Matay 8
8
1Gw’azum̃iṉi Yesu avila gô nômba, azôngyô n’aṉag’awenge. 2Na vôna, aṽyeṉi ôma w’avegagi ni nkaṉi ya gelô, alèmbya g’ôzô wè, awulya inè: Rera, j’aw’abela, awè ko panga myè pupu. 3N’alaṽiṉi Yesu ôgo, awatè, awulya inè: Mi jivira, lwaṉa pupu. N’ayingyô yè pelè avila gô nkaṉi yè ya gelô. 4N’awulinyô yè ne Yesu inè: Vôna, awuliny’ôm’ edu; ndô gènda gô tum̃inye miṉisè ôkuṽi wo, ko pe mpagaga y’azômbyô ne Môsès gô myeza waô.
5Gw’ayingiṉi Yesu gô Kapèrnaum, aṽyeṉi yôfisyè gôre yè, agwenè nkolo, awulya inè: 6Rera, nyôngô yam̃ are gô nagô bi, juwa p’ ôkuṽa awogo, e jeṉe njuke mpôlô kè. 7Yesu awulinyi yè inè: Mi be kènda, ayingè. 8N’awiṉizi yôfisyè inè: Rera, my’aze n’inyanga nyi jingiṉô wè gô nagô yam̃; ndô wuly’igamba dadyè, gambèṉè nyôngô yam̃ e be tôla. 9Konde myè mi pangiṉô, mi pangiṉ’ isozè kè myèmè; mi buliny’ôma wiṉo inè: Gènda! ko yè kènda; na gôr’ôm̃ori inè: Yôgô! ko yè bya; na gôre nyôngô yam̃ inè: Lenda ziṉo! ko yè denda zô. 10Gw’ayogyô Yesu agamba miṉo, am̃ami, awulinye mongi w’azôngi yè inè: Rèti mi bulinya ṉwè inè, vangaṉe gôr’Israèl, mi pa jeṉ’ibekelya sipôlô ôṉongo wiṉo. 11Ndô mi bulinya ṉwè inè: Awenge wi be bya avila gô nkôṽa yi tongwa ni nkômbe n’avila gô kènda na yô, alwaṉa baru n’Abraam, n’Izaak, ni Yakob, gw’iṉongo ny’ôrôṽa. 12Ndô awaṉa w’iṉongo wi be falô gô mpiri ya doṽadoṽa; gôgô be dwaṉ’edingô ni nkègèrè y’anô. 13N’awulinyi Yesu yôfisyè inè: Gèndaga, ga lwaṉe gôre wè nt’ar’ibekelyi so. N’arôli nyôngô yè gw’ igwèra mènyoṉo.
14Gw’ayingiṉi Yesu gô nagô yi Pyère, ayeṉi ôgoy ômwantô wi Pyère bi, e jeṉ’ijôrô. 15N’awati yè ôgo wè, n’alubw’ijôrô avila gôre yè; aṉongwi yè, ayanjiṉè.
16Nkôlô, w’aṽagi gôre yè awenge w’avegagi n’ aṉiṉ’ambe. N’arômbi yè aṉiṉa n’igambi nyè, arôliza waôdu w’avegagi n’inkaṉi, 17ko igamba ny’agambyô ne Yezaya, y’ôvogisi, twa rèti inè: Ayèmè awong’ indèliṉi sazô, azindiṉ’ inkaṉi sazô.
18Gw’ayeṉi Yesu aṉag’ awenge wi kômbiṉè, azômbyi nè, ga lalyôṉi gô ntye mori. 19N’aṽyeṉi ôrèndisi awulinyè inè: Rera, mi be sôngo mbôry’edu yi be kèndô wè. 20N’awiṉizô yè ne Yesu inè: Vengambwa yi re n’ impulungu, n’inyoṉi s’igôṉô si re n’akundu, ndô Ômwaṉa w’ôma azele ni mbôra yi dèwinyô yè ewônjô. 21N’ôm̃ori w’iṉèngi yè awulinyi yè inè: Rera, riga, mi dônge kènda gô bèṉe reri yam̃. 22Ndô Yesu awiṉizi yè inè: Zônga myè, ko tige bende gô bèṉe bende yaô.
