Mika 6
6
Wulalame wo muwizi
1Ale muhulicize calo co Muwaha Mulungu kuli Isilayeli. Ale winuce 'gwe Muwaha Mulungu wulete calo cako. Matunda ne vitunda vihulice zizo zono wukulonga. 2Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli. 3Muwaha Mulungu yakulonga yakutya, anye nyo wanhu wangu, ane namutendelenyi ci? Hamba nawa nili mutegulo kuli'nye so nghani ci? Ale ta mumhitulaje. 4Ane nghamusolenyi no kumuwusenyi ku wulawa ku yisi ya Misili, no kumuponyenyi ku wulawa mu wuwanda. Nghawatuma Musa, na Haluni, na Milyamu, ho wamutonjenyi ku wulawa kuko. 5Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.
I liwuzo lye wanhu
6Cinhuci cono nomutegulila Muwaha Mulungu, u Mulungu wa ku wulanga, lono nghuza kumuhemba? Hamba sole nzeku swanu yono yina mwaka monga, nimulavizye nha cilavywa cinyanywe hali mwene? 7Muwaha Mulungu kokwendezwa hono nimutegulile matewa na matewa ge zingholo, hamba makolongo elufu na elufu ge mafuta ge mizeyituni, yono si yidumaga? Hamba nimulavizye mwanangu mulongozi kulelwa, ho ndipile wubi wangu?
Lipitulo lyo muwizi
8Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu. 9Hambi nha go mahala, mu wumogopa Muwaha Mulungu. Mwene yakucema mwi'kaya yakutya, “Muhulicize anye nyo wanhu wa Yuda, mono mwikongholeye mwi'kaya! 10Mu zikaya ze wanhu wabi, movili viwutwa vyono wavitujiye mu zinzila zimbi. Hamby nha wakwitumamila vipimo vyo wukonji vyono ane si nivyendile. 11Alu nowanenela nhawule wanhu wono wakwitumamila vipimo ne mizani yo wukonji? 12Wanhu wako i wagoli, wakuwegalila waciwa, na muli nyenye, wose muli walambi. 13Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu. 14Nanye molya, ninga simokwiguta yaye, langa mokwikala vyo mudabuce du. Na mu luhamo lwenyu, si mosuma kusola cinji citelevu, na cono mocisoleleza citelevu, ane nocihodanga mu wulugu. 15Molohadika zimbeyu, ninga simolodudula cinji yaye. Molominya mafuta ge mizeyituni, ninga si mologetumamila yaye. Kanyhi molonoza ne divayi, ninga hamba si moloying'wa ng'o. 16Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”
Currently Selected:
Mika 6: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Mika 6
6
Wulalame wo muwizi
1Ale muhulicize calo co Muwaha Mulungu kuli Isilayeli. Ale winuce 'gwe Muwaha Mulungu wulete calo cako. Matunda ne vitunda vihulice zizo zono wukulonga. 2Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli. 3Muwaha Mulungu yakulonga yakutya, anye nyo wanhu wangu, ane namutendelenyi ci? Hamba nawa nili mutegulo kuli'nye so nghani ci? Ale ta mumhitulaje. 4Ane nghamusolenyi no kumuwusenyi ku wulawa ku yisi ya Misili, no kumuponyenyi ku wulawa mu wuwanda. Nghawatuma Musa, na Haluni, na Milyamu, ho wamutonjenyi ku wulawa kuko. 5Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.
I liwuzo lye wanhu
6Cinhuci cono nomutegulila Muwaha Mulungu, u Mulungu wa ku wulanga, lono nghuza kumuhemba? Hamba sole nzeku swanu yono yina mwaka monga, nimulavizye nha cilavywa cinyanywe hali mwene? 7Muwaha Mulungu kokwendezwa hono nimutegulile matewa na matewa ge zingholo, hamba makolongo elufu na elufu ge mafuta ge mizeyituni, yono si yidumaga? Hamba nimulavizye mwanangu mulongozi kulelwa, ho ndipile wubi wangu?
Lipitulo lyo muwizi
8Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu. 9Hambi nha go mahala, mu wumogopa Muwaha Mulungu. Mwene yakucema mwi'kaya yakutya, “Muhulicize anye nyo wanhu wa Yuda, mono mwikongholeye mwi'kaya! 10Mu zikaya ze wanhu wabi, movili viwutwa vyono wavitujiye mu zinzila zimbi. Hamby nha wakwitumamila vipimo vyo wukonji vyono ane si nivyendile. 11Alu nowanenela nhawule wanhu wono wakwitumamila vipimo ne mizani yo wukonji? 12Wanhu wako i wagoli, wakuwegalila waciwa, na muli nyenye, wose muli walambi. 13Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu. 14Nanye molya, ninga simokwiguta yaye, langa mokwikala vyo mudabuce du. Na mu luhamo lwenyu, si mosuma kusola cinji citelevu, na cono mocisoleleza citelevu, ane nocihodanga mu wulugu. 15Molohadika zimbeyu, ninga simolodudula cinji yaye. Molominya mafuta ge mizeyituni, ninga si mologetumamila yaye. Kanyhi molonoza ne divayi, ninga hamba si moloying'wa ng'o. 16Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.