MARKUS 8
8
Ruma Isa mbeina ngaha upa riwu dou
(Mat. 15:32-39)
1Wati ntoina sawa'u b̄a ede, wara wali sakolompo dou mamboto mamai kab̄oro weki. B̄ara siad̄oho wati wara d̄i ngaha ra nono, ou b̄a Ruma Isa anamorid̄oho-Na ro nggahi-Na, 2”Nahu kasi ade-Ku d̄i dou mamboto ake. Wa'ura tolu nai ntoina siad̄oho sama-samana lab̄o Nahu, ro ake siad̄oho wati ntauna ngaha ra nono. 3Nggara kausi b̄a Nahu dula siad̄oho kai loko mantaru, siad̄oho d̄imambisa d̄i woha ncai. Au walipu d̄i ade weki siad̄oho wara ma ramai d̄i hid̄i mad̄o'o.”
4Cambe b̄a anamori Ruma Isa, ”D̄i hid̄i ma d̄o'o ro lingi ake, tab̄eku d̄irakakai b̄a dou ngaha ra nono mancihi d̄i ru'u b̄a samenana dou ake?”
5”Sab̄une roti mawara d̄i nggomid̄oho?” sod̄i b̄a Ruma Isa.
”Io pidu,” cambe b̄a siad̄oho.
6Edempara kau b̄a Ruma Isa doho dou mamboto ede d̄i wawo dana, edempara weha b̄a Sia roti pidu mbua ede ro renta-Na syuku d̄i Ruma Hatalla. Sawa'u b̄a ede tob̄e-tob̄ena roti ede kai rima-Na ro mbeina d̄i anamorid̄oho-Na loakud̄u cengga-cengga d̄i ru'u doud̄oho ede. Edempara karawi b̄a anamori d̄oho-Na. 7Siad̄oho nantau pila-pila tembe uta to'i rau. Ruma Isa rentana syuku d̄i Ruma Hatalla d̄i uta-uta ede. Edempara kauna anamorid̄oho-Na cengga-cengga uta ede rau. 8-9Doud̄oho ede ngahana sampe mbocu – wara kira-kira upa riwu dou ma ngaha. Sawa'u b̄a ede anamori Ruma Isa kab̄orona mancewi ngaha ra nono ede – pidu wonca b̄ini. Edempara kau b̄a Ruma Isa dula doud̄oho ede, 10ro Sia lab̄o anamori-Na ne'e lalona sampa ro lao aka dana ra rasa Dalmanuta.
Dou-dou Farisi rahona d̄i Ruma Isa karawi lampa rawi mab̄isa ra guna
(Mat. 16:1-4)
11 #
Mat. 12:38, Luk. 11:16 Pila-pila dou Farisi maina d̄i Ruma Isa, ro tampu'u cencena lab̄o Sia b̄a ne'ena b̄ab̄u Ruma Isa. Raho b̄a siad̄oho Ruma Isa ndawi lampa rawi mab̄isa ra guna d̄i ru'u tanda b̄a one Sia ma ramai ta Ruma Hatalla.
12 #
Mat. 12:39, Luk. 11:29 Ruma Isa wetana edempara cambe-Na, ”B̄ab̄auku dou-dou jamana ake rahokaina Nahu karawi mab̄isa ra guna? Wati! Nahu wati d̄imambei tanda b̄une ede d̄i siad̄oho!”
13Edempara tu'u wi'i b̄a Ruma Isa siad̄oho, ro nentena sampa; edempara laona ipa b̄ae b̄a ndano ede.
B̄uha dou-dou Farisi ro Herodes
(Mat. 16:5-12)
14Anamori Ruma Isa nefana wa'a kancihi roti. Siad̄oho cuma ntauna roti sab̄ua d̄i sampa. 15#Luk. 12:1 ”Aina kabare d̄i b̄uha dou-dou Farisi ro b̄uha Herodes,” nggahi Ruma Isa d̄i siad̄oho.
16Edempara anamori-anamori Ruma Isa ede tampu'ura nuntuna lampa rawi ede. Nggahi siad̄oho, ”Nggahi ndedekai Sia, b̄ara ndai wati ntauta roti.”
