Oseas 3

Diosan Oseas aín xanu bëtsi bëtsi unibë ꞌikë a nuibatëkënun ká bana

1Ësokin ka Diosan amiribishi ꞌë katëkëankëxa:

“Min xanu min ꞌunánkë unibëa ꞌikë a kamina nuibatëkënti ꞌain.

Ax ka bëtsi bëtsi uni kuëënkë xanu ꞌikën.

Usaribi okin kana ꞌën kamabi Israel unikama nuibatin,

atúxa bëtsi bëtsi ñu rabikë ꞌikëbi, ꞌimainun ka batokin pán uvas ë́skakë këñun

mëskukin chookin atun dios ꞌaxunkë ꞌikëbi pia.

2Usa ꞌain kana Gómer ꞌën xanu ꞌinun bitëkënuxun mapai rabë́ ꞌimainun mapai achúshi,

manë uxua ꞌakë kuríkinën kupíokin maruakën ꞌimainun

kana trescientos treinta litronu ꞌikë cebada maruan.

3Usakin ꞌaxun kana ꞌën kan: ꞌitsa nëtën kamina ꞌën xubunu ꞌëbë ꞌiti ꞌain;

usa ꞌain kamina bërí bëtsi bëtsi uni min nami ꞌamima ꞌianan uni itsibë ꞌitima ꞌain.

Usa ꞌain kana ꞌënribi anun nun ñu ꞌati nëtë ꞌitámainun uisa ñubi ꞌatima ꞌain, kiax ka kiakëxa.”

4Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun

kushi kamañumabi ꞌiti ꞌikën,

ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima:

ꞌianan atun aintsia rabikë ñukama abi rabitima ꞌikën.

5Usai pain ënë ñukama ꞌikë ꞌain ka

Israelkaman ami sinanatëkënkin,

Nukën ꞌIbu Dios rabiti sinántëkënti ꞌikën,

ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën.

Anuan ënë nëtëkama këñuti a nëtë ꞌikëbëtan ka ami rakuë́kin Dios

upíokin a ꞌakinun kixun ñukáti ꞌikën.

Currently Selected:

Oseas 3: cbrPB

Highlight

ਕਾਪੀ।

Popular Bible Verses from
Oseas 3