Obadiya 1
1
1Awuno wo wugubulilwe wa Obadiya, wa zono Muwaha Mulungu yazilonga kuli likungugo lya Edomu.
Muwaha Mulungu koyilipiciza Edomu
U Muwaha Mulungu yamutegula mutumwa wakwe
kuli makungugo,
nase cayihulika i nghani yakwe,
yakutya, “Ale, wiwikanizaje!
Cibite cikayihome Edomu!”
2Nayo Muwaha Mulungu yakutya kuli Edomu,
“Ane nokunoza wuwe wusina vilungo,
na wose wokusekanga.
3Hambi wiwoni wako nha wakukonga,
mono wikaye mwi'kaya liwaha
lyono lipilimwe ne magomawakali ge mabwe,
wikalo wako wono wuli mucanyha ye matunda,
holeka go mweneco wukutya,
‘Nani 'mbi mono kosuma kunhimya hasi?’
4Hamba wuwunoze wikalo wako
wuwe kucanyha nhe nhuli lye 'ndi,
ho yijele kotya nha wuli hamonga ne zinyelezi,
ninga hamba nhavivyo,
ane nokutimya du ho hasi.
5“Ne wahizi lono wakuza ne cilo,
wasolaga vyono wendile weneco,
na lono wanhu wakududula zabibu,
wasigazaga nyhefu zo kuhalaliza.
Ninga i walugu wako wakondya kugongomezeza lukulu.
6Nanye wo lulelo lwa Esawu,
zisawo zenyu zakondya kuhizwa.
7I wanhu wono mwalagana,
wamukongajenyi, alu lanje,
wakondya kumuwusenyi mu wulawa mu yisi yenyu.
Wo wanhu wono mwekalanaga nawo viswanu,
ninga luno wamusumajenyi.
Wawo wono mwali mwiyendile,
mukulizana hamonga nawo,
alu wamuwicilajenyi mutego,
nawo wakumulonjenyi wakutya,
‘Alu vilungo vili hayi vyono wali wena navyo?’
8Na mwi'zuwa lyono noloyilipiciziza Edomu,
nolowahodanga i wanhu wawo we citung'ati,
kanyhi nololuwusiza lukulu no wizuce wawo.
9Ne wanhu vitung'ati wo wulugu
wono wali ku Temani,
wolokogofywa muno muno,
ne wasilikale wose wono wali mu Edomu,
wolowulagwa.”
Soko yono yoleka Edomu yilipicizwe
10“Kolipicizwa agwe Edomu,
ku soko vyono wali wuli muhizi,
kanyhi wukawawulaga sunga ne wanduguzo,
i wana wa Yakobo,
holeka nagwe luno kohodangwa
no kuwembulilwa lukulu cibitilila.
11Na mwi'zuwa lilyo,
agwe wali wimile ha mhelo,
lono walugu wabenela i malango gawo.
Na gwegwe wali wuli yumonga na wawo wajenzi,
wono wayipumha sawo ya Yelusalemi,
no kugawana weneco wose.
12Holeka si wali wunojeye wuwasece
i wanduguzo wono wali mu Yuda
ku soko yo wugaye wawo.
Hamba kuwa no wusangalale
mwi'zuwa lyawo lyo wugaye.
Hamba kuwasekanga ku soko yo wugaye wawo.
13Hamba si yali yikunojeye
winjile mwi'kaya lye wanhu wangu,
wuwasimanjile mu magayo gawo,
no kusola zo wugoli wawo mwi'zuwa
lyo wongomezwe wawo.
14Hamba si yali yikunojeye wime
ha nzila malekano,
ho wuwebate wawo wono wakuhila kutiza.
Hamba si yali yikunojeye wuwawice
mu miwoko ye walugu,
mwi'zuwa lyo wongomezwe wawo.”
Mulungu kologaling'aniza i makungugo
15“Lizuwa lyasejelela lyono ane,
no Muwaha Mulungu nologaling'aniza makungugo gose.
Nagwe Edomu zizo zono wetuma,
zo zizo zono kolonozezwa
na gwegwe nhavivilya.
