ၸႃႇၶရီႉ 11
11
1လွႆလေႇပၼုၼ်ႇဢိူၺ်း၊ ၽုၺ်ႇပိုတ်ႇ ၽၵ်းတူမႂ်းတင်းလၢႆ ႁႂ်ႈၽႆးလႆႈမႆႈတူၼ်ႈဢႃႇရိတ်ႉမႂ်း ၸိူဝ်းၼၼ်ႉတႃႉ။- 2တူၼ်ႈမႆႉပႅၵ်ႇၶဝ်ဢိူၺ်း၊ ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ်တူၼ်ႈဢႃႇရိတ်ႉလူမ်ႉတူၵ်း ၼၼ်ႉတႃႉ။ တူၼ်ႈဢၼ်မျၢတ်ႈၸိူဝ်းၼၼ်ႉ လူႉၵႂႃႇလႅဝ်ၵႂႃႇယဝ်ႉ။ တူၼ်ႈမႆႉၼိမ်မိူင်းပႃႇသၢၼ်ႇၶဝ်ဢိူၺ်း၊ ဢွၼ်ၵၼ်ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ် ပႃႇမႆႉပႃႇၸိင် ဢၼ်မၼ်ႈၶိူင်ႇၼၼ်ႉ လႆႈၶၢမ်ႇတၢင်းဢၼ်ပမ်ႈလူမ်ႉပႅတ်ႈ ၼၼ်ႉတႃႉ။- 3လႆႈငိၼ်းသဵင် ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉ ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ် သရေႇၶဝ်လူႉၼၼ်ႉဢေႃႈ။ လႆႈငိၼ်းသဵင် သၢင်ႇသီႈ တူဝ်ၼုမ်ႇတူဝ်ႁၢတ်ႈ တင်းလၢႆႁွင်ႉၶၢင်း ၵွပ်ႈပိူဝ်ႈဢၼ် မုၼ်သရေႇၼမ်ႉႁွင်ႈယေႃးတၢၼ်ႇ လူႉၵႂႃႇၼၼ်ႉဢေႃႈ။
ၵူၼ်းလဵင်ႉထိင်းသူဝ်းဢၼ်မိူၵ်ႈ
4ထႃႇဝရႃႉၽြႃး ၽြႃးပဵၼ်ၸဝ်ႈၵဝ် မီးဢမိင်ႉၸမ်ႉ၊ လဵင်ႉလူမုၵ်ႉသူဝ်း၊ၽုင်သူဝ်း ဢၼ်ဝႆႉပုၼ်ႈ ဢၼ်တၵ်းဢဝ်တၢႆၼႆႉတႃႉ။- 5ၶဝ်ၸိူဝ်းဢၼ်ပိူင်ႇၶဝ်ၼၼ်ႉ ဢဝ်ၶဝ်တၢႆလႄႈ ဢမ်ႇမၢတ်ႈတူဝ်ၸဝ်ႈၵဝ်ႇ မီးဢပႅတ်ႈ။ ၶဝ်ၸိူဝ်းဢၼ် ဢဝ်ၶဝ်ၶၢႆၵိၼ်ၼၼ်ႉၵေႃႈ လၢတ်ႈလႄႈဝႃႈ၊ ၵွပ်ႈပိူဝ်ႈဢၼ်ၵဝ် မၢၵ်ႈမီးလႄႈ ႁႂ်ႈထႃႇဝရႃႉၽြႃးမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။ ၶဝ်ၸိူဝ်းဢၼ် လဵင်ႉသူဝ်းထိင်းသူဝ်းၶဝ်ၼၼ်ႉၵေႃႈ ဢမ်ႇမီးၵရူႉၼႃႇ တၢင်းဢၼ်ဢဵတ်းလူ။- 6ထႃႇဝရႃႉၽြႃးမီးဢမိင်ႉၸမ်ႉ၊ ၵမ်းလိုၼ်းၵဝ်ယင်း ဢမ်ႇဢဵတ်းလူသေလၢႆ ၵူၼ်းဝၢၼ်ႈၵူၼ်းမိူင်းလႄႈ တၵ်းဢဝ်ၶဝ်ၵႃႈမီး ဢၢပ်ႈပၼ်ၵႃႈၼႂ်းမိုဝ်း ၵူၼ်းႁိူၼ်းၸမ်ၵၼ်တင်းၶဝ် ဢိၵ်ႇတင်းၵႃႈၼႂ်းမိုဝ်းၶုၼ်ႁေႃၶမ်းၶဝ် သေလႄႈ ၶဝ်ၼၼ်ႉတၵ်းၼိၵ်ႈၸၢၵ်ႈ၊ငႅၼ်းသႄးမိူင်း တင်းမိူင်းဢေႃႈ။ ၵဝ်တၵ်းဢမ်ႇပွႆႇၶဝ်လွတ်ႈ ဢွၵ်ႇသေၵႃႈၼႂ်းမိုဝ်းၶဝ်ၼၼ်ႉ ဝႃႈၼင်ႇၼႆဢေႃႈ။- 7ၼင်ႇၼၼ်လႄႈ ၵဝ်လႆႈလဵင်ႉလူၽုင်သူဝ်း ဢၼ်ဝႆႉပုၼ်ႈ ဢၼ်တၵ်းဢဝ်တၢႆ ဢၼ်ဝႃႈသူဝ်းဢၼ်ယၢၵ်ႈဢၼ်ၽၢၼ် ၸိူဝ်းၼၼ်ႉဢေႃႈ။ ၵဝ်ဢဝ်ၶွၼ်ႉၵွမ်း ဢၼ်လဵင်ႉထိင်းသူဝ်း သွင်လႅမ်ႈ လႄႈ ႁွင်ႉႁဵၵ်ႈၸိုဝ်ႈ လႅမ်ႈၼိုင်ႈ တၢင်းဢၼ်ႁဵတ်းၵျေးၸူး ဢိၵ်ႇတင်းလႅမ်ႈၼိုင်ႈ တၢင်းဢၼ်မတ်ႉဢၼ်ၽုၵ်ႇ သေလႄႈ လႆႈလဵင်ႉလူ မုၵ်ႉသူဝ်းၽုင်သူဝ်းဢေႃႈ။- 8ၵဝ်ပႄႇတႅပ်း ၵူၼ်းလဵင်ႉသူဝ်းထိင်းသူဝ်း သၢမ်ၵေႃႉ ၼၼ်ႉ ပႅတ်ႈၼႂ်းလိူၼ်ၼိုင်ႈၵူၺ်း ၵွပ်ႈပိူဝ်ႈဢၼ်ႁူဝ်ၸႂ်ၵဝ် ဢုၵ်းဢဝ်ႇမႆႈႁွၼ်ႉၶဝ်လႄႈ ၶဝ်ၵေႃႈလီႁင်ႈဢဵတ်ႇသဵတ်ႇၵဝ် ၼၼ်ႉဢေႃႈ။- 9ၵဝ်လၢတ်ႈလႄႈဝႃႈ၊ ၵမ်းလိုၼ်း ၵဝ်ဢၼ်ဝႃႈၵဝ်ၼႆႉ ဢမ်ႇလဵင်ႉဢမ်ႇလူသူ။ ႁႂ်ႈတူဝ်ဢၼ်တၢႆၼၼ်ႉ တၢႆသေၵမ်းလူၺ်ႈ။ ႁႂ်ႈတူဝ်ဢၼ်လႆႈၶၢမ်ႇ တၢင်းဢၼ်ဢဝ်တၢႆၼၼ်ႉ လႆႈၶၢမ်ႇသေၵမ်းလူၺ်ႈ။ ႁႂ်ႈတူဝ်ဢၼ် ယင်းၵိုတ်းယင်းၵျၢၼ်ႇၸိူဝ်းၼၼ်ႉ တူဝ်ၼိုင်ႈလႄႈတူဝ်ၼိုင်ႈ ၶူပ်းၵိၼ်ၵၼ် သေၵမ်းလူၺ်ႈ၊ ဝႃႈၼင်ႇၼႆသေလႄႈ၊- 10ဢဝ်ၶွၼ်ႉၵွမ်းၵဝ် ဢၼ်လႆႈၸိုဝ်ႈ တၢင်းဢၼ်ႁဵတ်းၵျေးၸူးၼၼ်ႉ ႁၵ်းပႅတ်ႈ ႁႂ်ႈလႆႈယႃႉ ပတီႉၺိၺ်ႇ ဢၼ်ၵဝ်ႁဵတ်းလူၺ်ႈၵၼ်တင်းမဵဝ်းၵူၼ်း တင်းသဵင်ႈတင်းလူင် မိူဝ်ႈၵွၼ်ႇဢွၼ်ၼႆႉ ၼၼ်ႉဢေႃႈ။- 11ၵွပ်ႈပိူဝ်ႈဢၼ် ပတီႉၺိၺ်ႇၼၼ်ႉ လူႉၼႂ်းမိုဝ်ႉဝၼ်းၼၼ်ႉလႄႈ သူဝ်းဢၼ်ယၢၵ်ႈ၊ဢၼ်ၽၢၼ် ဢၼ်ပိုင်ႈဢိင်ၵဝ်ယူႇၸိူဝ်းၼၼ်ႉ ႁူႉၸႅင်ႈလွင်ႈဢၼ်ပဵၼ် ၼုၵ်ႈၵပၢတ်ႈထႃႇဝရႃႉၽြႃး ၼၼ်ႉဢေႃႈ။- 12လႆႈသမ်ႉ ၵဝ်လၢတ်ႈတီႈၶဝ်လႄႈဝႃႈ၊ ပေႃးလီပၼ် ၵႃႈၶၼ်ဢၼ်ၵဝ်ထုၵ်ႇလႆႈၼၼ်ႉ သိုဝ်ႈၼႃႈတႂ်ႈတႃသူၸိုင်၊ ဢွၼ်ၵၼ်ပၼ်တႃႉ။ ပေႃးဢမ်ႇလီပၼ်ၸိုင်၊ ယႃႇပေပၼ်၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉဢွၼ်ၵၼ် ၸင်ႈႁိဝ်ႈငိုၼ်း သၢမ်သိပ်းၵျၢပ်ႈ ႁႂ်ႈလႆႈပၼ် ၵႃႈၶၼ်ၵဝ်ဢေႃႈ။- 13ထႃႇဝရႃႉၽြႃးၵေႃႈ မီးဢမိင်ႉလႄႈဝႃႈ၊ ဢဝ်ငိုၼ်းၼၼ်ႉ ဢၼ်ဝႃႈ ၵႃႈၶၼ် ဢၼ်ယႂ်ႇၼမ်ၼႃႇလႄႈ ၶဝ်ပျၢတ်ႈၵႃႈၶၼ်ၵဝ်ၼၼ်ႉ ထိမ်ႈတူၵ်းသႂ်ႇဝႆႉ ၵႃႈတီႈၽၢႆႇၼႃႈ ၵေႃႉဢၼ်ႁဵတ်းမေႃႈၼၼ်ႉတႃႉ၊ ဝႃႈၼင်ႇၼႆသေယဝ်ႉ၊ ၵဝ်ဢဝ်ငိုၼ်း သၢမ်သိပ်းၵျၢပ်ႈ ၼၼ်ႉလႄႈ ထိမ်ႈတူၵ်းသႂ်ႇဝႆႉၵႃႈတီႈၽၢႆႇၼႃႈ ၵေႃႉဢၼ်ႁဵတ်းမေႃႈၼၼ်ႉ ၵႃႈၼႂ်းပိၵ်ႈမၢၼ်ႇ ထႃႇဝရႃႉၽြႃးဢေႃႈ။- 14မိူဝ်ႈၼၼ်ႉ ၵဝ်ဢဝ်ၶွၼ်ႉၵွမ်းၵဝ် တၢင်ႇလႅမ်ႈ ဢၼ်လႆႈၸိုဝ်ႈ တၢင်းဢၼ်မတ်ႉဢၼ်ၽုၵ်ႇၼၼ်ႉ ႁၵ်းပႅတ်ႈ ႁႂ်ႈယႃႉမိၵ်ႉသႃႇႁႃယႃႉ ဢၼ်မဵဝ်းယူႉတႃႉ ဢိၵ်ႇတင်း မဵဝ်းဢီႉသရေႇလႃႉ ႁဵတ်းလူၺ်ႈၵၼ်ၼၼ်ႉ ပႅတ်ႈဢေႃႈ။- 15လႆႈသမ်ႉ ထႃႇဝရႃႉၽြႃး မီးဢမိင်ႉလႄႈဝႃႈ၊ သမ်ႉၶိုၼ်းသိမ်းဢဝ် ၶိူင်ႈပိူင်ၵေႃႉဢၼ်လဵင်ႉသူဝ်းထိင်းသူဝ်း ဢၼ်မိူၵ်ႈၼၼ်ႉ ထႅင်ႈတႃႉ။- 16လွင်ႈမၼ်းၸမ်ႉ ၵဝ်တၵ်းႁႂ်ႈၵေႃႉဢၼ်လဵင်ႉသူဝ်းထိင်းသူဝ်း ၵေႃႉၼိုင်ႈ ပေႃႇမႃးၵႃႈၼႂ်း မိူင်းၼႆႉဢေႃႈ။ မၼ်းၼၼ်ႉ တၵ်းဢမ်ႇလူဢမ်ႇတူၺ်း တူဝ်ဢၼ်လႆႈၶၢမ်ႇ တၢင်းဢၼ်ဢဝ်တၢႆၼၼ်ႉ။ တၵ်းဢမ်ႇႁႃတူဝ် ဢၼ်ၽိတ်းတၢင်းပိူင်ႈတၢင်း ၵႂႃႇၼၼ်ႉ။ တၵ်းဢမ်ႇႁဵတ်းႁႂ်ႈ တၢင်းၸဵပ်းတၢင်းသႅပ်ႇ တူဝ်ဢၼ်ၸဵပ်းသႅပ်ႇၼၼ်ႉ ႁၢႆၼၼ်ႉ။ တၵ်းဢမ်ႇၸွႆႈထႅမ် လဵင်ႉလူတူဝ်ဢၼ်ၸုၵ်းယူႇၼၼ်ႉ။ တၵ်းၵိၼ်တူဝ် ဢၼ်ပီးလီမၼ်းလီၼၼ်ႉလႄႈ ႁၵ်းႁဵၵ်းၵိပ်ႇၶဝ် ပႅတ်ႈဢေႃႈ။- 17ႁႂ်ႈၵေႃႉဢၼ်လဵင်ႉထိင်းသူဝ်း ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်၊ ဢၼ်ၸုၼ်ႉပႅတ်ႈ ၽုင်သူဝ်းၼၼ်ႉ မီးဢႃႉမင်ႇၵလႃႇ သေၵမ်းလူၺ်ႈ။ ၽေးလၢပ်ႇၽေးလႅဝ်း တၵ်းႁွတ်ႈထိုင် ၵႃႈတီႈၶႅၼ်မိုဝ်းမၼ်း ဢိၵ်ႇတင်း မၢၵ်ႇတႃၶွၼ်ၶႂႃမၼ်းဢေႃႈ။ ၶႅၼ်မိုဝ်းမၼ်းၼၼ်ႉ တၵ်းႁဵဝ်ႇႁႅင်ႈၵႂႃႇ တင်းသဵင်ႈတင်းမူတ်းလႄႈ မၢၵ်ႇတႃၶွၼ်ၶႂႃမၼ်းၼၼ်ႉ တၵ်းလပ်းသိင်ႇၵႂႃႇ တင်းသဵင်ႈတင်းမူတ်း ဢေႃႈ။
Currently Selected:
ၸႃႇၶရီႉ 11: CBMS
Highlight
Share
ਕਾਪੀ।
