Aphutna 49
49
Zakob a Nāipasal ngāi kōm A Chongbē Hekna
1 #
Atl 24:14; Dān 31:29; 33:6-25; Zer 23:20; Dnl 2:28, 45 Zakob-in a nāipasal ngāi a kui a, amā'n, “Hong anbūm u tānla, nikhuo hek tika na chung una hong mo a hong āchul rang na ril u rong.
2 #
Zos 24:1; Sām 34:11 “Nangni Zakob a nāipasal ngāi, anbūm u tān, hong rangāi u ro.
Na pā u Israel chu rangāi u ro.
3 #
Dān 21:17; Sām 78:51 “Ruben, nang hi ka nāirapā,
Kei rātna lē ka ranak phutna nā ni.
Lalchi ansāng khītna lē ningneina ansāng khītna chu nā ni.
4 #
Isa 57:20; Zer 49:23 Tī anga ngīr lui, ansāng khīt nō ta ni,
Asik chu na pā zālmuna nei kala,
Hava ha nei mannim a ni.
Ama chu ka zāmuna a kal a.
5 #
Chn 4:17; 18:7 “Simeon lē Levi ngāi hi paruol a ni u na.
A khendāi u ngāi chu thisen ansuokna ranga kuttuk kēng.
6 #
Zos 11:6, 9; Sām 1:1; Chn 1:15; Efe 5:11 Ka rathā chu a ruiril unāna lūt nō rase,
Ka lalchiruoina chu a kār una vā'n chel nō rase.
Asik chu a taksit una le mī a that u na,
Ei zōt una le sarāttang zaper ratharipui a sat u na.
7A taksit una chu khomāk tung rase,
Asik chu hivā hi tak asī lum a ni.
A taksit una chu khomāk tung rase,
Asik chu lungkhamabui a ni!
Zakob ngāi kāra amāni chu sensāi u ka ting,
Israel ngāi kāra amāni chu āthek u ka ting.
8 #
Aph 27:29; Zōb 16:12; Heb 7:14 “Zuda, nang hi nā ni, na paruol ngāiin ei manpāk rang,
Na kut chu na rāldui ngāi rīnga anbāng in ti.
Na pā nāi ngāi chu na makunga lā'n bok u'n ti.
9 #
Atl 23:24; 24:9; Zōb 38:39; Sām 7:2; 17:12; Izk 19:2, 5; Anl 5:5 Zuda chu akoibakneitē kēng,
Ka nāipasal, na mē sāk ātā na hong ānthui a.
Akoibakneitang lē akoibakneipui anga a kuol a,
Tū mo anthui ngam rang?
10 #
Atl 24:17, 19; Rui 1:1-2; Sām 2:9; 60:7; Isa 2:4; 51:5; Izk 21:27 Rēngsunrol chu Zuda nātā ankhāi nō ni,
Ruirilna sunrol chu a ke kongkār ātā ankhāi nō ni,
Silo#49:10 Silo: Ole, “nuompēk,” ole “a puma diktak a hong māseng.” David lē Mesia rui a ni. Izikiel 21:26-27 a en ro. a hong māsenga lē
Mi ngāi hetelna a man māseng chu.
11 #
Dān 8:8; 32:14; Rui 5:10; 2Rē 18:32; Isa 63:2; Zek 9:9 A sakuorpar chu theirapomrānga a thung a,
A sakuorpar tuoi chu theirapomrāng āsāna a thung a.
A raliang chu theirapomningtī le han a rasūk a,
A puon chu theirapom thisen le han a rasūk a.
12 #
Chn 23:29; Sol 5:12 A mit chu theirapomningtī nēka aduk bet a.
A ha chu ranutī nēka alang a.
13“Zebulun chu tipui rakhama ommun khuor in ti.
Ama chu rakuongpui ngāi pōngansana chang in ti.
A ram rikung chu Sidon tenpei nī'n ti.
14 #
Rui 5:16; Sām 68:13 “Isakhar chu sakuorpar ārāt a ni,
A puokpēl#49:14 A puokpēl: Hebrāi chonga ariat antak a ni. Mī senkhatin “bera khumna in” tīna a malet u na. Ruirilpū ngāi 5:16 a en ro. anni ngāi kongkāra a kuol.
