَنه، نه نانِ خَمیرمایه جی.
پِطرس اِعتراف کانه که عیسی، مَسیحِ
13وَختی عیسی فیلیپی قیصَریِه منطقه بَرِسییَه، خودشه شاگِردانِ جی بَپُرسیِه: «مَردُم، انسانِ ریکا رِه کی دانَن؟» 14شاگِردان باگوتَن: «بعضیان گونَن یَحیی یه تَعمید دَهندِه ایی. بعضی دیگه گونَن ایلیایِ پِیغَمبَری و بعضیان گونَن اِرمیایِ پِیغَمبَرِ یا ایتا اَز پِیغَمبَرِانی.» 15عیسی اوشانِه باَگوته: «شُما چی گونید؟ شیمی نَظر مَن کییَم؟» 16شَمعون پِطرُس جِواب هَدَه: «تو مَسیحِ موعودی، زندهِ خُدای ریکائی!» 17عیسی شَمعونِ جَواب باَگوته: «اِی شَمعون، یونای ریکا، خوش بِحالِ تو، چون تو اینِ آدِمی جی یاد نِیتی، بلکه می آسِمانی پیَر اونِه تِرِه آشکار هَکوردِه. 18وَ تِرِه گِونَم تو پِطرُسی، یَعنی ”صخرِه،“ وَ مَن این صخرِه یه سَر می کلیسا رِه بَنا کانَم، و هیچ وَخت جَهَنَمِ قُدرَت نَتَّنِه اونه اَز بِین بَبِره. 19آسِمانِ پادشاهِی یه کیلیت شان رِه تِرِه دَنَم. اونچه رِه که تو زَمینِ سَر دَبِدِی، آسِمانِ دِلِه دَبِسِّه بونه و هَر چی زَمینِ سَر واز هَکُنی، آسِمانِ دِلِه واز بونه.» 20ایما عیسی خودشه شاگِردانِ قَدِغَن هَکُردِه هیچکَسِ وَرجه نَگون اون مَسیحِ موعودِ.
عیسی یِه پیشگویی خودشه بَمِردَن و زندهِ هَبوسَّن باره
21مین بعد عیسی خودشه شاگِردانِ گونِه با که اون بایِسّی به اورشَلیم بوشو و اوجِه مَشایخ و مَعبَدِ گَتِ کاهِنان و توراتِ مُعَلِمین جی آزار بِینِه و بَکُشِته هَبو، وَ سِوّمین روز دِلِه زندهِ هَبو. 22ولی پِطرُس عیسی رِه ایتا گوشِه بَکِشیِیَه و اِعتِراضِ هَمرَه اونه باَگوته: «خدا نَکُنِه آقا! این اتّفاق هیچ وقت تِرِه دَنِکِه.» 23عیسی وَگِرِسِّه پِطرُسِ باَگوته: «رَت هَباش اِی شِیطان! تو می راهِ جُلوه رِه گیرنی و تی فِکر و خیال آدمی یه جیه، نه خُدای جی.»
24ایما عیسی خودشه شاگِردانِ باَگوته: «هر کی بِخواد می دُمّالرو هَبو، بایِّسی خودشه جانِ جی بُگذَرِه و خودشه صَلیبِ هَگیره و می دُمّال بیه. 25چونکه هر کی بِخواد خودشه جان بِدارِه، اونِه اَز دَست دَنه، وَلی هر کی خودشه جان می وَسین فَدا هَکونه، اونِهِ باز بِدَس هارنه. 26اِنسانِ وَسین چِه نَفعی داره تمام دُنیا رِه بِدارِه، وَلی خودشه جان اَز دَست هَدِه؟ چون اون به هیچ قِیمَتی نَتَّنِه خودشه جان پَس هَگیره. 27«چون انسانِ ریکا خودشه پیَرجَلالِ هَمرَه فِرِشتِگانِ هَمرَه هَنه و ایما هَر کَس رِه طِبقِ اونه اَعمال عَوَض دَنه. 28راس راسی شِمِرِه گونَم، بَعضی از ایشان که اَسِه ایجه هیسَن تا انسان ریکا رِه نَینِن که خودِشِه پادشاهیِ دله هَنِه، نَمیرنِن.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company