Amós 2
2
1Ësai ka Nukën ꞌIbu kia:
Moabnu ꞌikë unikama atúnribi ka ꞌitsaira ñu ꞌaisama ꞌaxa,
usa ꞌain kana ꞌaimama ꞌikinma atu tëmëramiti ꞌain;
atun ka Edomnu ꞌikë ꞌapun xokama ꞌaímai chimaputanun xarokëxa.
2Usa ꞌain kana Moab kakë me a tsin në́ntanun ꞌamiti ꞌain,
ꞌamikëxun ka a tsinbi Queriotnu ꞌikë ꞌapun xubukama xaroti ꞌikën;
usakin ꞌakëbë ꞌakanani sharákë a nëbë́tsinuxun,
manë banañu banoia kuakë anunbi ka
Moabnu ꞌikë unikama këñuti ꞌikën.
3¡ꞌËn kana aín unikaman nëbëtsi orakë ꞌikëbi ain ꞌapu ꞌati ꞌain;
akëñun kana aín unikama ñu ꞌunanbu akamaribi ꞌati ꞌain!
Usai ka Nukën ꞌIbu kiaxa:
4Ësai ka Nukën ꞌIbu kia:
“Judánu ꞌikë unikaman ka ꞌitsaira ñu ꞌakin ꞌaisama ñuira ꞌaxa,
usa ꞌikë kana ꞌatima oti ëntima ꞌain,
atun ka Diosan ꞌunánmisa tankë ñukama ënkin ax kikësaibi ꞌiti banakama a tanima ꞌiakëxa,
usai ꞌikin ka atun papan rabia
abi ꞌaxuan unin a rabia ñukama rabikankëxa.
5Usa ꞌain kana Judá ëma tsin bimiti ꞌain,
bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”
Dios Israel unikama tëmëramikatsi kia bana
6Ësai ka Nukën ꞌIbu kia:
“Israel unikaman ka ꞌaisama ñu ꞌakin ꞌatima ñuira ꞌaxa,
usa ꞌain kana ꞌaimama ꞌikinma atu tëmëramiti ꞌain;
atun ka uni upí bëtsi ñu ꞌakëmabi kuríki bianan bëtsi uni ꞌinánan,
ñuñuma uni aribi ñu kupímara ꞌakësokin rabë́ taxaka kupín bëtsi uni maruia.
7ꞌAnan ka ñuñuma unikamaribi ꞌatima okin tëmëramikin,
atun ñu ꞌakëkama mëníoxuntisama tania.
ꞌIanan ka aín papan aín nami ꞌakë xanu aribi, aín bëchikënën aín nami ꞌaia,
usakin ꞌakin ka ꞌën bana upí ꞌikëbi ꞌaisama bërumia.
8Usakin ꞌanan ka kuríkiñuma ꞌikëa aín chupa ñuñuma uni bikuankë a ꞌapáxun atúnribi dioskama rabikin pianan añu kara ꞌakania anuribi atúxribi ꞌikania;
ꞌanan ka ati kupíoti nankë a inumikian uni mëkamakin bikë kuríki anun uvas baka maruxun anuxun atun dios rabiti xubu anuxun xëakania.
9Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën;
atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.
10ꞌAínbi kana Egipto menua chikínbëtsinkin,
cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.
11Usa ꞌain ka israel unikama mitsunu an Dios kikë bana ñuikë unikama ꞌianan Diosan aín uni ꞌiti kaiskë unikama ꞌaíma ꞌiakëxa kiax kisama ꞌikën. ꞌËx min ꞌIbu ꞌaish kana asérabi ësai kin.
12ꞌAínbi kamina mitsun uvas baka paëokin ꞌakë a nazareo unikama abi ubioxun xëamianan
an ꞌën bana ñuikë unikama ꞌën bana ñuixuma ꞌanun kixun kakankën.
13Usa ꞌain kana ꞌanu ñu puruti taë rabë́ okin ꞌakë anu trigo purukë ꞌain me
banamibiankë usaribi mitsun xo shimú inumiti ꞌain.
14Usa ꞌain ka axa abáti ꞌunainra axi abátima ꞌikën;
ꞌimainun ka uix kara kushi ꞌikë ax kushiñumasa ꞌiti ꞌikën,
ꞌianan ka axa ꞌakánanti ꞌunáinra axi ië́tima ꞌikën.
15ꞌImainun ka axa pian ꞌakánanti ꞌunairakë axi aín pia ëbiani abatibi ëñëtima ꞌikën,
ꞌianan ka axa taën abáti ꞌunáinra suntáru axi abátima ꞌikën,
ꞌimainun ka axa caballonën niti ꞌunáinra axbi abatibi ië́tima ꞌikën.
16A nëtën ka axa ꞌakánanti ꞌunáinra uni axbi abáti ꞌikën,
ꞌimainun ka suntáru ꞌakánanti ꞌunainrakama axi atun chupa pëbiani chupañuma abáti ꞌikën,”
Usai ka Dios kia.
Currently Selected:
Amós 2: cbrPB
Highlight
Share
ਕਾਪੀ।
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.
