Matay 18
18
1Gw’egômbe mè, aṽyeṉ’iṉèngi gôre Yesu, awulya inè: Sambô ôm’ômpôlô gw’iṉongo ny’ôrôṽa mande? 2N’aweyi Yesu ômwaṉ’erumbe, alôṽyè gô garegare yaô, awulya inè: 3Giligili mi bulinya ṉwè inè: Kaô aṉwè akalwa, alwaṉa g’awarumbe, aṉwè ayingiṉe gw’iṉongo ny’ôrôṽa. 4Yeṉo, ôm’edu e be sôny’ôkuṽi wè ga ’mwerumbe wiṉo, ayè ôm’ômpôlô gw’iṉongo ny’ôrôṽa. 5N’ôm’edu e bonga ’mwerumbe ga wiṉo gw’ini nyam̃ e bonga myè. 6Ndô ôm’edu e be sogiz’ ôm̃ori gôr’awangô wiṉo wi bekelya myè, ko dwaṉe mbya gôre yè inè, idô nyi kiliṉ’imba nyi ga liryô g’ômpele wè, ko yè dôm̃iṉa g’ôronga wi ntyuṽa.
7Azile gô ntye g’ômwanja w’isogiza! Konde rèti isogiza si be bya, ndô azile gôr’ôma mè e bag’isogiza! 8Na j’ôgo wo ge ôgôlô wo w’asogizo, reṉa mô nkwe, ko fala mô avila gôre wè; are mbya gôre wè gô jingiṉa gw’em̃èṉo ebôke g’eṉèm̃a, vyagaṉô na gô dwaṉa n’ago ambaṉi ge n’agôlô ambaṉi gô falô g’ôgôṉi w’egômbe zôdu. 9Na j’intyo nyo ny’asogizo, rôduṉa nyô, ko fala nyô avila gôre wè; are mbya gôre wè gô jingiṉa gw’em̃èṉo n’intyw’im̃ori, vyagaṉô na gô dwaṉa n’antyo ambaṉi gô falô gw’elôngô z’ôgôṉi.
10Ṽandam̃iṉaṉi, aṉwè vende pèdy’ôm̃ori gôr’ awangô wiṉo; konde mi bulinya ṉwè inè, iyenjèl saô g’ôrôṽa si pôn’ôzô wa Reri yam̃ yi re g’ôrôṽa egômbe zôdu. 11Konde Ômwaṉa w’ôma are bya pa gô sungiṉ’ezom̃a zi re pera pa.
12Aṉwè tanga sè? Jog’ôma are ni nkam̃a y’adombè, ko im̃ori gô mô pera, arige agôm̃i m’adombè eṉôgôm̃i n’adombè eṉôgôm̃i gw’inômba, ko yè kènda gô buta nyô nyi re pera pa? 13Na j’adènga nyô rèti mi bulinya ṉwè inè, e jeṉa nyô mbya vyagaṉô n’agôm̃i m’adombè eṉôgôm̃i n’adombè eṉôgôm̃i mi re mi pa pera. 14Yeṉo kè arange ntondiṉi ya Reri yaṉi yi re g’ôrôṽa, inè, ôm̃ori gôr’awangô wiṉo e ga vere.
15Ja mwô’ngi yo ajanjiṉo mbe, ge tevuṉe yè awè na yè anka. J’ajogiṉô wè, gambèṉè w’adèngi mwô’ngi yo. 16Ndô j’ayogiṉô wè, wonga na wè ôm̃ori ge aṽaṉi inè, gw’agwaṉa m’iyeṉi mbaṉi ge irarô, igamby’edu nyi ga lwaṉizô. 17Na j’ayogiṉô waô, rakilye mandô; na j’ayogiṉô mandô, gambèṉè e ga lwaṉe gôre wè g’ôma re e pa mya Anyambyè na ga publikan. 18Giligili mi bulinya ṉwè inè, ôsam̃u edu wi be diryô ṉwè gô ntye, wi be diryô kè g’ôrôṽa, n’ôsam̃u edu wi be puruṉô ṉwè gô ntye, wi be puruṉô kè g’ôrôṽa.
19Mi tô bulinya ṉwè inè, jog’aṽaṉi gôre ṉwè w’akwezangaṉa gô ntye gô bamby’ezom̃’edu, Reri yam̃ yi re g’ôrôṽa e be dendiṉa waô zô. 20Konde gô mbôra yi r’aṽaṉi ge ararô dataṉa pa gw’ini nyam̃, vovo re myè gô garegare yaô.
21Vovo aṽyeṉi Pyère gôre yè, awulya inè: Rera, nyongo mya si be dendô myè mbe ne mwô’ngi yam̃ ko mi nyezè? Kaô nyongo ôrwageṉô? 22Yesu awulinyi yè inè: Mi pa bulinyo inè, kaô nyongo ôrwageṉô, ndô kaô nyongo ôrwageṉô agôm̃i m’inyongo ôrwageṉô.
