Oseas 5
5
1Sacerdotekama mitsun kamina ënë bana kuati ꞌain;
ꞌimainun ka Israel kamanribi bëmë́kin kuati ꞌikën;
ꞌimainun ka ꞌapun aintsikama upíokin kuati ꞌikën:
ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,
2ꞌanan kamina achúshi kini nëmionkin naëkësa ꞌixun Sitim kakë me sapan anuxun unikama ꞌuchamiakën.
Usa ꞌain kana ꞌën mitsu tëmëramiti ꞌain.
3ꞌËn kana Efraín ꞌunán;
usa ꞌain kana uisai kara Israel ꞌia a ꞌën ꞌunán.
Efraín ax ka aín nami bëtsi bëtsi uni ꞌakë xanusa ꞌikën;
usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”
4Bëtsi bëtsi ñua aín ëmanuxun ꞌakë anbi ka Israel unikama aín,
Diosmi sinanatëkënun ꞌimiman.
Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.
5Israel unikamaxa nux kananuna usaira ꞌai kiax rabiakakë ax ka atuxi anunbi ꞌatimati ꞌikën;
usa ꞌain ka Israel aín ñu ꞌatima ꞌakë anunbi ꞌuchai ꞌatimati ꞌikën,
¡usai ꞌikëbë ka Judánu ꞌikë unikama atu tani usaribiti ꞌiti ꞌikën!
6Achúshi nëtën ka atun ovejakama ꞌimainun vacakama
buánxun ꞌë barikanti ꞌikën,
usokin ꞌakinbi ka atun ꞌë mërakantima ꞌikën,
atunuax urakin kana ꞌën ëankën.
7Atux ka bëtsi bëtsi unibë ꞌikë xanusa ꞌiaxa, usa ꞌixun ka bëtsi
dioskama rabikin ꞌë paránxa,
usa atux ꞌain ka achúshi ꞌuxëinshi atun me ꞌatima okin masókë ꞌiti ꞌikën.
Israel ꞌimainun Judánu ꞌikë unikama Diosan ꞌatimoti ñuikë bana
8¡ꞌAkanankëbëtan a banokë ñuina manchan Guibeánuxun banoti ꞌain,
ꞌanan kamina manë banoti aribi Ramá anuxun banoti ꞌain!
¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain!
¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!
9ꞌËx kana Israel ñakákamanua ꞌiásaribi ꞌinua asérabi ñu ꞌiti ñui kin:
Israel ax ka anúan ꞌati nëtë ꞌikëbëtan masókin tëmëramikëx masá nuituti ꞌikën.
10Ësai ka Nukën ꞌIbu kia:
“Judánua ꞌikë ꞌapukama ax ka a unisa ꞌikën,
usa ꞌixun ka bëtsi unikaman me anua sënë́nkë a ꞌinumikin bitsia.
¡ꞌAínbi kana ꞌëx nishkin uisakin karana ꞌaisatani usakin ꞌati ꞌain!
11Israelnën rëbúnkikama an ka bëtsi dioskama rabia usa ꞌikë ka
uínbi atun bana tankin usa ka atux ꞌikë kixun katima ꞌikën.
12Usa ꞌain kana ꞌëx an ñu pikin këñúkë bisasa Israel unikamanan
ꞌianan, kana an pikin pëuxun këñubiankin i pikë bisa usaribi ꞌixun Judánu ꞌikë unikama masóti ꞌain.
13Uínsaran kara Efraínën ain ꞌinsínkë ismainun,
Judánu ꞌikë unikaman atun naminu ñukë isia,
anun ka Efraín Asirianu ꞌikë ꞌapu ꞌakinun kixun ñukáti kuanti ꞌikën,
ꞌaínbi ka atu ain ñukëkama mëníokati pëxkunun ꞌakintima ꞌikën.
14Achúshi paru ꞌinúanëan ñuina nuikë usaribi okin kana Efraín ꞌimainun Judá ꞌati ꞌain,
usokin ꞌatankëxun tukapabiani kana anuax kuanti ꞌain,
usakin ꞌën ꞌaia ka uínbi ië́mitima ꞌikën.
15Usakin ꞌatankëx kana anu ꞌëx ꞌikë anu,
atunbia sinanakin kana ꞌucha kixun ꞌë baritamainun kuanti ꞌain.
Tëmërai bënë́kin ka atun ꞌë bariti ꞌikën.”
