قصة النبي موسى - الخروج 15
15
نشيد النبي موسى عليه السلام لمّا شق البحر
1بعد ما بقدرة ربنا شقّ النبي موسى (عليه السلام) البحر،
ومع بني يعقوب عالضفّة التانية عَبَر،
ورجعِت المي غمرِت فرعون وجنودُه المصريين
2-21فأوحى الله سبحانُه لمريم أخت النبي موسى وهارون (عليهم السلام) وخصّها بهالنبوّة إنّه تنشد لربّ العالمين،
وهيك أخدِت بإيدا الدفّ وطلعوا وراها كلّ السيّدات بالدفّ والرقص وأنشد النبي موسى وهارون مع كلّ الموجودين.
وقالوا: "أُنشِدُ لله تعالى العليّ العظيم صاحب الأمر،
يلّي رمى الخيل وراكبينُه بقلب البحر.
هوّ قوّتي وسبب نشيدي،
وصار نجاتي، بسبحُه ربّي ومعبودي،
ربّ آبائي، أنا رح كرّمُه.
القهّار الجبّار، الدّايِم إسمُه.
رمى مركبات فرعون بالبحر الأحمر،
وغرقوا أفضل ضبّاطُه، وجيشُه اتدمَّر واندثَر.
غطّتُن الميّ ونزلوا عالأعماق متل الحجر.
قدرتَك يا ربّ قوّة عظيمة، الأعداء بتحطِّم.
قدرتَك يا ربّ، بعظمة جلالك يلّي بقاوموك بتهدِّم.
وبتحلّ عليهُن غضبَك فبروِّحُن متل ما النّار القشّ أكلِت.
بنفخة منَّك الميّ انشقِّت
وبنصّ البحر عالجنبين وقفِت.
قال العدو: "رح إلحقُهُن وإمسكهُن،
وباخُد الّي باخْدُه منهُن
وبعمُل وبساوي فيهُن
وبعدين بقتِّلُن وبفنيهُن.
لكنّ بنفخة منَّك سخّرت الريح عالبحر يغطّيهُن،
غرقوا متل الرصاص بكعب البحر،
سبحانَك يا صاحب الأمر.
مين متلَك يا دايِم يا واحَد أحد، لا شريك لَهُ؟
مين متلَك يا صانِع المعجِزات، اللهمّ تعالى، لا إله إلا هُوْ؟
استعملت قدرتَك عالعدو يا ربّ قامت الأرض بلعِتُه.
يا وافي لعهدَك هديت قومَك يلّي نجَّيتُه،
وبقوتَك بعتّن عمكان يرتاحوا فيه، بجلالَتَك اخترتُه.
بعظِمتَك سِمْعِت الشعوب، قامِت رجفِت،
وسكّان ساحِل كنعان خافِت وارتعبِت.
رؤسا بترا فزعِت وأُمرا جبل نيبو،
وكلّ واحَد من أهل كنعان من الرعبة وقِف قلبُه.
ماتوا من الرعبة بقوّة قدرتَك، وصَمَتوا متل الحجار،
لحدّ ما عبر قومَك يا ربّ، يلّي بقدرتَك صاروا أحرار.
حتّى تجيبُن وتسكّنهن يا ربّ، بالجبل يلّي اخترتُه،
بالمكان يلّي تجلّيت فيه يا دايِم، بحرَمَك يلّي أسّستُه.
اللّهمّ، يا مالِك الملك، إلى أبد الآبدين،
يا ربّ العالمين".
وهيك بهالنشيد الكلّ سبّح الله الهادي الحليم،
تعالى، العليّ العظيم.
عدم إيمان بني يعقوب لمّا عطشوا
22بعد ما عبر بني يعقوب البحر الأحمر بقيادة النبي موسى (عليه السلام)،
مشيوا ببريّة شور شي تلات تيّام،
وما لقوا فيها ميّ. 23وبس وصلوا عواحة "مُرّة" ما قدروا يشربوا من ميِّتها،
لأنّها مُرّة، ولهيك سمّوا المكان عإسم الميّ ومراراتها.
24فاشتكى الشعب لموسى وسألوه: "شو منشرب؟"
25وقام دعا النبي موسى لالله تعالى وترجّاه لبعد إسمُه هالربّ!
وقام كشفلُه سبحانُه عن شجرة، وبس رمى غُصن من الأغصان
بالميّ صارت حلوة بقدرة الرحمن.
وبهالمكان، شرّع الله لبني يعقوب فرايض يتبعوها، وفحَص طاعتهُن كمان.
26وقلُّن تعالى: "إذا كنتو من الطايعين.
وعالصراط المستقيم ماشيين،
ولفرايضي حافظين،
فمش رح عاقِبكُن بالأوبئة وخلّيكُن تمرضوا متل فرعون والمصريين،
فإنّي أنا الله الشافي المُعين."
27وهيك ترك بني يعقوب واحة مُرّة وراحوا عواحة إيليم مِرتِحلين.
ولقوا فيها تنعشر عين ميّ ومن شجر النخيل سبعين.
وهونيك نصبوا خِيَمهُن حدّ عيون الميّ برعاية ربّ العالمين.
Currently Selected:
قصة النبي موسى - الخروج 15: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media
قصة النبي موسى - الخروج 15
15
نشيد النبي موسى عليه السلام لمّا شق البحر
1بعد ما بقدرة ربنا شقّ النبي موسى (عليه السلام) البحر،
ومع بني يعقوب عالضفّة التانية عَبَر،
ورجعِت المي غمرِت فرعون وجنودُه المصريين
2-21فأوحى الله سبحانُه لمريم أخت النبي موسى وهارون (عليهم السلام) وخصّها بهالنبوّة إنّه تنشد لربّ العالمين،
وهيك أخدِت بإيدا الدفّ وطلعوا وراها كلّ السيّدات بالدفّ والرقص وأنشد النبي موسى وهارون مع كلّ الموجودين.
وقالوا: "أُنشِدُ لله تعالى العليّ العظيم صاحب الأمر،
يلّي رمى الخيل وراكبينُه بقلب البحر.
هوّ قوّتي وسبب نشيدي،
وصار نجاتي، بسبحُه ربّي ومعبودي،
ربّ آبائي، أنا رح كرّمُه.
القهّار الجبّار، الدّايِم إسمُه.
رمى مركبات فرعون بالبحر الأحمر،
وغرقوا أفضل ضبّاطُه، وجيشُه اتدمَّر واندثَر.
غطّتُن الميّ ونزلوا عالأعماق متل الحجر.
قدرتَك يا ربّ قوّة عظيمة، الأعداء بتحطِّم.
قدرتَك يا ربّ، بعظمة جلالك يلّي بقاوموك بتهدِّم.
وبتحلّ عليهُن غضبَك فبروِّحُن متل ما النّار القشّ أكلِت.
بنفخة منَّك الميّ انشقِّت
وبنصّ البحر عالجنبين وقفِت.
قال العدو: "رح إلحقُهُن وإمسكهُن،
وباخُد الّي باخْدُه منهُن
وبعمُل وبساوي فيهُن
وبعدين بقتِّلُن وبفنيهُن.
لكنّ بنفخة منَّك سخّرت الريح عالبحر يغطّيهُن،
غرقوا متل الرصاص بكعب البحر،
سبحانَك يا صاحب الأمر.
مين متلَك يا دايِم يا واحَد أحد، لا شريك لَهُ؟
مين متلَك يا صانِع المعجِزات، اللهمّ تعالى، لا إله إلا هُوْ؟
استعملت قدرتَك عالعدو يا ربّ قامت الأرض بلعِتُه.
يا وافي لعهدَك هديت قومَك يلّي نجَّيتُه،
وبقوتَك بعتّن عمكان يرتاحوا فيه، بجلالَتَك اخترتُه.
بعظِمتَك سِمْعِت الشعوب، قامِت رجفِت،
وسكّان ساحِل كنعان خافِت وارتعبِت.
رؤسا بترا فزعِت وأُمرا جبل نيبو،
وكلّ واحَد من أهل كنعان من الرعبة وقِف قلبُه.
ماتوا من الرعبة بقوّة قدرتَك، وصَمَتوا متل الحجار،
لحدّ ما عبر قومَك يا ربّ، يلّي بقدرتَك صاروا أحرار.
حتّى تجيبُن وتسكّنهن يا ربّ، بالجبل يلّي اخترتُه،
بالمكان يلّي تجلّيت فيه يا دايِم، بحرَمَك يلّي أسّستُه.
اللّهمّ، يا مالِك الملك، إلى أبد الآبدين،
يا ربّ العالمين".
وهيك بهالنشيد الكلّ سبّح الله الهادي الحليم،
تعالى، العليّ العظيم.
عدم إيمان بني يعقوب لمّا عطشوا
22بعد ما عبر بني يعقوب البحر الأحمر بقيادة النبي موسى (عليه السلام)،
مشيوا ببريّة شور شي تلات تيّام،
وما لقوا فيها ميّ. 23وبس وصلوا عواحة "مُرّة" ما قدروا يشربوا من ميِّتها،
لأنّها مُرّة، ولهيك سمّوا المكان عإسم الميّ ومراراتها.
24فاشتكى الشعب لموسى وسألوه: "شو منشرب؟"
25وقام دعا النبي موسى لالله تعالى وترجّاه لبعد إسمُه هالربّ!
وقام كشفلُه سبحانُه عن شجرة، وبس رمى غُصن من الأغصان
بالميّ صارت حلوة بقدرة الرحمن.
وبهالمكان، شرّع الله لبني يعقوب فرايض يتبعوها، وفحَص طاعتهُن كمان.
26وقلُّن تعالى: "إذا كنتو من الطايعين.
وعالصراط المستقيم ماشيين،
ولفرايضي حافظين،
فمش رح عاقِبكُن بالأوبئة وخلّيكُن تمرضوا متل فرعون والمصريين،
فإنّي أنا الله الشافي المُعين."
27وهيك ترك بني يعقوب واحة مُرّة وراحوا عواحة إيليم مِرتِحلين.
ولقوا فيها تنعشر عين ميّ ومن شجر النخيل سبعين.
وهونيك نصبوا خِيَمهُن حدّ عيون الميّ برعاية ربّ العالمين.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media