23Gw’agweṉi yè gw’elende, iṉèngi yè y’azôngi yè. 24Na vôna, aṽyeṉi ôgul’ômpôlô gw’eliṽa, ko elende pugô n’ikeṽa. Ndô ayè avegagi gw’antyôviṉô. 25N’aṽyeṉ’ iṉèngi, ayèmè, awulya inè: Rera, zungiṉa zwè, azwè pera! 26N’awulinyi yè waô inè: Ntiṉa nde yi tya ṉwè, aṉwè y’ibekely’ijangô? Vovo aṉongwi yè, aleg’ ômpunga ni mbeṉe, n’arweṉi ôdèmbè ômpôlô. 27N’am̃ami aṉôm̃e, awulya inè: Wiṉo ôṉongo w’ôma nde, are vangaṉe impunga ni mbeṉe yi jogiṉô yè?
28Gw’aṽyeṉi yè gô ntye mori, gô ntye yi Gadara, aṽyeṉi aṉôm̃e aṽaṉi w’avegagi n’aṉiṉ’ambe, wi pila gw’ibenga, alataṉa na yè. W’avegagi n’erery’evôlô ko avyagaṉô ôma ni mpoṉo mèyoṉo. 29Na vôna, w’arôngi nè: Ezom̃a nde zi re zwè na wè, Ômwaṉa w’Anyambyè? Ô bya guṉu gô jeṉiza zwè azingô egômbe ṽyagaga ro? 30N’avegagi bô avila gôre waô ip’ ivôlô ny’ingôwa nyi nya. 31Aṉiṉ’ambe m’agweni Yesu inkolo inè: J’aw’ atômba zwè, riga zwè gô ke jingiṉa gw’ ipa ny’ingôwa mènyoṉo. 32N’awulinyi yè mô inè: Gèndaṉi! N’agogwi mô ayingiṉa gw’ipa ny’ ingôwa. Na vôna, ipa ny’ingôwa nyôdu ny’ayiraṉi gô mbôra y’ôlôlôṽa agènda gô mbeṉe, ayuwa gw’aṉingô. 33N’awangi mongi w’aṽandam̃iṉagi sô, agènda gô nkala, arakily’isam̃u yôdu ni nt’arweṉi gôr’anôm̃e w’avegagi n’aṉiṉ’ambe. 34Na vôna, nkala yôdu y’agogwi gô dataṉa ni Yesu; na gw’ayeṉi waô yè w’agweni yè inkolo inè, e ga lubwe avila gô ntye yaô.
Currently Selected:
Matay 8: MYE
Highlight
Share
ਕਾਪੀ।
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 8
8
1Gw’azum̃iṉi Yesu avila gô nômba, azôngyô n’aṉag’awenge. 2Na vôna, aṽyeṉi ôma w’avegagi ni nkaṉi ya gelô, alèmbya g’ôzô wè, awulya inè: Rera, j’aw’abela, awè ko panga myè pupu. 3N’alaṽiṉi Yesu ôgo, awatè, awulya inè: Mi jivira, lwaṉa pupu. N’ayingyô yè pelè avila gô nkaṉi yè ya gelô. 4N’awulinyô yè ne Yesu inè: Vôna, awuliny’ôm’ edu; ndô gènda gô tum̃inye miṉisè ôkuṽi wo, ko pe mpagaga y’azômbyô ne Môsès gô myeza waô.
5Gw’ayingiṉi Yesu gô Kapèrnaum, aṽyeṉi yôfisyè gôre yè, agwenè nkolo, awulya inè: 6Rera, nyôngô yam̃ are gô nagô bi, juwa p’ ôkuṽa awogo, e jeṉe njuke mpôlô kè. 7Yesu awulinyi yè inè: Mi be kènda, ayingè. 8N’awiṉizi yôfisyè inè: Rera, my’aze n’inyanga nyi jingiṉô wè gô nagô yam̃; ndô wuly’igamba dadyè, gambèṉè nyôngô yam̃ e be tôla. 9Konde myè mi pangiṉô, mi pangiṉ’ isozè kè myèmè; mi buliny’ôma wiṉo inè: Gènda! ko yè kènda; na gôr’ôm̃ori inè: Yôgô! ko yè bya; na gôre nyôngô yam̃ inè: Lenda ziṉo! ko yè denda zô. 10Gw’ayogyô Yesu agamba miṉo, am̃ami, awulinye mongi w’azôngi yè inè: Rèti mi bulinya ṉwè inè, vangaṉe gôr’Israèl, mi pa jeṉ’ibekelya sipôlô ôṉongo wiṉo. 11Ndô mi bulinya ṉwè inè: Awenge wi be bya avila gô nkôṽa yi tongwa ni nkômbe n’avila gô kènda na yô, alwaṉa baru n’Abraam, n’Izaak, ni Yakob, gw’iṉongo ny’ôrôṽa. 12Ndô awaṉa w’iṉongo wi be falô gô mpiri ya doṽadoṽa; gôgô be dwaṉ’edingô ni nkègèrè y’anô. 13N’awulinyi Yesu yôfisyè inè: Gèndaga, ga lwaṉe gôre wè nt’ar’ibekelyi so. N’arôli nyôngô yè gw’ igwèra mènyoṉo.