Currently Selected:
Oseas 5: cbrPB
Highlight
Share
ਕਾਪੀ।
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.
Oseas 5
5
1Sacerdotekama mitsun kamina ënë bana kuati ꞌain;
ꞌimainun ka Israel kamanribi bëmë́kin kuati ꞌikën;
ꞌimainun ka ꞌapun aintsikama upíokin kuati ꞌikën:
ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,
2ꞌanan kamina achúshi kini nëmionkin naëkësa ꞌixun Sitim kakë me sapan anuxun unikama ꞌuchamiakën.
Usa ꞌain kana ꞌën mitsu tëmëramiti ꞌain.
3ꞌËn kana Efraín ꞌunán;
usa ꞌain kana uisai kara Israel ꞌia a ꞌën ꞌunán.
Efraín ax ka aín nami bëtsi bëtsi uni ꞌakë xanusa ꞌikën;
usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”
4Bëtsi bëtsi ñua aín ëmanuxun ꞌakë anbi ka Israel unikama aín,
Diosmi sinanatëkënun ꞌimiman.
Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.
5Israel unikamaxa nux kananuna usaira ꞌai kiax rabiakakë ax ka atuxi anunbi ꞌatimati ꞌikën;
usa ꞌain ka Israel aín ñu ꞌatima ꞌakë anunbi ꞌuchai ꞌatimati ꞌikën,
¡usai ꞌikëbë ka Judánu ꞌikë unikama atu tani usaribiti ꞌiti ꞌikën!
6Achúshi nëtën ka atun ovejakama ꞌimainun vacakama
buánxun ꞌë barikanti ꞌikën,
usokin ꞌakinbi ka atun ꞌë mërakantima ꞌikën,
atunuax urakin kana ꞌën ëankën.
7Atux ka bëtsi bëtsi unibë ꞌikë xanusa ꞌiaxa, usa ꞌixun ka bëtsi
dioskama rabikin ꞌë paránxa,
usa atux ꞌain ka achúshi ꞌuxëinshi atun me ꞌatima okin masókë ꞌiti ꞌikën.
Israel ꞌimainun Judánu ꞌikë unikama Diosan ꞌatimoti ñuikë bana
8¡ꞌAkanankëbëtan a banokë ñuina manchan Guibeánuxun banoti ꞌain,
ꞌanan kamina manë banoti aribi Ramá anuxun banoti ꞌain!
¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain!
¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!
9ꞌËx kana Israel ñakákamanua ꞌiásaribi ꞌinua asérabi ñu ꞌiti ñui kin:
Israel ax ka anúan ꞌati nëtë ꞌikëbëtan masókin tëmëramikëx masá nuituti ꞌikën.
10Ësai ka Nukën ꞌIbu kia:
“Judánua ꞌikë ꞌapukama ax ka a unisa ꞌikën,
usa ꞌixun ka bëtsi unikaman me anua sënë́nkë a ꞌinumikin bitsia.
¡ꞌAínbi kana ꞌëx nishkin uisakin karana ꞌaisatani usakin ꞌati ꞌain!
11Israelnën rëbúnkikama an ka bëtsi dioskama rabia usa ꞌikë ka
uínbi atun bana tankin usa ka atux ꞌikë kixun katima ꞌikën.
12Usa ꞌain kana ꞌëx an ñu pikin këñúkë bisasa Israel unikamanan
ꞌianan, kana an pikin pëuxun këñubiankin i pikë bisa usaribi ꞌixun Judánu ꞌikë unikama masóti ꞌain.
13Uínsaran kara Efraínën ain ꞌinsínkë ismainun,
Judánu ꞌikë unikaman atun naminu ñukë isia,
anun ka Efraín Asirianu ꞌikë ꞌapu ꞌakinun kixun ñukáti kuanti ꞌikën,
ꞌaínbi ka atu ain ñukëkama mëníokati pëxkunun ꞌakintima ꞌikën.
14Achúshi paru ꞌinúanëan ñuina nuikë usaribi okin kana Efraín ꞌimainun Judá ꞌati ꞌain,
usokin ꞌatankëxun tukapabiani kana anuax kuanti ꞌain,
usakin ꞌën ꞌaia ka uínbi ië́mitima ꞌikën.
15Usakin ꞌatankëx kana anu ꞌëx ꞌikë anu,
atunbia sinanakin kana ꞌucha kixun ꞌë baritamainun kuanti ꞌain.
Tëmërai bënë́kin ka atun ꞌë bariti ꞌikën.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.