MARKUS 5
5
Ruma Isa katahona dou ralu'ukai b̄a roh seta
(Mat. 8:28-34, Luk. 8:26-39)
1Edempara Ruma Isa ro anamorid̄oho-Na rakara d̄i ipa b̄ae b̄a Ndano Galilea, d̄i dana ra rasa Gerasa. 2Ndede londo Ruma Isa rad̄i sampa, Sia mai raka b̄a sab̄ua dou mone ma losa d̄i ade karombo-karombo rade. 3Dou ede kuasakai b̄a roh seta ro ngge'e d̄i rade-rade. Sia wati wa'u d̄id̄iki wali; kone kai rante. 4Wa'ura ntuwu ed̄i ra rimana randante, pala ntuwura rante-rante ede b̄isa b̄a sia, ro b̄esi d̄i ed̄ina fokana. Sia nawancuku tenggona b̄ara ndedena wati wara kone sab̄ua dou maloana tapa. 5Aimarai aimangad̄i sia narewo d̄i rade ro d̄idoro-doro to'i, ro kanggica salahona ro b̄oe kancuwuna sarumbuna kai wadu.
6Wakatu eda sando'o b̄a sia Ruma Isa mamai, sia rai-raina edempara sujuna d̄i tando Ruma Isa. 7Kai eli ma na'e kanggica sia, ”Isa, Ana Ruma Hatalla Mawancu D̄ese ra ntasa! D̄ikab̄une-Mu nahu ake? Kai ngara Ruma Hatalla, nahu ma raho, ai to'ina kancokimu nahu!” (8Dou ede nggahi ndedekaina b̄ara Ruma Isa nggahina d̄i sia, ”Roh seta, losara rad̄i dou ake!”)
9Edempara Ruma Isa sod̄ina sia, ”Couku ngaramu?”
Cambe b̄a dou ede, ”Ngara nahu ’Legiun’ – b̄ara nami ake nawancuku mboto poda wekimu!” 10Ntuwu poda sia rahona loakud̄u Ruma Isa aina kau roh-roh seta ede losa rad̄i dana ra rasa ede.
11D̄eni lab̄o hid̄i ede wara mboto poda wawi ma wunga ngupa ngaha d̄i kengge doro to'i. 12Roh-roh seta ede rahona d̄i Ruma Isa, ”Takau to'ipu nami lu'u d̄i wawi-wawi ede.” 13Ro Ruma Isa satujuna. Ndad̄i roh-roh seta ede losana rad̄i dou ede, edempara lu'una d̄i ade wawi-wawi ede. Sara'a wawi sarewo ede rai ro nggoncuna rad̄i kengge rengge lu'u ade ndano, edempara mimina – sara'ana wara kira-kira d̄ua riwu mbua wawi.
14Dou-dou matonggu wawi ede raina, ro kambouna haba ede aka kota ro aka rasa d̄i kompe ra peina. Edempara losa mena dou b̄a ne'ena eda au ma wa'ura ndad̄i. 15Mai siad̄oho d̄i Ruma Isa, edempara edana dou ma ralu'ukai b̄a roh seta ede, wunga dohona ta ede. Sia nawa'ura kanina kani ra lombo, ro nawa'ura taho fiki ra kanuna. Ndad̄i siad̄oho dahu sara'a. 16Dou-dou ma wa'ura eda b̄a ndaina mandad̄i mab̄oha dou ede ro wawi-wawi ede ngoana au ma wa'ura ndad̄i. 17Edempara dou-dou d̄i dana ra rasa ede rahona d̄i Ruma Isa loakud̄u Ruma Isa tu'u wi'ina dana ra rasa ede.
18Wakatu Ruma Isa ne'ena d̄i ade sampa, dou ma rakuasakai b̄a roh seta ede rahona d̄i Ruma Isa, loakud̄u b̄atuna Ruma Isa.
19Pala wati kau b̄a Ruma Isa, nggahi-Na, ”Dulara ro ngoapu d̄i iwa ra wekimu au rawa'u karawi b̄a Ruma d̄i ru'umu ro ede pahu tahona Ruma d̄i weki nggomi!”
20Dou ede lao laona, ro tampu'u nuntu ra nggahina d̄i dana ra rasa Sampuru Kota au rawa'u karawi b̄a Ruma Isa d̄i weki sia. Sara'a dou mbora akana ringa.
