Makaabon 10
10
TOOLAQ DEQSITA MAKAABANTU
1Abimalik rabek lakal, Fuuwâ-baxi Toolaq, Israayil isi naqboytitteh gabak yayyaaqe'gidih yemeete. Toolaq Doodô-baxih baxak ten. Akah aabakuk yenem, Issakar deqsitta kedok teneeh; guubuh elle sugem, Saamir deqsita aracay Efrayim baaxok qaleela le kabut raaqa rakaakayal yenehiyya. 2Usuk labaatanna kee sidiica sanatah Israayil-abbah suge. Rabe saaku Saamir deqsita aracal kaa yoogoqen.
YAAQIR DEQSITA MAKAABANTU
3Toolaqak lakal Yaaqir ciggiile. Yaaqir elle yoobokem, Gilqad deqsitta baaxol ten. Labaatanna kee namma sanatah Israayil abbah suge. 4Soddom dananak amot gexxa lab-xaylok soddom luk yen. Oson kaadu Gilqad rakaakayal soddom magaala luk yenen. Woo magaalooli a saaku fan Yaaqir-magaalooli deqsitta. 5Yaaqir elle rabeeh elle yoogoqeenim, Kamoonu.
QAMMON MARI ISRAAYILIT QEEBI ABE
6Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih. 7Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee. 8Taban kee bacra sanatah, Amoorâ-baaxok Ordon weeqaytuk ayrô-mawqa le kabut raaqa Gilqad deqsita rakaakayal, tikki 'ya Israayil marat xukkuteeniih xakaake ken kalen. 9Qammon-mari kaadu, Yuuda kee Benyam kee Efrayim kedoodat qeebi abaana'gidih, Ordon keenil taben. Israayil mari kaxxa gadaamah addat suge. 10Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.
11Too waqdi YALLI keenik iyyeemih, «Duma yan saaku Masri mara kee Amoorah maraay Qammon maraay Filistiin mara kee 12Saydâ maraay Qamaalek kee Maqon mari siinit xukkutak suge. Tohuk yol weqteeniih; anu too waqdi oson siinit abak sugen xukkok sin cateh. 13Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay; 14isin isinnih dooritten duyyeeyay taqbudeenihiyyal weeqa. Gadaama sin tabbixe way too duyyey taqbudeenihiyya sin cattay» keenik iyye.
15Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye. 16Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.
17Sarrak Qammon mari qeebih bical gaceeh; Gilqad deqsita aracal yinfiddigen. Israayil mari kaadu titta lih gacca 'yeh yemeeteeh, Gilqad rakaakayak Mixfa deqsita aracal yinfiddigen. 18Tohuk lakal Gilqadal ten Israayil-kedoh-abbobti titta esserteemih, «Qammon mara lih abnu wayna qeebik foocat iyyi neh gacelee? Ta qeebik foocat gacinnaan num Gilqadal enna 'ya marih abba akkele» iyyen.
Currently Selected:
Makaabon 10: NKM
Highlight
Share
ਕਾਪੀ।
Want to have your highlights saved across all your devices? Sign up or sign in
Makaabon 10
10
TOOLAQ DEQSITA MAKAABANTU
1Abimalik rabek lakal, Fuuwâ-baxi Toolaq, Israayil isi naqboytitteh gabak yayyaaqe'gidih yemeete. Toolaq Doodô-baxih baxak ten. Akah aabakuk yenem, Issakar deqsitta kedok teneeh; guubuh elle sugem, Saamir deqsita aracay Efrayim baaxok qaleela le kabut raaqa rakaakayal yenehiyya. 2Usuk labaatanna kee sidiica sanatah Israayil-abbah suge. Rabe saaku Saamir deqsita aracal kaa yoogoqen.
YAAQIR DEQSITA MAKAABANTU
3Toolaqak lakal Yaaqir ciggiile. Yaaqir elle yoobokem, Gilqad deqsitta baaxol ten. Labaatanna kee namma sanatah Israayil abbah suge. 4Soddom dananak amot gexxa lab-xaylok soddom luk yen. Oson kaadu Gilqad rakaakayal soddom magaala luk yenen. Woo magaalooli a saaku fan Yaaqir-magaalooli deqsitta. 5Yaaqir elle rabeeh elle yoogoqeenim, Kamoonu.
QAMMON MARI ISRAAYILIT QEEBI ABE
6Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih. 7Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee. 8Taban kee bacra sanatah, Amoorâ-baaxok Ordon weeqaytuk ayrô-mawqa le kabut raaqa Gilqad deqsita rakaakayal, tikki 'ya Israayil marat xukkuteeniih xakaake ken kalen. 9Qammon-mari kaadu, Yuuda kee Benyam kee Efrayim kedoodat qeebi abaana'gidih, Ordon keenil taben. Israayil mari kaxxa gadaamah addat suge. 10Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.
11Too waqdi YALLI keenik iyyeemih, «Duma yan saaku Masri mara kee Amoorah maraay Qammon maraay Filistiin mara kee 12Saydâ maraay Qamaalek kee Maqon mari siinit xukkutak suge. Tohuk yol weqteeniih; anu too waqdi oson siinit abak sugen xukkok sin cateh. 13Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay; 14isin isinnih dooritten duyyeeyay taqbudeenihiyyal weeqa. Gadaama sin tabbixe way too duyyey taqbudeenihiyya sin cattay» keenik iyye.
15Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye. 16Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.
17Sarrak Qammon mari qeebih bical gaceeh; Gilqad deqsita aracal yinfiddigen. Israayil mari kaadu titta lih gacca 'yeh yemeeteeh, Gilqad rakaakayak Mixfa deqsita aracal yinfiddigen. 18Tohuk lakal Gilqadal ten Israayil-kedoh-abbobti titta esserteemih, «Qammon mara lih abnu wayna qeebik foocat iyyi neh gacelee? Ta qeebik foocat gacinnaan num Gilqadal enna 'ya marih abba akkele» iyyen.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in