15 #
Zos 19:17-23; 1Rē 4:6; Isa 14:2; Izk 29:18 Pōngansana mun chu āsā lē
Ram chu āhui tīna a hong mū le chu,
Puok apēl ranga a dār a dō na,
A ningneina nōk a sinthōpū a hong āchang a.
16 #
Atl 10:25; Rui 13:2, 24-25 “Dan-in a mi ngāi ruiril in ti,
Israel nam khat anga.
17 #
1Kh 12:35; Zer 8:17; Am 9:3 Dan chu lampuia marūl chang in ti,
Lampuia āom tūr anei marūl,
Sakor kē a lei ānchuk a,
Sakorpū chu a nūk tianga ei chulna rang.
18 #
Sām 119:166, 174 O Zehova, na sandamna ka lei ngāk chian!
19“Gad chu marūsā ruolin rūn u'n ti,
Amā'n a nūk u tiang ātā hong rūn in ti.
20 #
Zōb 29:6
“Aser nēksāk chu āsā nī'n tia,
Rēng nēksāk ātī la masuok in ti.
21 #
Aph 46:24; Zōb 39:1 “Naftali chu sakhī azōkhiei a ni.
Ama chu chong ahui a mang chachak.
22 #
Sām 80:10; 128:3; Izk 19:10 “Zosef chu marā ansuok thingbāk a ni,
Tikhur kōla marā ansuok thingbāk a ni.
A bāk ngāi chu lungbang chunga anzām.
23 #
Aph 39:7-20; 1Kh 10:3; Sām 64:3 Thalkāppū ngāiin a dui sabak u na,
A kāp u na, a mūmāk u na.
24 #
Zōb 29:20; Sām 18:34; 132:2, 5; Isa 1:24; 17:10; 63:12; Hab 1:12 Tenchu a thal sāilī chu ankhirtita a om a.
Zakob a Pathian arāt kutin,
A kut ngāi chu ranak a mannei a.
(Hava han Israel lungpui, Berapū chu a om.)
25 #
Ant 18:4; Dān 7:13; 33:13; Sām 27:9; 107:38; Chn 10:22; Isa 66:11 Na pā Pathian chu anā sanpū chang in ti.
Āthōtheikiarpū'n chung tiang anvān bōrsāng le,
Thuoia om anthūk bōrsāng le,
Ranū lē tekok bōrsāng ngāi le han bōr na pēk in ti.
26 #
Izk 47:13; Hab 3:6 Na pā bōrsāng ngāiin
Ka chipui ngāi bōrsāng chu,
Tāituon tāngsīp tenpei a khum a.
Bōrsāng ngāi chu Zosef lusīpa om u'n ti,
A paruol ngāi ātā ānkhāipū lusīpa om in ti.
27 #
Atl 31:11; Dān 2:35; Zos 7:21; Rui 8:24; 20:12-13; Hab 1:8; Zef 3:3 “Benzamin chu mē sāk ngelang a ni.
Zīnga, a me that chu sāk in tia,
Zāna, a rāllāk chu sem in ti,”
a tī na.
28 #
Aph 35:22; Atl 23:24; Zak 1:1 Hivā ngāi dōra hi Israel nam sōmleianni ngāi a ni u na, hivā hi a pā u'n a kōm una ei ril chu a ni. Amāni chu bōr a pēk a. A bōrsāng u ang chipa bōr a pēk a.
Zakob ei Thina lē ei Ānphūmna
29 #
2Sa 2:32
Zakob-in amāni chu chong a pēk a, a kōm u na: “Ka mi ngāi bila anbūma āom rang kā ni zei. Ka pā ngāi bila Het mī Efron a phāia pūkkhur han na phūm u ro. 30Hava pūkkhur ha Kanān rama Mamre matona Makpela phāia om a ni. Abraham-in Het mī Efron a phāi le han thān mun dōngluo ranga ei rachōk a ni. 31Hava muna han Abraham lē a thāinū Sara chu a phūm u na. Hava muna han Isak lē a thāinū Rebeka chu a phūm u na. Hava muna han Lea ka phūm a. 32#Aph 23:17-20Hava phāi lē pūkkhur a om sā chu, Het a nāi ngāi kōm ātā ānchōk a ni,” a tī na. 33#Kui 7:15Zakob-in a nāipasal ngāi chong a pēk suona, a ke ngāi chu zāmuna a bāng a, a rang a chat a, a mī bila anbūma a om a.
Currently Selected:
Aphutna 49: RNL
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Aphutna 49
49
Zakob a Nāipasal ngāi kōm A Chongbē Hekna
1 #
Atl 24:14; Dān 31:29; 33:6-25; Zer 23:20; Dnl 2:28, 45 Zakob-in a nāipasal ngāi a kui a, amā'n, “Hong anbūm u tānla, nikhuo hek tika na chung una hong mo a hong āchul rang na ril u rong.
2 #
Zos 24:1; Sām 34:11 “Nangni Zakob a nāipasal ngāi, anbūm u tān, hong rangāi u ro.
Na pā u Israel chu rangāi u ro.
3 #
Dān 21:17; Sām 78:51 “Ruben, nang hi ka nāirapā,
Kei rātna lē ka ranak phutna nā ni.
Lalchi ansāng khītna lē ningneina ansāng khītna chu nā ni.
4 #
Isa 57:20; Zer 49:23 Tī anga ngīr lui, ansāng khīt nō ta ni,
Asik chu na pā zālmuna nei kala,
Hava ha nei mannim a ni.
Ama chu ka zāmuna a kal a.
5 #
Chn 4:17; 18:7 “Simeon lē Levi ngāi hi paruol a ni u na.
A khendāi u ngāi chu thisen ansuokna ranga kuttuk kēng.
6 #
Zos 11:6, 9; Sām 1:1; Chn 1:15; Efe 5:11 Ka rathā chu a ruiril unāna lūt nō rase,
Ka lalchiruoina chu a kār una vā'n chel nō rase.
Asik chu a taksit una le mī a that u na,
Ei zōt una le sarāttang zaper ratharipui a sat u na.
7A taksit una chu khomāk tung rase,
Asik chu hivā hi tak asī lum a ni.
A taksit una chu khomāk tung rase,
Asik chu lungkhamabui a ni!
Zakob ngāi kāra amāni chu sensāi u ka ting,
Israel ngāi kāra amāni chu āthek u ka ting.
8 #
Aph 27:29; Zōb 16:12; Heb 7:14 “Zuda, nang hi nā ni, na paruol ngāiin ei manpāk rang,
Na kut chu na rāldui ngāi rīnga anbāng in ti.
Na pā nāi ngāi chu na makunga lā'n bok u'n ti.
9 #
Atl 23:24; 24:9; Zōb 38:39; Sām 7:2; 17:12; Izk 19:2, 5; Anl 5:5 Zuda chu akoibakneitē kēng,
Ka nāipasal, na mē sāk ātā na hong ānthui a.
Akoibakneitang lē akoibakneipui anga a kuol a,
Tū mo anthui ngam rang?
10 #
Atl 24:17, 19; Rui 1:1-2; Sām 2:9; 60:7; Isa 2:4; 51:5; Izk 21:27 Rēngsunrol chu Zuda nātā ankhāi nō ni,
Ruirilna sunrol chu a ke kongkār ātā ankhāi nō ni,
Silo#49:10 Silo: Ole, “nuompēk,” ole “a puma diktak a hong māseng.” David lē Mesia rui a ni. Izikiel 21:26-27 a en ro. a hong māsenga lē
Mi ngāi hetelna a man māseng chu.
11 #
Dān 8:8; 32:14; Rui 5:10; 2Rē 18:32; Isa 63:2; Zek 9:9 A sakuorpar chu theirapomrānga a thung a,
A sakuorpar tuoi chu theirapomrāng āsāna a thung a.
A raliang chu theirapomningtī le han a rasūk a,
A puon chu theirapom thisen le han a rasūk a.
12 #
Chn 23:29; Sol 5:12 A mit chu theirapomningtī nēka aduk bet a.
A ha chu ranutī nēka alang a.
13“Zebulun chu tipui rakhama ommun khuor in ti.
Ama chu rakuongpui ngāi pōngansana chang in ti.
A ram rikung chu Sidon tenpei nī'n ti.
14 #
Rui 5:16; Sām 68:13 “Isakhar chu sakuorpar ārāt a ni,
A puokpēl#49:14 A puokpēl: Hebrāi chonga ariat antak a ni. Mī senkhatin “bera khumna in” tīna a malet u na. Ruirilpū ngāi 5:16 a en ro. anni ngāi kongkāra a kuol.