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ၸႃႇၶရီႉ 11
11
1လွႆလေႇပၼုၼ်ႇဢိူၺ်း၊ ၽုၺ်ႇပိုတ်ႇ ၽၵ်းတူမႂ်းတင်းလၢႆ ႁႂ်ႈၽႆးလႆႈမႆႈတူၼ်ႈဢႃႇရိတ်ႉမႂ်း ၸိူဝ်းၼၼ်ႉတႃႉ။- 2တူၼ်ႈမႆႉပႅၵ်ႇၶဝ်ဢိူၺ်း၊ ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ်တူၼ်ႈဢႃႇရိတ်ႉလူမ်ႉတူၵ်း ၼၼ်ႉတႃႉ။ တူၼ်ႈဢၼ်မျၢတ်ႈၸိူဝ်းၼၼ်ႉ လူႉၵႂႃႇလႅဝ်ၵႂႃႇယဝ်ႉ။ တူၼ်ႈမႆႉၼိမ်မိူင်းပႃႇသၢၼ်ႇၶဝ်ဢိူၺ်း၊ ဢွၼ်ၵၼ်ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ် ပႃႇမႆႉပႃႇၸိင် ဢၼ်မၼ်ႈၶိူင်ႇၼၼ်ႉ လႆႈၶၢမ်ႇတၢင်းဢၼ်ပမ်ႈလူမ်ႉပႅတ်ႈ ၼၼ်ႉတႃႉ။- 3လႆႈငိၼ်းသဵင် ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉ ပွင်ႉၶၢင်းပွင်ႉမိူၼ်ႇ ၵွပ်ႈပိူဝ်ႈဢၼ် သရေႇၶဝ်လူႉၼၼ်ႉဢေႃႈ။ လႆႈငိၼ်းသဵင် သၢင်ႇသီႈ တူဝ်ၼုမ်ႇတူဝ်ႁၢတ်ႈ တင်းလၢႆႁွင်ႉၶၢင်း ၵွပ်ႈပိူဝ်ႈဢၼ် မုၼ်သရေႇၼမ်ႉႁွင်ႈယေႃးတၢၼ်ႇ လူႉၵႂႃႇၼၼ်ႉဢေႃႈ။
ၵူၼ်းလဵင်ႉထိင်းသူဝ်းဢၼ်မိူၵ်ႈ
4ထႃႇဝရႃႉၽြႃး ၽြႃးပဵၼ်ၸဝ်ႈၵဝ် မီးဢမိင်ႉၸမ်ႉ၊ လဵင်ႉလူမုၵ်ႉသူဝ်း၊ၽုင်သူဝ်း ဢၼ်ဝႆႉပုၼ်ႈ ဢၼ်တၵ်းဢဝ်တၢႆၼႆႉတႃႉ။- 5ၶဝ်ၸိူဝ်းဢၼ်ပိူင်ႇၶဝ်ၼၼ်ႉ ဢဝ်ၶဝ်တၢႆလႄႈ ဢမ်ႇမၢတ်ႈတူဝ်ၸဝ်ႈၵဝ်ႇ မီးဢပႅတ်ႈ။ ၶဝ်ၸိူဝ်းဢၼ် ဢဝ်ၶဝ်ၶၢႆၵိၼ်ၼၼ်ႉၵေႃႈ လၢတ်ႈလႄႈဝႃႈ၊ ၵွပ်ႈပိူဝ်ႈဢၼ်ၵဝ် မၢၵ်ႈမီးလႄႈ ႁႂ်ႈထႃႇဝရႃႉၽြႃးမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။ ၶဝ်ၸိူဝ်းဢၼ် လဵင်ႉသူဝ်းထိင်းသူဝ်းၶဝ်ၼၼ်ႉၵေႃႈ ဢမ်ႇမီးၵရူႉၼႃႇ တၢင်းဢၼ်ဢဵတ်းလူ။- 6ထႃႇဝရႃႉၽြႃးမီးဢမိင်ႉၸမ်ႉ၊ ၵမ်းလိုၼ်းၵဝ်ယင်း ဢမ်ႇဢဵတ်းလူသေလၢႆ ၵူၼ်းဝၢၼ်ႈၵူၼ်းမိူင်းလႄႈ တၵ်းဢဝ်ၶဝ်ၵႃႈမီး ဢၢပ်ႈပၼ်ၵႃႈၼႂ်းမိုဝ်း ၵူၼ်းႁိူၼ်းၸမ်ၵၼ်တင်းၶဝ် ဢိၵ်ႇတင်းၵႃႈၼႂ်းမိုဝ်းၶုၼ်ႁေႃၶမ်းၶဝ် သေလႄႈ ၶဝ်ၼၼ်ႉတၵ်းၼိၵ်ႈၸၢၵ်ႈ၊ငႅၼ်းသႄးမိူင်း တင်းမိူင်းဢေႃႈ။ ၵဝ်တၵ်းဢမ်ႇပွႆႇၶဝ်လွတ်ႈ ဢွၵ်ႇသေၵႃႈၼႂ်းမိုဝ်းၶဝ်ၼၼ်ႉ ဝႃႈၼင်ႇၼႆဢေႃႈ။- 7ၼင်ႇၼၼ်လႄႈ ၵဝ်လႆႈလဵင်ႉလူၽုင်သူဝ်း ဢၼ်ဝႆႉပုၼ်ႈ ဢၼ်တၵ်းဢဝ်တၢႆ ဢၼ်ဝႃႈသူဝ်းဢၼ်ယၢၵ်ႈဢၼ်ၽၢၼ် ၸိူဝ်းၼၼ်ႉဢေႃႈ။ ၵဝ်ဢဝ်ၶွၼ်ႉၵွမ်း ဢၼ်လဵင်ႉထိင်းသူဝ်း သွင်လႅမ်ႈ လႄႈ ႁွင်ႉႁဵၵ်ႈၸိုဝ်ႈ လႅမ်ႈၼိုင်ႈ တၢင်းဢၼ်ႁဵတ်းၵျေးၸူး ဢိၵ်ႇတင်းလႅမ်ႈၼိုင်ႈ တၢင်းဢၼ်မတ်ႉဢၼ်ၽုၵ်ႇ သေလႄႈ လႆႈလဵင်ႉလူ မုၵ်ႉသူဝ်းၽုင်သူဝ်းဢေႃႈ။- 8ၵဝ်ပႄႇတႅပ်း ၵူၼ်းလဵင်ႉသူဝ်းထိင်းသူဝ်း သၢမ်ၵေႃႉ ၼၼ်ႉ ပႅတ်ႈၼႂ်းလိူၼ်ၼိုင်ႈၵူၺ်း ၵွပ်ႈပိူဝ်ႈဢၼ်ႁူဝ်ၸႂ်ၵဝ် ဢုၵ်းဢဝ်ႇမႆႈႁွၼ်ႉၶဝ်လႄႈ ၶဝ်ၵေႃႈလီႁင်ႈဢဵတ်ႇသဵတ်ႇၵဝ် ၼၼ်ႉဢေႃႈ။- 9ၵဝ်လၢတ်ႈလႄႈဝႃႈ၊ ၵမ်းလိုၼ်း ၵဝ်ဢၼ်ဝႃႈၵဝ်ၼႆႉ ဢမ်ႇလဵင်ႉဢမ်ႇလူသူ။ ႁႂ်ႈတူဝ်ဢၼ်တၢႆၼၼ်ႉ တၢႆသေၵမ်းလူၺ်ႈ။ ႁႂ်ႈတူဝ်ဢၼ်လႆႈၶၢမ်ႇ တၢင်းဢၼ်ဢဝ်တၢႆၼၼ်ႉ လႆႈၶၢမ်ႇသေၵမ်းလူၺ်ႈ။ ႁႂ်ႈတူဝ်ဢၼ် ယင်းၵိုတ်းယင်းၵျၢၼ်ႇၸိူဝ်းၼၼ်ႉ တူဝ်ၼိုင်ႈလႄႈတူဝ်ၼိုင်ႈ ၶူပ်းၵိၼ်ၵၼ် သေၵမ်းလူၺ်ႈ၊ ဝႃႈၼင်ႇၼႆသေလႄႈ၊- 10ဢဝ်ၶွၼ်ႉၵွမ်းၵဝ် ဢၼ်လႆႈၸိုဝ်ႈ တၢင်းဢၼ်ႁဵတ်းၵျေးၸူးၼၼ်ႉ ႁၵ်းပႅတ်ႈ ႁႂ်ႈလႆႈယႃႉ ပတီႉၺိၺ်ႇ ဢၼ်ၵဝ်ႁဵတ်းလူၺ်ႈၵၼ်တင်းမဵဝ်းၵူၼ်း တင်းသဵင်ႈတင်းလူင် မိူဝ်ႈၵွၼ်ႇဢွၼ်ၼႆႉ ၼၼ်ႉဢေႃႈ။- 11ၵွပ်ႈပိူဝ်ႈဢၼ် ပတီႉၺိၺ်ႇၼၼ်ႉ လူႉၼႂ်းမိုဝ်ႉဝၼ်းၼၼ်ႉလႄႈ သူဝ်းဢၼ်ယၢၵ်ႈ၊ဢၼ်ၽၢၼ် ဢၼ်ပိုင်ႈဢိင်ၵဝ်ယူႇၸိူဝ်းၼၼ်ႉ ႁူႉၸႅင်ႈလွင်ႈဢၼ်ပဵၼ် ၼုၵ်ႈၵပၢတ်ႈထႃႇဝရႃႉၽြႃး ၼၼ်ႉဢေႃႈ။- 12လႆႈသမ်ႉ ၵဝ်လၢတ်ႈတီႈၶဝ်လႄႈဝႃႈ၊ ပေႃးလီပၼ် ၵႃႈၶၼ်ဢၼ်ၵဝ်ထုၵ်ႇလႆႈၼၼ်ႉ သိုဝ်ႈၼႃႈတႂ်ႈတႃသူၸိုင်၊ ဢွၼ်ၵၼ်ပၼ်တႃႉ။ ပေႃးဢမ်ႇလီပၼ်ၸိုင်၊ ယႃႇပေပၼ်၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉဢွၼ်ၵၼ် ၸင်ႈႁိဝ်ႈငိုၼ်း သၢမ်သိပ်းၵျၢပ်ႈ ႁႂ်ႈလႆႈပၼ် ၵႃႈၶၼ်ၵဝ်ဢေႃႈ။- 13ထႃႇဝရႃႉၽြႃးၵေႃႈ မီးဢမိင်ႉလႄႈဝႃႈ၊ ဢဝ်ငိုၼ်းၼၼ်ႉ ဢၼ်ဝႃႈ ၵႃႈၶၼ် ဢၼ်ယႂ်ႇၼမ်ၼႃႇလႄႈ ၶဝ်ပျၢတ်ႈၵႃႈၶၼ်ၵဝ်ၼၼ်ႉ ထိမ်ႈတူၵ်းသႂ်ႇဝႆႉ ၵႃႈတီႈၽၢႆႇၼႃႈ ၵေႃႉဢၼ်ႁဵတ်းမေႃႈၼၼ်ႉတႃႉ၊ ဝႃႈၼင်ႇၼႆသေယဝ်ႉ၊ ၵဝ်ဢဝ်ငိုၼ်း သၢမ်သိပ်းၵျၢပ်ႈ ၼၼ်ႉလႄႈ ထိမ်ႈတူၵ်းသႂ်ႇဝႆႉၵႃႈတီႈၽၢႆႇၼႃႈ ၵေႃႉဢၼ်ႁဵတ်းမေႃႈၼၼ်ႉ ၵႃႈၼႂ်းပိၵ်ႈမၢၼ်ႇ ထႃႇဝရႃႉၽြႃးဢေႃႈ။- 14မိူဝ်ႈၼၼ်ႉ ၵဝ်ဢဝ်ၶွၼ်ႉၵွမ်းၵဝ် တၢင်ႇလႅမ်ႈ ဢၼ်လႆႈၸိုဝ်ႈ တၢင်းဢၼ်မတ်ႉဢၼ်ၽုၵ်ႇၼၼ်ႉ ႁၵ်းပႅတ်ႈ ႁႂ်ႈယႃႉမိၵ်ႉသႃႇႁႃယႃႉ ဢၼ်မဵဝ်းယူႉတႃႉ ဢိၵ်ႇတင်း မဵဝ်းဢီႉသရေႇလႃႉ ႁဵတ်းလူၺ်ႈၵၼ်ၼၼ်ႉ ပႅတ်ႈဢေႃႈ။- 15လႆႈသမ်ႉ ထႃႇဝရႃႉၽြႃး မီးဢမိင်ႉလႄႈဝႃႈ၊ သမ်ႉၶိုၼ်းသိမ်းဢဝ် ၶိူင်ႈပိူင်ၵေႃႉဢၼ်လဵင်ႉသူဝ်းထိင်းသူဝ်း ဢၼ်မိူၵ်ႈၼၼ်ႉ ထႅင်ႈတႃႉ။- 16လွင်ႈမၼ်းၸမ်ႉ ၵဝ်တၵ်းႁႂ်ႈၵေႃႉဢၼ်လဵင်ႉသူဝ်းထိင်းသူဝ်း ၵေႃႉၼိုင်ႈ ပေႃႇမႃးၵႃႈၼႂ်း မိူင်းၼႆႉဢေႃႈ။ မၼ်းၼၼ်ႉ တၵ်းဢမ်ႇလူဢမ်ႇတူၺ်း တူဝ်ဢၼ်လႆႈၶၢမ်ႇ တၢင်းဢၼ်ဢဝ်တၢႆၼၼ်ႉ။ တၵ်းဢမ်ႇႁႃတူဝ် ဢၼ်ၽိတ်းတၢင်းပိူင်ႈတၢင်း ၵႂႃႇၼၼ်ႉ။ တၵ်းဢမ်ႇႁဵတ်းႁႂ်ႈ တၢင်းၸဵပ်းတၢင်းသႅပ်ႇ တူဝ်ဢၼ်ၸဵပ်းသႅပ်ႇၼၼ်ႉ ႁၢႆၼၼ်ႉ။ တၵ်းဢမ်ႇၸွႆႈထႅမ် လဵင်ႉလူတူဝ်ဢၼ်ၸုၵ်းယူႇၼၼ်ႉ။ တၵ်းၵိၼ်တူဝ် ဢၼ်ပီးလီမၼ်းလီၼၼ်ႉလႄႈ ႁၵ်းႁဵၵ်းၵိပ်ႇၶဝ် ပႅတ်ႈဢေႃႈ။- 17ႁႂ်ႈၵေႃႉဢၼ်လဵင်ႉထိင်းသူဝ်း ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်၊ ဢၼ်ၸုၼ်ႉပႅတ်ႈ ၽုင်သူဝ်းၼၼ်ႉ မီးဢႃႉမင်ႇၵလႃႇ သေၵမ်းလူၺ်ႈ။ ၽေးလၢပ်ႇၽေးလႅဝ်း တၵ်းႁွတ်ႈထိုင် ၵႃႈတီႈၶႅၼ်မိုဝ်းမၼ်း ဢိၵ်ႇတင်း မၢၵ်ႇတႃၶွၼ်ၶႂႃမၼ်းဢေႃႈ။ ၶႅၼ်မိုဝ်းမၼ်းၼၼ်ႉ တၵ်းႁဵဝ်ႇႁႅင်ႈၵႂႃႇ တင်းသဵင်ႈတင်းမူတ်းလႄႈ မၢၵ်ႇတႃၶွၼ်ၶႂႃမၼ်းၼၼ်ႉ တၵ်းလပ်းသိင်ႇၵႂႃႇ တင်းသဵင်ႈတင်းမူတ်း ဢေႃႈ။
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship