ZEKHARI 11
11
Makhyang" Ra" Kho:kham Qe Gyo" Seim" Lo" Ra" Khyo
1Lebanon we"- ni" kham: mo" jham re phung" ke' wa,- ailao" myi: wa ni" shaug' gae jham re qo" nga" jeim" pye' li" nae".
2Qhoje; gae jham we"- ngug mung: nokyang: kyang: ge,.
shaug' gae jham gyang: lo" avako".
Ai: phungbao bo: ra" sag' gae jham wa mhan" ngad: avako".
Bashan shakhai: gae jham we" ngug mung: nokyang: kyang: ge,-
sag' mo" voko: yo wa thau: mhan" pye' ru qhug' avako".
3Kho:kham jham wa kaug' qhui: ru we' hug' yao: ako".
Yao: bam: phungbao wa baui" byaug va"- khang khyi jham kyid' myang: na: rure tae" gyo: ge,-
Yodan gyaung cao" yang: mae" yao: bam: na jao: sag' mo" yo wa phyo' qheim" pye' ru qhug' ava".
Yao Zaung" Shid' Yaug
4 Asang Mao"So wa ngo re ceru: ta" ra"- se' pye' qhug' nae" yao kyaung" dakyaung" re zam" ra" yao zam: khyo" kad' wa,- 5Yao sang jham wa yao: bam re se' pye' mung: qobo dae made, zo: lo: phao: lo" ko" ra". Yao: bam wa sho: re aung: mung: Asang re caung:khin" ge,- ngonhaung" wa jo,nho" qo" ga: ta" ako". Yao: bam yao" nho: yao zaung" mo, lao" re: aibam re nhag' makhyag' ngad: ako".
6(Asang wa ceru: ga: ta" ra"- ngo wa myidgaung dao mae khag' rere: nhag' makhyag' lo nae". Ngo yao" yang byumyu" alhab' re yao: bam: kho:kham qe: kheim: so' khug mae to" to: byid: nae". Ai: kho:kham jham wa mug:myid re nug: khyo: lhau: sin" pye' li" genae". Aimung: ngo wa aire yao: bam: kheim: so' khug mae" makhyad' yu nae".)
7Yao jham re vai mo, aung: mo, wa ngore ngaui byid: mung: okaung lhaung: ako". Aimung: ngo wa se' pye' qhug' nae" yao jham re zam" ra" yao zam: yaug boe" lo va". Ngo wa vose: shid' lam: re yu: ci:- Dalam: wa Akyu" Jeju ga: mang: ra"- gatau dalam: wa Dadang: Dalam: ga: mang: ra". Aimung: ngo wa yao kyaung" re zam" na:- 8Ngo wa ngore nghang: ko" ra" gatau yao zam: sam yaug re matho' qu" to: lo:. Aimung: ngo wa lho" dakhye' khug za" mae yao: bam alhab' re yu: pye' va". 9Ailao" ngo wa nga" yao kyaung" re ceru: ta" va". Ngo wa naonhaung" nho: yao zam: khonhae" re: mangad: lo nae". Shid nae" mo, wa shid: vageshao:- phyo' qheim" pye' ru qhug' nae" mo, wa phyo' qheim" pye' ru qhug' vageshao:- na: dang: jo, mo, wa yao: cao: jho" se' shid vageshao:- 10Ai: thao ngo wa Akyu" Jeju ein: ra" zaung: bao" re yu mung: khyug' pye' va" khyo" yang Asang we' byumyu" alhab' mo, gyo: mae to" ra" dao: thang" re phyid' pye' va". 11Airumung: dao: thang" wa ai: ba na mae phyid' pye' va". Yao jham re vai mo,- aung: mo, wa ngore lhaug' qu" na: ako". Aimung: ngo kad' ra" mau" khyo" Asang jhau: na: rure yao: bam ba: ako". 12Ngo wa yao: bam re ceru: ta" va". Naonhaung" qad ko" re nga" yao zam: phug' byid: gela, naonhaung" maqad lao" re: airu zam" ci: ge, ein: ta" va". Aimung: yao: bam wa ngore nga" okaung phug' khyo" ngaui sam xe kye' byid' ako".
13 Asang wa ngore- Ngaui jham re Caung:pa" Yham ngaui ban" mae yeke' to: wa,- ga: ta" ra". Aimung: ngo wa- yao: bam: yang ngo the' yu nae" man: qi" ga: myid: ra" ngaui sam xe kye' geim" re yu mung: Caung:pa" Yham ngaui ban" mae yeke' to: va". 14Ai: thao ngo wa shid' lam: ein: ra" Dadang: Dalam: zaung: bao" re khyug' pye' va". Aimung: Yuda we' Israel agyo: mae" Dadang: Dalam" ra" mau" zo" wa byo: sin" byaug va".
15Ailao" Asang wa ngore ceru: ga: ta" ra". Ana" dalhang wa pe" akyu" mabo: ra" yao: zam: khyo" kad' wa,. 16Ngo wa yao: zam: dayaug re nga" yao kyaung" re qu" nae" qhid' mae" ta" to: va". Ngadqere: yao: wa byo; qeim: ruyang kyaug' tin" qhug' ra" yao jham re mabao" thaug' yu- byaug: byaug: ra" mo, rere: macao" qho- dae de; mo, rere: no mapho byid:- qao" zin" mo, rere: zo:ve mazho: ngad: ra". Ai: atha" yao: wa xau: thao" ra" yao mae" sho: re zo" ra". Aimung: yao: bam: khu sin: jham re lao" kho' pye' ra". 17Akyu" mabo: ra" yao zam: wa byuxa: vaqoe, qhug' ava". Yao: wa yao" yao kyaung" re shapye' to: co' ava". Mang: zin: gyekhe' ru wa yao" kheim: so' re bin sho' phyo' qheim" pye' li" nae". Yao" lo,pau" jham wa ngaung" lo" li" nae". Aimung: yao" lo,yo shad' mae" myo, jid' wa jid: byaug vashao:.
Currently Selected:
ZEKHARI 11: LHCL
Highlight
Share
ਕਾਪੀ।
Want to have your highlights saved across all your devices? Sign up or sign in
© Bible Society of Myanmar 2009
ZEKHARI 11
11
Makhyang" Ra" Kho:kham Qe Gyo" Seim" Lo" Ra" Khyo
1Lebanon we"- ni" kham: mo" jham re phung" ke' wa,- ailao" myi: wa ni" shaug' gae jham re qo" nga" jeim" pye' li" nae".
2Qhoje; gae jham we"- ngug mung: nokyang: kyang: ge,.
shaug' gae jham gyang: lo" avako".
Ai: phungbao bo: ra" sag' gae jham wa mhan" ngad: avako".
Bashan shakhai: gae jham we" ngug mung: nokyang: kyang: ge,-
sag' mo" voko: yo wa thau: mhan" pye' ru qhug' avako".
3Kho:kham jham wa kaug' qhui: ru we' hug' yao: ako".
Yao: bam: phungbao wa baui" byaug va"- khang khyi jham kyid' myang: na: rure tae" gyo: ge,-
Yodan gyaung cao" yang: mae" yao: bam: na jao: sag' mo" yo wa phyo' qheim" pye' ru qhug' ava".
Yao Zaung" Shid' Yaug
4 Asang Mao"So wa ngo re ceru: ta" ra"- se' pye' qhug' nae" yao kyaung" dakyaung" re zam" ra" yao zam: khyo" kad' wa,- 5Yao sang jham wa yao: bam re se' pye' mung: qobo dae made, zo: lo: phao: lo" ko" ra". Yao: bam wa sho: re aung: mung: Asang re caung:khin" ge,- ngonhaung" wa jo,nho" qo" ga: ta" ako". Yao: bam yao" nho: yao zaung" mo, lao" re: aibam re nhag' makhyag' ngad: ako".
6(Asang wa ceru: ga: ta" ra"- ngo wa myidgaung dao mae khag' rere: nhag' makhyag' lo nae". Ngo yao" yang byumyu" alhab' re yao: bam: kho:kham qe: kheim: so' khug mae to" to: byid: nae". Ai: kho:kham jham wa mug:myid re nug: khyo: lhau: sin" pye' li" genae". Aimung: ngo wa aire yao: bam: kheim: so' khug mae" makhyad' yu nae".)