23Yeṉo, iṉongo ny’ôrôṽa nyi r’egolaṉi g’ôga w’aṽeli gô bonge ntangô gôr’inyôngô sè. 24Na gw’avakilyi yè gô bonge ntangô, aṽagyô gôre yè ôm̃ori w’aṉwani yè igôm̃i ny’intozèny s’italènti. 25Ndô gô re nè e re pegege n’ezom̃a zi pa, reri yè azômbyi nè, e ga gôlô, ayè, n’ômwantô wè, n’awaṉi wè, n’ezom̃’edu z’avegagi na yè, ko inwana mazô. 26Yeṉo avôswi nyôngô mè gô ntye, azaviṉè, awulya inè: Rera, vengina myè, gambèṉè mi be po sôdu. 27N’avôgiṉi rerè yi nyôngô mè avôgiṉè, avuruṉè anyezè inwana mè. 28Ndô nyôngô mè agogwi alèng’ôm̃ori w’inyôngô na yè aṉwani yè nkam̃a y’ifura. N’agôtyè yè, avyarè gw’ epôngô, awulya inè: Va myè inwani sam̃. 29Yeṉo avôswi nyôngô na yè gô ntye, agwenè nkolo inè: Vengiṉa myè, mi be po inwani so. 30Ndô e re jivire, n’agèndi yè, awelè gô ntyôgô, kaô apa inwana mè. 31Na gw’ayeṉ’inyôngô na yè nt’arweṉi, w’ayeṉ’ekèṽ’ evôlô, n’aṽyeṉi waô arakilye reri yaô isam̃u yôdu y’arweṉi. 32Vovo rerè yi nyôngô mè aweyi yè, awulinyè inè: Nyôngô mbe, my’anyezi wè inwani sam̃ sôdu, konde w’agweni myè nkolo; 33gambèṉè w’avôgiṉe kè nyôngô na wè, ga nt’ avôgiṉi myè wè? 34N’aṽendi reri yè, aviṉè gô jeṉizô azingô, kaô apa inwani sè sôdu. 35Yeṉo kè be dendiṉô ṉwè ne Reri yam̃ yi re g’ôrôṽa, kaô aṉwè anyezaṉa gw’irèm̃i yaṉi ôm’edu ômwareri yè.
Currently Selected:
Matay 18: MYE
Highlight
Share
ਕਾਪੀ।
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 18
18
1Gw’egômbe mè, aṽyeṉ’iṉèngi gôre Yesu, awulya inè: Sambô ôm’ômpôlô gw’iṉongo ny’ôrôṽa mande? 2N’aweyi Yesu ômwaṉ’erumbe, alôṽyè gô garegare yaô, awulya inè: 3Giligili mi bulinya ṉwè inè: Kaô aṉwè akalwa, alwaṉa g’awarumbe, aṉwè ayingiṉe gw’iṉongo ny’ôrôṽa. 4Yeṉo, ôm’edu e be sôny’ôkuṽi wè ga ’mwerumbe wiṉo, ayè ôm’ômpôlô gw’iṉongo ny’ôrôṽa. 5N’ôm’edu e bonga ’mwerumbe ga wiṉo gw’ini nyam̃ e bonga myè. 6Ndô ôm’edu e be sogiz’ ôm̃ori gôr’awangô wiṉo wi bekelya myè, ko dwaṉe mbya gôre yè inè, idô nyi kiliṉ’imba nyi ga liryô g’ômpele wè, ko yè dôm̃iṉa g’ôronga wi ntyuṽa.
7Azile gô ntye g’ômwanja w’isogiza! Konde rèti isogiza si be bya, ndô azile gôr’ôma mè e bag’isogiza! 8Na j’ôgo wo ge ôgôlô wo w’asogizo, reṉa mô nkwe, ko fala mô avila gôre wè; are mbya gôre wè gô jingiṉa gw’em̃èṉo ebôke g’eṉèm̃a, vyagaṉô na gô dwaṉa n’ago ambaṉi ge n’agôlô ambaṉi gô falô g’ôgôṉi w’egômbe zôdu. 9Na j’intyo nyo ny’asogizo, rôduṉa nyô, ko fala nyô avila gôre wè; are mbya gôre wè gô jingiṉa gw’em̃èṉo n’intyw’im̃ori, vyagaṉô na gô dwaṉa n’antyo ambaṉi gô falô gw’elôngô z’ôgôṉi.
10Ṽandam̃iṉaṉi, aṉwè vende pèdy’ôm̃ori gôr’ awangô wiṉo; konde mi bulinya ṉwè inè, iyenjèl saô g’ôrôṽa si pôn’ôzô wa Reri yam̃ yi re g’ôrôṽa egômbe zôdu. 11Konde Ômwaṉa w’ôma are bya pa gô sungiṉ’ezom̃a zi re pera pa.