Ana la Yairus – Dou siwe ma tudu jumba Ruma Isa
(Mat. 9:18-26, Luk. 8:40-56)
21Ruma Isa lao mbali walina ipa b̄ae b̄a ndano. D̄ikengge ndano ede, mboto dou mamai kanggudu d̄i kompe ra pei Ruma Isa. 22Maira sab̄ua dou ma ngara la Yairus. Sia eded̄u sab̄ua dou mana'ekai uma sambea d̄i kota ede. Wakatu eda b̄a sia Ruma Isa, suju sia d̄i tando Ruma Isa, 23ro naraho podaku, ”Pa, ana siwe mada nasupu na'eku. Takaneo to'i weki mai d̄imad̄amana, loakud̄u tahona sia ro ai to'ina madena!”
24Edempara Ruma Isa lao samana lab̄o la Yairus. Mboto dou mab̄atu Sia ro naciciku Sia d̄i saniki welana.
25D̄i ade wekina ede wara rau sab̄ua dou siwe ma wa'ura sampuru d̄ua mba'a supu mboho ra'a ma ndapo angi lab̄o mai takina. 26Sara'a ntau ra warana nawa'ura mpoi d̄i ru'u colakaina aka dokte-dokte, pala wati wara ma wa'una kataho sia, supuna naha ipi tani. 27Dou siwe ede nawa'ura mboto ringana mab̄oha Ruma Isa. Edempara d̄i ade woha dou mamboto ede, sia mai d̄enina d̄i Ruma Isa takontuna, 28b̄ara kananu b̄a sia, ”Sura tudu mpoampa b̄a nahu jumba-Na, nahu pasti d̄imataho!”
29Tudu b̄a sia jumba Ruma Isa, ro wakatu ede wa'u dengga mboho ra'ana. Iu b̄a sia b̄a one sia nawa'ura taho. 30Wakatu ede wa'u iu b̄a Ruma Isa b̄a one wara tenggo ro walena ma losa rad̄i sarumbu-Na. Edempara Sia tambarina d̄i dou mamboto ede ro sod̄ina, ”Cou ma tudu jumba Nahu?”
31Nggahi ana morid̄oho-Na, ”Ita ta'eda b̄a ndaita ede pahu mboto dou ma cici angi. Ro Ita mbuipu sod̄ita, cou ma tudu jumba Ita?”
32Pala Ruma Isa ngge'empa tiona d̄i kompe ra pei-Na, d̄i ngupakaina, dou ma wa'ura tudu-Na. 33Dou siwe ede ma b̄ade au ma wa'ura ndad̄i d̄i wekina, kai b̄ib̄i ra dahuna, sia sujuna d̄itando Ruma Isa ro mangakuna samenana ede. 34Edempara nggahi Ruma Isa d̄i dou siwe ede, ”Ana-Ku, b̄ara nggomi imbimu d̄i Nahu, nggomi tahomu! Laora kai salama. Nggomi wa'ura taho poda!”
35Wakatu Ruma Isa mbuipu nuntu ra nggahina, pila-pila dou ra kakai mai rad̄i uma la Yairus. ”Ana siwe Ita nawa'ura made,” nggahi siad̄oho d̄i la Yairus. ”Ita edera kasusa Pa Guru wali.”
36Kai wati kade'ena au ranggahi b̄a dou-dou ede, nggahi Ruma Isa d̄i la Yairus, ”Aina dahu, imbimpa!” 37Edempara lampa wali Ruma Isa, pala Sia wati kauna kone sab̄ua dou rau d̄i mab̄atu-Na, selasi la Petrus ro la Yakub, ro la Yahya masa'e ro arina. 38Wakatu rongga siad̄oho aka uma la Yairus, Ruma Isa edana ka'ada'ana dou-dou mangango, ro ringana nangi ro d̄uru ra d̄ala ma na'e. 39Edempara Ruma Isa lu'una ro nggahina d̄ei doud̄oho ede, ”B̄ab̄auku ngango ra nangi menakaimu? Ana dou ede wati madena, pala sia namaruku!”
40Harikai b̄a siad̄oho Ruma Isa. Edempara kau b̄a Ruma Isa sara'a doud̄oho ede losa. Edempara wa'a b̄a Sia ama ra ina ana dou ede ro tolu dou ana mori-Na lu'u d̄i ade b̄ili ana dou ede. 41Nenti b̄a Ruma Isa rima ana dou ede, edempara nggahina d̄i ana dou ede, ”Talita kum,” aona, ”Ana siwe, Nahu manggahi d̄i nggomi: tu'u!”
42Ana dou to'i sampela ede tu'u lalona, ro lampana. (Umuna wa'ura sampuru d̄ua mba'a.) Sara'a ma ra'eda mandad̄i ede nawancuku midi adena! 43Pala Ruma Isa nakanta podaku siad̄oho ngoa lampa rawi ede d̄i cou-cou. Edempara nggahi-Na, ”Mbeipu ngaha ana dou ede.”