Nagwe zolokuwuyila zizilya du
zono wawanozeza wanji.”
16Wanhu wangu wakang'wa cikombe
co wusungu wo wuling'anizwe,
mucanyha ye litunda lyangu lyono lyelile.
Ninga imakungugo gose gono gapilime,
golong'wa cikombe co wusungu
cono cicizize co wuling'anizwe,
wolocing'wa wose no kwajililila lukulu.
Wusume we Waisilayeli
17“Ninga mwi'tunda lya Sayuni,
wanji wolopona.
Na ho baho,
holowa hanhu hono helile.
Ne wanhu wa Yakobo wolokwikala mu yisi,
yisi yono yo ling'ani yawo.
18Wanhu wa Yakobo ne wanhu wa Yusufu,
wolowa nha moto,
wolowahodanga wanhu wa Esawu kotya
nha moto wono wukutakamiza lisici.
Nawo wo lulelo lwa Esawu,
hasina hamba monga mono yalasigala.
Ane no Muwaha Mulungu vyo nghutya.
19“Wanhu wa ku Yuda ya kutakama,
woloyisola Edomu,
nawo wono wololawa
ku lubavu lwa kumwezi mu vitunda,
woloyisola yisi ye Wafilisiti.
Nawo Waisilayeli woloyitema
yisi ya Efulayimu ne yisi ya Samaliya,
i wanhu wa Benyamini nawo,
woloyisola Gileyadi.
20Ne lipuga lya wono wasolwa wakahamywa
ku wulawa Isilayeli ya kusumuka,
nawo wolowuya no kuyitema Foyinike,
sunga ko kusumuka kutali,
ku Zelefati.
Na wono wahamywa ku wulawa Yelusalemi,
wawo wono wali Sefaladi,
wologasola makaya ga Yuda ya kutakama.
21Wanhu wo wusume wa Yelusalemi,
woloyihoma Edomu no kuyitema.
No Muwaha Mulungu mweneco,
kolowa yo mutemi.”
Currently Selected:
Obadiya 1: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Obadiya 1
1
1Awuno wo wugubulilwe wa Obadiya, wa zono Muwaha Mulungu yazilonga kuli likungugo lya Edomu.
Muwaha Mulungu koyilipiciza Edomu
U Muwaha Mulungu yamutegula mutumwa wakwe
kuli makungugo,
nase cayihulika i nghani yakwe,
yakutya, “Ale, wiwikanizaje!
Cibite cikayihome Edomu!”
2Nayo Muwaha Mulungu yakutya kuli Edomu,
“Ane nokunoza wuwe wusina vilungo,
na wose wokusekanga.
3Hambi wiwoni wako nha wakukonga,
mono wikaye mwi'kaya liwaha
lyono lipilimwe ne magomawakali ge mabwe,
wikalo wako wono wuli mucanyha ye matunda,
holeka go mweneco wukutya,
‘Nani 'mbi mono kosuma kunhimya hasi?’
4Hamba wuwunoze wikalo wako
wuwe kucanyha nhe nhuli lye 'ndi,
ho yijele kotya nha wuli hamonga ne zinyelezi,
ninga hamba nhavivyo,
ane nokutimya du ho hasi.
5“Ne wahizi lono wakuza ne cilo,
wasolaga vyono wendile weneco,
na lono wanhu wakududula zabibu,
wasigazaga nyhefu zo kuhalaliza.
Ninga i walugu wako wakondya kugongomezeza lukulu.
6Nanye wo lulelo lwa Esawu,
zisawo zenyu zakondya kuhizwa.
7I wanhu wono mwalagana,
wamukongajenyi, alu lanje,
wakondya kumuwusenyi mu wulawa mu yisi yenyu.
Wo wanhu wono mwekalanaga nawo viswanu,
ninga luno wamusumajenyi.
Wawo wono mwali mwiyendile,
mukulizana hamonga nawo,
alu wamuwicilajenyi mutego,
nawo wakumulonjenyi wakutya,
‘Alu vilungo vili hayi vyono wali wena navyo?’