12Aṉwè tanga sè? Jog’ôma are ni nkam̃a y’adombè, ko im̃ori gô mô pera, arige agôm̃i m’adombè eṉôgôm̃i n’adombè eṉôgôm̃i gw’inômba, ko yè kènda gô buta nyô nyi re pera pa? 13Na j’adènga nyô rèti mi bulinya ṉwè inè, e jeṉa nyô mbya vyagaṉô n’agôm̃i m’adombè eṉôgôm̃i n’adombè eṉôgôm̃i mi re mi pa pera. 14Yeṉo kè arange ntondiṉi ya Reri yaṉi yi re g’ôrôṽa, inè, ôm̃ori gôr’awangô wiṉo e ga vere.
15Ja mwô’ngi yo ajanjiṉo mbe, ge tevuṉe yè awè na yè anka. J’ajogiṉô wè, gambèṉè w’adèngi mwô’ngi yo. 16Ndô j’ayogiṉô wè, wonga na wè ôm̃ori ge aṽaṉi inè, gw’agwaṉa m’iyeṉi mbaṉi ge irarô, igamby’edu nyi ga lwaṉizô. 17Na j’ayogiṉô waô, rakilye mandô; na j’ayogiṉô mandô, gambèṉè e ga lwaṉe gôre wè g’ôma re e pa mya Anyambyè na ga publikan. 18Giligili mi bulinya ṉwè inè, ôsam̃u edu wi be diryô ṉwè gô ntye, wi be diryô kè g’ôrôṽa, n’ôsam̃u edu wi be puruṉô ṉwè gô ntye, wi be puruṉô kè g’ôrôṽa.
19Mi tô bulinya ṉwè inè, jog’aṽaṉi gôre ṉwè w’akwezangaṉa gô ntye gô bamby’ezom̃’edu, Reri yam̃ yi re g’ôrôṽa e be dendiṉa waô zô. 20Konde gô mbôra yi r’aṽaṉi ge ararô dataṉa pa gw’ini nyam̃, vovo re myè gô garegare yaô.
21Vovo aṽyeṉi Pyère gôre yè, awulya inè: Rera, nyongo mya si be dendô myè mbe ne mwô’ngi yam̃ ko mi nyezè? Kaô nyongo ôrwageṉô? 22Yesu awulinyi yè inè: Mi pa bulinyo inè, kaô nyongo ôrwageṉô, ndô kaô nyongo ôrwageṉô agôm̃i m’inyongo ôrwageṉô.
23Yeṉo, iṉongo ny’ôrôṽa nyi r’egolaṉi g’ôga w’aṽeli gô bonge ntangô gôr’inyôngô sè. 24Na gw’avakilyi yè gô bonge ntangô, aṽagyô gôre yè ôm̃ori w’aṉwani yè igôm̃i ny’intozèny s’italènti. 25Ndô gô re nè e re pegege n’ezom̃a zi pa, reri yè azômbyi nè, e ga gôlô, ayè, n’ômwantô wè, n’awaṉi wè, n’ezom̃’edu z’avegagi na yè, ko inwana mazô. 26Yeṉo avôswi nyôngô mè gô ntye, azaviṉè, awulya inè: Rera, vengina myè, gambèṉè mi be po sôdu. 27N’avôgiṉi rerè yi nyôngô mè avôgiṉè, avuruṉè anyezè inwana mè. 28Ndô nyôngô mè agogwi alèng’ôm̃ori w’inyôngô na yè aṉwani yè nkam̃a y’ifura. N’agôtyè yè, avyarè gw’ epôngô, awulya inè: Va myè inwani sam̃. 29Yeṉo avôswi nyôngô na yè gô ntye, agwenè nkolo inè: Vengiṉa myè, mi be po inwani so. 30Ndô e re jivire, n’agèndi yè, awelè gô ntyôgô, kaô apa inwana mè. 31Na gw’ayeṉ’inyôngô na yè nt’arweṉi, w’ayeṉ’ekèṽ’ evôlô, n’aṽyeṉi waô arakilye reri yaô isam̃u yôdu y’arweṉi. 32Vovo rerè yi nyôngô mè aweyi yè, awulinyè inè: Nyôngô mbe, my’anyezi wè inwani sam̃ sôdu, konde w’agweni myè nkolo; 33gambèṉè w’avôgiṉe kè nyôngô na wè, ga nt’ avôgiṉi myè wè? 34N’aṽendi reri yè, aviṉè gô jeṉizô azingô, kaô apa inwani sè sôdu. 35Yeṉo kè be dendiṉô ṉwè ne Reri yam̃ yi re g’ôrôṽa, kaô aṉwè anyezaṉa gw’irèm̃i yaṉi ôm’edu ômwareri yè.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Published by the British and Foreign Bible Society in 1927.