Currently Selected:
MARKUS 5: LAIBHP
Highlight
Share
ਕਾਪੀ।
Want to have your highlights saved across all your devices? Sign up or sign in
@LAI 2001
MARKUS 5
5
Ruma Isa katahona dou ralu'ukai b̄a roh seta
(Mat. 8:28-34, Luk. 8:26-39)
1Edempara Ruma Isa ro anamorid̄oho-Na rakara d̄i ipa b̄ae b̄a Ndano Galilea, d̄i dana ra rasa Gerasa. 2Ndede londo Ruma Isa rad̄i sampa, Sia mai raka b̄a sab̄ua dou mone ma losa d̄i ade karombo-karombo rade. 3Dou ede kuasakai b̄a roh seta ro ngge'e d̄i rade-rade. Sia wati wa'u d̄id̄iki wali; kone kai rante. 4Wa'ura ntuwu ed̄i ra rimana randante, pala ntuwura rante-rante ede b̄isa b̄a sia, ro b̄esi d̄i ed̄ina fokana. Sia nawancuku tenggona b̄ara ndedena wati wara kone sab̄ua dou maloana tapa. 5Aimarai aimangad̄i sia narewo d̄i rade ro d̄idoro-doro to'i, ro kanggica salahona ro b̄oe kancuwuna sarumbuna kai wadu.
6Wakatu eda sando'o b̄a sia Ruma Isa mamai, sia rai-raina edempara sujuna d̄i tando Ruma Isa. 7Kai eli ma na'e kanggica sia, ”Isa, Ana Ruma Hatalla Mawancu D̄ese ra ntasa! D̄ikab̄une-Mu nahu ake? Kai ngara Ruma Hatalla, nahu ma raho, ai to'ina kancokimu nahu!” (8Dou ede nggahi ndedekaina b̄ara Ruma Isa nggahina d̄i sia, ”Roh seta, losara rad̄i dou ake!”)
9Edempara Ruma Isa sod̄ina sia, ”Couku ngaramu?”
Cambe b̄a dou ede, ”Ngara nahu ’Legiun’ – b̄ara nami ake nawancuku mboto poda wekimu!” 10Ntuwu poda sia rahona loakud̄u Ruma Isa aina kau roh-roh seta ede losa rad̄i dana ra rasa ede.
11D̄eni lab̄o hid̄i ede wara mboto poda wawi ma wunga ngupa ngaha d̄i kengge doro to'i. 12Roh-roh seta ede rahona d̄i Ruma Isa, ”Takau to'ipu nami lu'u d̄i wawi-wawi ede.” 13Ro Ruma Isa satujuna. Ndad̄i roh-roh seta ede losana rad̄i dou ede, edempara lu'una d̄i ade wawi-wawi ede. Sara'a wawi sarewo ede rai ro nggoncuna rad̄i kengge rengge lu'u ade ndano, edempara mimina – sara'ana wara kira-kira d̄ua riwu mbua wawi.
14Dou-dou matonggu wawi ede raina, ro kambouna haba ede aka kota ro aka rasa d̄i kompe ra peina. Edempara losa mena dou b̄a ne'ena eda au ma wa'ura ndad̄i. 15Mai siad̄oho d̄i Ruma Isa, edempara edana dou ma ralu'ukai b̄a roh seta ede, wunga dohona ta ede. Sia nawa'ura kanina kani ra lombo, ro nawa'ura taho fiki ra kanuna. Ndad̄i siad̄oho dahu sara'a. 16Dou-dou ma wa'ura eda b̄a ndaina mandad̄i mab̄oha dou ede ro wawi-wawi ede ngoana au ma wa'ura ndad̄i. 17Edempara dou-dou d̄i dana ra rasa ede rahona d̄i Ruma Isa loakud̄u Ruma Isa tu'u wi'ina dana ra rasa ede.
18Wakatu Ruma Isa ne'ena d̄i ade sampa, dou ma rakuasakai b̄a roh seta ede rahona d̄i Ruma Isa, loakud̄u b̄atuna Ruma Isa.
19Pala wati kau b̄a Ruma Isa, nggahi-Na, ”Dulara ro ngoapu d̄i iwa ra wekimu au rawa'u karawi b̄a Ruma d̄i ru'umu ro ede pahu tahona Ruma d̄i weki nggomi!”
20Dou ede lao laona, ro tampu'u nuntu ra nggahina d̄i dana ra rasa Sampuru Kota au rawa'u karawi b̄a Ruma Isa d̄i weki sia. Sara'a dou mbora akana ringa.