17Ruma Isa nab̄adeku au ranggahi b̄a siad̄oho. B̄ara ndedena sod̄i b̄a Sia d̄i siad̄oho, ”B̄ab̄auku nggomid̄oho d̄i nggahikaimu b̄a one wati ntaumu roti? Sab̄ua nggomid̄oho wati b̄ademu ro wati ngge'epu loamu ka'ao rau? Ndede pahu mpulana fiki ra kananu nggomid̄oho? 18#Yer. 5:21, Yeh. 12:2, Mrk. 4:12 Nggomid̄oho mantau mada – b̄ab̄au wati edakaimu? Nggomid̄oho mantau fiko – b̄ab̄auku wati ringakaimu? Sab̄ua wati kawara b̄a nggomid̄oho 19lima mbua roti ntoina ede ratob̄e-tob̄e b̄a Nahu d̄i ru'u lima riwu dou? Pila wonca b̄ini mancewi rakab̄oro b̄a nggomid̄oho?”
”Sampuru d̄ua,” cambe b̄a siad̄oho.
20”Ro wakatu tob̄e-tob̄e b̄a Nahu pidu mbua roti ru'u upa riwu dou,” sod̄i wali b̄a Ruma Isa, ”Pila wonca mancewi ngaha ra nono rakab̄oro b̄a nggomid̄oho?”
”Pidu,” cambe b̄a siad̄oho.
21”Wati ngge'epu loamu ka'ao rau b̄a nggomid̄oho?” Nggahi Ruma Isa wali.
Ruma Isa katahona dou mambuda d̄i Betsaida
22Siad̄oho ronggara aka Betsaida. Ta ede wa'a b̄a dou sab̄ua dou mambuda d̄i Ruma Isa, ro rahona loakud̄u d̄ama b̄a Sia dou mambuda ede d̄i katahona. 23Edempara d̄ama b̄a Ruma Isa rima dou mambuda ede ro d̄andana sia losa ari mai b̄a kota ede. Sawa'u b̄a ede fela b̄a Ruma Isa mada dou ede. Wi'i b̄a Sia rima-Na d̄i mada dou ede, edempara sod̄ina d̄i sia, ”Sab̄ua maloa eda au-au nggomi ake?”
24Dou ede ntandana tatandona, edempara nggahina, ”Io, mada ka'eda dou malampa-lampa; pala siad̄oho d̄i edaku b̄une fu'u haju.”
25Wi'i wali b̄a Ruma Isa rima-Na d̄i mada dou ede. Sakali ake dou ede na'usahaku ntanda sawa'u-wa'una. Tahora madana, ro sia na'eda sara'aku kai taroa poda. 26Edempara Ruma Isa nggahina d̄i dou ede, ”Dulara, ro aina mbali aka kota ede.”
Mangaku la Petrus mab̄oha Ruma Isa
(Mat. 16:13-20, Luk. 9:18-21)
27Ruma Isa ro anamorid̄oho-Na lao aka desa-desa d̄ikompe ra pei Kaisarea Filipi. D̄iwoha ncai sod̄i b̄a Ruma Isa d̄i siad̄oho, ”Ranggahi dou, couku Nahu ake?”
28 #
Mrk. 6:14-15, Luk. 9:7-8 Cambe b̄a siad̄oho, ”Wara manggahi: la Yahya Mataki kandeu karaso dou; wara rau ma nggahi la Elia, ro ma kalai wali manggahi: sab̄ua dou ade weki nabi.”
29 #
Yah. 6:68-69
”Pala nggahi ndai nggomid̄oho, Nahu ake cou?” sod̄i b̄a Ruma Isa.
Cambe b̄a la Petrus, ”Ita, eded̄u Sangaji Mambei salama!”
30Edempara Ruma Isa ngoa ra kawarana siad̄oho, loakud̄u wati ngoana d̄i cou-cou rau mab̄oha ndai-Na.