8Na mwi'zuwa lyono noloyilipiciziza Edomu,
nolowahodanga i wanhu wawo we citung'ati,
kanyhi nololuwusiza lukulu no wizuce wawo.
9Ne wanhu vitung'ati wo wulugu
wono wali ku Temani,
wolokogofywa muno muno,
ne wasilikale wose wono wali mu Edomu,
wolowulagwa.”
Soko yono yoleka Edomu yilipicizwe
10“Kolipicizwa agwe Edomu,
ku soko vyono wali wuli muhizi,
kanyhi wukawawulaga sunga ne wanduguzo,
i wana wa Yakobo,
holeka nagwe luno kohodangwa
no kuwembulilwa lukulu cibitilila.
11Na mwi'zuwa lilyo,
agwe wali wimile ha mhelo,
lono walugu wabenela i malango gawo.
Na gwegwe wali wuli yumonga na wawo wajenzi,
wono wayipumha sawo ya Yelusalemi,
no kugawana weneco wose.
12Holeka si wali wunojeye wuwasece
i wanduguzo wono wali mu Yuda
ku soko yo wugaye wawo.
Hamba kuwa no wusangalale
mwi'zuwa lyawo lyo wugaye.
Hamba kuwasekanga ku soko yo wugaye wawo.
13Hamba si yali yikunojeye
winjile mwi'kaya lye wanhu wangu,
wuwasimanjile mu magayo gawo,
no kusola zo wugoli wawo mwi'zuwa
lyo wongomezwe wawo.
14Hamba si yali yikunojeye wime
ha nzila malekano,
ho wuwebate wawo wono wakuhila kutiza.
Hamba si yali yikunojeye wuwawice
mu miwoko ye walugu,
mwi'zuwa lyo wongomezwe wawo.”
Mulungu kologaling'aniza i makungugo
15“Lizuwa lyasejelela lyono ane,
no Muwaha Mulungu nologaling'aniza makungugo gose.
Nagwe Edomu zizo zono wetuma,
zo zizo zono kolonozezwa
na gwegwe nhavivilya.
Nagwe zolokuwuyila zizilya du
zono wawanozeza wanji.”
16Wanhu wangu wakang'wa cikombe
co wusungu wo wuling'anizwe,
mucanyha ye litunda lyangu lyono lyelile.
Ninga imakungugo gose gono gapilime,
golong'wa cikombe co wusungu
cono cicizize co wuling'anizwe,
wolocing'wa wose no kwajililila lukulu.
Wusume we Waisilayeli
17“Ninga mwi'tunda lya Sayuni,
wanji wolopona.
Na ho baho,
holowa hanhu hono helile.
Ne wanhu wa Yakobo wolokwikala mu yisi,
yisi yono yo ling'ani yawo.
18Wanhu wa Yakobo ne wanhu wa Yusufu,
wolowa nha moto,
wolowahodanga wanhu wa Esawu kotya
nha moto wono wukutakamiza lisici.
Nawo wo lulelo lwa Esawu,
hasina hamba monga mono yalasigala.
Ane no Muwaha Mulungu vyo nghutya.
19“Wanhu wa ku Yuda ya kutakama,
woloyisola Edomu,
nawo wono wololawa
ku lubavu lwa kumwezi mu vitunda,
woloyisola yisi ye Wafilisiti.
Nawo Waisilayeli woloyitema
yisi ya Efulayimu ne yisi ya Samaliya,
i wanhu wa Benyamini nawo,
woloyisola Gileyadi.
20Ne lipuga lya wono wasolwa wakahamywa
ku wulawa Isilayeli ya kusumuka,
nawo wolowuya no kuyitema Foyinike,
sunga ko kusumuka kutali,
ku Zelefati.
Na wono wahamywa ku wulawa Yelusalemi,
wawo wono wali Sefaladi,
wologasola makaya ga Yuda ya kutakama.
21Wanhu wo wusume wa Yelusalemi,
woloyihoma Edomu no kuyitema.
No Muwaha Mulungu mweneco,
kolowa yo mutemi.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.