Ana la Yairus – Dou siwe ma tudu jumba Ruma Isa
(Mat. 9:18-26, Luk. 8:40-56)
21Ruma Isa lao mbali walina ipa b̄ae b̄a ndano. D̄ikengge ndano ede, mboto dou mamai kanggudu d̄i kompe ra pei Ruma Isa. 22Maira sab̄ua dou ma ngara la Yairus. Sia eded̄u sab̄ua dou mana'ekai uma sambea d̄i kota ede. Wakatu eda b̄a sia Ruma Isa, suju sia d̄i tando Ruma Isa, 23ro naraho podaku, ”Pa, ana siwe mada nasupu na'eku. Takaneo to'i weki mai d̄imad̄amana, loakud̄u tahona sia ro ai to'ina madena!”
24Edempara Ruma Isa lao samana lab̄o la Yairus. Mboto dou mab̄atu Sia ro naciciku Sia d̄i saniki welana.
25D̄i ade wekina ede wara rau sab̄ua dou siwe ma wa'ura sampuru d̄ua mba'a supu mboho ra'a ma ndapo angi lab̄o mai takina. 26Sara'a ntau ra warana nawa'ura mpoi d̄i ru'u colakaina aka dokte-dokte, pala wati wara ma wa'una kataho sia, supuna naha ipi tani. 27Dou siwe ede nawa'ura mboto ringana mab̄oha Ruma Isa. Edempara d̄i ade woha dou mamboto ede, sia mai d̄enina d̄i Ruma Isa takontuna, 28b̄ara kananu b̄a sia, ”Sura tudu mpoampa b̄a nahu jumba-Na, nahu pasti d̄imataho!”
29Tudu b̄a sia jumba Ruma Isa, ro wakatu ede wa'u dengga mboho ra'ana. Iu b̄a sia b̄a one sia nawa'ura taho. 30Wakatu ede wa'u iu b̄a Ruma Isa b̄a one wara tenggo ro walena ma losa rad̄i sarumbu-Na. Edempara Sia tambarina d̄i dou mamboto ede ro sod̄ina, ”Cou ma tudu jumba Nahu?”
31Nggahi ana morid̄oho-Na, ”Ita ta'eda b̄a ndaita ede pahu mboto dou ma cici angi. Ro Ita mbuipu sod̄ita, cou ma tudu jumba Ita?”
32Pala Ruma Isa ngge'empa tiona d̄i kompe ra pei-Na, d̄i ngupakaina, dou ma wa'ura tudu-Na. 33Dou siwe ede ma b̄ade au ma wa'ura ndad̄i d̄i wekina, kai b̄ib̄i ra dahuna, sia sujuna d̄itando Ruma Isa ro mangakuna samenana ede. 34Edempara nggahi Ruma Isa d̄i dou siwe ede, ”Ana-Ku, b̄ara nggomi imbimu d̄i Nahu, nggomi tahomu! Laora kai salama. Nggomi wa'ura taho poda!”
35Wakatu Ruma Isa mbuipu nuntu ra nggahina, pila-pila dou ra kakai mai rad̄i uma la Yairus. ”Ana siwe Ita nawa'ura made,” nggahi siad̄oho d̄i la Yairus. ”Ita edera kasusa Pa Guru wali.”
36Kai wati kade'ena au ranggahi b̄a dou-dou ede, nggahi Ruma Isa d̄i la Yairus, ”Aina dahu, imbimpa!” 37Edempara lampa wali Ruma Isa, pala Sia wati kauna kone sab̄ua dou rau d̄i mab̄atu-Na, selasi la Petrus ro la Yakub, ro la Yahya masa'e ro arina. 38Wakatu rongga siad̄oho aka uma la Yairus, Ruma Isa edana ka'ada'ana dou-dou mangango, ro ringana nangi ro d̄uru ra d̄ala ma na'e. 39Edempara Ruma Isa lu'una ro nggahina d̄ei doud̄oho ede, ”B̄ab̄auku ngango ra nangi menakaimu? Ana dou ede wati madena, pala sia namaruku!”
40Harikai b̄a siad̄oho Ruma Isa. Edempara kau b̄a Ruma Isa sara'a doud̄oho ede losa. Edempara wa'a b̄a Sia ama ra ina ana dou ede ro tolu dou ana mori-Na lu'u d̄i ade b̄ili ana dou ede. 41Nenti b̄a Ruma Isa rima ana dou ede, edempara nggahina d̄i ana dou ede, ”Talita kum,” aona, ”Ana siwe, Nahu manggahi d̄i nggomi: tu'u!”
42Ana dou to'i sampela ede tu'u lalona, ro lampana. (Umuna wa'ura sampuru d̄ua mba'a.) Sara'a ma ra'eda mandad̄i ede nawancuku midi adena! 43Pala Ruma Isa nakanta podaku siad̄oho ngoa lampa rawi ede d̄i cou-cou. Edempara nggahi-Na, ”Mbeipu ngaha ana dou ede.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@LAI 2001