МысырикӀыжь 7
7
Яблэнэрэ шъхьэр
1Ау Зиусхьаным Мосэ къыриӀожьыгъ: «Еплъ, фирхьауным Сэ Тхьэ папкӀэу уфэсшӀыгъ, пшэу Хьарунэ о уитхьэлӀыкӀощт. 2Сэ унашъоу къыпфэсшӀырэр зэкӀэ къэпӀощт, пшэу Хьарунэ израиль цӀыфхэр ихэгъэгу къыригъэкӀынхэу фирхьауным риӀощт. 3Сэ фирхьауным ыгу зэшӀуезгъэдзэнышъ, синэшанэхэмрэ Ӏоф шӀагъохэмрэ бэ дэдэу Мысыр хэгъэгум къыщызгъэлъэгъощтых. 4Фирхьауныр къышъодэӀущтэп, джащыгъум Сэ Мысырым сыкъыфырехыщт. СкӀуачӀэкӀэ лъэшэу ащ щызгъэпщынэхэзэ, израиль цӀыфхэу Силъэпкъыр, дзэр зэрагъэуцурэм фэдэу зэхэтхэу, Мысыр хэгъэгум къисщыжьыщтых. 5Джащыгъум, Мысырым сыкъыфырехэу, израиль цӀыфхэр ахэм къызахэсщыжьхэкӀэ, Сызэрэ Зиусхьаныр мысыр цӀыфхэм къашӀэщт». 6Зиусхьаным унашъо къызэрафишӀыгъэм тетэу Мосэрэ Хьарунэрэ зекӀуагъэх.
7Фирхьауным дэгущыӀэхэу зырагъажьэм, Мосэ ыныбжьыгъэр илъэс тӀокӀиплӀ, Хьарунэ – илъэс тӀокӀиплӀырэ щырэ.
Хьарунэ ибэщ
8Зиусхьаным Мосэрэ Хьарунэрэ къариӀуагъ: 9«Фирхьауным „ШӀэгъуашӀэ горэ къэжъугъэлъагъу“ къышъуиӀомэ, ащ дэжьым о Хьарунэ еӀу: „Уибэщ шти, фирхьауным ыпашъхьэ щычӀэдз“. Ар блэ хъущт». 10Мосэрэ Хьарунэрэ фирхьауным дэжь кӀохи, Зиусхьаным унашъо къызэрафишӀыгъэм тетэу зекӀуагъэх. Хьарунэ ибэщ фирхьауными ащ иӀумэт Ӏэшъхьэтетхэми апашъхьэ зыщычӀедзым, ар блэ хъугъэ. 11Фирхьауным упчӀэжьэгъухэмрэ шхъухьашӀэхэмрэ къаригъэщагъэх, мысыр удыхэм яшхъухьэ кӀуачӀэхэмкӀэ джащ фэдэ къабзэу ашӀагъ. 12Шъхьадж ибэщ къычӀидзи, ахэр блэ хъугъэх. Ау Хьарунэ ибэщ адрэмэ ябэщхэр ыдырыгъэх. 13Ау Зиусхьаным къызэриӀуагъэм фэдэу, фирхьауным ыгу зэшӀодзагъэу хъуи, къядэӀугъэп.
Апэрэ тхьамыкӀагъор: псыр лъы зэрэхъугъэр
14Зиусхьаным Мосэ къыриӀуагъ: «Фирхьауным зегъэгуркъэ, цӀыф лъэпкъыр къытӀупщын ыдэрэп. 15Неущ пчэдыжь блэ хъущтыгъэ бэщыр зыдашти, фирхьауным дэжь кӀо, ар псыхъом къызщыӀухьащтым тефэу уӀукӀэным пае кӀуи, псы Ӏушъом дэжь ущытэу къыщеж. 16Ащ еӀу: „Зиусхьаным, джуртхэм я Тхьэ, къыосӀонэу сыкъигъэкӀуагъ: ‘Шъоф нэкӀым Сэ къурмэн къыщысфишӀынэу СицӀыф лъэпкъ къэтӀупщ, ау мары о джы къызнэсыгъэм укъысэдэӀугъэп’“. 17Мары Зиусхьаным къыуиӀорэр: „Зиусхьаныр зыфэдэр джыдэдэм къэпшӀэщт“. Сэ мы бэщэу сӀыгъымкӀэ Нил псым сыхэонышъ, ар лъы хъущт. 18Джаущтэу псым хэс пцэжъыехэр лӀэщтых, псыхъом шъумэр къыхэоу хъущт, мысыр цӀыфхэр псыхъопсым ешъонхэ алъэкӀыщтэп». 19Зиусхьаным Мосэ къыриӀуагъ: «Хьарунэ еӀу: „Уибэщ шти, Мысырым ипсымэ: псыхъохэм, Нил, псыутӀэхэм, сыд фэдэрэ псыӀыгъыпӀи пӀэ атещай – ахэр лъы хъущтых. Зэрэмысыр чӀыгоу лъыр тизыщт, пхъэчайхэми мыжъо псылъэхэми арытхэри ары“».