7Yao jham re vai mo, aung: mo, wa ngore ngaui byid: mung: okaung lhaung: ako". Aimung: ngo wa se' pye' qhug' nae" yao jham re zam" ra" yao zam: yaug boe" lo va". Ngo wa vose: shid' lam: re yu: ci:- Dalam: wa Akyu" Jeju ga: mang: ra"- gatau dalam: wa Dadang: Dalam: ga: mang: ra". Aimung: ngo wa yao kyaung" re zam" na:- 8Ngo wa ngore nghang: ko" ra" gatau yao zam: sam yaug re matho' qu" to: lo:. Aimung: ngo wa lho" dakhye' khug za" mae yao: bam alhab' re yu: pye' va". 9Ailao" ngo wa nga" yao kyaung" re ceru: ta" va". Ngo wa naonhaung" nho: yao zam: khonhae" re: mangad: lo nae". Shid nae" mo, wa shid: vageshao:- phyo' qheim" pye' ru qhug' nae" mo, wa phyo' qheim" pye' ru qhug' vageshao:- na: dang: jo, mo, wa yao: cao: jho" se' shid vageshao:- 10Ai: thao ngo wa Akyu" Jeju ein: ra" zaung: bao" re yu mung: khyug' pye' va" khyo" yang Asang we' byumyu" alhab' mo, gyo: mae to" ra" dao: thang" re phyid' pye' va". 11Airumung: dao: thang" wa ai: ba na mae phyid' pye' va". Yao jham re vai mo,- aung: mo, wa ngore lhaug' qu" na: ako". Aimung: ngo kad' ra" mau" khyo" Asang jhau: na: rure yao: bam ba: ako". 12Ngo wa yao: bam re ceru: ta" va". Naonhaung" qad ko" re nga" yao zam: phug' byid: gela, naonhaung" maqad lao" re: airu zam" ci: ge, ein: ta" va". Aimung: yao: bam wa ngore nga" okaung phug' khyo" ngaui sam xe kye' byid' ako".
13 Asang wa ngore- Ngaui jham re Caung:pa" Yham ngaui ban" mae yeke' to: wa,- ga: ta" ra". Aimung: ngo wa- yao: bam: yang ngo the' yu nae" man: qi" ga: myid: ra" ngaui sam xe kye' geim" re yu mung: Caung:pa" Yham ngaui ban" mae yeke' to: va". 14Ai: thao ngo wa shid' lam: ein: ra" Dadang: Dalam: zaung: bao" re khyug' pye' va". Aimung: Yuda we' Israel agyo: mae" Dadang: Dalam" ra" mau" zo" wa byo: sin" byaug va".
15Ailao" Asang wa ngore ceru: ga: ta" ra". Ana" dalhang wa pe" akyu" mabo: ra" yao: zam: khyo" kad' wa,. 16Ngo wa yao: zam: dayaug re nga" yao kyaung" re qu" nae" qhid' mae" ta" to: va". Ngadqere: yao: wa byo; qeim: ruyang kyaug' tin" qhug' ra" yao jham re mabao" thaug' yu- byaug: byaug: ra" mo, rere: macao" qho- dae de; mo, rere: no mapho byid:- qao" zin" mo, rere: zo:ve mazho: ngad: ra". Ai: atha" yao: wa xau: thao" ra" yao mae" sho: re zo" ra". Aimung: yao: bam: khu sin: jham re lao" kho' pye' ra". 17Akyu" mabo: ra" yao zam: wa byuxa: vaqoe, qhug' ava". Yao: wa yao" yao kyaung" re shapye' to: co' ava". Mang: zin: gyekhe' ru wa yao" kheim: so' re bin sho' phyo' qheim" pye' li" nae". Yao" lo,pau" jham wa ngaung" lo" li" nae". Aimung: yao" lo,yo shad' mae" myo, jid' wa jid: byaug vashao:.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© Bible Society of Myanmar 2009