Ruma Isa nuntu ra nggahina mab̄oha susa ra ncoki-Na ro made-Na
(Mat. 16:21-28, Luk. 9:22-27)
31Sawa'u b̄a ede, Ruma Isa tampu'u ngoa ra teina anamorid̄oho-Na, b̄a one Ana Manusia pab̄uaku mboto iuna susa ra ncoki, ro d̄i tula ao b̄a dou-dou mana'ekaina, dou-dou mana'ekai imam, ro guru-guru agama. Sia d̄ihade, pala d̄i ainaina katolukaina Sia d̄ikamori mbali. 32Kai ngoa kab̄ae poda b̄a Ruma Isa ngoana lampa rawi ede d̄i anamorid̄oho-Na. Edempara la Petrus rab̄i wa'ana Ruma Isa takompena, ro rojona Sia. 33Pala Ruma Isa tambarina ro tiona anamorid̄oho-Na, edempara rojona la Petrus, ”Lao aina wara ta ake, Magoda! Fiki ra kananumu ede fiki ra kananu manusia, laina fiki ra kananu Ruma Hatalla!”
34 #
Mat. 10:38, Luk. 14:27 Edempara Ruma Isa ouna dou mamboto ma wara ta ede sama-sama lab̄o anamorid̄oho-Na. Edempara Sia nggahina d̄i doud̄oho ede, ”Dou ma ne'e b̄atu Nahu, pab̄uaku nefana au ramapenti d̄i ru'u b̄a ndaina, sawa'u b̄a ede tundu salibna, ro b̄atu lalopu Nahu. 35#Mat. 10:39, Luk. 17:33, Yah. 12:25 B̄ara dou ma ne'e taha morina, d̄imambora morina. Pala dou ma koroba morina d̄i ru'u b̄a Nahu ro d̄i ru'u Haba Mataho ma ramai ta Ruma Hatalla, d̄imakasalamana. 36Auku ncewina d̄i ru'u sab̄ua-b̄ua dou, nggara sara'a dunia ake ndad̄i ntauna, pala sia nambora morina? 37Sab̄ua loaku mori ede cepe kai au-au?
38Nggara sab̄ua dou namajasi mangaku Nahu ro au rangoa ra tei b̄a Nahu d̄i jamana maduruhaka ro iha ra dab̄ae ake, Ana Manusia namaja rau mangaku dou ede, wakatu Sia maina peade kai kuasa Ama-Na, d̄ende b̄a mala'eka-mala'eka ma raso.”
Currently Selected:
MARKUS 8: LAIBHP
Highlight
Share
ਕਾਪੀ।
Want to have your highlights saved across all your devices? Sign up or sign in
@LAI 2001
MARKUS 8
8
Ruma Isa mbeina ngaha upa riwu dou
(Mat. 15:32-39)
1Wati ntoina sawa'u b̄a ede, wara wali sakolompo dou mamboto mamai kab̄oro weki. B̄ara siad̄oho wati wara d̄i ngaha ra nono, ou b̄a Ruma Isa anamorid̄oho-Na ro nggahi-Na, 2”Nahu kasi ade-Ku d̄i dou mamboto ake. Wa'ura tolu nai ntoina siad̄oho sama-samana lab̄o Nahu, ro ake siad̄oho wati ntauna ngaha ra nono. 3Nggara kausi b̄a Nahu dula siad̄oho kai loko mantaru, siad̄oho d̄imambisa d̄i woha ncai. Au walipu d̄i ade weki siad̄oho wara ma ramai d̄i hid̄i mad̄o'o.”
4Cambe b̄a anamori Ruma Isa, ”D̄i hid̄i ma d̄o'o ro lingi ake, tab̄eku d̄irakakai b̄a dou ngaha ra nono mancihi d̄i ru'u b̄a samenana dou ake?”
5”Sab̄une roti mawara d̄i nggomid̄oho?” sod̄i b̄a Ruma Isa.
”Io pidu,” cambe b̄a siad̄oho.
6Edempara kau b̄a Ruma Isa doho dou mamboto ede d̄i wawo dana, edempara weha b̄a Sia roti pidu mbua ede ro renta-Na syuku d̄i Ruma Hatalla. Sawa'u b̄a ede tob̄e-tob̄ena roti ede kai rima-Na ro mbeina d̄i anamorid̄oho-Na loakud̄u cengga-cengga d̄i ru'u doud̄oho ede. Edempara karawi b̄a anamori d̄oho-Na. 7Siad̄oho nantau pila-pila tembe uta to'i rau. Ruma Isa rentana syuku d̄i Ruma Hatalla d̄i uta-uta ede. Edempara kauna anamorid̄oho-Na cengga-cengga uta ede rau. 8-9Doud̄oho ede ngahana sampe mbocu – wara kira-kira upa riwu dou ma ngaha. Sawa'u b̄a ede anamori Ruma Isa kab̄orona mancewi ngaha ra nono ede – pidu wonca b̄ini. Edempara kau b̄a Ruma Isa dula doud̄oho ede, 10ro Sia lab̄o anamori-Na ne'e lalona sampa ro lao aka dana ra rasa Dalmanuta.