20Зиусхьаным унашъо къызэрафишӀыгъэм тетэу, Мосэрэ Хьарунэрэ зекӀуагъэх. Хьарунэ бэщыр къыӀэти, фирхьаунми ащ иӀумэт Ӏэшъхьэтетхэми алъэгъоу, Нил псышъхьэм теуагъ, псыхъом ипс зэрэщытэу лъы хъугъэ. 21Арыти пцэжъыехэр псым хэлӀыхьагъэх, шъумаер хихэу, мысыр цӀыфхэр ащ ипс ешъожьынхэ амылъэкӀэу хъугъэ. Джаущтэу мысыр чӀыгум зэфэдэкӀэ лъыр тизыгъ. 22Мысыр удыхэми шхъухьэ кӀуачӀэхэмкӀэ ащ фэдэу ашӀагъ. Зиусхьаным зэриӀуагъэу, фирхьауным ыгу зэшӀодзагъэ хъуи, къядэӀугъэп. 23Фирхьауным ыгъэзэжьи, иунэ ихьажьыгъ, ахэр зэуи къыщыхъугъэп. 24Мысыр цӀыфхэр зэкӀэ зэшъонхэ алъэкӀыщт псыр къагъотыным пае, Нил псыхъом дэжь щетӀэщтыгъэх, сыда пӀомэ псыхъопсым ешъонхэ алъэкӀыщтыгъэп. 25Зиусхьаным Нил псыхъор зигъэкӀодыгъэм ыуж мэфибл тешӀагъ.
Currently Selected:
МысырикӀыжь 7: АдыТГ
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 7
7
Яблэнэрэ шъхьэр
1Ау Зиусхьаным Мосэ къыриӀожьыгъ: «Еплъ, фирхьауным Сэ Тхьэ папкӀэу уфэсшӀыгъ, пшэу Хьарунэ о уитхьэлӀыкӀощт. 2Сэ унашъоу къыпфэсшӀырэр зэкӀэ къэпӀощт, пшэу Хьарунэ израиль цӀыфхэр ихэгъэгу къыригъэкӀынхэу фирхьауным риӀощт. 3Сэ фирхьауным ыгу зэшӀуезгъэдзэнышъ, синэшанэхэмрэ Ӏоф шӀагъохэмрэ бэ дэдэу Мысыр хэгъэгум къыщызгъэлъэгъощтых. 4Фирхьауныр къышъодэӀущтэп, джащыгъум Сэ Мысырым сыкъыфырехыщт. СкӀуачӀэкӀэ лъэшэу ащ щызгъэпщынэхэзэ, израиль цӀыфхэу Силъэпкъыр, дзэр зэрагъэуцурэм фэдэу зэхэтхэу, Мысыр хэгъэгум къисщыжьыщтых. 5Джащыгъум, Мысырым сыкъыфырехэу, израиль цӀыфхэр ахэм къызахэсщыжьхэкӀэ, Сызэрэ Зиусхьаныр мысыр цӀыфхэм къашӀэщт». 6Зиусхьаным унашъо къызэрафишӀыгъэм тетэу Мосэрэ Хьарунэрэ зекӀуагъэх.
7Фирхьауным дэгущыӀэхэу зырагъажьэм, Мосэ ыныбжьыгъэр илъэс тӀокӀиплӀ, Хьарунэ – илъэс тӀокӀиплӀырэ щырэ.