14Gw’ayingiṉi Yesu gô nagô yi Pyère, ayeṉi ôgoy ômwantô wi Pyère bi, e jeṉ’ijôrô. 15N’awati yè ôgo wè, n’alubw’ijôrô avila gôre yè; aṉongwi yè, ayanjiṉè.
16Nkôlô, w’aṽagi gôre yè awenge w’avegagi n’ aṉiṉ’ambe. N’arômbi yè aṉiṉa n’igambi nyè, arôliza waôdu w’avegagi n’inkaṉi, 17ko igamba ny’agambyô ne Yezaya, y’ôvogisi, twa rèti inè: Ayèmè awong’ indèliṉi sazô, azindiṉ’ inkaṉi sazô.
18Gw’ayeṉi Yesu aṉag’ awenge wi kômbiṉè, azômbyi nè, ga lalyôṉi gô ntye mori. 19N’aṽyeṉi ôrèndisi awulinyè inè: Rera, mi be sôngo mbôry’edu yi be kèndô wè. 20N’awiṉizô yè ne Yesu inè: Vengambwa yi re n’ impulungu, n’inyoṉi s’igôṉô si re n’akundu, ndô Ômwaṉa w’ôma azele ni mbôra yi dèwinyô yè ewônjô. 21N’ôm̃ori w’iṉèngi yè awulinyi yè inè: Rera, riga, mi dônge kènda gô bèṉe reri yam̃. 22Ndô Yesu awiṉizi yè inè: Zônga myè, ko tige bende gô bèṉe bende yaô.
23Gw’agweṉi yè gw’elende, iṉèngi yè y’azôngi yè. 24Na vôna, aṽyeṉi ôgul’ômpôlô gw’eliṽa, ko elende pugô n’ikeṽa. Ndô ayè avegagi gw’antyôviṉô. 25N’aṽyeṉ’ iṉèngi, ayèmè, awulya inè: Rera, zungiṉa zwè, azwè pera! 26N’awulinyi yè waô inè: Ntiṉa nde yi tya ṉwè, aṉwè y’ibekely’ijangô? Vovo aṉongwi yè, aleg’ ômpunga ni mbeṉe, n’arweṉi ôdèmbè ômpôlô. 27N’am̃ami aṉôm̃e, awulya inè: Wiṉo ôṉongo w’ôma nde, are vangaṉe impunga ni mbeṉe yi jogiṉô yè?
28Gw’aṽyeṉi yè gô ntye mori, gô ntye yi Gadara, aṽyeṉi aṉôm̃e aṽaṉi w’avegagi n’aṉiṉ’ambe, wi pila gw’ibenga, alataṉa na yè. W’avegagi n’erery’evôlô ko avyagaṉô ôma ni mpoṉo mèyoṉo. 29Na vôna, w’arôngi nè: Ezom̃a nde zi re zwè na wè, Ômwaṉa w’Anyambyè? Ô bya guṉu gô jeṉiza zwè azingô egômbe ṽyagaga ro? 30N’avegagi bô avila gôre waô ip’ ivôlô ny’ingôwa nyi nya. 31Aṉiṉ’ambe m’agweni Yesu inkolo inè: J’aw’ atômba zwè, riga zwè gô ke jingiṉa gw’ ipa ny’ingôwa mènyoṉo. 32N’awulinyi yè mô inè: Gèndaṉi! N’agogwi mô ayingiṉa gw’ipa ny’ ingôwa. Na vôna, ipa ny’ingôwa nyôdu ny’ayiraṉi gô mbôra y’ôlôlôṽa agènda gô mbeṉe, ayuwa gw’aṉingô. 33N’awangi mongi w’aṽandam̃iṉagi sô, agènda gô nkala, arakily’isam̃u yôdu ni nt’arweṉi gôr’anôm̃e w’avegagi n’aṉiṉ’ambe. 34Na vôna, nkala yôdu y’agogwi gô dataṉa ni Yesu; na gw’ayeṉi waô yè w’agweni yè inkolo inè, e ga lubwe avila gô ntye yaô.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Published by the British and Foreign Bible Society in 1927.