Amós 2
2
1Ësai ka Nukën ꞌIbu kia:
Moabnu ꞌikë unikama atúnribi ka ꞌitsaira ñu ꞌaisama ꞌaxa,
usa ꞌain kana ꞌaimama ꞌikinma atu tëmëramiti ꞌain;
atun ka Edomnu ꞌikë ꞌapun xokama ꞌaímai chimaputanun xarokëxa.
2Usa ꞌain kana Moab kakë me a tsin në́ntanun ꞌamiti ꞌain,
ꞌamikëxun ka a tsinbi Queriotnu ꞌikë ꞌapun xubukama xaroti ꞌikën;
usakin ꞌakëbë ꞌakanani sharákë a nëbë́tsinuxun,
manë banañu banoia kuakë anunbi ka
Moabnu ꞌikë unikama këñuti ꞌikën.
3¡ꞌËn kana aín unikaman nëbëtsi orakë ꞌikëbi ain ꞌapu ꞌati ꞌain;
akëñun kana aín unikama ñu ꞌunanbu akamaribi ꞌati ꞌain!
Usai ka Nukën ꞌIbu kiaxa:
4Ësai ka Nukën ꞌIbu kia:
“Judánu ꞌikë unikaman ka ꞌitsaira ñu ꞌakin ꞌaisama ñuira ꞌaxa,
usa ꞌikë kana ꞌatima oti ëntima ꞌain,
atun ka Diosan ꞌunánmisa tankë ñukama ënkin ax kikësaibi ꞌiti banakama a tanima ꞌiakëxa,
usai ꞌikin ka atun papan rabia
abi ꞌaxuan unin a rabia ñukama rabikankëxa.
5Usa ꞌain kana Judá ëma tsin bimiti ꞌain,
bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”
Dios Israel unikama tëmëramikatsi kia bana
6Ësai ka Nukën ꞌIbu kia:
“Israel unikaman ka ꞌaisama ñu ꞌakin ꞌatima ñuira ꞌaxa,
usa ꞌain kana ꞌaimama ꞌikinma atu tëmëramiti ꞌain;
atun ka uni upí bëtsi ñu ꞌakëmabi kuríki bianan bëtsi uni ꞌinánan,
ñuñuma uni aribi ñu kupímara ꞌakësokin rabë́ taxaka kupín bëtsi uni maruia.
7ꞌAnan ka ñuñuma unikamaribi ꞌatima okin tëmëramikin,
atun ñu ꞌakëkama mëníoxuntisama tania.
ꞌIanan ka aín papan aín nami ꞌakë xanu aribi, aín bëchikënën aín nami ꞌaia,
usakin ꞌakin ka ꞌën bana upí ꞌikëbi ꞌaisama bërumia.
8Usakin ꞌanan ka kuríkiñuma ꞌikëa aín chupa ñuñuma uni bikuankë a ꞌapáxun atúnribi dioskama rabikin pianan añu kara ꞌakania anuribi atúxribi ꞌikania;
ꞌanan ka ati kupíoti nankë a inumikian uni mëkamakin bikë kuríki anun uvas baka maruxun anuxun atun dios rabiti xubu anuxun xëakania.
9Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën;
atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.
10ꞌAínbi kana Egipto menua chikínbëtsinkin,
cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.
11Usa ꞌain ka israel unikama mitsunu an Dios kikë bana ñuikë unikama ꞌianan Diosan aín uni ꞌiti kaiskë unikama ꞌaíma ꞌiakëxa kiax kisama ꞌikën. ꞌËx min ꞌIbu ꞌaish kana asérabi ësai kin.
12ꞌAínbi kamina mitsun uvas baka paëokin ꞌakë a nazareo unikama abi ubioxun xëamianan
an ꞌën bana ñuikë unikama ꞌën bana ñuixuma ꞌanun kixun kakankën.
13Usa ꞌain kana ꞌanu ñu puruti taë rabë́ okin ꞌakë anu trigo purukë ꞌain me
banamibiankë usaribi mitsun xo shimú inumiti ꞌain.
14Usa ꞌain ka axa abáti ꞌunainra axi abátima ꞌikën;
ꞌimainun ka uix kara kushi ꞌikë ax kushiñumasa ꞌiti ꞌikën,
ꞌianan ka axa ꞌakánanti ꞌunáinra axi ië́tima ꞌikën.
15ꞌImainun ka axa pian ꞌakánanti ꞌunairakë axi aín pia ëbiani abatibi ëñëtima ꞌikën,
ꞌianan ka axa taën abáti ꞌunáinra suntáru axi abátima ꞌikën,
ꞌimainun ka axa caballonën niti ꞌunáinra axbi abatibi ië́tima ꞌikën.
16A nëtën ka axa ꞌakánanti ꞌunáinra uni axbi abáti ꞌikën,
ꞌimainun ka suntáru ꞌakánanti ꞌunainrakama axi atun chupa pëbiani chupañuma abáti ꞌikën,”
Usai ka Dios kia.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.