Хьарунэ ибэщ
8Зиусхьаным Мосэрэ Хьарунэрэ къариӀуагъ: 9«Фирхьауным „ШӀэгъуашӀэ горэ къэжъугъэлъагъу“ къышъуиӀомэ, ащ дэжьым о Хьарунэ еӀу: „Уибэщ шти, фирхьауным ыпашъхьэ щычӀэдз“. Ар блэ хъущт». 10Мосэрэ Хьарунэрэ фирхьауным дэжь кӀохи, Зиусхьаным унашъо къызэрафишӀыгъэм тетэу зекӀуагъэх. Хьарунэ ибэщ фирхьауными ащ иӀумэт Ӏэшъхьэтетхэми апашъхьэ зыщычӀедзым, ар блэ хъугъэ. 11Фирхьауным упчӀэжьэгъухэмрэ шхъухьашӀэхэмрэ къаригъэщагъэх, мысыр удыхэм яшхъухьэ кӀуачӀэхэмкӀэ джащ фэдэ къабзэу ашӀагъ. 12Шъхьадж ибэщ къычӀидзи, ахэр блэ хъугъэх. Ау Хьарунэ ибэщ адрэмэ ябэщхэр ыдырыгъэх. 13Ау Зиусхьаным къызэриӀуагъэм фэдэу, фирхьауным ыгу зэшӀодзагъэу хъуи, къядэӀугъэп.
Апэрэ тхьамыкӀагъор: псыр лъы зэрэхъугъэр
14Зиусхьаным Мосэ къыриӀуагъ: «Фирхьауным зегъэгуркъэ, цӀыф лъэпкъыр къытӀупщын ыдэрэп. 15Неущ пчэдыжь блэ хъущтыгъэ бэщыр зыдашти, фирхьауным дэжь кӀо, ар псыхъом къызщыӀухьащтым тефэу уӀукӀэным пае кӀуи, псы Ӏушъом дэжь ущытэу къыщеж. 16Ащ еӀу: „Зиусхьаным, джуртхэм я Тхьэ, къыосӀонэу сыкъигъэкӀуагъ: ‘Шъоф нэкӀым Сэ къурмэн къыщысфишӀынэу СицӀыф лъэпкъ къэтӀупщ, ау мары о джы къызнэсыгъэм укъысэдэӀугъэп’“. 17Мары Зиусхьаным къыуиӀорэр: „Зиусхьаныр зыфэдэр джыдэдэм къэпшӀэщт“. Сэ мы бэщэу сӀыгъымкӀэ Нил псым сыхэонышъ, ар лъы хъущт. 18Джаущтэу псым хэс пцэжъыехэр лӀэщтых, псыхъом шъумэр къыхэоу хъущт, мысыр цӀыфхэр псыхъопсым ешъонхэ алъэкӀыщтэп». 19Зиусхьаным Мосэ къыриӀуагъ: «Хьарунэ еӀу: „Уибэщ шти, Мысырым ипсымэ: псыхъохэм, Нил, псыутӀэхэм, сыд фэдэрэ псыӀыгъыпӀи пӀэ атещай – ахэр лъы хъущтых. Зэрэмысыр чӀыгоу лъыр тизыщт, пхъэчайхэми мыжъо псылъэхэми арытхэри ары“».
20Зиусхьаным унашъо къызэрафишӀыгъэм тетэу, Мосэрэ Хьарунэрэ зекӀуагъэх. Хьарунэ бэщыр къыӀэти, фирхьаунми ащ иӀумэт Ӏэшъхьэтетхэми алъэгъоу, Нил псышъхьэм теуагъ, псыхъом ипс зэрэщытэу лъы хъугъэ. 21Арыти пцэжъыехэр псым хэлӀыхьагъэх, шъумаер хихэу, мысыр цӀыфхэр ащ ипс ешъожьынхэ амылъэкӀэу хъугъэ. Джаущтэу мысыр чӀыгум зэфэдэкӀэ лъыр тизыгъ. 22Мысыр удыхэми шхъухьэ кӀуачӀэхэмкӀэ ащ фэдэу ашӀагъ. Зиусхьаным зэриӀуагъэу, фирхьауным ыгу зэшӀодзагъэ хъуи, къядэӀугъэп. 23Фирхьауным ыгъэзэжьи, иунэ ихьажьыгъ, ахэр зэуи къыщыхъугъэп. 24Мысыр цӀыфхэр зэкӀэ зэшъонхэ алъэкӀыщт псыр къагъотыным пае, Нил псыхъом дэжь щетӀэщтыгъэх, сыда пӀомэ псыхъопсым ешъонхэ алъэкӀыщтыгъэп. 25Зиусхьаным Нил псыхъор зигъэкӀодыгъэм ыуж мэфибл тешӀагъ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2002-2023