Amosi 8
8
Wulajilwe we kane: Nhoto ye mikalo
1Kanyhi nghalajilwa ku wulawa kuli Muwaha Mulungu we mihanga. Muli wuwo nghawona nhoto yono yina mikalo. 2Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene. 3Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”
Mulungu koyongomeza Isilayeli
4Muhulicize zizi anye mono mukuwewonela i waciwa, no kujela kuwongomeza i waciwa wa mu'si. 5Mukutya nyo weneco, “Colindila sunga kolo vyapuluta i vilo vye ndawo yo mwezi, ho cosuma kuguza vilimwa vyetu. Alu sabato yomalika nili nase ho cisume kwanza kuguza kanyhi? Hambi baho nha colosuma kuguza na kumhelo, mu nzila yo kwitumila vipimo vyo wulambi, no kuvipitula vipimilo, ho ciwahizize wanyo kugula. 6Na baho ho colosuma kuguza ngano yono si swanu ko wuguzi wuwaha. Nase comutuga munhu muciwa, mono sikosuma kulipa mugawa wakwe, hamba kulipa wuguzi we vilatu bwete, nase baho comugula yawe muwanda.” 7Muwaha Mulungu we Waisilayeli yelahiza yakutya, “Hamba sinosemwa i metumo gawo mabi. 8Na ku soko yiyo, holeka yisi yocicima, ne wanhu wose wa mu'si yose, wowa mu wugaye. Ne yisi yose yolosinjisika; yolokwibuka no kung'welela, nhe likolongo lye Nile ku Misili. 9I cipango cikuza lono nilanoza lizuwa ligwile, lono yikali misi. Ne yisi yolotukuwala mwi'zuwa lilyo. Nene, no Muwaha Mulungu vyo nghutya. 10Nolopitula zi sikukuu zenyu ziwe wukalale, ne zinyimbo zenyu ze nyemo ziwe cililo no wusungu. Nolomunozenyi munyonyole mitwe yenyu, no kuvwala magunila. Nanye molowa nha walezi wono wakulila so mwana wawo monga we cilume. Ne lizuwa lilyo, lyolowa lya wusungu sunga ko ku mudumo wayo.
11“Ne cipango cikuza lono nilaleta nzala mu'si, wanhu wolowa na nzala, ninga si nzala ya ndigwa, kanyhi wolowa na nyhilu, ninga si nyhilu ya malenga. Langa wolowa na nzala ne nyhilu so nghani yono yikulawa kuli Muwaha Mulungu. Nane yo nene no Muwaha Mulungu mono nghutya. 12Ne wanhu wolopilima-pilima, ku wulawa kwi'lenga alino sunga ko kwilenga alino, na kanyhi, ku wulawa lubavu lwa kusumuka, sunga ko ku lubavu lwa kucilima, wolomangha no kubita ako na ako wakuyilondola nghani yo Muwaha Mulungu, ninga hamba siwalayituga ng'o. 13Mwi'zuwa lilyo wazelelo ne wahinza waswanu, wolozilika so nyhilu. 14Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”
Currently Selected:
Amosi 8: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Amosi 8
8
Wulajilwe we kane: Nhoto ye mikalo
1Kanyhi nghalajilwa ku wulawa kuli Muwaha Mulungu we mihanga. Muli wuwo nghawona nhoto yono yina mikalo. 2Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene. 3Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”
Mulungu koyongomeza Isilayeli
4Muhulicize zizi anye mono mukuwewonela i waciwa, no kujela kuwongomeza i waciwa wa mu'si. 5Mukutya nyo weneco, “Colindila sunga kolo vyapuluta i vilo vye ndawo yo mwezi, ho cosuma kuguza vilimwa vyetu. Alu sabato yomalika nili nase ho cisume kwanza kuguza kanyhi? Hambi baho nha colosuma kuguza na kumhelo, mu nzila yo kwitumila vipimo vyo wulambi, no kuvipitula vipimilo, ho ciwahizize wanyo kugula. 6Na baho ho colosuma kuguza ngano yono si swanu ko wuguzi wuwaha. Nase comutuga munhu muciwa, mono sikosuma kulipa mugawa wakwe, hamba kulipa wuguzi we vilatu bwete, nase baho comugula yawe muwanda.” 7Muwaha Mulungu we Waisilayeli yelahiza yakutya, “Hamba sinosemwa i metumo gawo mabi. 8Na ku soko yiyo, holeka yisi yocicima, ne wanhu wose wa mu'si yose, wowa mu wugaye. Ne yisi yose yolosinjisika; yolokwibuka no kung'welela, nhe likolongo lye Nile ku Misili. 9I cipango cikuza lono nilanoza lizuwa ligwile, lono yikali misi. Ne yisi yolotukuwala mwi'zuwa lilyo. Nene, no Muwaha Mulungu vyo nghutya. 10Nolopitula zi sikukuu zenyu ziwe wukalale, ne zinyimbo zenyu ze nyemo ziwe cililo no wusungu. Nolomunozenyi munyonyole mitwe yenyu, no kuvwala magunila. Nanye molowa nha walezi wono wakulila so mwana wawo monga we cilume. Ne lizuwa lilyo, lyolowa lya wusungu sunga ko ku mudumo wayo.
11“Ne cipango cikuza lono nilaleta nzala mu'si, wanhu wolowa na nzala, ninga si nzala ya ndigwa, kanyhi wolowa na nyhilu, ninga si nyhilu ya malenga. Langa wolowa na nzala ne nyhilu so nghani yono yikulawa kuli Muwaha Mulungu. Nane yo nene no Muwaha Mulungu mono nghutya. 12Ne wanhu wolopilima-pilima, ku wulawa kwi'lenga alino sunga ko kwilenga alino, na kanyhi, ku wulawa lubavu lwa kusumuka, sunga ko ku lubavu lwa kucilima, wolomangha no kubita ako na ako wakuyilondola nghani yo Muwaha Mulungu, ninga hamba siwalayituga ng'o. 13Mwi'zuwa lilyo wazelelo ne wahinza waswanu, wolozilika so nyhilu. 14Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.