2 Пачаби 4
4
Иш-Бошет чӀвай
1Хевроналда Авнер хун вугин рагӀидал, Иш-Бошетил ракӀ гӀодобчӀвана, ва тӀолабго ГӀизраил бихха-хочана. 2Шаулил васасул кӀиго чабхъадулав вукӀана. Цоясда цӀар – Баанагь, цогидасда цӀар Рехав букӀана. Буняминил къавмалъул, Беэроталдаса Риммонил васал кколаан гьел. Беэрот рикӀкӀунаан Буняминил милклъун. 3Цебе Беэроталда букӀараб халкъ Гиттаималде лъутун ун гьениб апараглъуда чӀана – жакъа къоялъги гьениб буго гьеб.
4(Шаулил вас Ионатанил рекъаб лъимер букӀана. Шаулги Ионатанги чӀван ругин хабар бачӀараб мехалъ щуго сон бан букӀана гьес. Гьев хьихьулей гӀадан, хантӀан гьевги кодове вачун, хъата-масан лъутун ине яхъиндал, гьелъухъа гӀодове вортана вас, ва гьесул кӀиябго хӀетӀе гӀажизлъана. Гьесда цӀар Мефи-Бошет букӀана.)
5Беэротияв Риммонил васал Рехавги Баанагьги цо къоялъ Иш-Бошетил рокъоре рилълъана. Къалъул гӀуж букӀана ва гьев бусаде вахун кьижун ккун вукӀана. 6Ролъ босизе унеб ххвелги гьабун, гьавугьин рокъоре жанире лъугьана гьел, ва гьез гьесул чохьолъ ханжар къазабуна, хадуб хех хӀетӀе босана гьениса.
7(Иш-Бошет кьижун вукӀаго, гьесда тӀаде гьесул рокъореги кӀанцӀун чӀвана гьез гьев ва гьесул бетӀер къотӀана. Цинги, цадахъ босун гьесул бетӀергун, сордо борчӀун Иорданалъул авлахъ къотӀун лъутун ана.) 8Гьел, Иш-Бошетил бетӀерги босун Хевроналде Давудихъе щвана, ва пачаясда кӀалъана:
«Гьале мун чӀвазе бокьун букӀарав дур тушман Шаулил вас Иш-Бошетил бетӀер. Дуе гӀоло, бетӀерчӀахъаяв пача, жакъа БЕТӀЕРГЬАНАС рецӀел босана Шаулидаса ва гьесул наслуялдаса».
9Беэротияв Риммонил васал Рехавиеги Баанагьиеги жаваб гьабун Давудица абуна:
«Щибаб балагьалдаса дун ворчӀизавурав ХӀакъав БЕТӀЕРГЬАНАСУЛ цӀаралхӀа, 10рохалил хабар босун вачӀунев чи хӀисабалда, Шаул чӀван вугин абун хабарги босун дихъе Циклагалде вачӀарав чи дица, кквезеги ккун, чӀван рехана. Гьеле гьесул харбихъ гьесие щвараб шапакъат! 11Гьанже, рокъов жиндирго бусада вукӀарав гӀайибго гьечӀев чи чӀварал хъачагъаздасан, гьесул би тӀалаб гьабичӀого ва гьаб ракьалдаса нуж нахъе тӀагӀинаричӀого теладай дица?!»
12Цинги Давудица жиндирго рагъухъабазе буюрухъ кьуна ва гьез гьел чӀвана. Гьез гьезул квералги хӀатӀалги къотӀана, къаркъалабиги Хевроналъул хӀорихъ гъотӀода дализаруна. Хадуб Иш-Бошетил бетӀерги Хевроналда Авнерида аскӀоб хабалъ букъана гьез.
Currently Selected:
2 Пачаби 4: АварАК
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 4
4
Иш-Бошет чӀвай
1Хевроналда Авнер хун вугин рагӀидал, Иш-Бошетил ракӀ гӀодобчӀвана, ва тӀолабго ГӀизраил бихха-хочана. 2Шаулил васасул кӀиго чабхъадулав вукӀана. Цоясда цӀар – Баанагь, цогидасда цӀар Рехав букӀана. Буняминил къавмалъул, Беэроталдаса Риммонил васал кколаан гьел. Беэрот рикӀкӀунаан Буняминил милклъун. 3Цебе Беэроталда букӀараб халкъ Гиттаималде лъутун ун гьениб апараглъуда чӀана – жакъа къоялъги гьениб буго гьеб.
4(Шаулил вас Ионатанил рекъаб лъимер букӀана. Шаулги Ионатанги чӀван ругин хабар бачӀараб мехалъ щуго сон бан букӀана гьес. Гьев хьихьулей гӀадан, хантӀан гьевги кодове вачун, хъата-масан лъутун ине яхъиндал, гьелъухъа гӀодове вортана вас, ва гьесул кӀиябго хӀетӀе гӀажизлъана. Гьесда цӀар Мефи-Бошет букӀана.)
5Беэротияв Риммонил васал Рехавги Баанагьги цо къоялъ Иш-Бошетил рокъоре рилълъана. Къалъул гӀуж букӀана ва гьев бусаде вахун кьижун ккун вукӀана. 6Ролъ босизе унеб ххвелги гьабун, гьавугьин рокъоре жанире лъугьана гьел, ва гьез гьесул чохьолъ ханжар къазабуна, хадуб хех хӀетӀе босана гьениса.
7(Иш-Бошет кьижун вукӀаго, гьесда тӀаде гьесул рокъореги кӀанцӀун чӀвана гьез гьев ва гьесул бетӀер къотӀана. Цинги, цадахъ босун гьесул бетӀергун, сордо борчӀун Иорданалъул авлахъ къотӀун лъутун ана.) 8Гьел, Иш-Бошетил бетӀерги босун Хевроналде Давудихъе щвана, ва пачаясда кӀалъана:
«Гьале мун чӀвазе бокьун букӀарав дур тушман Шаулил вас Иш-Бошетил бетӀер. Дуе гӀоло, бетӀерчӀахъаяв пача, жакъа БЕТӀЕРГЬАНАС рецӀел босана Шаулидаса ва гьесул наслуялдаса».
9Беэротияв Риммонил васал Рехавиеги Баанагьиеги жаваб гьабун Давудица абуна:
«Щибаб балагьалдаса дун ворчӀизавурав ХӀакъав БЕТӀЕРГЬАНАСУЛ цӀаралхӀа, 10рохалил хабар босун вачӀунев чи хӀисабалда, Шаул чӀван вугин абун хабарги босун дихъе Циклагалде вачӀарав чи дица, кквезеги ккун, чӀван рехана. Гьеле гьесул харбихъ гьесие щвараб шапакъат! 11Гьанже, рокъов жиндирго бусада вукӀарав гӀайибго гьечӀев чи чӀварал хъачагъаздасан, гьесул би тӀалаб гьабичӀого ва гьаб ракьалдаса нуж нахъе тӀагӀинаричӀого теладай дица?!»
12Цинги Давудица жиндирго рагъухъабазе буюрухъ кьуна ва гьез гьел чӀвана. Гьез гьезул квералги хӀатӀалги къотӀана, къаркъалабиги Хевроналъул хӀорихъ гъотӀода дализаруна. Хадуб Иш-Бошетил бетӀерги Хевроналда Авнерида аскӀоб хабалъ букъана гьез.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2005-2023