Nahumu 2
2
U wugwe wa Ninawi
1Gwe Ninawi, alu weza wuli mu wuhomwe!
Ne vilungo vyono vyokubenanjiza vyakondya kuza.
Holeka 'lu wulidimaje likaya lyako!
Wuzilanjilile ne zinzila zako!
Wiwikanize so wihomi!
Wime wukamile!
2(U Muwaha Mulungu kolugomola lukumyo lwa Isilayeli nha vyono lwali, lono walugu wali wakali nawateka.)
3I wasilikale walugu, wadinghuye ngula ndunghu,
kanyhi wavwalile myenda midunghu,
wakwiwikaniza wamuhomenyi!
Ne mituka yawo yo wulugu,
yikulipuka nha moto.
Ne zifwalasi zawo, zikuzumha-zumha muno.
4Ne mituka yawo yo wulugu,
yikumangha mangha musunho mu zinzila,
yikumangha ako na ako mu zinhuzi ze likaya.
Kanyhi yikwaka kotya toci,
no kwijela musunho kotya mamuli.
5Yakuwakumbucila
wanhu wakwe we lilumbo,
wakwikobala mu njenda yawo
lono wakwiyoha.
Nawo wanya kuwahoma,
wakumanyhila musunho mu majinji,
no kuwikaniza zi ngula,
so kwicita no wulugu.
6Ne milango ya kwi'kolongo, yadiguka,
nalyo likaya lyo wutemi limemile wogofye.
7Likaya lyekala lili bwete,
i wanhu wayo wakondya kusolwa mateka,
ne wetumami wakwe we cicekulu wakulila kotya
mazi ga nghunda,
no kwitowa-towa mu zimhambaga so wusungu.
8Wanhu wakumangha musunho
ku wulawa Ninawi nhe malenga
gono gakulawa mwi'lamba lyono lyaponghola.
Ne lizi likucemeleza likutya,
“Mwime! Mwime!”
Ninga hasina hamba yunji
mono yakwilenga ku nyuma.
9Musole ngaluzi ze zifweza!
Solenyi ngaluzi ze zahabu!
Hambi likaya nha limemile viwutwa!
10Ninawi yahodangwa nha vyono yali yinojeye,
alu yekala nyhiwa.
Ne zinhumbula ze wanhu wayo,
zenjilwa no woga,
ne mafugamilo gawo gakucicima,
ne vilungo vyeza musina,
no wusu wawo wawomba so woga.
11Alu lili hayi likaya,
lyono lyali linha wikalo wa simba,
ne hanhu hono wana we simba wakuliswa,
i hanhu hono simba nume
ne simba nyhekulu zobita,
hamba zinyana zayo hono zowa zikaye zipolile?
12Simba yawulaga mapelembo gayo,
yalupulanga mhonje mhonje
so wagolece wakwe na so wanagwe.
Yamemya nyama ye mapelembo gayo mu wikalo wayo.
13Muwaha Mulungu we Mihanga yakutya, “Ane nili mulugu wako, nane nogakongoga matuka gako go wulugu. Ne wasilikale wako wolowulagwa ku wulugu, nane novisola vinhu vyose vyono wavisola ku wulawa kuli wanhu wanji. Ne mazi ge wetumami wako, hamba sigolohulikwa kanyhi yaye.”
Currently Selected:
Nahumu 2: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Nahumu 2
2
U wugwe wa Ninawi
1Gwe Ninawi, alu weza wuli mu wuhomwe!
Ne vilungo vyono vyokubenanjiza vyakondya kuza.
Holeka 'lu wulidimaje likaya lyako!
Wuzilanjilile ne zinzila zako!
Wiwikanize so wihomi!
Wime wukamile!
2(U Muwaha Mulungu kolugomola lukumyo lwa Isilayeli nha vyono lwali, lono walugu wali wakali nawateka.)
3I wasilikale walugu, wadinghuye ngula ndunghu,
kanyhi wavwalile myenda midunghu,
wakwiwikaniza wamuhomenyi!
Ne mituka yawo yo wulugu,
yikulipuka nha moto.
Ne zifwalasi zawo, zikuzumha-zumha muno.
4Ne mituka yawo yo wulugu,
yikumangha mangha musunho mu zinzila,
yikumangha ako na ako mu zinhuzi ze likaya.
Kanyhi yikwaka kotya toci,
no kwijela musunho kotya mamuli.
5Yakuwakumbucila
wanhu wakwe we lilumbo,
wakwikobala mu njenda yawo
lono wakwiyoha.
Nawo wanya kuwahoma,
wakumanyhila musunho mu majinji,
no kuwikaniza zi ngula,
so kwicita no wulugu.
6Ne milango ya kwi'kolongo, yadiguka,
nalyo likaya lyo wutemi limemile wogofye.
7Likaya lyekala lili bwete,
i wanhu wayo wakondya kusolwa mateka,
ne wetumami wakwe we cicekulu wakulila kotya
mazi ga nghunda,
no kwitowa-towa mu zimhambaga so wusungu.
8Wanhu wakumangha musunho
ku wulawa Ninawi nhe malenga
gono gakulawa mwi'lamba lyono lyaponghola.
Ne lizi likucemeleza likutya,
“Mwime! Mwime!”
Ninga hasina hamba yunji
mono yakwilenga ku nyuma.
9Musole ngaluzi ze zifweza!
Solenyi ngaluzi ze zahabu!
Hambi likaya nha limemile viwutwa!
10Ninawi yahodangwa nha vyono yali yinojeye,
alu yekala nyhiwa.
Ne zinhumbula ze wanhu wayo,
zenjilwa no woga,
ne mafugamilo gawo gakucicima,
ne vilungo vyeza musina,
no wusu wawo wawomba so woga.
11Alu lili hayi likaya,
lyono lyali linha wikalo wa simba,
ne hanhu hono wana we simba wakuliswa,
i hanhu hono simba nume
ne simba nyhekulu zobita,
hamba zinyana zayo hono zowa zikaye zipolile?
12Simba yawulaga mapelembo gayo,
yalupulanga mhonje mhonje
so wagolece wakwe na so wanagwe.
Yamemya nyama ye mapelembo gayo mu wikalo wayo.
13Muwaha Mulungu we Mihanga yakutya, “Ane nili mulugu wako, nane nogakongoga matuka gako go wulugu. Ne wasilikale wako wolowulagwa ku wulugu, nane novisola vinhu vyose vyono wavisola ku wulawa kuli wanhu wanji. Ne mazi ge wetumami wako, hamba sigolohulikwa kanyhi yaye.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.