15 #
Zos 19:17-23; 1Rē 4:6; Isa 14:2; Izk 29:18 Pōngansana mun chu āsā lē
Ram chu āhui tīna a hong mū le chu,
Puok apēl ranga a dār a dō na,
A ningneina nōk a sinthōpū a hong āchang a.
16 #
Atl 10:25; Rui 13:2, 24-25 “Dan-in a mi ngāi ruiril in ti,
Israel nam khat anga.
17 #
1Kh 12:35; Zer 8:17; Am 9:3 Dan chu lampuia marūl chang in ti,
Lampuia āom tūr anei marūl,
Sakor kē a lei ānchuk a,
Sakorpū chu a nūk tianga ei chulna rang.
18 #
Sām 119:166, 174 O Zehova, na sandamna ka lei ngāk chian!
19“Gad chu marūsā ruolin rūn u'n ti,
Amā'n a nūk u tiang ātā hong rūn in ti.
20 #
Zōb 29:6
“Aser nēksāk chu āsā nī'n tia,
Rēng nēksāk ātī la masuok in ti.
21 #
Aph 46:24; Zōb 39:1 “Naftali chu sakhī azōkhiei a ni.
Ama chu chong ahui a mang chachak.
22 #
Sām 80:10; 128:3; Izk 19:10 “Zosef chu marā ansuok thingbāk a ni,
Tikhur kōla marā ansuok thingbāk a ni.
A bāk ngāi chu lungbang chunga anzām.
23 #
Aph 39:7-20; 1Kh 10:3; Sām 64:3 Thalkāppū ngāiin a dui sabak u na,
A kāp u na, a mūmāk u na.
24 #
Zōb 29:20; Sām 18:34; 132:2, 5; Isa 1:24; 17:10; 63:12; Hab 1:12 Tenchu a thal sāilī chu ankhirtita a om a.
Zakob a Pathian arāt kutin,
A kut ngāi chu ranak a mannei a.
(Hava han Israel lungpui, Berapū chu a om.)
25 #
Ant 18:4; Dān 7:13; 33:13; Sām 27:9; 107:38; Chn 10:22; Isa 66:11 Na pā Pathian chu anā sanpū chang in ti.
Āthōtheikiarpū'n chung tiang anvān bōrsāng le,
Thuoia om anthūk bōrsāng le,
Ranū lē tekok bōrsāng ngāi le han bōr na pēk in ti.
26 #
Izk 47:13; Hab 3:6 Na pā bōrsāng ngāiin
Ka chipui ngāi bōrsāng chu,
Tāituon tāngsīp tenpei a khum a.
Bōrsāng ngāi chu Zosef lusīpa om u'n ti,
A paruol ngāi ātā ānkhāipū lusīpa om in ti.
27 #
Atl 31:11; Dān 2:35; Zos 7:21; Rui 8:24; 20:12-13; Hab 1:8; Zef 3:3 “Benzamin chu mē sāk ngelang a ni.
Zīnga, a me that chu sāk in tia,
Zāna, a rāllāk chu sem in ti,”
a tī na.
28 #
Aph 35:22; Atl 23:24; Zak 1:1 Hivā ngāi dōra hi Israel nam sōmleianni ngāi a ni u na, hivā hi a pā u'n a kōm una ei ril chu a ni. Amāni chu bōr a pēk a. A bōrsāng u ang chipa bōr a pēk a.
Zakob ei Thina lē ei Ānphūmna
29 #
2Sa 2:32
Zakob-in amāni chu chong a pēk a, a kōm u na: “Ka mi ngāi bila anbūma āom rang kā ni zei. Ka pā ngāi bila Het mī Efron a phāia pūkkhur han na phūm u ro. 30Hava pūkkhur ha Kanān rama Mamre matona Makpela phāia om a ni. Abraham-in Het mī Efron a phāi le han thān mun dōngluo ranga ei rachōk a ni. 31Hava muna han Abraham lē a thāinū Sara chu a phūm u na. Hava muna han Isak lē a thāinū Rebeka chu a phūm u na. Hava muna han Lea ka phūm a. 32#Aph 23:17-20Hava phāi lē pūkkhur a om sā chu, Het a nāi ngāi kōm ātā ānchōk a ni,” a tī na. 33#Kui 7:15Zakob-in a nāipasal ngāi chong a pēk suona, a ke ngāi chu zāmuna a bāng a, a rang a chat a, a mī bila anbūma a om a.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.