Dou-dou Farisi rahona d̄i Ruma Isa karawi lampa rawi mab̄isa ra guna
(Mat. 16:1-4)
11 #
Mat. 12:38, Luk. 11:16 Pila-pila dou Farisi maina d̄i Ruma Isa, ro tampu'u cencena lab̄o Sia b̄a ne'ena b̄ab̄u Ruma Isa. Raho b̄a siad̄oho Ruma Isa ndawi lampa rawi mab̄isa ra guna d̄i ru'u tanda b̄a one Sia ma ramai ta Ruma Hatalla.
12 #
Mat. 12:39, Luk. 11:29 Ruma Isa wetana edempara cambe-Na, ”B̄ab̄auku dou-dou jamana ake rahokaina Nahu karawi mab̄isa ra guna? Wati! Nahu wati d̄imambei tanda b̄une ede d̄i siad̄oho!”
13Edempara tu'u wi'i b̄a Ruma Isa siad̄oho, ro nentena sampa; edempara laona ipa b̄ae b̄a ndano ede.
B̄uha dou-dou Farisi ro Herodes
(Mat. 16:5-12)
14Anamori Ruma Isa nefana wa'a kancihi roti. Siad̄oho cuma ntauna roti sab̄ua d̄i sampa. 15#Luk. 12:1 ”Aina kabare d̄i b̄uha dou-dou Farisi ro b̄uha Herodes,” nggahi Ruma Isa d̄i siad̄oho.
16Edempara anamori-anamori Ruma Isa ede tampu'ura nuntuna lampa rawi ede. Nggahi siad̄oho, ”Nggahi ndedekai Sia, b̄ara ndai wati ntauta roti.”
17Ruma Isa nab̄adeku au ranggahi b̄a siad̄oho. B̄ara ndedena sod̄i b̄a Sia d̄i siad̄oho, ”B̄ab̄auku nggomid̄oho d̄i nggahikaimu b̄a one wati ntaumu roti? Sab̄ua nggomid̄oho wati b̄ademu ro wati ngge'epu loamu ka'ao rau? Ndede pahu mpulana fiki ra kananu nggomid̄oho? 18#Yer. 5:21, Yeh. 12:2, Mrk. 4:12 Nggomid̄oho mantau mada – b̄ab̄au wati edakaimu? Nggomid̄oho mantau fiko – b̄ab̄auku wati ringakaimu? Sab̄ua wati kawara b̄a nggomid̄oho 19lima mbua roti ntoina ede ratob̄e-tob̄e b̄a Nahu d̄i ru'u lima riwu dou? Pila wonca b̄ini mancewi rakab̄oro b̄a nggomid̄oho?”
”Sampuru d̄ua,” cambe b̄a siad̄oho.
20”Ro wakatu tob̄e-tob̄e b̄a Nahu pidu mbua roti ru'u upa riwu dou,” sod̄i wali b̄a Ruma Isa, ”Pila wonca mancewi ngaha ra nono rakab̄oro b̄a nggomid̄oho?”
”Pidu,” cambe b̄a siad̄oho.
21”Wati ngge'epu loamu ka'ao rau b̄a nggomid̄oho?” Nggahi Ruma Isa wali.
Ruma Isa katahona dou mambuda d̄i Betsaida
22Siad̄oho ronggara aka Betsaida. Ta ede wa'a b̄a dou sab̄ua dou mambuda d̄i Ruma Isa, ro rahona loakud̄u d̄ama b̄a Sia dou mambuda ede d̄i katahona. 23Edempara d̄ama b̄a Ruma Isa rima dou mambuda ede ro d̄andana sia losa ari mai b̄a kota ede. Sawa'u b̄a ede fela b̄a Ruma Isa mada dou ede. Wi'i b̄a Sia rima-Na d̄i mada dou ede, edempara sod̄ina d̄i sia, ”Sab̄ua maloa eda au-au nggomi ake?”
24Dou ede ntandana tatandona, edempara nggahina, ”Io, mada ka'eda dou malampa-lampa; pala siad̄oho d̄i edaku b̄une fu'u haju.”
25Wi'i wali b̄a Ruma Isa rima-Na d̄i mada dou ede. Sakali ake dou ede na'usahaku ntanda sawa'u-wa'una. Tahora madana, ro sia na'eda sara'aku kai taroa poda. 26Edempara Ruma Isa nggahina d̄i dou ede, ”Dulara, ro aina mbali aka kota ede.”
Mangaku la Petrus mab̄oha Ruma Isa
(Mat. 16:13-20, Luk. 9:18-21)
27Ruma Isa ro anamorid̄oho-Na lao aka desa-desa d̄ikompe ra pei Kaisarea Filipi. D̄iwoha ncai sod̄i b̄a Ruma Isa d̄i siad̄oho, ”Ranggahi dou, couku Nahu ake?”
28 #
Mrk. 6:14-15, Luk. 9:7-8 Cambe b̄a siad̄oho, ”Wara manggahi: la Yahya Mataki kandeu karaso dou; wara rau ma nggahi la Elia, ro ma kalai wali manggahi: sab̄ua dou ade weki nabi.”
29 #
Yah. 6:68-69
”Pala nggahi ndai nggomid̄oho, Nahu ake cou?” sod̄i b̄a Ruma Isa.
Cambe b̄a la Petrus, ”Ita, eded̄u Sangaji Mambei salama!”
30Edempara Ruma Isa ngoa ra kawarana siad̄oho, loakud̄u wati ngoana d̄i cou-cou rau mab̄oha ndai-Na.
Ruma Isa nuntu ra nggahina mab̄oha susa ra ncoki-Na ro made-Na
(Mat. 16:21-28, Luk. 9:22-27)
31Sawa'u b̄a ede, Ruma Isa tampu'u ngoa ra teina anamorid̄oho-Na, b̄a one Ana Manusia pab̄uaku mboto iuna susa ra ncoki, ro d̄i tula ao b̄a dou-dou mana'ekaina, dou-dou mana'ekai imam, ro guru-guru agama. Sia d̄ihade, pala d̄i ainaina katolukaina Sia d̄ikamori mbali. 32Kai ngoa kab̄ae poda b̄a Ruma Isa ngoana lampa rawi ede d̄i anamorid̄oho-Na. Edempara la Petrus rab̄i wa'ana Ruma Isa takompena, ro rojona Sia. 33Pala Ruma Isa tambarina ro tiona anamorid̄oho-Na, edempara rojona la Petrus, ”Lao aina wara ta ake, Magoda! Fiki ra kananumu ede fiki ra kananu manusia, laina fiki ra kananu Ruma Hatalla!”
34 #
Mat. 10:38, Luk. 14:27 Edempara Ruma Isa ouna dou mamboto ma wara ta ede sama-sama lab̄o anamorid̄oho-Na. Edempara Sia nggahina d̄i doud̄oho ede, ”Dou ma ne'e b̄atu Nahu, pab̄uaku nefana au ramapenti d̄i ru'u b̄a ndaina, sawa'u b̄a ede tundu salibna, ro b̄atu lalopu Nahu. 35#Mat. 10:39, Luk. 17:33, Yah. 12:25 B̄ara dou ma ne'e taha morina, d̄imambora morina. Pala dou ma koroba morina d̄i ru'u b̄a Nahu ro d̄i ru'u Haba Mataho ma ramai ta Ruma Hatalla, d̄imakasalamana. 36Auku ncewina d̄i ru'u sab̄ua-b̄ua dou, nggara sara'a dunia ake ndad̄i ntauna, pala sia nambora morina? 37Sab̄ua loaku mori ede cepe kai au-au?
38Nggara sab̄ua dou namajasi mangaku Nahu ro au rangoa ra tei b̄a Nahu d̄i jamana maduruhaka ro iha ra dab̄ae ake, Ana Manusia namaja rau mangaku dou ede, wakatu Sia maina peade kai kuasa Ama-Na, d̄ende b̄a mala'eka-mala'eka ma raso.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@LAI 2001